رواية شهوات رجل ظالم للكاتبة زهراء أمجد الفصل الثالث والعشرون
صاحت بيبي ورايه بدلي وانزلي حتى تتغدين التفتت عليها كتلها مااريد سم اريد انام راسي ديوجعني شلت حذائي وصعدت لغرفتي إلى صارت إلى ملجا وسجن بوقت واحد صارت المكان الوحيد إلى اشكي بي همي كابلت صوره بابا ويقيت ابجي واشكيله وضعي وحالي وادعي ربي يقويني على هالمصيبه إلى جايتني ومر اليوم طبيعي اني بقيت بلا اكل كضيتها بس بجي وماما جوه بس تعد وتصف عليا بدون سبب.
صعدت فوك ذبيت جنطتي وحذائي ونزعت شااي وتمددت عالجربايه اريد افتهم اني بحلم لو حقيقه يربي شنو هالمصايب إلى دتجي فوك راسي اني هذا اللسم اصلا مااعرفه بقيت ابجي وافكار كومه تجي على بالي.
انفتحت الباب دخل حمودي وميمي شافوني داابجي اجوني يركضون ويبسون بيا كامو يبجون بقيت احضن بيهن واشم بعطرهم واووف ياعطرهم اشكد بالدنيا هموم ادك على راسي واشكد انجرح من اقرب ناسي بس من اشوفهم واشم عطرهم احس روحي بالجنه صدك الاولاد نعمه ربي احفظهم إلى وخليهم وابعد عنهم شر بني ادم واسعدهم وخلي حظهم حلو مو مثل حظي.
ربي مروتك ياالهي بقيت ابوس بيهم واسكت والعب واشاقه وياهم اريدهم يرتاحون وميفكرون بشي خليهم كافي عليهم امهم وابوهم كل واحد بمكان صح هومه ميحجون ولا يشكون بس هومه اطفال وعدهم احساس وبحاجه اب وام على راسهم اشكد مااحاول اكون الهم اب وام بس ادري بيهم بداخلهم نقص جبير بس هومه ميحجون باقين ضامين بداخلهم ضحكتهم ولهتيهم بالموبايلات مالتهم وكمت بدلت ونزلت غسلت وجهي واتجددت حتى اصلي صعدت صليت وخلصت واتصلت بالمحامي مالتي.
رفيف: الو مرحبا عمو
المحامي: اهلا عمي رفيف اشلونج
رفيف: الحمد لله بخير انت اشلونك عمو
المحامي: الحمد لله
رفيف: عمو عندي استفسار اذا ماكو زحمه اجاني اليوم بلاغ قاطعني
المحامي: بلاغ شنو؟
ماادري بس مكتوب لازم احضر عكب باجر للمحكمه القديمه والاسم مااعرفه اسمه فلان.
المحامي: ها اي عرفته هاي هيج مجرد طالبيج شاهد لان اكو شغله بينه وبين جاسم وانتي جنتي زوجه فشاهده.
رفيف: عمو يعني اني انفصلت عنه ماخلصت واني شنو بي وليش خليتهم يخلون اسمي تالي عمري اكابل المحاكم والشرطه اني لااروح ولااشهد اني شنو بجاسم مو كافي إلى حصلته من وراه مااروح اني وحتى البلاغ حشككه واذبه
المحامي: لالا عمو ميصير لازم تجين ماطول وصلج بلاغ تره بعدين توكع براسج وهي شغله ربع ساعه وترجعين واني وياج مااعوفج
رفيف: الله كريم ماشي باي عمو وسديته.
اووف ياربي اطلكت منه وماخلصت من طلايبه هسه اني إلى خلك اروح واني شنو واشهد بس ياجاسم اذا ماشهدت ضدك وطيحت حظك بسيطه اذا ماطلعت رزاله ماما من خشمك فلا اتسمى رفيف
وخلص اليوم واني محبوسه بغرفتي وحتى مااكلت ورحت ثاني يوم للدوام ومناك دزيت على لفات لان جنت ميته جوع واخذ ويايه لفات للغده إلى وللجهال كملت دوامي ورجعت معليا باحد دخلت سلمت وصعدت لغرفتي بدلت ونزلت غسلت واتجددت واخذت جهالي وصعدت.
الحجيه: يمه فوفه متردين اكل دنزلي يابعد امج
رفيف: لا يمه مااريد اكلت بالدوام خليني بغرفتي مااريد شي يسم بدني اروح اصلي وانام احسن تعلمت وحدي مو جديده السالفه
الحجيه: عساه بالموت لجاسم واشوفه مقطع وصل وصل مثل مااذاج هو وامه الحيه المسلوله المسمومه ام السحوره.
ام رفيف: يمه ليش تدعين عليه مدكولين عنده جهال خطيه يتيتمون منو الهم وراه هسه حتى وهو ماكو هم تحجون عليه وانتي ولي انطمري بغرفتج وخلي يفيدج الحب الجديد بس اني اعلمج.
الحجيه: انجبي ام رفيف تره اجي احركج انتي وهذاك العار وج بس كوليله شنو مرضعتج ولج هاي بتج ولج تفزعين للغريب الله اكبر على راسج ولج كافي مو ذبحتيها للطفله وج متخافين الله هو وين مفكر بجاله لو بحالهم روحي يمه روحي اصعدي احسن الج هاي امج تخبلت تالي عمرها
رفيف: صاعده يوم بس تره هي من اساسها هيج ليش تطلع اغلاطنه براس غيرنه
رحاب: انجبي لااجيج.
رفيف: بلكت الله والنبي اهج واكسر عينج ويه الحب الجديد احجي واصعد عالسريع وداخلي ارجف بس اهم شي بديت اشويه الاسن اول مره كمت ارادد ماما حسيت بداخلي حققت شي.
(يجوز بعض البنات إلى ديتابعن مثل ملاك تحمد مدري محمد هسه ادكول عقوق الوالدين وتبدي تنطي نصائح بس إلى مريت بي لو هي ماره بنص جان سوت الاكثر وتعمدت ادخل اسمها بالقصه لان كل مره احاجي الكتابه انو تحاجيها ميصير تتهجم عالمقابل بس جوابها عوفيها هالمره اني جاوبتها كدام الكل. رساله رفيف لبعض المتابعات إلى ديلوموها فوك ضيمها ويحجون عليها. ).
صعدت لغرفتي صليت وكعدنه نتغده اني وياهم وكملنه نزلت غسلت اني وياهم ورجعنه للغرفه تمددت والتفكير بباجر شاغل بالي مدري اروح مدري مااروح وبعد مااخذ التفكير عن وقتي وصار الليل.
واني نفس الشي افكر بي قررت اروح واشوف الشغله شنو نمت اني والجهال وصار الصبح كعدت غسلت وبدلت وتريكت بس جاي لان ورايه محكمه وخاف اتاخر وراسي يوجعني بوست جهالي وهومه نايمين وطلعت بتكسي كبل للمحكمه اتصلت بالطريق للمحامي كال اني هم جاي ودلاني وين انتظره بالضبط
وصلت للمحكمه وبداخلي خوف وقلق بس بقيت اتظاهر بالقوه دخلت انتظر المحامي جوه اشويه واجاني اخذ الهويه مالتي ودخلني لغرفه بيها محققين 3.
المحامي: السلام عليكم استاذ
المحقق: وعليكم السلام اهلا ها جبت المتهمه
رفيف: اني واكفه صفنت وجسمي جام يرجف شنو متهمه اني شمسويه جاوبته بسرعه استاذ شنو متهمه اني شمسويه شنو الموضوع عمو انت مو كتلي طالبيج شاهد احجي اشبيك
المحقق: ليش انتي محد فهمج السالفه شنو
المحامي: لا مافهمتها بس كتله تعالي شاهد
رفيف: استاذ بس فهمني شكو اني شمسويه بس فهموني نزلت دموعي بسرعه.
المحقق: دكعدي هذا كسري ومسحي دموعج وهسه افهمج الموضوع كله التفتت للمحامي انت غير تنطيها. خبر ميصير هيج تجيبها بدون علم اسمعيني بابا انتي تعرفين فلان
لااستاذ مااعرفه ولاسامعه باسمه
يعني انتي مادازتله تهديد او مسج او اي شي
استاذ اني اهدد شخص مااعرفه ليش اهدده وبيا مسج اني مهدده جيبو الولد كدامي وثاني شي اني هذا خطي والكل تعرفه وباسمي اخذو وشوفو اذا اني مهددته بي
المحقق: انتي كم خط عندج.
استاذ: قبل لاانفصل جان عندي غير هذا الرقم ورقمي 0781، بس بعدين جاسم إلى هو جان زوجي حركه للخط ورحت اشتريت هذا وصارله شهور عندي وغير هذا ماعندي وروح اسال اهلي ودوامي
المحقق: يعني الرقم 0780، هذا مو رقمج ولا تعرفي؟
رفيف: هذا رقم جاسم القديم وجنه توأم اني وياه لان ميصرف رصيد بس هو حرك خطي لان باسمه
المحقق: ماشي بابا اتفضلي هسه الاوراق حتروح للقاضي ويكملهن وترجعين للبيت.
المحامي: استاذ تره رفيف ماعدها غير هذا الرقم ومن عرفتها هي ماعدها غيره وحتى اول مااستلمت القضيه مالتها سالتها من خابرتني من خطها الاسيا كتلها ماعندج خط اثير لان اني عندي خدمه كالت ماعندي غير بس هذا الخط واني اعرفها بالدوام هم ماعدها. غير خط واحد
المحقق: بسيطه كلشي واله حل.
رفيف: طلعت بره غرفه المحقق كعدت عالمصطبه البره نزلت راسي وبقيت افكر منين تجيني المصايب ياربي بقيت كاعده انتظر حسبي الله ونعم الوكيل عليك ياجاسم اشوكت الله يخلصني منك تعبت والله
بقيت كاعده لحد ماصاحو اسمي كمت بخطوات متثاقله وخايفه حيل بس اتظاهر بالقوه توكلت على رب العباد ووصلت للباب دكيت الباب ودخلت لكيت قضاه 2 متوسطين بالعمر بعدهم بعمر الاربعينات سلمت عليهم بصوت ناصي وجسمي كله يرجف.
القاضي: وعليكم السلام اختي لتخافين اشبيج الدمعه بعينج وتبجين اكعدي واخذي نفس وارتاحي حتى نسولف تره ماكو اطمني
رفيف: ماشي استاذ شكرا كعدت عالتخم إلى موجود بالغرفه ومسحت دموعي واخذت نفس وكتله يلا استاذ ارتاحيت
القاضي: تعالي احلفي على كلام الله انو كلامج إلى حتكولي كله صح.
رفيف: رحت يم الميز مالت القاضي وخليت ايدي عالقران الكريم وهومه اثنينهم وكفو اثناء الحلف وبعدها هومه كعدو واني بقيت واكفه ورجعو سالوني نفس الاسئله البره والي قوه الموقف مالتي اول شي الخط مو باسمي وثاني شي اني صارلي اكثر من سنه مو يم جاسم.
يعني خط باسمه واني مو يمه وبيناتنه محاكم مستحيل يعوفه عندي هاي شغله والشغله الثانيه المشكله بين جاسم والولد اني مااعرفها واشلون اوكف ويه جاسم ضد الولد واني وياه ومو على وفاق اعتذرو مني القضاه
وكالولي تكدرين ترفعين عليه قضيه باتهماج تهمه باطله وازعاج السلطات احنه نرفعها وياج وعلى اثرها ينسجن جاسم.
بس اني رفضت لان فكرت باطفالي مهما يكن هو ابوهم ومحلوه بحقهم وكدام العالم امهم سجنت ابوهم باجر عكبه وراهم زواج وخطوبه يتعيرون من المجتمع فكتلهم ربي ياخذ حقي وسلمت على القضاه وطلعت لكيت المحامي واكف بباب الغرفه
المحامي: ها عمو بشري شصار جوه اني ممنوع ادخل وياج جان دخلت بس لازم بس انتي.
رفيف: باوعته بعتب وكتله اني ربي ويايه مااحتاج لبشر وشكرا عمو ماقصرت وكفت ويه عدوي ضدي ليش ماكتلي هيج القضيه ادكولي تعالي شاهد هاي حك صداقه بابا الك ويوم العلن انتي بت الغالي ماقصرت عمو شكرا بس ربك ميضيع عبده ودوم الحق يظهر ويبين من رخصتك باي.
عفته وطلعت افور واغلي صدك مقهوره ليش ياربي هيج إلى ديصير بيا اجرت تكسي من باب المحكمه ورحت للدوام بس حيلي مهدود سالوني وحجيتلهم السالفه كلها كنكت عالشركه وخابرت لماما وحجيتلها الصار وكتلها بعد لتظلمين حضج وبختج وشفتي هذا حبيب الكلب جسومي شسوه بيا بس حسبي الله ونعم الوكيل على كل ظالم وسديته منها صحت لموظف الخدمه كتله جيبلي كلاص جاي ولفه ميته جوع وكلاص مي حباب عمو.
راح الرجال جابلي لفه من الكافتيريا إلى قريبه عالشركه وصبلي الجاي وخله كاسه مي بارد وجابهن واجه انطيته فلوس اللفه واتشكرت منه وراح واني بقيت اكل وافرفح طلعت حركتي كلها بالاكل ومشه اليوم طبيعي وقربت السفره مالتي وقبل السفره
بيوم رجعت من الدوام وشوف ماما تلكتني من الباب تصيح وتغلط ياستار شنو الموضوع بعدني ماطبيت للبيت يبووو ربي خلصني من هالبيت صرت اتمنى دوامي ليل ونهار حتى اخلص من البيت ومن مشاكله.
ام رفيف: ولج ام الولد ام الرفجان سويتها واتفقتي ويه القاضي والمحامي وحبسو جاسم من وراج ولج ليش متخافين الله بجاله ولج اتفقتي ويه الولد ضد رجلج ولج موت يكرفج واخلص منج ولج انتي كح، سرسريه عليمن طالعه فهميني عليمن
رفيف: شو هاي استلمتني حاصل فاصل اريد افتهم شكو ماادري بس إلى فهمته جاسم انحبس وعساه بالموت اني شنو بي يطبه عرج كتلها هييي اشبيج تصيحين وتفشرين ابنج المحبوس.
والله عني هنيال بخته وبخت سعوده على هيج نسابه ولج انتي شنو من ام انتي عدوه كافي بزعتي روحي كرهتني بخلك الله قاضي شاف الحق ويايه مو وياه طلع تاليها صديقي واي صديقي واشبي القاضي مااصادقه اقلها امشي شغلي براسه واحسن من جسومي ابن الفكر.
انتي ابقي بجسومي واني انوب ويه القضاه والي يحجي اخابر عليه صاحبي القاضي يحبسه ويستاهل جاسم انحبس يوم للي يحبو ويطبه مرض فوك مرض واني شنو بي تردي لجسومي روحي انتي شيلي الدعوه بمكانه واني صاعده انام بلا دوخه رجاءا
باجر عندي سفر لتعكرين مزاجي عفتها وصعدت صح مقهوره بس فرحانه بنفس الوقت اخذت حقي ووكفت بوجي ماما إلى دومي ساكته وشدكول بس انفذ لحد ماصرت كاع وكامت ادوس عليا.
هي وغيرها بس لهنا وكافي حظرت شغلاتي وشغلات جهالي وسبحتهم وسلحت اني وكملت كلشي ووعدت اهلي والي عرفته من خالتي علا جاسم محكوم المفروض سنه بس لان رمضان فتخفف الحكم ست شهور.
يعني اني اتونس بتركيا وهو يخيس بالحبوس ربي لاشماته لازم يظهر الحق وحبل الجذب كصير نمت وكعدت ثاني يوم من السته حظرت اكل للطريق وكعدت جهالي وغسلو وبدلو واني عدلتهم وغسلت وبدلت وطلعت للشركه حتى يتجمع كل الكروب ودعت ماما وامي الحجيه وزهره ماودعتها.
لان مااحجي وياها ودعت تغريد وطلعت واني مقرره بعد ماارجع بس اعبر الحدود لان تعبت من حياتي ومهما يكن الغربه احسن من اهلي وصلنه للشركه وجمعونه كلنه ورحنه للمطار وابو الشركه عنده عرف عبر جهالي ولان ويه كروب وماكتلهم منفصله كتلهم ابوهك موجود اذا تردون اتصل بي واني جنت محظره موظف ويانه وخازنه رقمه باسم ابو محمد وعبرت السالفه ووصلت تركيا وخلصت من العراق ومشاكله وقررت بعد كلشي بالعراق انسى وابدي حياتي من جديد.