رواية شمس الصعيد الجزء الأول للكاتبة ياسمين علاء الدين الفصل الحادي والعشرون
شمس تجلس مع فزاغ امام البحر بصمت.
فزاع: شمس انتي مش عايزه ترجعي البيت ليه. واتكلمي بصراحه
شمس: مش عايزه ارجع دلوقتي. خليني هنا يومين او هروح عند بابا وماما. حاسه اني مخنوقه
فزاع ضمها ليه: انا مقدرش استغني عنك. انتي منوره حياتي. واول اما غيبتي عني. حياتي ضلمت من غيرك.
شمس: فزاع انا كمان مقدرش استغني عنك. بس بقولك هبعد شويه.
فزاع: متبعديش خليكي جنبي.
شمس حضنته: فزاع انت محتاجني وله بتحبني.
فزاع: تفرق معاكي
شمس: حابه اعرف الاجابه عن السؤال
فزاع: بحبك وحبك مسيطر عليا. ومحتالني. عارف ان طابعي صعب بس انتي غيرتي فيا كتير.
عارفه كاظم الساهر غني اغنيه كده كانت بتقول: يا قمراً يطلع كل مساءٍ من نافذة الكلمات
يا آخر وطن أولد فيه
وأدفن فيه. وأنشر فيه كتاباتي
غاليتي أنت غاليتي. لا أدري كيف رماني الموج على قدميك. لا أدري كيف مشيت إليّ. وكيف مشيت إليك. غاليتي أنت غاليتي.
هل عندك شك انك دخولك في قلبي اعظم يوم في التاريخ
واجمل خبر في الدنيا. هل عندك شك انك احلي امراه في الدنيا. واهم امراه في الدنيا
شمس ابتسمت وطبعت قبله على خده ووقفت
فزاع: وقفتي ليه
شمس: يلا يا تاعب قلبي. يلا نرجع بيتنا.
فزاع فرح وضحك شالها ودخل بيها البيت لمت هدومها. وهو نزل يصلي طلع كانت خلصت. وركبو العربيه بعد اما سلمو على عم ابراهيم وانطلقو في طريقهم إلى البيت.
فزاع وهو في الطريق اتصل بناصره واخبرها انه في الطريق وعائد على البيت
طول الطريق وفزاع ماسك ايد شمس وبيتكلمو.
رجعو على البيت وامه كانت منتظرهم واول اما شافت شمس حضنتها وبعدين فضلت تعاتبها علشان مشيت من غير اما تقولها
ضحكو وقاعدو يتكلمو مع بعض. وفزاع جاله تلفون من رقم غريب قام رد وقاله ان فيه مشكله. في مخزن الشركه
وقفل
فزاع: هسيبكم ان رايح الشركه وهرجع تاني بسرعه
ناصره: الوقت متاخر يا فزاع. خليها الصبح.
فزاع: متخفيش ربنا الستار.
شمس قامت حضنته جامد: خلي بالك من نفسك
فزاع: مش هتاخر ان شاء الله. متنميش
شمس: هستناك يا قلبي
خرج فزاع إلى المخزن لم. يجد به شئ.
وقف قليلا. وبعدها رن على الرقم اللي كلمه كان مغلق ركب السياره وهو في الطريق كان في شجره كبيره واقعه في نص الطريق. وقف شويه بعربيته واستغرب لانه لسه كان جي من نفس الطريق.
ولسه بيتحرك بالعربيه علشان يمشي من طريق تاني. لاقي عربيه نقل كبيره دخلته في عربيته وفجاه الدنيا اسودت في عينه و محسش بحاجه خالص واغمي عليه.
ناصره حاسه بقبضه في قلبها وشمس حاسه بخنقه نزلت لناصره
شمس: عمتو.
ناصره: مالك يا شمس
شمس: حاسه بخنقه يا عمتو.
ناصره: وانا ربنا يستر. انا هتصل بصقر اطمن عليه
شمس: وانا هكلم فزاع
ناصره اتصلت بصقر واطمنت عليه و شمس بتتصل بفزاع والموبيل مقفول.
ناصره: كلمتي فزاع.
شمس: الموبيل مقفول. انا مش مطمنه فزاع عمره ما بيقفل تلفونه. لازم اطمن عليه
ناصره: انا هخلي عارف يروح الشركه يمكن تليفونه فصل. اهدي يا شمس علشان الحمل
بعد وقت سعاد دخلت تجري وقالتلهم ان عارف عايزهم بره
شمس لبست الطرحه وجريت هي وناصره
عارف قالهم يركبو العربيه.
شمس: انطق يا عارف في ايه.
عارف: يا ست شمس. فزاع بيه عمل حادثه
ناصره خبطت على صدرها: ايه. فزاع
شمس: لا. فزاااع.
جريو هما الاتنين على العربيه وعارف وداهم المستشفي
شمس جريت على جوه وهي بتعيط ومنهارهومعاها ناصره اللي قلبها هيقف على ابنها
عارف: اهدي ياست شمس علشان الحمل. هو في العمليات
ناصره: فين يا عارف اوضه العمليات
عارف: تعالو معايا
خدهم ووقفو قدام العمليات سالو عليه الممرضين وقالو انه في العمليات
عارف اتصل بصقر وقاله
كلهم واقفين بره منهارين وشمس قاعده على الكرسي هي وناصره وحاضنين بعض.
الدكتور خرج وطلب يشوف حد من اهله
شمس: فزاع ماله في ايه
الدكتور: انتي تقربيله ايه
شمس: مراته. طمني عليه
الدكتور: امضي على الاقرار ده لانه النزيف مش عايز يقف اللي فرجله ولازم
شمس قطعته وصوتت: لا مش همضي. اعمل اي حاجه غير دي
الدكتور: لو النزيف موقفش جسمه هيتصفي. وهيموت
شمس: لا. مش هقدر امضي. عمتو الحقيني
الدكتور: والمريض اللي جواه بقولك حالته صعبه
ناصره بقوه: انقذ ابني يا دكتور. هات الاقرار.
شمس بتبكي بحرقه وناصره مضت على الاقرار والدكتور دخل يكمل العمليه.
ناصره بعد اما مضت اغمي عليها ووقعت في الارض شمس صوتت وعارف جري على الممرضين جريو وشالوها ودخلوها على الاوضه وشمس حاسه انها في كابوس لوحدها. جريت مع عمتها الدكاتره كانو بيكشفو عليها. وخرجت تاني. كان فزاع لسه في العمليات كلمت الممرضه قالتلها ان حالته صعبه وتدعيله. وهي واقفه وحاسه ان هيغمي عليها وبتحاول تتماسك.