رواية شمس الصعيد الجزء الأول للكاتبة ياسمين علاء الدين الفصل الخامس والثلاثون
السنين عدت وانهارده عيد ميلاد زين وزياد وعز ال 18
شمس وضحي وقمر بنت صقر كانو بيجهزو للحفله وزينو البيت
قمر بنت ضحي وصقر عندها 15سنه شبهه شمس في الهدوء والشكل.
رحيم ابن صقر الصغير عنده 11سنه شبهه ضحي وواخد طبع صقر في الهزار وخفه الدم
التجهيزات خلصت وشمس وفزاع فوق في اوضتهم
فزاع حاضن شمس: شمس قلبي سرحانه في ايه
شمس: الولاد كبروني وهيدخلو الجامعه و البيت هيكون فاضي.
فزاع: شمس انتي مكبرتيش ولسه صغيره وهتفضلي في عيني صغيره وطفله. ولو على الجامعه فلازم يكملو
تعليمهم وبعدين في القاهره مش بعيد في اي وقت عايزه تروحي انا هوصلك ليهم
شمس: وعد
فزاع: وعد. يلا البسي علشان ننزل
شمس لبست فستان ازرق جميل وشيك. وعليه حجاب من نفس اللون. وفزاع لبس بدله سوداء شيك وكان وسيم جدا. بالشعر الابيض مع السود
شمس: ممكن اعاكس
فزاع: ممكن طبعاً. بس انا بحاول اجاري الجميل اللي مالي عليا الدنيا.
شمس: هتفضل لحد امتي تشوفني حلوه وجميله
فزاع: لحد اخر نفس ليا
شمس: ربنا يخليك ليا ويطول في عمرك يا قلب شمس
فزاع وشمس نزلو
ضحي كانت لابسه فستان اخضر غامق شيك جدا وبسيط. وصقر كان لابس بدله سوداء وكان وسيم
قمر كمان لبست فستان بينك جميل وشيك وكانت قمر بشعرها الطويل.
اما بقي الشباب فكل واحد ليه شخصيه مختلفه
زين الهاشمي: كان لابس قميص اسود وبنطلون اسود وشعره ناعم وكان وسيم واخد جمال شمس وهيبه وقوه فزاع.
عز الهاشمي: كان لابس قميص ابيض وبنطلون جينز شبهه فزاع برجولته وواخد من شمس شخصيتها وهدوء
زياد الهاشمي: كان لابس تيشرت أوف وايت وبنطلون جينز شكل صقر واسلوبه وهزاره
رحيم ابن صقر الصغير ده مرتبط جداً بولاد عمه وبيحب يقلدهم و بيعتبرهم اخوته مش ولاد عمه. كان لابس قميص كحلي وبطلون جينز. رحيم واخد شويه من طبع صقر وشويه من فزاع
ناصره شافتهم نزلين مع بعض: الله اكبر عليكم بسم الله ما شاء.
كلهم راحو عندها باسو ايديها وراسها. وهي كانت بترقيهم من العين
عابد جدهم كان قاعد جنب ناصره: راحو عنده وباسو راسه وايده
وعملو كده مع جدتهم امال اللي عينيها كانت مليانه بالدموع
امال: ربنا يحفظكم من كل شر.
وراحو عند شمس
زين: تسلم ايدك يا امي بجد الحفله جميله. وباس ايديها وراسها. ووقف بعيد يستني اصحابه
عز: حبيبتي يا امي ربنا يخليكي ليا ديما مشرفاني باس راسها وايديها. ومشي.
زياد: شموسه حياتي اقسم بالله الحفله تحفه بس الموسيقي اللي شغاله دي هاديه اووي. عايزين نولعها
شمس: هتولعها في البيت هنا وباباك موجود
زياد: وفيها ايه عيد ميلادي وهفرح. واه صح صحابي جايين. وبالجمال اللي قدامي ده هتتعاكس يا وحش
زياد بوجع: ااااه لف و. [ كان فزاع خبطه على دماغه ]
فزاع: في راجل محترم يقول لامه يا وحش
شمس: اخص عليك يا فزاع ايدك تقيله عليه وحضنته
فزاع: ارجعي ورا يا شمس.
زياد: احم. انا اسف يا حاج كنت بهزر معاها. تسلم ايدك وباس ايده وجري
فزاع ابتسم: مجنون
شمس: حرام عليك كان بيهزر انهارده عيدميلادهم هتزعلهم
فزاع لف ايده على كتفها: يا عني يرضيك يقول عليكي وحش.
شمس: بيهزر. وبعدين انت بتغير
فزاع: بغير اه. ومن اي حد واصلا انتي لو مغيرتش عليكي هغير على مين يا جامد انت
شمس: هههههه. شكل اتعديت من زياد
فزاع: هههههه. تقريبا كده.
صقر: هتفضلو تحبو في بعض كتيير.
فزاع: اه. عندك اعتراض.
صقر: لا طبعا يا كبير براحتك.
ضحي: شمس تعالي معايا نشوف سعاد عملت ايه لان صحاب ولادك وصلو
شمس وضحي راحو على المطبخ وفزاع وصقر واقفين
زين واقف مع اصدقاءه وبيتكلم معاهم وعز كمان واقف مع اصدقاه
وزياد راح وقف جنب رحيم: رحيم بقولك الحفله ممله اووي
رحيم: عندك حق. تحب اولعها
زياد: فعلا محتاجه تولع. انت تروح لسعد وسيد وتخليهم يجيبو سماعات كبيره. وانت تجيب الفلاشه نولعها.
رحيم: هواء يا معلم.
<<<سعد وسيد ولاد عارف السواق وسعاد وسنهم 17 و15 سنه سعد الكبير>>>
زياد راح لقمر اللي كانت واقفه ومستنيه صحابتها
زياد: انتي واقفه كده ليه. ادخلي جوه
قمر: صحابتي جايين وانا مستنيهم
زياد بنرفزه: انا مش قولتلك يا قمر تلبسي طرحه وتتحجبي. وله فرحانه بشعرك ده.
قمر بتخبط الارض برجليها: يووووه. انتي كل اما تشوفني تزعقلي
زياد: اه. لحد اما تسمعي كلامي
صقر كان شايفهم وراح لعندهم. صقر: انت بتزعق ليه.
زياد: مش عيب تسيب شعرها كده
صقر: طيب وانت مالك. انا ابوها وانا اللي ليا كلام عليها.
زياد: يا عمي افهمني. قمر كبرت ومينفعش تسيب شعرها كده
صقر: وانت مالك يارخم. بنتي وانا حر فيها
فزاع ادخل: في ايه ياصقي وانت يا زياد
صقر: ابنك عايز يمشي كلمته عليا. وبيقولي قمر تلبس الحجاب. وبيزعقلها كمان
فزاع حضن قمر: متزعليش يا قمر. انا هربيه
قمر: شكرا يا عمو
زياد واقف متغاظ وباصص لابره وليها
زياد: ايه ياختي.
فزاع بمكر: وانت مالك يا زياد
زياد: يا بابا انا خايف عليها الحفله مليانه شباب.
فزاع: خلاص يا صقر زياد بيخاف عليها زي اخوها. عادي متزعلش
زياد نفسه يقولهم انه بيحبها بس مش عارف سكت وبص لقمر جامد واستاذن ورجع لصحابه
شويه وصوت المهرجانات اشتغلت والشباب بترقص
وفزاع باصصلهم باستغراب وصقر واقف معاه.
وطفو الشمع وقطعو التورته والحفله خلصت وكل واحد رجع بيته
والولاد طلعو على اوضهم وشمس وفزاع في اوضتهم.
عز دخل لزياد: زيزو متعصب ليه
زيادحكاله على اللي حصل
عز: انا عارف انك بتحب قمر. بس خلص تعليمك الاول وبعدين اتقدم. المهم دلوقتي هنعمل ايه في موضوع الجامعه
زياد: هندخل لزين وهو اللي هيتكلم
دخلو لزين واتفقو على كل حاجه وراحو خبطو على باب اوضه شمس
شمس فتحت: مالكم انتم كويسين. حد تعبان
زين: احنا كويسين يا ست الكل بس عايزين نكلمكم في موضوع
فزاع: ادخلو
ال3 دخلو واقفين قدام السرير وفزاع قاعد على السرير.
فزاع: اتكلمو على طول. ايه اللي في دماغكم
زين ابتسم: احنا عايزين نسافر ونكمل تعليمنا بره
شمس: ايه. لا انسي موضوع السفر
عز: ليه بس يا ماما.
شمس: انا زعلانه انكم هتتدخلو الجامعه اللي في القاهره ووافقت بالعافيه وانتم عايزين تسيبو مصر كلها.
فزاع: اهدي بس يا شمس وتعالي اقعدي جنبي. وانتم اقعدو ونتكلم بهدوء
قاعدو ال3 و.
ابتدا زين يتكلم: يا بابا هنا او في القاهره كده كده هنسافر والطياره سهلت الموضوع. يعني في ساعات هتسافرو وتكونو عندنا.
عز: وبعدين احنا عايزين ندرس هناك. وحضرتك عمرك ما منعتنا من حاجه نفسنا فيها
زياد ساكت ومراقب الموقف
فزاع: عايزين تدرسو ايه وفين
زين: هدرس هندسه في امريكا
زياد: انا هدرس طيران في روسيا
عز: انا هدرس هندسه في امريكا.
شمس: كده كتير انا مش عارفه انت بتسمعهم وساكت ليه. دول عايزين يسافرو بره البلد وفي بلد اجنبي. انت عارف عيشتهم ازاي والحرام هناك سهل
زين: يا امي الحرام موجود في كل مكان وانتم مربينا على الحلال والصلاه. عمرنا ما هنعمل حاجه غلط او حرام. اطمني
عز: في اي وقت نفسك تشوفينا هنقطع تزكره ونجيلك او انتي تعالي وبالمره تتفسحي وتغيري جو
زياد: ما تقلقوش علينا احنا تربيتكم. وعارفين الصح من الغلط. وبنعرف نفرق كويس.
فزاع: خلصتو كلامكم
كلهم: اه
فزاع: يلا ارجعو على اوضكم. و ربنا يسهل
راحو عندهم وباسو ايديهم وراسهم. وخرجو
شمس حضنت فزاع وهي زعلانه
شمس: انا خايفه اووي عليهم يا فزاع
فزاع: ولادك رجاله يا شمس. ومحترمين وبيصلو وعارفين ربنا كويس.
شمس: مش عارفه يا فزاع. انا بحبهم حوليا وجنبي
فزاع: انا كمان بحبهم حوليا دول سندي وضهري يا شمس. بس هيدرسو ويرجعو واحنا ممكن نسافرلهم. سيبيها على ربنا. وهو يحلها من عنده.
شمس: طيب انا هقوم اطمن عليهم واجيلك
فزاع: روحي يا شمس. وانا هقرا قران لحد اما ترجعي
شمس لبست الاسدال وراحت لاوضه عز خبطت وهو قال ادخل. دخلت وهو قام وقف احترم ليها.