رواية شمس الصعيد الجزء الأول للكاتبة ياسمين علاء الدين الفصل الخامس والعشرون
يوم جديد ابتدا وكلهم مع بعض بيفطرو و بره في الجنينه قدام البحر خلصوا فطار. صقر خد ضحي يمشيها على البحر
وفزاع قاعد مضايق
شمس بهزار: الكبير مضايق ليه
فزاع: لو عايزه تتمشي على البحر. روحي معاهم
شمس ابتسمت بهدوء: لو عايزه هقولك ونتمشي
فزاع بعصبيه: نتمشي. ازاي انتي مش شايفه.
شمس بنرفزه: فزاع انا حامل ومش قادر امشي خلاص. وبعدين الوضع اللي انت فيه مؤقت هتركب الجهاز وهتكون كويس. وبعدين انت بتتحرك مش مشلول قامت من جنبه ودخلت الفيلا
ناصره وامال وعابد كانو قاعدين مع بعض
عابد: شمس احنا هنرجع القاهره بكره لان اختك بقالها اكتر من اسبوعين مرحتش الجامعه والامتحانات قربت
شمس: ماشي يا بابا. ربنا معاها. عمتو انتي خدتي العلاج بتاعك
ناصره: اه يا حبيبتي. ربنا يخليكي ليا.
شمس قامت من جنبهم وراحت عملت عصير موز بلبن لفزاع وخرجت ليه
شمس مدت ايديها بالكوبايه لفزاع
فزاع: مش عايز اشرب
شمس حطت الكوبايه وقعدت بصله وساكته وهو باصص للبحر. شمس مسكت ايده وطبعت بوسه على ايده ومسكتها بين ايديها
شمس: فزاع ايه رايك نسهر مع بعض
فزاع: لا طبعاً
شمس: ليه هنسهر انا وانت لوحدنا فوق في اوضتنا
فزاع بصلها وفهم: ااااه. لا
شمس بصوت وطي: رخم.
فزاع: بتقولي ايه
شمس: مش بقول بص للبحر. خليه ينفعك.
صقر قعد هو وضحي معاهم.
صقر: فوق في بلاستيشن كنت جايبه هنا تعالو نطلع نلعب بيه
ضحي: ييسس تعال نطلع واغلبكم. انا بحب البلاستيشن
شمس وفزاع افتكرو اليوم اللي لعبو فيه مع بعض بالبلاستيشن. شمس ضحكت وفزاع ابتسم
صقر: بتضحكي ليه يا شمس
شمس بضحك: مفيش. اصل انا مش بعرف العب بيه
صقر: ده سهل جداً
فزاع: انا مليش مزاج.
شمس: اطلع انت وضحي. واحنا قاعدين
فزاع: استني تعال الاول نصلي وبعدين روح العب.
فزاع مسك العكاز وراح المسجد مع صقر وصلي ورجع كانت شمس فوق في اوضتها وهو طلع ليها ودخل
وصقر خد ضحي وراحو يلعبو بلاستيشن
شمس كانت قاعده في الارض جنب السرير وضمه رجليها وبتعيط جامد
فزاع اتخض من منظرها راح قعد على السرير وشدها وقفها
ومسح دموعها
فزاع: مالك ياشمس بتعيطي ليه يا حبيبتي
شمس: انت مبقتش تحبني. انت بتكهرني
فزاع: انا يا شمس. ده انا بعشقك وبحمد ربنا في كل وقت انه رزقني بيكي.
وقعدها جنبه وحضنها وهي بتعيط
فزاع: كفايه يا شمس دموعك غاليه عليا. انا بحبك والله
شمس: اوعدني انك تفضل تحبني على طول لحد اما اموت
فزاع: بعد الشر عنك. ربنا يخليكي ليا ويحفظك. متقوليش تاتي الكلمه دي. مفهوم
شمس: مفهوم. وسكتت ونامت في حضنه رجع نفسه لوره على المخده وهي نايمه على صدره وهو ضممها ليه بحب
صقر بيلعب مع ضحي ملاكمه في البلاستيشن وهي عماله تصوت
ضحي: ا خلاص كفايه. ارحمني.
صقر: لا. تستاهلي. علشان متقفيش قصادي وتتحديني. يا بنتي انا لعيب قديم
ضحي: صدقتك خلاص ابعد شويه.
صقر: لا. هتخسري. ومفيش رحمه
ضحي: اخص عليك يا صقر. ده انا مراتك حبيبتك
امال فتحت الباب عليهم بخضه: بت يا ضحي ايه قلت الادب دي يا سافله
صقر بصلها بيستوعب في ايه وانفجر في الضحك
امال بصتلها: وانت اللي كنت بقول عليك عاقل. قومي يا كلبه قدامي
ضحي: والله يا ماما معملتش حاجه. انا كنت بلعب بلايستيشن.
امال: بصتلهم وبصت للشاشه (وضحكت. )
صقر: والله يا حماتي انا نفسي اعمل اللي في دماغك. بس للاسف مدي لابوها كلمه
امال: بس انت كمان. تعمل ايه. لسه بدري
ضحي: انتم بتقولو ايه انا مش فاهمه حاجه
امال: اخرسي يا زفته خالص
ضحي: اووف انتي بتزعقي ليه. وانت كمان ايه اللي في دماغها
صقر بهمس: حاجه مش مهمه ليكي حالياً. بس هفهمك بعدين
امال: بتقولها ايه
صقر: والله لا انتي اقعده معانا وهتلعبي كمان
امال بضحك: مش هعرف يا بني.
صقر: خلاص انت قولت كلمه. العبي كده ودوسي هنا هتضربي
صقر: ايوه يا حماتي يا جامده
عابد: الله يخربيتك يا صقر. انت بتقول ايه
صقر: هو يوم اسود ومش معدي. تعال يا خال العب معانا
عابد: العب ايه يا ابن كمال. والله لاطين عشيتك.
صقر: والله يا خال ده بلايستيشن. وانا كرهت اللعبه
امال: تعال يا عابد. دي لعبه حلوه اووي. اقعد وشدته يقعد
عابد قعد وامال بتقوله يعمل ايه زي ما صقر قالها.
صقر ضحك عليهم وقام خرج: عايله مجنونه ونياتها وحشه من ناحيتي. مع اني طيب وابن حلال
ناصره: عتكلم نفسك ليه يا صقر
صقر راح باس راسها: مفيش يا حبيبتي. انتي عامله ايه
ناصره: الحمد لله بخير. انت هتجيب الجهاز امتي لاخوك
صقر: هيوصل بكره ان شاء الله والدكتور العلاج الطبيعي هيجي كمان بكره
ناصره: ربنا يخليكم لبعض. وماتنحرمش من بعض
صقر: ويخليكي لينا يا غاليه.
ضحي خرجت وقعدت جنب عمتها وباستها من خدها.
ا ضحي: نانا. عامله ايه
ناصره: يا بت اتلمي. قولي يا عمتو
ضحي: بدلعك يا جميل.
ناصره: هتفضلي على طول شقيه اكده.
صقر: دي احلي حاجه فيها شقاوتها
ضحي ضحكت وصقر غمزلها
ناصرها ضربته على دماغه: ما تتحشم. انا قاعده معاك
صقر: ده انتي الخيىر والبركه يا غاليه. يا حلوه انتي
ناصره: انتم الاتنين مفيش منكم رجا. لايقين ع بعض
ضحي: صح.
صقر: خدنا ايه من العقل. خلينا اكده احلي.
اليوم عدي ومفيش جديد وتاني يوم عارف راح وصل عابد وامال وضحي على القاهره. وصقر وامه وشمس وفزاع قاعدين لسه في الفيلا
صقر راح يستلم الجهاز وجاب دكتور العلاج معاه وراح لي الفيلا
فزاع: اطلعي فوق يا شمس انتي وامي لحد اما اخلص الجلسه
شمس: هقعد معاك. اشوفه بيعمل ايه
فزاع: لا. اطلعي بقي
ناصره مسكت ايد شمس وطلعت على فوق.
صقر دخل مع الدكتور. وابتدت جلسه العلاج والتمارين علشان فزاع يعرف يتحرك بالجهاز وكان الموضوع متعب ليه. بس الدكتور قاله انه بعد كده هيكون عادي
الجلسه خلصت وفزاع تعبان ومرهق وجسمه كله متلج. صقر ساعده وطلعه لفوق وشمس ساعدته ودخلته الاوضه وملت البانيو مياه دافيه وساعدته يدخل يقعد فيه ويريح جسمه.
فزاع: تعبتك معايا يا شمس. قولتلك من الاول هتندمي.
شمس: ومين قالك ان انا ندمانه. انا اخدمك برموش عيني يا قلبي. انت مش عارف انت عندي ايه ده انت روحي وقلبي كفايه طيبتك وحنيتك عليا ورجولتك. ربنا يخليك ليا
فزاع باس راسها وايديها: ربنا يحميكي ويخليكي ليا
خلصو ونامو وتاني يوم الدكتور بردو جه وكان فزاع بيعمل التمارين
صقر وناصره: سافرو البلد
فزاع مع شمس وهو ابتدا يتعود يمشي بالطرف الصناعي بس لسه مكتئب
شمس عملت بحث على النت وقعدت قدام فزاع وفتحت اللاب.
فزاع بصلها بستغراب: نعم
شمس: بص الناس دي. بيتحركو عادي وهما لابسين الطرف. بلاش دول بص الست دي بتجري وهي رجلها الاتنين مبتورين وبتدخل سباقات وبتكمل. بص بقي الراجل ده رسام وايديه الاتنين مبتورين وبيمسك الفرشه بالجزء المتبقي من ايده وبيرسم. وده زيه وبيرسم ببؤقه. وده بيشيل حديد. ودي قعده على كرسي متحرك وبتكمل حيلتها عادي
فزاع قفل شاشه اللاب بعصبيه: انتي بتفرجيني على ايه.
شمس: بوريك ان دول حالاتهم اصعب منك وعايشين حياتهم وبيضحكو عادي وراضين. انت ليه عامل في نفسك كده. انت مش شايف نفسك خسيت من قلت الاكل. وسايب دقنك طويله انا بتحايل عليك بتاكول بالعافيه
ليه يا فزاع كده انت حتى بتصلي وعارف ربنا كويس.
فزاع: انتي مش حاسه بالنار الجوايا. انا كنت زي الجبل اقع كده مره واحده. انا تعبان ومحدش حاسس بيا. راضي ياللي ربنا كتبه. بس عندي احساس من جوايا ان في حاجه ناقصه. المجهود اللي بعمله علشان اتعود على الطرف صعب وبستحمل. بس تعبت خلاص وساكت
شمس بدموع: ومين قالك ان انا مش حاسه بيك. انا بتقطع من جوايا. بس انت اللي مش حاسس بيا. انا عايزاك تكمل للاخر ويبق عندك امل. عايزك تكمل عشاني حتي. انا مليش اهميه عندك.
طيب قوم معايا اظن انك بتعرف تمشي احسن من الاول
طلعت لبست ونزلت معاه
فزاع: على فين
شمس: مشوار مهم لازم كنا نروحه من فتره. بس انا كنت ماجله الموضوع
شمس لعارف السواق: اطلع على اقرب مستشفي
فزاع بصلها شمس قالتله يصبر وهيعرف
وصلو للمستشفي وهو ماشي معاها كويس بس حاسس ان ثقته في نفسه مهزوزه مع ان محدش واخد باله خالص من رجله بس حاسس ان الكل مراقبه وعارف ان في حاجه ناقصه.
دخلت شمس للدكتوره نسا وقالتلها انها عايزه تعمل اشعه سونار وتطمن على حملها. الدكتوره دخلتها وهو معاها
نامت على السرير والدكتوره بتعملها الاشاعه وبتشرح على وضع الحمل.
الدكتوره: ما شاء الله ال3بخير وصحتهم كويسه
شمس: ممكن اسمع صوت دقات قلبهم
الدكتوره فتحت الجهاز وسمعو نبض الاجنه في بطنها وشمس عيونها دمعت وبصت لفزاع اللي عينها دمعت من الفرحه وباصص على الشاشه بيتامل فيهم.
الدكتوره: بتحرك السونار على بطنها وبتقولهم الراس فين والايد وقالتلهم ان ال3 ولاد
شمس بتراقب فزاع
فزاع بفرحه: مفيش بنت. اتاكدي كده انا نفسي في بنت
الدكتوره: معقوله. انا عارفه ان الرجاله بتحب الصبيان
فزاع: بس انا بحب البنات. كل اللي ربنا يرزقنا بيه خير. الحمد لله.
الدكتوره: الحمد لله. ربنا يقومها بالسلامه.
فزاع: يارب.
شمس بتقوم من على السرير وفزاع راح يساعدها ووقفها وبيعدل هدومها وهي فرحانه انه نسي. وقررت انها تشغله بيها وبالحمل وانه يرجع الشغل عشان يبطل تفكير سلبي
شمس: دكتوره بحس بوجع في ضهري
الدكتوره: عادي لانهم في الشهر الخامس دلوقتي. وكل اما يكبرو هتحسي بتعب
شمس: ربنا يستر
الدكتور: ما هو زوجك معاكي هيسعدك. صح يا استاذ
فزاع: طبع انا اخدمها بعيوني. تقوم هي بالسلامه.
الدكتوره: اللهم بارك. ربنا يحفظكم.
كتبتلها على فيتامينات تاني وكالسيوم وتشرب لبن وبيض
فزاع بيسمع الدكتوره باهتمام اكتر من شمس
خروجو من عند الدكتوره وهو فرحان وهي مش عايزه تتكلم
فزاع ماشي وشمس ماشيه جنبه راح على العربيه وفتحلها الباب وهي متنحه ركبها ولف ركب من الباب التاني
اتحركت العربيه ووصلو للبيت وطلعو وهما ساكتين وكل واحد جواه بركان مشاعر.