قصص و روايات - قصص رومانسية :

رواية صبرا يا قلبي الجزء الأول للكاتبة روز الفياض الفصل الثالث والأربعون

رواية صبرا يا قلبي الجزء الأول للكاتبة روز الفياض الفصل الثالث والأربعون

رواية صبرا يا قلبي الجزء الأول للكاتبة روز الفياض الفصل الثالث والأربعون

ذهب: منو هي؟ شنو اسمها؟
اسراء: اسمها شيماء بس عفيه لاتكولين اني كتلج واصلا همه يعرفوها كلهم جانت مرت رائد..
ظليت ساكته كلت شنو هالحنيه معقوله ضميرها صحى فجأة وقررت متريد بيتي ينهجم..
ذهب: وشتريد من عدنه؟ وشذكرها بينه؟ مو من زماان رائد متوفي الله يرحمه؟
اسراء: اي مو سمعت بي اتزوج غارت وانقهرت وهي جانت تعرف اخباره مني اني حشاج ثوله جنت احجيلها على نيتي ماعبالي هي هيج نيتها سوده.

اجت عمه حميده اتعجبت من شافتها وظلت تباوعلي.
ظلت تحجي هي وعمه حميده اني اخذت رائد وفضل يم البنات ورحت وصبيتلها جاي وكيك وخليتهم كدامها.
اسراء: طيب الكيك انت مسويته؟
ذهب: اي..
اسراء: هاا خوش وديلي الطريقه على رقمي خل اسويها لمهند رجلي.
ذهب: صار.
ظلت كاعده فتره وبعدين راحت حتى ملبست العبايه هي جانت تلبس.
ظليت مصدومه شفت العجب من اتزوجت لحد الان من تصرفاتها هي وامها وخواتها.

حجيت لعمه حميده الحجي اللي كالته.
عمه حميده: اكص ايدي اذا مطلعت متفقه وياها وهي كايلتها سوي هيج.
ذهب: وليش تجي تفضحها اذا متفقه وياها؟
عمه حميده: لان هاي غبيه اكيد تريدج تعرفين حتى تصير مشكله بينكم بدون متفكر راح تفضح نفسها..
ذهب: والله عقلي راح يوكف من وراها معقوله لهدرجه يعني؟
عمه حميده: هو شصار بموضوعها هالكلبه شويمه.

ذهب: ماادري يمه ماادري كلبي خلص من هالسالفه واخاف اسأل ماجد يسويلي قصه ومااعرف شسوي.
عمه حميده: كل شي متسوين احنه نسوي انت عليج بماجد وجهالج احنه منريدة يتدخل ويتصرف حتى لايدورون الموضوع عليه ويكولون هو يتحرش بيها ويركض وراها وتصير جبيره عشاير وفصول الله لايكولها.

اتنهدت كلبي ظل يوجعني كتلها: اكو شي اريد اكولج عليه حتى تكونين بالصوره بس يمه الله عليج مااريد ماجد يعرف انت تعرفين لو شنو يصير بس راح اموت ماادري المن احجي.
عمه حميده: شبيج شصايرلج كولي مااحجيله اكيد.
حجيتلها اللي صار على موضوع الصور اللي تدزهم لماجد والمسجات.

عمه حميده: لا ياسا، استغفرالله ربي هاي شنو؟ وين وصلت؟ الله يرحمك يارائد يايمه ويسامحك وين لكيتها وبليتنه بيها طايحت الحظ الحمدلله مابقت شايله اسمه جان انفضحنه من وراها.
ا كلتلي: اخاف علمودها شربتي الحبايه ذاك اليوم ووجهج جان مضروب؟
ذهب: يمه الحبايه شدخلها؟ وجنت اريد انام حتى ماافكر بيها ولابالصور ولا انقهر علموده وعلمودها.

عمه حميده: يااا ولج اذبحج اذا عدتيها مره ثانيه تردين تنامين تجين يمي اقره عليج وتنامين موتينه بليلتها منمنه من الخوف واجه يموت هو كال شربت الطبقه كلها وميقبل يكول ليش..
ذهب: هو يحلف يكول ماعندي شي وياها ومحاجي وياها صار اشهر وميرد على مسجاتها وتليفوناتها لهذا السبب تدز الصور تريد يعني تغريه..
عمه حميده: اممم اي حقيره ماعدها شرف لو عدها شرف متسوي هيج. وانت شتشوفين؟

ذهب: ششوف هو حلف برائد وفضل ماعنده شي وياها.
عمه حميده: مادام حلف معناها صادق هو ميجذب تره بدون حلفان مو بعد يحلف بالحلوين اسم الله عليهم.
باقي النهار ظليت محتاره احجي لماجد عن جيت اسراء لو لا بعدين كلت لا مااحجي خلي عمه حميده هي تحجيله بس حجيت ويه فطوم من زماان ماحاجيه وياها حجيتلها اللي صار حتى قصة الفستان وشلون اتصالحنه وجيت اسراء والحجي اللي كالته وردت اخذ رأيها شلون اتصرف..

فاطمه: الله ذهوبه اتمنى محمد يطلع مثل ماجد هيج رومانسي عنيف كل مره يضربني حتى يرجع يصالحني هيج تره والله رجلج تنحسدين عليه مااكو اطيب منه ويحبج يموت عليج ومتحمل خبالج..
ذهب: اوكفي، اوكفي، عوفي ماجد على جهه منو محمد؟
فاطمه: ياا مو كتلج جنت مشغوله واخيرا راح انخطب باركيلي.
حجتلي فطوم عن خطيبها مو غريب ابن عمتها والخطوبه والمهر عالجمعه الجايه ان شاءالله فرحتلها حيل وكتلها اجي ان شاءالله.

ثاني يوم بقينة اني وعمه حميدة نتناقش بموضوع اسراء وشيماء.
عمه حميده: والله ماادري يايمه نحجي لو نسكت بس اذا سكتنه خاف تكبر السالفه ويتمادن هالميستحن اني اكول احجيله انت او تردين اني احجيه حتى يكون بالصوره حتى خاف يصير شي هو عنده خبر منصير بالملامه.
ذهب: اني مااكدر احجيله اخاف يطلع قهره بيه لو يزعل انت احجيله.
عمه حميده: ان شاءالله بالليل من يرجع مااريد اضوجه هسه خاف يروح للمعرض ووراه طريق.

ذهب: اووف كلبي مقبوض.
عمه حميده: استهدي بالرحمن ماكو شي ان شاءالله.
بالليل اتعشينه وكعدوا يشربون جاي اني ساكته منتظره عمه حميده تحجي حتى اكوم مااريد يطلع عصبيته علي.
بدت عمه حميده تحجيله هو اتفاجأ بس كلتله اسراء اجت البارحه.
حجتله كل الحجي حتى عالالعاب الجابتهم للاولاد كلتله.
ماجد: وينها الالعاب؟
ذهب: بالغرفه.
ماجد: مالعبوا بيها مو؟
ذهب: لا اصلا مو مال عمرهم.
ماجد: روحي جيبيهم.

رحت جبتهم ركض راسأ اخذهم من ايدي وذبهم بالزباله.
ماجد: متاخذين منها ولامن اي احد من طرفها اي شي متاخذين.
صعدنه انام بس طبعا جذب منكدر انام ظل طول الليل يحوس ياصاعد يانازل بعدين كعد يمي عالجربايه.
ماجد: ليش محجيتي من البارحه؟ مو كتلج شبيج ضايجه ولحيت عليج؟
ذهب: مردت اضوجك يعني ادري راح يصير هيج وتعصب ومراح تنام.
ماجد: والحل؟

ذهب: حبيبي خلص انسى هسه احنه شمدرينه بنواياهم يجوز فعلا هي متعرف وجانت تحجيلها على نيتها؟
ماجد: انت غبيه لو تستغبين؟
ذهب: انعم الله عليك. فوكما اهون عليك عود مااريدك تفكر.
انقهرت منه خليت ولفيت راسي ونمت وهو هم نام.
الصبح كعدت نزلت قبله جهزت الريوك وصعدت جهزت الحمام سبحت الاولاد مادام هو نزل يتريك وبعدين طلع.
بعدين دزلي مسج عالواتساب: (شلونهم حبايب كلبي)..
صورتله الاولاد ودزيتله صورتهم.

رد: (بس ناقصين واحد ليش؟ ).
مجاوبت. نزلت يم عمه حميده نظفت غرفتها وفرشتلها فرش جديد ورتبتها وبخرتها فرحت خطيه بعدين سألتني: شكال ماجد بالليل؟
حجيتلها اللي صار.

عمه حميده: ميخالف يمه اتحمليه شويه هو حقه صارت عنده خوفه ميدري شيسوي احتار وتعب وانشلع كلبه لان المصيبه نسوان اقل تصرف منه يطلع هو الغلطان انت طيبه وكلبج نظيف ونيتج صافيه ويه الناس بعدج متعريفهم الله يستجاب دعائج من تدعين ادعي عليهن الله يكشفهن ويكشف كيدهن ان شاءالله.
نمت يم الاولاد بغرفة عمه حميده سمعت صوته اجه وسلم ظليت نايمه فعلا نعسانه مااشبع نوم بالليل..

عالغدا كعدتني عمه حميده استحيت اكلها لا رغم نعسانه وتعبانه ومالي خلك بس كمت غسلت وكعدت نزل هو سلم وكعد اتغدينه وشربوا جاي رحت اني اغير للاولاد وارضعهم اجت عمه حميده يمي كلتلي: كومي كعدي يم رجلج ماله داعي الزعل.
غلست.

عمه حميده: ولج صيري لوتيه وشاطره الرجال ميحب المره الزعول انت من كتيله انعم الله عليك خلص هو عرف نفسه غلطان وهسه يحوس شلون يحجي وياج اتعلمي لاتخلين الزعل يطول الصبح زعلي بس قايمه بكل واجباته وبالليل جوه عباته. افتهمتي؟
ضحكت على جوه عباته..

عمه حميده: والله شبيج اني امج هم مره اني و المرحوم اتعاركنه وصيح عليه وغلط عليه كدام اهله واني مجنت غلطانه بس سكتت وكلت بالليل احاسبه بالليل رحت لبست واتكحلت وقبل ماكو حمره وهالسوالف جان ديرم اتديرمت وسويت حلكي احمررر واتعطرت واتمددت بصفه عالفراش احتار شيسوي حتى بس احجي وياه ظل ياصاعد للسطح يانازل اخر شي اجه باس راسي بس كتله مثلما فشلتني كدام اهلك تراضيني كدامهم يالله.

ثاني يوم راح كعد يم اهله وصاحلي اريد جاي كمت سويتله جاي وجبته وكعدت يمه كلي انت ماكو مثلج مره لو شما اسوي مااجازيج على دلالج كتله وحجيك امس كال لا من لسين الموت وفوك..
ذهب: ههههه طلعتي مو هينه يمه.
عمه حميده: اي طبعا لعد شعبالج ليش اكلج اخذي نصيحتي من انصحج اني اريد مصلحتج.
ذهب: زين شنو يعني من لسين الموت وفوك؟
عمه حميده: يعني مو من كلبي بس حجي لسان. لسان الموت هذا الموجود ابداية البلعوم..

يالله دروحي كعدي يمه سوي نفسج تباوعين عالتلفزيون.
ذهب: لااريد اصعدهم انومهم.
عمه حميده: اخذي رائد بس فضولي حبيب كلبي خلي يمي اني انومه..
كمت اخذت رائد انومه بس ميقبل ينام شبعان نوم خليته يمي عالجربايه يلعب وشغلت التلفزيون شفت فلم بي هذا الممثل الاجنبي اللي يشبه ماجد بقيت اتفرج واحاجي رائد.
ذهب: شوف شوف هذا منو هذا بابا طالع بالتلفزيون.
دخل ماجد سكتت باوع عالتلفزيون.

ماجد: والله النسوان امرهن عجيب يعني يمهن الاصل ويباوعن عالتقليد. شوف باباتي حتى باجر من تكبر متتورط وتتزوج تره ميبقن براسك عقل.
غلست اني ماحاجيته كلت خل اسوي مثل ما عمه حميده كالت..

كلت خل اتجرأ طلعت فستان مال بيت ضيق حيل وجوه الركبه لونه ازرق جويتي وحفرة الصدر مالته جبيره ووياه مثل الرقبه تنلف بحدها نزعت كدامه كوه لان استحي ولبست الفستان بعدين كعدت عالطابوريه مشطت شعري ورفعته وكصيت كذله طويله شويه وجانبيه وخليت خط كحل ازرك وحمره وردي و لبست سلسلتي القديمه المكتوب بيها اسمي..
هو يباوعلي اني مغلسه اخذت تليفوني على اساس اريد انزل كتله: دير بالك عالولد نازله شويه وراجعه.

ماجد: وين نازله؟
ذهب: لامي حميدة دقيقه وراجعه بس تصورني.
ماجد: وليش تصورج شعندج؟
ذهب: ماكو فطوم والبنات يردون يشوفوني مشتاقيلي كتلهم اصور وادزلكم صوره.
ماجد: تعاي. تعاي هنا شنو تصورين وتدزين صورج؟ ماكو هيج حجي..
وين كاعدين؟
ذهب: ليش شكو بيها؟ قابل مصوره بدون ملابس؟
ماجد: وهاي يسموها ملابس لازكه على جسمج ومفصله جسمج وتليفون ماكو بعد مادام صار بيها صور.
ذهب: يعني شجاوبهم؟ عيب كتلهم ادزلكم صوره شكللهم هسه؟

ماجد: لا والله؟ كليلهم ماجد ميقبل صدك ناقصات عقل ودين.
ذهب: ماجد تره دتحرجني ماله داعي هالتصرفات.
ماجد: خلص مااعيد كلامي بعد صور ماكو. شنو فاتحها اني سبيل اوزع صور مرتي حتى يشوفوها؟ وجماله صدرها كله طالع ولابسه اسمها بعد حتى اذا طاحت الصوره بيد غريب الاسم موجود كتبي العنوان فد مره..
سكتت ادري بي عصب واخاف تصير الامور عكسيه يبووي شكلي ماراح ادبرها هالسالفه. اني وين وسوالف اللواته والحركات وين.

ماجد: وهذا الاسم بعد مينلبس زين؟
ذهب: كله ممنوع. كله ممنوع. كاعدين بسجن.
ماجد: اي كله ممنوع.
فكرت كلت خل اغير الخطه شويه بلكي شويه يتغير مزاجه كمت نزعت السلسله وخليتها بيده ونزعت الفستان وهم انطيتهيا وبقيت بالشلحه واكفه وسويت نفسي معصبه وزعلانه.
ذهب: هاك اخذهم مااريدهم بعد كل حاجه البسها لازم تعلق عليها وتنتقدها لازم تطلع مو زينه ومو حلوه.

كعدت بالكاع يم الكنتور وحطيت راسي بين رجليه ودنكت على اساس ابجي بس ماابجي لان خايفه اتفشل لو يعصب لو يحكرني وينام.
وفعلاً. محاجاني ولاعلق بقيت منتظره منه رد فعل بردت وهو ساكت ومغلس.
بعدين سمعته اتنهد هو واخذ رائد وداه بسريره ورجع.
ماجد: كومي لاتستبردين هيج بدون ملابس والكنتور بارد.
غلست ظليت مثل مااني بس صدك بردت الشلحه قصيره.
ماجد: زين كومي زعلي هنا ادفالج تره اذا اتمرضتي راح تعدين الجهال.

رحت عالجربايه وكعدت بنفس الوضعيه.
ماجد: زين لبسي اي شي.
ذهب: ماالبس خليني هيج مالك علاقه كل ملابسي مو زينه ميعجبك شي. خليني هيج.

الفصل التالي
جميع الفصول
روايات الكاتب
روايات مشابهة