رواية شمس الصعيد الجزء الأول للكاتبة ياسمين علاء الدين الفصل الخامس عشر
يوم جديد بدأ
شمس استيقظت على صوت ضجيج وفزاع استيقظ معاها، ذهب يري ما يحدث وعاد لشمس
شمس: في حاجه
فزاع: ده خالي ومرت خالي وضحي تحت
شمس: اكيد عرفو. انت اللي قولتهم؟
فزاع: اكيد امي خبرتهم...
دخل الحمام وبعد وقت خرج وارتدت ملابسه ليرحب بخاله عابد
شمس بعد تفكير: فزاع متقولش حاجه. قولهم اني وقعت على السلم وانا نازله
فزاع باسها من راسها: حاضر يا قلبي. خليكي هنا متقوميش وانا هخليهم يطلعو يسلمو عليكي.
شمس: مش هتفطر انت
فزاع ابتسم: فكري بنفسك وانا هتصرف متقلقيش عليا
شمس: بحبك
فزاع كان خارج رجع: بحبك اكتر.
نزل فزاع سلم على عابد وامال وضحي وطمنهم على شمس. واخبرهم بحملها.
صعدو لغرفتها يطمئنون عليها. وفزعو من شكلها
امال حضنتها: كده يا شمس وشك. الف سلامه عليكي
شمس: الله يسلمك يا ماما. انا كويسه الحمد لله
عابد حضنها: الف سلامه عليكي يا حبيبتي
ضحي: وسع بقي يا حاج. انا عايزه اسلم عليها. ضحي حضنتها: واحشاني يا كلبه
شمس: يا جزمه اتلمي. ايه اخبارك مع صقر
ضحي: كله تمام. متخفيش على اختك. خافي عليه هو.
شمس ضحكت: والله انتي كارثه. ربنا يعينك يا صقر.
عابد خرج من الغرفه بعد أن اطمأن عليها وتركهم. يتحدثون معا وضحي بخفه دمها تجعلهم يضحكون.
سعاد صعدت بالطعام لهم. وتناولو الافطار. وشمس اخذت دواها ونامت من التعب
صقر اتصل بضحي واطمن على شمس. وقالهم انه هيجي اخر الاسبوع
شمس ابتدت تتحسن ووشها خف بس لسه ايديها في الجبس وكلهم كانو معاها وبيساعدوها
اخر الاسبوع وصل صقر من القاهره
فزاع حضنه: حمد لله على السلامه يا صقر. واحشتني يا خوي
صقر حضنه: وانت كمان. مبروك على حمل شمس هتبق احسن اب
فزاع: تسلم يا غالي. عقبالك.
صقر: قول يارب وكلم خالك يخفض مده العقاب ويجوزوني البت ضحي
فزاع بضحك: هقوله حاضر. تعال ادخل لامك.
دخل صقر لناصره وضمها بحب واشتياق
ناصره: اتوحشتك يا صقر
صقر: وانتي كمان يا غاليه واحشاني قوي. اخبارك ايه
ناصره: الحمد لله يا ولدي. بخير طول ما انت بخير
صقر: احنا بخير طول ما انتي بتدعيلنا.
و بعد السلام تناولو الغداء معا ومر اليوم كله وصقر يمزح معاهم ويحكي له عن مواقفه المضحكه التي يمر بها.
في المساء
كان صقر يسير في حديقه المنزل مع ضحي
ضحي: صقر انت متغير ليه
صقر: انا. لا مش متغير. ليه بتقولي اكده
ضحي: احساسي بيقولي انك مخبي عني حاجه؟
صقر: لا ياحبيبتي متهيالك بس، يمكن علشان مشغول، لكن مفيش حاجه، انا لسه بحبك وبعشقك.
ضحي ابتسمت بس من داخلها تشعر أن هناك شئ به
كان يسير بجانب ا بعضهم بصمت.
صقر: مش هتنامي
ضحي: اه. هطلع انام
قبل يدها: تصبحي على خير
ضحي: وانت من اهل الخير
صعد كل منهم إلى غرفته.
فزاع صعد لشمس التي كانت تجلس في انتظاره تجلس على الاريكه وهي تشاهد فيلم انمي. نيمو
فزاع: حبيبتي صاحيه ليه.
شمس: كنت منتظراك. تعال نقعد شويه مع بعض. اليومين دول انت مشغول وانا كنت تعبانه قولت نسهر مع بعض
فزاع: عيوني ليكي. ثواني اغير واجيلك
خرج فزاع من الحمام. وجلس بجانب شمس ونظر التلفاز بصمت ثم أدار نظره إليها باندهاش
شمس: ايه مالك
فزاع: انتي بتتفرجي على كرتون اطفال ليه.
شمس بطفوله: ده فيلم جميل. اتفرج عليه كده. هيعجبك جداً
فزاع بضحك: انتي قولتي نسهر مع بعض يعني نتفرج على فيلم رومانسي مش فيلم كرتوني. هو انا متجوز طفله
شمس: وفيها ايه اما ابقي طفله.
فزاع: مفروض تكبري انتي هتربي عيالنا، ازاي. مش عارف
شمس ضيقت عينيها: يعني ايه. انا مش عجباك.
فزاع: مين قال انك مش عجباني. ده انا بعشقك يا شمس.
شمس: انا بحب اكون طفله معاك. وله انت عايز تغير رائيك.
فزاع: انا بخاف عليكي زي بنتي و بعشقك وانتي حبيبتي و بتكلم معاكي كصحبتي. وبحس بحنيه منك زي امي. انتي عندي كل دول. هغير رائي ازاي
شمس حضنته: انت عارف اني بعشقك. وفعلا انت عندي كل حاجه. بحس فيك بخوف الاب وحنيه الاخ وحب الحبيبي واما تزعل او تتعب بحس بخوف الام عليك. ربنا يخليك ليا يا كل حياتي
ضمها فزاع بحب: يخليكي ليا يا شمسي يا ام عيالي.
اضطر أن يجلس بجانبها ويشاهد الفيلم لكي لا يحزنها...
نهار يوم جديد
الكل اتجمع على الافطار
وعابد وامال وضحي ودع العائله وعادو إلى القاهره وصقر عاد معاهم
الايام تمر والحياه مستقره بين الجميع
في يوم كان موعد شمس لكي تفك الجبس
ذهب فزاع مع شمس إلى المشفي وبعد أن قامت بعمل اشاعه فكت الجبس
خرجوا معا من المشفي وهي كانت تضحك وسعيده.
شمس: الحمد لله. ده انا كنت مخنوقه منه اووي
فزاع: حمد لله على سلامتك.
شمس: الله يسلمك يا حبيبي، فزاع مش عايزه ارجع البيت ما تخرجني
فزاع: عندي شغل. بس اوعدك اول اما اخلص اللي ورايا هخرجك
شمس: طيب ينفع اخرج مع عمتو
فزاع: لعععععععع
شمس: ليه بس. هي مش بتخرج وانا كمان ومخنوقين. هنخرج ونروح نركب مركب او نروح النادي.
فزاع: هخاف عليكم. انا بقولك هخلص شغل واخرجكم
شمس بزعل: انا نفسيتي تعبانه وعايزه اخرج اغير جو. و معانا عارف السواق يوصلنا. وافق بقي وحياتي وحياتي
فزاع: اوووف بطلي زن زي العيال الصغيره. خلاص روحي مع امي. بس هتركب مركب لوحديكم انتم الاتنين وبس
شمس ببراءه: طيب و مين هيسوق المركب
فزاع: ههههههههه. اقسم بالله انتي عسل. يلا اركبي العربيه.
عادو إلى البيت واخبر لعارف يذهب معاهم إلى مركب ويهتم بهم واخبر ناصره نفس الكلام
فزاع: أن شاء الله هحاول اخلص شغل بدري. خلي بالك من نفسك يا شمس
شمس: حاضر يا كبير
ضحك وقبل جبينها وذهب لشركته.
ناصره ارتدت ملابسها وخرجت مع شمس وراحو على المركب
شمس: الجو جميل اووي يا عمتو. انتي ليه مش بتخرجي
ناصره: عادي يا شمس. انا كبرت. ومش بحب اخرج من البيت
شمس: كبرتي ايه بس يا عمتو انتي متجوزه وانتي عندك 18سنه ومخلفه فزاع وعندك 20سنه يعني عندك 50سنه. لسه صغيره على فكره
ناصره: لا مش صغيره. انا كبيره
شمس: لا صغيره. ده انتي قمر
ناصره: هههههه. ده انتي اللي قمر. تعرفي ان كمال واحشني اووي يا شمس.
شمس: احكيلي عنه يا عمتو كان شبه مين فزاع وله صقر
ناصره: كان قمر شبهه فزاع بكل حركاته وكلامه وطوله وهيبته. كان الكل بيخاف منه وفي الحق ميعرفش اخوه. اتجوزنا وكنت صغيره وبخاف منه. بس هو كان حنين وبيعاملني كيف الاطفال. وعمره ما مد ايده عليا ولا زعقلي. علشان اكده انا واثقه ان فزاع وصقر هيتقوا الله فيكم. لان ابوهم كان بيتقي الله فيا.
شمس حضنتها: ربنا يرحمه يا عمتو.
ناصره: يارب.
شمس: كان عندك حق في كل كلمه قولتيها قبل كده فزاع فعلا طيب اوي وبيعملني كويس جدا
ناصره: انتي وصلتي لقلب فزاع وقدرتي تغيري فيه، فزاع كان عايش سن اكبر منه واتحمل مسؤلية بدري بدري. كان بيشتغل في الشركه ويتابع الأرض و يحل مشاكل أهل البلد. شال هم.
شمس: هو ليه صقر مكنش بيساعده
ناصره: فزاع رفض أن صقر يسيب مدرسته، فزاع اتحمل مسئوليه كل حاجه وبيعامل صقر زي ابنه مش بيعامله زي اخوه
شمس: ربنا يحميهم ويحفظهم لبعض.
ناصره: اللهم امين.
كان هناك من يقف بعيدا ويتابع شمس وهو ينتظر اي فرصه ليقترب منها ويتحدث معاها ولكن كيف وهي الآن ابتعدت وتجلس في المركب برفقه عمتها
وقف ينتظرها حتى تعود المركب مره اخري ويتحدث معاها.