رواية شمس الصعيد الجزء الأول للكاتبة ياسمين علاء الدين الفصل الثالث والعشرون
فزاع اتنقل للغرفه عاديه وحالته مستقره. وناصره فاقت والدكاتره طمنوهم على صحتهم
عابد وامال وصقر وضحي كانو في اوضه ناصره و كانو بيصبروها. شمس قالتلهم انها هي عايزه تقعد مع فزاع لوحدها وهي اللي تقوله على اللي حصله واما يهدي ويدخلو.
شمس كانت قاعده على الكرسي جنب سرير فزاع. فاق فزاع
شمس مسكت ايده وابتسمت بوجع: الحمد لله على السلامه
فزاع بتعب: الله يسلمك. عامله ايه.
شمس: بخير طول ما انت بخير. (طبعا فزاع لسه مش عارف موضوع رجله. وشمس مش عارفه هتقوله ازاي)
فزاع: جسمي كله وجعني
شمس: الف سلامه عليك. الحادثه كانت صعبه. والدكتور قال ان في جروح كتيير في جسمك بس طمنا انك عديت مرحله الخطر. مع المسكنات هتعدي المرحله دي وهترجع زي الاول.
فزاع: الحمد لله على كل شئ.
شمس: انت مؤمن يا فزاع وعارف انك كل ابتلاء بيبقي اختبار لينا من ربنا. وفي حديث عن الرسول صلي الله عليه وسلم.
قال{ رسول الله صلى الله عليه وسلم إن عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط. رواه الترمذي وقال حديث حسن. وأكمل الناس إيمانا أشدهم}
فزاع: ونعم بالله. عايزه تقولي ايه يا شمس. ايه ابتلائي
شمس: رجلك الشمال. كانت الاصابه فيها والنزيف مكنش راضي يقف فالدكتور...
فزاع وشمس بتتكلم قلبه بيدق بسرعه وابتدي يحس انه رجله مش حاسس بيها. دمعه نزلت من عينه غصب عنه
شمس قامت وضمته بحب وحنان وهو حضنها جامد لانه محتاج لحضنها. ودموعه نزلت بصمت وهي حاست بيه و دموعها نزلت.
شمس: انا بحبك يا فزاع. فتره وهتعدي. المهم انك بخير ومعايا.
فزاع: مش عايز اتكلم. اخرجي وسيبيني لوحدي. عايز اقعد مع نفسي
شمس: انا مقدرش اسيبك. لو انا مكانك كنت هتعمل ايه.
فزاع بعصبيه: بس انتي مش مكاني. اخرجي يا شمس
شمس: ده ابتلاء ولازم ترضي وبعدين انت كويس افهمني. انا محتاجلك وعايزاك تكون قوي وجنبي عشاني وعشان عيالك ومامتك واخوك وكلنا بنستمد القوه منك
فزاع: اخرجي يا شمس. ارجوكي.
شمس بصتله بحزن ووجع وقامت وخرجت من الاوضه
صقر خرج من عند امه وكان واقف بره اوضه فزاع واول اما شاف شمس سالها
صقر: فزاع كويس
شمس بدموع: اه. فاق
صقر قولتيله.
شمس: اه. قولتله وهو قالي اخرج بره عايز يقعد مع نفسه
صقر: اكيد مصدوم. انا هدخل اتكلم معاه
شمس: ادخله يمكن تقدر تهون عليه.
صقر وقف خمس دقايق يستجمع شجاعته. خد نفس جامد وخرجه وخبط ودخل
صقر بابتسامه: الحمد لله على سلامتك يا خوي. كده فزعتنا عليك
فزاع بصله بوجع وسكت
صقر: قولي هو اللي بيعمل حادثه. بيبقي اكده
فزاع مش فاهم: اكده ازاي
صقر: قمر اكده. دي الممرضات طلعين خرجين يتخانقوا عليك مين اللي هيدخلك.
فزاع بصله: انت عتهزر. ده وقته
صقر: اه فيها ايه. ما انت زين
فزاع: عرفت باللي حوصل معايا
صقر: اه. قضاء ربنا وانت كويس. الدكتور قال ان الحادثه كانت واعره.
فزاع: انا مش هعرف امشي تاني
صقر: في طرف صناعي هيتركب بس اما الجرح يلم وهترجع تمشي عادي. ومحدش هيعرف باللي حوصل. غيرنا.
فزاع: قلبي وجعني يا خوي
صقر حضنه بقوه: سلامت قلبك. انت مش اخوي يا فزاع انت ابوي. احمد ربنا يا خوي انك بصحه وعافيه.
فزاع: الحمد لله على كل حال.
خبط الباب ودخلت الممرضه ومعاها شمس
الممرضه: حمد لله على السلامه
فزاع: الله يسلمك
صقر غمز لفزاع. فزاع بصله بحده وسكت
الممرضه ادتله العلاج وغيرت المحلول وخرجت
صقر بغمزه: شوفت الممرضه حلوه ازاي
شمس: والله لقول لضحي. ابعد عن فزاع هتبوظ اخلاقه
صقر: انتي هتغيري من ممرضه
شمس بحب: انا بغير عليه من الهواء
صقر لفزاع: الله يسهله يا خوي. شمس عيونها هتطلع قلوب
شمس بكسوف: رخم.
فزاع مش بيتكلم و ساكت في دنيا تانيه. حزين وشارد
شمس: فزاع. اشرب العصير ده.
فزاع: لا مش عايز انا هنام.
صقر شال المخده اللي وراه وعدل السرير وفزاع غمض عينه
خرج صقر وشمس قعدت جنب السرير
فزاع وهومغمض عينه: ارجعي البيت وارتاحي يا شمس. شكلك تعبانه
شمس: راحتي معاك يا قلبي
فزاع: شمس اسمعي الكلام. انتي حامل وتعبانه. ارتاحي. وتعالي بكره
شمس: مش همشي من هنا غير وانت معايا
فزاع زعق: انتي مش بتسمعي الكلام ليه.
شمس وقفت بدموع وخرجت وقفلت الباب
فزاع اتنهد بوجع ومش عارف يعمل ايه هو خايف عليها. عينيه دمعت على حاله ودماغه من كتر التفكير مش عارف ينام
شمس دخلت الحمام و مسحت دموعها وغسلت وشها وراحت لعمتها. كانو كلهم معاه وطمنتها على فزاع
ناصره: عايزه ادخل اشوفه
شمس: هو نايم يا عمتو. ارتاحي انتي وكمان ساعه ندخله نطمن عليه
صقر: خال خد شمس وضحي ومرت خالي وارجع البيت ارتاح وتعالي تاني.
ضحي: مش هسيبكم
عابد: ما عينفعش يا صقر
ناصره: لازمن ترجع ترتاح شكلكم تعبان وحتى شمس تغير وترتاح شكلها تعبان والحمل عليها تقيل متتعبنيش يا خوي
امال: حاضر يا حاجه ارتاحي انتي
عابد خد مراته وشمس وضحي وراح على البيت كلهم طلعو يرتاحو
شمس خدت شاور وغيرت هدومها ومعرفتش تنام لبست ورجعت على المستشفي.
صقر: رجعتي ليه يا شمس
شمس: معرفتش انام. ارجع انت البيت نام وانا هقعد معاهم.
صقر: ادخلي لجوزك. وانا هقعد مع امي واما خالي يرجع هسيبهم وارجع البيت انام.
شمس: ماشي. هدخل انا لفزاع
دخلت شمس وصقر اتبسطت انها رجعت لفزاع
فزاع بضيق: مش قولتلك ارجعي البيت
شمس بابتسامه: ما انا رجعت وغيرت هدومي بس معرفتش انام وانت مش في البيت
فزاع ابتسم وهي قعدت على السرير. اتحرك بوجع ونايمها جنبه. وهي حضنته وفي دقايق كانت نامت
فزاع بوجع: وبعدين معاكي يا شمس. تعبانه وبتعندي. وهو كمان نام.
ناصره دخلتله بليل واطمنت عليه. وفضلت تكلمه وتصبره
وهو رضي بقضاء ربنا
عدي اسبوع وهو في المستشفي و ناصره خفت وخرجت وكلهم بيرحو يزرو وشمس كانت بتبات معاه
التحقيقات شغاله ولسه مثبتش مين اللي وراه الحادثه
شمس: اما تخرج من المستشفي هنرجع على سفاجا. لحد اما تخف وتركب الجهاز وتقدر تمشي
فزاع: اتصلي بصقر. عايزه في حاجه مهمه
شمس اتصلت بصقر. صقر قفل معاها ولبس وراح لفزاع المستشفي
فزاع: عايز اتكلم مع صقر لوحدنا.
شمس: انا هخرج
صقر: في ايه يا فزاع
فزاع: انا عايز اطلق شمس
صقر: ايه. تطلق شمس ليه. دي بتحبك انت مش شايف بتعمل ايه عشانك وهي حامل وتعبانه
فزاع بوجع: لازم اطلقها. شمس هتتعب معايا ولسه صغيره ايه ذنبها تعيش مع واحد زي. لازم تعيش حياتها.
صقر: لا يا فزاع قرارك غلط. انت كده بتظلم نفسك وتظلمها. انا عارف انك بتحبها. انت هترجع تمشي وتكون كويس والحياه بتستمر. في غيرك في حادثه زي دي بيتشلو خالص وبيحمدو ربنا وبيعيشو. ليه انت تظلم نفسك
فزاع بدموع: هات المأذون.