رواية شمس الصعيد الجزء الأول للكاتبة ياسمين علاء الدين الفصل الخامس
في الفيلا...
عاد فزاع من اداء الصلاه فهو يحب أن يصلي فروضه في المسجد. صلاه جماعه
وضع الطعام الذي احضره على الطاوله لسبداو بتناوله معا
شمس: فزاع. عمتو اتصلت بيا. كانت بتطمن علينا
فزاع: نسيت اكلمها. هتصل عليها.
شمس: انا خلصت اكل وعايزه اطلع انام شويه. عايز حاجه؟
فزاع: انا كمان خلصت. تعالي نطلع مع بعض
صعدت شمس وفزاع ونام الاثنان من كتر التعب.
استيقظ فزاع اولا على صلاه الفجر. كانت شمس ما زالت نائمه بجانبه. نظر لها بحب ليبتسم بعدها
ودخل اتوضي ونزل صلي وجلس مع عم ابراهيم حارث الفيلا و عارف السائق.
في الاعلي
استيقظت شمس من نومها لم تجد فزاع بجانيها
سمعت صوته بالاسفل وقفت في الشباك قليلا تنظر إليه وهو يتحدث
ابتسمت على التفكير المراهق. دخلت تبحث على شئ حتى تتسلي به. وجدت بلايستيشن
جلست تلعب به وهي تحاول الفوز
فزاع دخل وسامع الصوت عالي دخل عليها كانت تجلس على الارض وشعرها ديل حصان وترتدي
بيجامه عليها دبدوب وتجلس وهي مندمجه في اللعب وتصيح بانفعال.
ضحك على شكلها الطفولي اللطيف، أقترب منها و جلس خلفها على المقعد وهي أمامه تجلس على الارض وتمسك ذراع التحكم في ايديها.
توترت من قربه وقلبها دق سريعا أغمضت عينيها وهي تشعر انها ستفقد الوعي. اما هو فلاحظ أن قريه يوترها ولكن عليها أن تعتاد على ذلك كيف سيقترب منها وهي تحاول أن تبتعد وتخاف من قربه يجب أن تفهم أنها أصبحو زوجين.
ظل يلعب وهي تحاول أن تشغل نفسها ولكن لا تستطيع هو يوترها كثيرا.
فزاع بيهمس في اذنها: كسبتي على فكره
شمس بتوهان: ها
فزاع لسه قريب منها: بقولك كسبتي ياشمس.
شمس هزت راسها وهو ضحك على رده فعلها. بس محبش يضغط عليها أكثر من ذلك.
لف وجلس بجنبها على الارض.
فزاع بابتسامه: تعالي نلعب مع بعض؟
شمس تحاول أن تداري خجلها: احم. هتخليني اكسبك
فزاع بضحك: انتي كده نصابه. طيب اكسبي بمجهودك
شمس بلطافه: يرضيك مرات الكبير. تخسر
!
فزاع بضحك: لا ما يرضنيش. العبي بس!
شمس وفزاع يلعبون معا وهو يحاول أن يجعلها تقترب منه وتنسي الخوف الذي يسيطر عليها يريد أن يصل إلى قلبها، ظل يمزح معاها ويضحكون.
بعد وقت
شمس: انا جعانه، هقوم اعمل حاجه نأكلها
فزاع: خليكي ونشتري اكل من بره
شمس: لا، هعمل سندوتشات ونشرب شاي بلبن، عشا خفيف كده
فزاع: تمام، بس انا اعمليلي قهوه
شمس: لا. احنا بليل. غلط عليك القهوه
فزاع: امري لله. اعملي يا شمس اللي انتي عايزه
شمس حركت شعره: شاطر
فزاع باستعجاب: شاطر! انتي بتكلمي ابن اختك
شمس بهزار: اه. و
أخرجت لسانها كي تغيظه وركضت من الغرفه وهي تضحك.
ضحك أيضا على كلامها وشقاوتها. ووقف وهو يسير بهدوء خلفها وهي تركض أمامه وتضحك.
ذهبت إلى المطبخ وبدات تصنع السندوتشات وهو يجلس على الكرسي وينظر لها بسعاده وعلى وجهه مرسوم ابتسامه هي السبب بها
فزاع لنفسه: بحس معاكي باحساس غريب. بحس اني طفل او مراهق. مش فزاع الهاشمي كبير قنا ابدا. معاكي بكون فرحان ومبسوط وبنسي نفسي. بحبك يا بنت خالي. بحبك يا شمس منوره قلبي
شمس: ايه يا بني. سرحان في مين. اعترف
فزاع بمكر: ينفع ماجاوبش
شمس: اممم. ليه هو سر؟
فزاع: مش سر اووي. بس مش عايز اتكلم حالياً
شمس: اوكي خلاص، براحتك تعال نتعشا قبل الشاي بلبن ما يبرد...
تناولو الطعام معا
ثم جلس بجانبها يشاهدون التلفاز وكل واحد منهم. يشعر بشعور جديد اتجاه الآخر
فزاع تمدد على الاريكه وجذب شمس اليه
اقتربت منه وهي تشعر بالخجل، حاولت الفرار من قبضتها ولكنه رفض وشد على ضمتها: خليكي كده
توردت وجنتيها بخجل و دفنت رأسها في رقبته
فزاع وهو يتنفس شعرها وبهمس: شعرك ريحته تجنن. و اصلاً انتي كلك تجنني
شمس غمضت عينيها: ها. انا.
فزاع قرر الاعترف اخيرا ويريح عما في قلبه: ها ايه. شمس، انا بحبك. وبحبك من اول اما اتولدتي. كنت بحاول ابعد عنك وانساكي. بس معرفتش. فرحت اما امي قالتلي اننا هنتجوز وكنت طاير من الفرحه اما اتكتبتي على اسمي وبقيتي مراتي وملكي، كل مره بشوفك فيها قلبي كان بيدق جامد باسمك. مش هخبي مشاعري اكتر من كده، انا بحبك يا شمس حياتي. ب ح ب ك.
شمس تجمعت الدموع بعينها من كلام فزاع هو رفع وجهها و مسح دموعها وطبع قبل على عيونها
فزاع: بتبكي ليه.
شمس: كلامك جميل و فيه احساس. تعرف اني اكتشفت ان انا بحبك اووي
فزاع: اخيراً قولتيها
شمس: بحبك والله
فزاع باسها لاول مره بحب وشوق. بعد عنها قليلا ليتأكد من شئ ما
فزاع: لسه خايفه مني
شمس: لا
فزاع: طيب اقرب اكتر
شمس، نطقت بتخدر: بحبك
وقف فزاع وحملها بين يديه وصعد بها لاعلي ليبدأ حياتهم كزوجين.
نهار جديد.
فزاع فتح عينه كانت شمس نايمه على كتفه وشعرها مغطي وشها. رفع شعرها عن وشها وهو يتأمل وجهها بحب وطبع بوسه رقيقه على شفايفها
وانسحب من جانبها بهدوء و دخل الحمام خد شاور واتوضي وصلي
وبعدين نزل جهز فطار وحط كوبيتن عصير على الصينيه وطلع يصحيها
فزاع قرب منها: شمس. قومي بطلي كسل
شمس فتحت عينيها وابتسمت: صباح الخير
فزاع: صباح النور على شمس حياتي
شمس ضحكت بكسوف
فزاع: قومي نفطر مع بعض.
شمس: يا سيدي على الرومانسيه. انت كده بتدلعني
فزاع: طول ما قلبي بيدق وطول ما انا عايش هفضل ادلعك واحبك
شمس: ربنا يخليك ليا. ويخلي حبك وقلبك الجميل ده
فزاع اكلها وهي فرحانه. ومش مصدقه نفسها ان اللي قدامها ده فزاع
فزاع: افتحي بؤقك
شمس: فزاع ممكن تقرصني. انا حاسه اني انا بحلم. انت بتاكلني بايدك.
فزاع ضحك بصوته كله: وفيها ايه اما اكلك. انتي لسه مش عارفه انتي عندي ايه. وبعدين لو عايزاني اقرصك. هقرصك حاضر بس بعد الاكل
شمس شهقت وحطت ايديها على عينيها
فزاع ضحك وشال ايديها كان وشها احمر زي الطماطم
فزاع: خلاص بهزر معاك. كملي اكل
شمس: احم. خلاص شبعت. يلا انزل علشان اقوم
فزاع بمكر: طيب ما تقومي
شمس: ما انا هقوم. بس اما تنزل
فزاع: اممم. وانا مش هنزل. اقاعد على سريري
شمس وشها احمر وكانت هتعيط.
فزاع: بس بس خلاص بهزر. هنزل.
قام وفتح الباب وكان هيخرج. بس لف و رجع باسها بوسه رقيقه وهي تاهت معاه.
بعد وقت.
فزاع كان يتحدث إلى الهاتف في مكلمه عمل
شمس نزلت لاسفل لوحده مشغول.
دخلت إلى المطبخ وعملت اتنين نسكافيه ووضعت كوب أمامه وهي جلست تشرب النسكافيه.
انتهي فزاع من المكالمه واغلق اللاب توب ونظر لها
شعرت بالخجل من نظرته، حاولت أن تتحدث طبيعيه: عجبك النسكافيه
فزاع وهو بيسبل عينه: زي العسل
شمس بخجل: هو ايه ده اللي زي العسل
فزاع بمشاكسه: النسكافيه.