رواية شمس الصعيد الجزء الأول للكاتبة ياسمين علاء الدين الفصل السابع عشر
ناصره ساعدت شمس لتقف من على الارض واعتطها كوب ماء وظلت تهدأها
شمس تبكي على نفسها: عمتو انا عايزه اسافر لماما
ناصره: يا بنتي اهدي. انتي اللي قولتيله بطل غباء. ومحدش بيقف قدام فزاع وهو هادي. تقفي قدامه وهو متعصب.
شمس بدموع: يا عمتو يوسف من عايله القناوي ولو حصله حاجه مش هيسيبو فزاع. وانا كنت خايفه عليه وبحاول افهمه. وبعدين حتى لو قولتله حاجه ضيقته يضربني كده. ده ايده تقيله اوي. انا عايزه امشي. خليني امشي يا عمتو والنبي. عاوزه ماما وبابا
ناصره: اكده يا شمس. وانا بقول عنك عاقله. هتمشي وتسيبي بيتك. وبعدين انتي مش بتعتبريني امك. ده انا بحبك.
شمس: والله يا عمتو بحبك زي ماما بس انا عايزه امشي شويه. حاسه اني مخنوقه. طيب اروح اقعد يومين عشان الحمل. ومحدش هيعرف بحاجه
ناصره: استهدي بالله يا حبيبتي. فزاع غلطان وانا هفهمه غلطه. انتي خليكي في بيتك
شمس وقفت مش قادره تتكلم: انا هطلع فوق انام عشان تعبانه
ناصره: اطلعي يا حبيبتي
شمس صعدت لغرفتها ووقفت أمام المرآة تنظر إلى وجهها الذي بدأ يورك بسبب صفعته علامات يده واضحه على وجهها.
شمس ببكاء: اه. وشي واجعني اووي يخربيت ايدك يا فزاع. ده انا حاسه ان رقبتي لفت من القلم. مفتري اقسم بالله. طيب والله انا مش قاعده في البيت هنا. اااه
شمس فتحت حقيبه صغيره ووضعت بها بعض الملابس وأخدت الدواء الحمل والموبيل والشاحن ومحفظه النقود وابدلت ثيابها ونزلت بهدوء حتى لا يراها احد وهي ترحل ويمنعها، ناصره دخلت غرفتها و.
خرجت سريعا. وقفت قليلا عندما رآت الرجال الذي يقفون على بوابه الدار من الخارج. وتسللت بخفه أوقفت سياره اجره وصعدت بها
شمس للسائق: وديني علي
انكلق السائق بالسياره إلى المكان الذي تريده.
عند ضحي في البيت والدتها كانت وتترك الباب عليها بقوه فضحي قد أغلقت الباب بالمفتاح
ولكن ضحي أغمي عليها ولا تشعر بشئ
أضطر عابد أن يكسر الباب على ضحي...
طلب لها الدكتور حتى يفحصها
واخبرهم ان الضغط منخفض هو من سبب لها الاغماء. علق لها المحاليل وتركهم بعد أن أخبرهم عن العلاج...
امال جلست بجانب ابنتها تبكي. وصقر كان يتصل عليها من وقت رحيلها وهي حزينه شعر بالقلق لأنها لا تجيب أو تغلق حتى في وجهه.
أضطر أن يتصل على خاله عابد ويسال عنها.
أخبره عابد امها مريضه، فزع صقر وانطلق بسيارته إلى منزل خاله. دخل عليها ليرآها نائمه وتبدو حزينه. حزن لشكلها وجلس بجانبها على الفراش
امال لعابد: تعال نخرج ونسيبهم شويه
عابد: لا. مينفعش
امال: هما مكتوب كتابهم. خليهم مع بعض. انت شايفها تعبانه ازاي. تعال يا عابد معايا.
وشدته وخرجته وقفلت الباب
صقر يجلس بحزن امسك يدها وقبلها ويده الأخري على شعرها يمسكه بحنان.
صقر: قومي ياضحي. متزعليش مني. قومي طيب اتخنقي معايا.
يريدها أن تفيق باي شكل مسح على وجه ضحي بالماء، فاقت نظرت حولها لتجد صقر معاها في الغرفه
ابعدت وجهها الجهه الأخري
صقر أمسك وجهها بايده ولفه اليها وقبل راسها. ضحي بكت بقوه. ضمها وظل بربط على ظهرها بحنان واسف
صقر: بس يا قلبي. والله انتي فاهمه غلط. انا اسف لو عملت حاجه ضيقتك. بلاش تزعلي مني وتعملي كده.
ضحي: انت ياصقر بتخوني انا. ليه طيب. طيب وحبك ليا وكلامك. كل ده كذب
صقر: والله ما كذب. انا بحبك وربنا وبموت فيكي بس غلطت سامحين.
ضحي: لا مش هسامحك. طلقني علشان انت خاين
صقر: انتي ازاي تنطقي الكلمه دي. انا عمري ما هطلقك. انتي مراتي وحبيبتي. افهمي الكلام الاول واسمعي
ضحي: اسمع ايه. هتكدب عليا تاني.
صقر: خدي التلفون اهو وفتشي فيه. الحكايه كلها ان البنت اللي شوفتيها دي. كانت زميلتي من وانا بدرس وبعدين كانت بتكلمني على طول من الباب الصداقه وبعدين لاقيت الموضوع اتطور وقالتلي انها بتحبني. بس انا قولتلها اني بحبك. ومن اسبوعين ابتدت تكلمني تاني وقالتلي انها محتاجه مساعدتي وكان معاها اختها اللي بتدرس في حقوق وقالتلي انها مش فاهمه حاجات وكانت بتتصل وبتفضل تكلمني وتفتح مواضيع هي دي كل الحكايه. وغلطي الوحيد اني سمحت انها تكلمني وتشغلني بس انا فهمتها اني اتجوزت وهي قالتلي اننا اصدقاء. انا كنت مخبي عنك. بس بعترف اني غلطت اما محكتش من الاول على كل ده.
ضحي: انت ازاي تديها فرصه انها تكلمك.
صقر: انا قولت عادي اصدقاء من زمان. بس انا غلطان ومعترف بغلطي. متزعليش مني
ضحي: طيب افتح التلفون اتاكد
صقر ابتسم وفتح التلفون وهي خدت وفتحت الواتساب وقرت الرسايل وعيطت
صقر حضنها: خلاص كفايه والله اسف. اني خبيت عليكي.
ضحي: اعملها بلوك واوعدني متكلمهاش تاني وله تكلم حد.
صقر خد التلفون وعملها بلوك: ها كده استريحتي. والله كل الكلام ما بينا زي ماشوفتي كلام عادي. بس لو بتضيقي خلاص مش هيتكرر. انا غلطان اني خبيت عليكي
ضحي: انا هصدقك يا صقر. بس لو عملت كده تاني. هيبق اخر حاجه بينا.
صقر: مجنونه. انتي. بطلي الكلام ده. قولتلك ان الموضوع كان صداقه وانا خلاص نهيته. بلاش بقي كلمت اخر حاجه مابينا. لان اللي ما بينا كبير. وانا عمري ما هتخلي عنك. علشان بحبك. انتي فاهمه انتي اول حب واخر حب. ده بحلم باليوم اللي هيجمع ما بينا في بيت واحد
تسمع كلامه بصمت وهي تفكر ماذا ستفعل، ليشهق هو بقوه نظرت له بفزع وهو ينظر إلى الغرفه وإليها...
ضحي اتخضت: مالك في ايه
صقر: هي دي اوضتك
ضحي: اه.
صقر: وده سريرك
ضحي: اه يا صقر في ايه. خضتني
صقر: يعني انا وانتي لوحدينا في اوضتك وعلى سريرك.
ضحي: اه. بس هو بابا وماما فين
صقر: هشش. انتي زعلانه مني صح
ضحي: اه. زعلانه
صقر بيقرب ونام جنبها على السرير وحضنها: طيب تعالي بقي اصالحك
ضحي: انت ايه اللي بتعمله ده. قوم يا مجنون بابا يدخل علينا وله ماما
صقر: انتي مراتي. براحتي. قولك طيب كلمه سر صغيره
ضحي ضحكت: لا.
صقر: طيب هبوسك
ضحي: لا لا لا.
صقر: خلاص انتي اديني بوسه. وده اخر الكلام
ضحي: قوم من على السرير. وربنا لو بابا شافك هينفخنا
صقر: اديني بوسه وهقوم. كلام رجاله
ضحي قربت وبتبوسه في خده هو لف وشها وباسها على شفايفها وهي فضلت تزق فيه لحد اما سابها
ضحي بتنهج: انت خطر اقعد معاك في مكان واحد.
صقر: انتي لسه شفتي الخطر
ضحي: قليل الادب. قوم
صقر قام وقعد على الكرسي قدامها وهي ضحكت وحطه ايديها على شفايفها
صقر: بحبك والله وعمري ما هحب غيرك.
ضحي: انا كمان بحبك اووي.
في قنا
امال صعدت لغرفه شمس ومعاها الطعام فهي لم تتناول أدائها وهي حامل وايضا حزينه بسبب ما فعله فزاع. لم تجدها بالغرفه لتعلم أنها ذهبت إلى بيت اخيها واختها فضلت الصمت حتى يعلم فزاع بمفرده فهي لو اتصلت الان لن تجدها هناك وسيقلق اخيها ولو علم فزاع وهو غاضب هكذا ستحدث مشكله كبيره
في هذا الوقت عاد فزاع بعد أن هدأ ودخل عند امه وسالها على يوسف وقالها تحكي بضبط على اللي حصل.
ناصره حكت على الكلام الذي دار بينهم وقالتله يسيبه لانه معملش حاجه.
ناصره: شاف شمس اليوم اللي وقعت فيه من على السلم. وافتكر انك بتضربها. عشان اكده اما شافها سالها. وهي قالتله انها بتحبك وانت طيب معاها وكمان قالتله لو شافها تاني ميسلمش عليها. والراجل قالها ماشي واتكلم بادب ومشي. سيبه يا بني. شمس كانت خايفه عليك ان عايله تنتقم منك. هي بتحبك وانت ضربتها. ابوك عمره ما مد ايده عليا. حتى لو غلطت كان بيخاصمني. عمره ما ضربني. وانت ضربتها جامد. دي يا حبه عيني بوقها نزف دم وصوبعك علمت في وشها. روح خرج يوسف واطلع صالحها. يلا يا حبيبي ربنا يهديك.
فزاع: حاضر يا امي
فزاع خرج وراح ليوسف فكه. وبعدين طلع اوضته ودور على شمس ملقهاش في الاوضه قلبه اتقبض ونزل جري على امه يسالها وقالتله انها قالتلها هتطلع ترتاح
فزاع: مش فوق وله في البيت. هتكون راحت فين
ناصره: قالتلي انها عايزه تروح لابوها وامها.
فزاع: هتصل بيهم اطمن عليها
ناصره: لا استني. افرض مش هناك. بكده هنقلقهم عليها
فزاع: اعمل ايه. ايه اللي خلها تمشي وتسيب البيت
ناصره: يعني مش عارف. انت عملت ايه.
فزاع رايح جاي هيتجنن بيتصل بيها وهي مش بترد عليه.
ندمان انه ضربها. وخايف عليها وعلى عياله اللي في بطنها
فزاع: يارب. اعمل ايه. اطمن عليها ازاي. طيب حصلها حاجه وله هي فين دلوقت،.