رواية شمس الصعيد الجزء الأول للكاتبة ياسمين علاء الدين الفصل الرابع والأربعون
شمس واقفه والتلفون مش جايب شبكه. جت صافي تشوفهم فلقت في ايديها التلفون شدته منها جامد. وزقتها
عز كان معاه المسدس وضرب نار عليها جت الرصاصه في كتفها.
يوسف جري عليها والرجاله وخدو المسدس منه وكان هيضرب نار على عز بس شمس وقفت قصاده
شمس: قبل اما تضرب عليه نار اضربني انا الاول
يوسف: ابعدي يا شمس
شمس: لا مش هبعد ده ابني. اضربني انا
صافي: بابا الحقني.
يوسف شال بنته وراح يركب العربيه وقال للرجاله متتحركش من امكانها
فزاع وصقر والرجاله كانو في العربيات واما سمعو ضرب النار حددو المكان. وشافو عربيه يوسف
اسعد عم يوسف: دي عربيه يوسف
صقر: فزاع صوت الطلقه من المكان اللي هناك. روح انت شوف يكون فيه عز. وانا هلحق العربيه
فزاع اتحرك بالعربيه ومعاه جزء من الرجاله
وصقر جري وراه عربيه يوسف ومعاه الجزء التاني.
الرجاله اللي في الجبل اول اما شافو عربيات داخله عليهم فضلو يضربو نار ورجاله فزاع ضربو نار
وشمس جوه مرعوبه وقاعده جنب عز وبيطمنو بعض
شويه وهدي ضرب النار لان عدد اللي كانو في الجبل مش كتير ورجاله فزاع اكتر. دخل فزاع زي المجنون ووراه الرجاله بيدور على عز او شمس لحد اما لاقهم الاتنين. اخيراً خد نفسه وجري عليهم
فزاع: شمس.
شمس: الحمد لله. انك جيت
فزاع: حد لمسك
شمس: لا متخفش فكني.
فزاع بصلها بعتاب وشوق فكها وحضنها والرجاله فكو عز وراح لابوه وامه اللي حضنو جامد
فزاع دور على حجاب شمس وجابو حطو على راسها. شمس واخده عز في حضنها وبتبكي جامد
شمس: الحمد لله انك بخير يا عز.
عز بدموع: ماما انا اسف انا السبب في كل ده
شمس مسحت دموعه: لا يا قلبي. دول ناس مريضه وربنا ينتقم منهم
فزاع: يلا عشان نرجع البيت ونتكلم هناك
شمس: يوسف وبنته ركبو العربيه
فزاع: صقر وراهم. الاهم عندي انتي وعز.
صقر في الوقت ده كان بيجري ورا يوسف بالعربيه ويوسف بيجري وبيبص في المرايا وفجاه العربيه اتقلبت من مكان عالي وولعت ويوسف وبنته ماتو
صقر وقف بالعربيه وكان بيحاول يقرب بس معرفش. اتصل بالبوليس وبلغ عن الحادثه
اسعد: ربنا خدلك حقك يا ماجد. الله يرحمك.
إن الله عزيز ذو انتقام
صقر رجع بالعربيه هو والرجاله واتصل بفزاع يطمن عليه وقاله ان يوسف وبنته ماتو. فزاع قاله يرجع على البيت وهو في الطريق للبيت.
فزاع: يوسف العربيه اتقلبت وولعت بيه هو وبنته
شمس: الحمد لله. ربنا انتقم منه
فزاع: ممكن تفهميني انتي ازاي تروحي برجلك للمجنون ده
شمس: انت شايف يا فزاع ان ده وقته. المهم اننا كلنا بخير وده بفضل ربنا وعز. هو اللي ضرب نار على صافي وخلي يوسف يضطر انه يسبنا ويخرج بالعربيه
فزاع بص في المرايا على عز اللي قاعد وراه حاضن امه ودافن وشه في حضنها
فزاع: انا ابني سيد الرجال زي ابوه. صوح يا عز.
عز مش بيتكلم وحاضن شمس اللي قلبها بيتقطع عليه. وصعبان عليها لسه صغير على كل اللي شافه ده
شمس بصت لفزاع بحزن وفزاع حاسس بيه رجعو البيت
زين وزياد جريو على العربيه وشمس خرجت حضنوها جامد وهي كمان وعز كان قاعد في العربيه لسه
فزاع: ادخلي انتي وانا هتكلم مع عز وادخاله
شمس بصتله بخوف. فزاع: متخفيش عليه. انا ابوه
دخلت شمس مع زين وزياد
فزاع شد ايد عز وخرجه وراح قعد معاه
فزاع: عز انت راجل. لازم تكون اقوي من كده.
عز: انا السبب يا بابا. انا اللي عرفت ماما عليها وكمان خرجت اما اتصلت وقالتلي عايزه احكيلك على اللي حصل لمامتك وروحت اعلشان اقابلها. انا حبيتها وهي كانت بتخدعني. وابوها قال اخترني علشان انا اهبل.
فزاع حضن ابنه: عز. انت مش السبب في حاجه. الراجل ده كان بيحب امك من زمان، ً وفزاع حكي لعز كل حاجه عن يوسف وانه سبب الحادثه.
قزاع: انا بحكيلك علشان تعرف ان الراجل ده بيخطط. والحمد لله ربنا نجنا منه ووقع في شر اعماله. الحياه قدامك وهتحب واحده تستاهلك. انت استفاد من اللي حصل. ومتمشيش ورا قلبك غير اما تتاكد مليون في الميه ان اللي هتمشي وراه يستاهل
عز: يعني انت مسامحني
فزاع: اه مسامحك لانك معملتش حاجه
فزاع دخل مع عز البيت وزين وزياد حضنوه زفضلو يهزرو معاه
زياد: بس امك بتقول انك طلعت هيرو
زين: اه وضربت نار وشغل اكشن.
عز: انا مش بطل وله حاجه بالعكس انا كنت غلطان. اللي فعلا يتقال عليها بطل هي امك.
شمس: حبيبي انت انقذتنا بجد حد غيرك كان هيخاف يضرب نار. بس انت شجاع ومتتردتتش انك تدافع عني
عز: سامحيني يا امي
شمس: مسامحك والله. انا مغلطتش وملكش ذنب
زين وزياد خدو عز على فوق وفضلو يهزرو معاه.
صقر جه واتكلم مع فزاع واخيرا الموضوع خلص وفزاع طلع ارتاح في اوضته كانت شمس نايمه. راح قعد جنبها على السرير وبيتامل فيها وبيحمد ربنا انه نجها من كل شر
الايام بتعدي وعز ابتدي ينسي اللي حصل وكلهم نسوا وعايشين حيلتهم عادي. بس عز جواه حاجه مكسوره واتغير مبقاش يضحك زي الاول وكلامه قل وشخصيته اتغيرت.
السفر قرب وهما جهزو حاجاتهم شمس كانت معترضه. بس هي وافقت علشان خاطر عز يخرج من حاله الكآبه اللي هو فيها. هي حاولت كتير بس معرفتش
كلهم حضرو حاجتهم ووداعو اهلهم وشمس وفزاع وصقر راحو على المطار علشان يوصلهم وسلمو واطمنو عليهم. وركبو طيارتهم ودعاوي اهلهم وباركتهم مصاحبهم بالسلامه
فزاع وشمس رجعو البيت وشمس طول الطريق مبطلتش عياط. وزعلانه على سفر الولاد.
فزاع: يا حبيبتي مش انتي قولتي خليهم يسافرو يغيرو جو. زعلانه ليه.
شمس: هيوحشوني يا فزاع
فزاع: هيوحشوني انا كمان. بس انا عايز مصلحتهم. هليهم يجربو ويعيشو حياتهم
شمس: ربنا يحميهم من كل شر
فزاع: هو ده المطلوب منك ادعلهم وبس.