قصص و روايات - روايات صعيدية :

رواية شمس الصعيد للكاتبة أماني فهمي الفصل السادس والعشرون

رواية شمس الصعيد للكاتبة أماني فهمي الفصل السادس والعشرون

رواية شمس الصعيد للكاتبة أماني فهمي الفصل السادس والعشرون

توقفنا عندما نزلت شمس الصغيرة في يد والدها ووجد جدها وجدتها وقصي وخالها يجلسون على السفرة في انتظارها.

شمس الصغيرة: الله رقاق حبيبتي يا شموسة
شمس الكبيرة بابتسامة: بالف هنا يا عمري
وهدان: عامله ايه دلوقتي يا قلبي
شمس الصغيرة بابتسامة: الحمد لله وهودي
شمس الكبيرة بغيظ: نتلم بقي علشان مخليش الطبق اللي قدامك يسلم على وشك
شمس الصغيرة بابتسامة: حبيبتي يا شمسي الملوخية سخنة وانا عاوزة اتجوز سليمة
قصي بلهفة: عوزة تتجوزي بجد.

شمس الصغيرة بابتسامة: وهودي جوزني بقي مش خلاص السن حكم ولا عاوزني ابور وفضل قاعدة في اربيزك أو طلق شمس ديه وجوزني انا
شمس الكبيرة بغيظ: جوزوكي حمارة عارجة ملكيش دعوة جوزي يا بت عندك قصي روحي اتجوزيه
شمس الصغيرة: قصي مين ده لا طبعا انا عوزة موز كده
حامد بابتسامة: والله البت بتفهم
قصي: نعم يا بنت حامد وانا مش موز.

شمس الصغيرة ببرود: لا طبعا انا ناوية اطلع على تركيا اجيب من هناك عريس موز كده تقفيل السنة وجوزه
قصي بغيظ: عجبك كلامها يا خالي
حامد بابتسامة: براحتها على الآخر
قصي بغيظ: وانت يا جدي عجبك
وهدان بابتسامة: والله يا قصي مقدرش اقف في طريق سعادتها و فرحتها انا نفسي اشفها متهنية مع راجل بجد يحافظ عليها ويسعدها ويريح بالها و قلبها
شمس الصغيرة بابتسامة: ربنا يخليك ليا يا حبيبي.

قصي بعشق: شمسي وقمري ونجمتي الغالية تقبلي تتجوزيني
شمس الصغيرة: افكر
قصي: براحتك معاكي بس 5 دقايق وبعد كده هسحب العرض
شمس الصغيرة بردح: نعم يا روح امك متتلم يا بن مي هو انت متفرعن على ايه
قصي بابتسامة: متفرعن علشان انا بعشق اجمل نساء الكون وملكة قلبي وروحي
شمس الصغيرة بمشاكسة: هي مين ديه قصيي
حامد بغضب: لم نفسك يا بن صالح وملكش دعوة بنتي.

منصور بابتسامة: والله يا قصي انت بتفهم عاكس يا كبير عاكس الله يساهله
قصي بابتسامة: جدو انا عاوز اتجوز قولت ايه
وهدان بابتسامة: هقول ايه يعني مبروك
حامد بغيظ: هتجوز مين ان شاء الله
قصي ببرود: بنتك يا خالي
حامد ببرود: معنديش بنات للجواز
قصي ببرود: براحتك يا خالي بس هتجوزها بردو
وهدان بستغراب: انت بجد مش موافق يا حامد
حامد وهو يحضن شمس: لا انا عاوز بنتي تفضل جمبي لغاية متعجز.

شمس الصغيرة بابتسامة: حبيبي انا هفضل جمبك مفيش قوة على وش الارض تقدر تبعدني عنك انا بنوتك الصغيرة
شمس الكبيرة: مالك يا حامد متسيب العيال يفرحو يعني مش نفسك تشيل ابن او بنت شمس بين حضنك
حامد: نفسي بس هو هياخدها مني وانا عوزها دايما في حضني
قصي بابتسامة: وانا عمري مهحرمها من حضنك يا خالي بس انا بحب شمس وربنا يعلم انا مستعد انفذ اي اوامر ليها بس تبقي مراتي وملكي.

حامد: يعني هتفضل تجبها هنا ومش هتمنعها عني
قصي: يا عم حامد انا اصلا لاجى في البيت ده والمثل بيقول ايه الست مترح ميكون جوزها صح
شمس الكبيرة: صح يا قصي صح بص عوزاك تصبحها بعلقة و تمسيها بعلقة
شمس الصغيرة ببرود: ليه وهدان كان عملها فيكي ولا حامد كان عملها في نجمة الله يرحمها
حامد بلهفة: انا ارفع ايدي على روحي كانت اتقطعت.

قصي بجدية: انا متجوز ست مفيش منها اتنين وواثق و متأكد بانها ست بمليار راجل ولو في وسط مليار راجل
وهدان بجدية: شوفو شغلكم وحالكم وحددو يوم وحنا معاكم
شمس الكبيرة بابتسامة: مبروك يا قلبي
ابتسمت شمس للجميع بسعادة اما قصي فكان يطير من الفرح لأنه واخيرا فاز بملكة قلبة ونجمة حياتة.

شمس الصغيرة: امال فين بدر
شمس الكبيرة: راح يقعد مع امه يومين
استاذنت شمس الصغيرة منهم وخرجت ووقفت مع هاري وطلبت منه أشياء وهز رأسه بطاعة
جلست شمس في مكانها المعتاد
بحث قصي عن شمس واخبره هاري على مكانها فذهب لها وجلس بجوارها ولم تشعر شمس بيه
قصي بحنان: مالك نجمتي
شمس: لا رد
قصي باستغراب: شمس حبيبتي مالك
شمس بانتباة: هااااا نعم قصي
قصي: لاااااا انتي مش معايا خالص
شمس بابتسامة: معلش قصي دماغي مشغوله.

قصي بعشق: مالك يا قلبي
شمس بتنهيدة: والله يا قصي دماغي مشغولة بفكر شوية عندي شغل كتير الفترة الجاية ولازم يخلص
قصي بحنان: زين و حاتم موجودين بلاش تشغلي دماغك الحلوة ديه
شمس بابتسامة: اشطا هنرجع بكرا بإذن الله
قصي: معاكي يا قلبي لغاية آخر العمر
شمس بدلع: بجد يا خديوي
احم احم احم
شمس الصغيرة بجدية: في ايه يا عم جبل
جبل: في ناس طالبة جلسة بسرعة
قصي: جلسة ايه.

شمس الصغيرة: جلسة عرفية ماشي عم جبل دخلهم وانا جاية وراك
مشي جبل وقامت شمس و قصي ودخلو جوا وصعدت إلى الأعلي وبدلت ملابسها ولبست عباية باللون الاخضر ونزلت.

وهدان بابتسامة: جاهزة يا قلب وهدان
شمس الصغيرة بابتسامة: جاهزة يا قلبي
شمس الكبيرة بغيظ: اتلمي يا زفتة
قصي: هو ينفع احضر الجلسة
وهدان بابتسامة: تعالى طبعا علشان تعرف انت واخد مين
شمس الكبيرة بفخر: واخد ست البنات وقوة الصعيد و فخر العيلة شمس المنشاوي كبيرة عيلة المنشاوي والصعيد كله
وهدان بضحكة: راضية عليها دلوقتي
شمس الكبيرة بابتسامة: هفضل راضية عليها لغاية مموت وبعد مموت.

شمس الصغيرة بابتسامة: تسلميلي يا قلبي ربنا يمد في عمرك
دخلت شمس وبجوارها جدها وخلفهم حامد وقصي
جلست شمس و وهدان في مكانهم المعتاد في منتصف الغرفة و حامد و قصي على شمالهم
شمس بجدية: بسم الله نفتح الجلسة
الراجل بدموع: الحق و العدل يا كبيرة
شمس بجدية: ومن ميتي احنا مش بننصر الحق والعدل
الراجل بدموع: حق بنتي يا كبيرة
وهدان بهدوء: اهدي يا حاج وحكي اللي حصل.

الراجل: انا و بتي شغالين في أرض الباشا وابنه الكل عارف انه عياره فالت ومش بيحترم حد اول امبارح ضربني قدام الانفار و بتي صرخت فيه وسبنا الشغل عنده النهاردة وهي راجعة من الغيط اتأخرت عن معادها ومن شوية لقتها داخلها عليا اهي اهي اهي اهي اهي اهي اهي
شمس بغضب أعمي وصوت كالرعد: بتك زينة بختم ربها
لم يرد الراجل وكتفي بالبكاء فشتعل غضب شمس
شمس بغضب وصوت كالرعد: جبل جهز الرجالة والفرسة
جبل: اوامرك يا كبيرة.

الراجل: بس يا كبيرة محدش بيقدر يقف قدامه
شمس بغضب و عظمة: لسه متخلقش ولا هيتخلق اللي يكسر الحق وعدل ربنا وحق بتك هيكون عندك النهاردة اطمن مرعي
مرعي: اوامرك يا كبيرة
شمس بجدية: تاخد الحاج و تروح معاه على بيته وتجيب بنته و شيخ الجامع ودفترة مفهوم
مرعي: مفهوم يا كبيرة
جبل: الرجالة جاهزة يا كبيرة
شمس بجدية: مصطفى لم اهل البلد وقول للحاجة تجهز الفرح
شمس بجدية: يالا بينا.

خرجت شمس الصغيرة بكل غضب وهي على أتم استعداد لحرق الاخضر و اليابس كيف لذلك المعتوة الإعتداء على شرف امرأة ويهين رجل كبير في العمر.

قصي: خالي هي شمس هتعمل ايه
حامد بابتسامة: هتجيبة تحت رجليها
وهدان بابتسامة: ويا سلام لو كان بنفس الهدوم اللي عليه هيبقي هنا
قصي: مهما كان لابس
حامد: والله مرة جابت راجل
قصي بصدمة: يخربيت عقلها
اخذت شمس الرجالة وتوجهت لعزبة الباشا وعندما رائها الحرس فتحو باب القصر ونحنو لها.

نزلت شمس من على الفرسة ودخلت إلى القصر وخلفها الرجالة
محمود الباشا: اهلا اهلا بكبيرة الصعيد
شمس بغضب: فين ابنك
مروة الباشا: انتى اذاي تشتمي اخويا وتدخلي علينا كده
شمس بغضب أعمي: اخرسي يا حرمه انا شمس المنشاوي كبيرة الصعيد ودخل اي مكان انا عوزاه.

شاورت شمس للرجالة فصعدو بسرعة إلى الاعلي وامسكو بذلك الشاب وجروه خلفهم ونزلو
شمس بغضب أعمي وصوت كالرعد: هو ده هتوه ورايا وهاتو كمان البت ديه
خرجت شمس الصغيرة بنفس القوة
وصلت شمس إلى القصر ووجدت اهل البلد في انتظارها
وقفت شمس بعظمة و قوة يليقو بها
شمس بغضب أعمي وصوت كالرعد: النهاردة باسل الباشا هيكتب كتابة على زينة المحمدي وبكرا الفرح
محمود الباشا بغضب: انتى اتجننتي ابني مش هيتجوز حد.

شمس بغضب: قدامك حل مفهوش راجعة يالجواز يالموت وانا على اتم استعداد ادفنه حي ومش هتبقي أول مرة ولا اخر مرة اخترت ايه ياما بنتك الحلوة هيحصل فيها نفس اللي عمله ابنك في بنات الناس
احدي الشباب: وانا مش موافق زينة ملكي وانا اولي بيها
شمس بغضب: ده عند امك انا حكمي نافذ
المحمدي: انا موافق على كلام الكبيرة
شمس بجدية: فين شيخ الجامع
شيخ الجامع: انا هنا يا كبيرة
شمس الصغيرة بجدية: مجهز دفترك.

شيخ الجامع: جاهز يا كبيرة
تم كتب كتاب زينة على باسل وضمنت شمس الصغيرة جميع حقوق زينة
شمس الصغيرة بشر: كده زينة خدت حقها ناقص حقي انا بقي
قصي لوهدان: هي هتعمل ايه
وهدان: اتفرج يا ولدي على شغل الكبيرة
مسكت شمس الصغيرة باسل وفضلت تضربه بشده وقوه تحت هتاف اهل البلد بها وصراخ محمود و مروة عليها.

رمت شمس الصغيرة باسل من اديها بكل قرف
شمس الصغيرة بجدية: بكرا بإذن الله الفرح الحاضر يعلم الغايب وانت يا باشا خد ابنك واوعي تنسي بكرا فرح المحروس ابنك والحلوة بنتك هتشرف معانا لغاية الفرح مش اخت العريس يالا.

غادر اهل البلد وهم يقسمون بانهم يامنون على أرواحهم مع كبيرتهم
دخلت شمس إلى القصر وجدت الفتاة تجلس امام جدتها فتوجهت لها وقامت بصفعها فشهق الجميع.

شمس الصغيرة بغضب: القلم ده علشان يفوقك ويعرفك ان شرفك لو حد يفكر يقرب منه تقتليه من غير تردد مفهوم
زينة بدموع: غصب عني يا كبيرة
شمس الصغيرة بغضب وهي تصفعها: من اللحظة ديه لو حد فيهم مس شعره منك ايدك تسبق لسانك وعرفي انك قوية ومفيش حد يقدر يقف قدامك والكلمة عندك بمية ولو فكر واحد منهم يهينك متحترمش حد.

زينة بدموع: مفهوم يا كبيرة بس انا مش عوزة افضل معاه انا وافقت علشان سمعتي و سمعه ابويا وكلام الناس
شمس الصغيرة بابتسامة: انا معاكي في اي قرار تاخديه
زينة بابتسامة: شكرا يا كبيرة
شمس الصغيرة: ام السعد
ام السعد: اوامرك يا ست الناس
شمس الصغيرة: وصلي العروسة علي الأوضة
جلست شمس الصغيرة بعد صعود زينة ونظرت لهم
قصي: انا برجع في الجوازة يا جماعة
شمس الصغيرة بردح: ده عند امك يا بن مي.

وهدان بابتسامة: البضاعة المباعة لا ترد ولا تستبدل
حامد بضحك: انت ادبست خلاص يا حلو
قصي بعشق: واحلي تدبيسه يا قلبي
شمس الصغيرة بابتسامة: انا هطلع انام علشان الفرح بكرا وهودي عوزة انام
شمس الكبيرة: ورحمة امك يا بت نجمة لو مبعدتي عن جوزي لقتلك
شمس الصغيرة بدلع: وهودي انا ولا ديه
وهدان بابتسامة: انتى طبعا يا قلبي
شمس الكبيرة بغيظ: ماشي يا بن عمي ابقي اعرف تلمها بقي
قصي بضحكة: شكلك هتتقطعي يا كبيرة.

شمس الصغيرة بتحدي: طب ورحمة امي اللي هي بنتك لهينام وهدان في حضني وهنشف يانا يا انتى يا بنت فرحة
وهدان بضحكة رنانة: يعني اختار مين فيهم حب العمر كله ولا بنت عمري
حامد وهو يضم شمس الصغيرة: خلاص أميرتي هتنام في حضني انا يالا بقي
سحب حامد يد شمس وصعدت إلى الأعلي وهي تغيظ جدتها.

في الصباح.

صحيت شمس وعادت إلى غرفتها واخذت دش بارد لعله يريح اعصابها وتؤضات وخرجت تصلي فروضها.

مر الوقت ونزلت شمس إلى الأسفل وكان الفرح منصوب لنقل العروسة إلى منزل عريسها وبالفعل و بعد صلاة الظهر خرجت العروسه من قصر المنشاوي وهي بفستانها الأبيض تنزف لمنزل عريسها.

بعد فترة غادرت شمس و قصي إلى القاهرة.

في القاهرة.

عادت شمس والجميع يمارس أعمالهم لتحديد موعد الزفاف الأسطورة
دخل هاري وبلغ شمس بأن الحرس جاهز فصعدت شمس إلى غرفتها وبدلت ملابسها ولبست فستان باللون الاسود وتركت لشعرها الحرية.

زين: راحة فين شمس
شمس بابتسامة: مشوار مهم سلام يا قلبي
غادرت شمس وتوجهت إلى مكانها.

في احدي المنازل.

وصلت شمس إلى المنزل ولفت إلى شكله
شمس: هاري امن المكان
هاري: أمرك برنسيسة
امن هاري المكان وتوجهو الى الباب وفتحت لهم فتاة ودخلت شمس ومعها هاري وبعض الحرس.

الراجل: اهلا وسهلا اتفضلي
شمس بعملية: انا شمس المنشاوي
الراجل: حضرتك غنية عن التعريف تحت امرك انا ماجد السماد
شمس: اكيد حضرتك عارف انا هنا ليه
ماجد: علشان المقبرة صح
شمس: صح اللي حصل هناك كانه فيلم خيال علمي
ماجد بضحك: انا كنت ذيك كده في الاول بس لما شفت بعنية عرفت اننا طول حياتنا هنفضل نتعلم
شمس: بردو عوزة افهم
ماجد: ممكن تحكيلي حصل ايه بالظبط هناك.

شمس: انا كنت واقفة مع شخص قدام المقبرة وفي لحظة الارض اتهزت وظهر دخان كتير والرمله حاوطة المكان كأنها دوامه حاولت اخرج معرفتش كان في سور وبعد كده ظهر حاجة من المقبرة وقتل الراجل اللي كان واقف معايا ورماه على الأرض وقرب مني وقبل ميوصل لرقبتي فتح عنية على الآخر وركع تحت رجلي وفضل يتكلم وانا مش فهمته بالرغم اني اتعلمت اللغة الهليروغلفية وبعد كده وقف قدامي وفضل يتكلم ولما لقاني مش برد كلمني بنفس لغتنا دلوقتي وفضل يقولي ملكتي ملكتي وقالي أن موعد اللقاء قريب جدا ورجع عند المقبرة وفي لحظة كان واقف قدامي وهمس في ودني ببعض الكلمات وبعدها محستش باي حاجة غير وانا في المستشفى.

ماجد: أولا: المقبرة ديه ملك كبير سحرة العالم السفلي خدمة امون ملك من ملوك مصر وطبعا حضرتك عارفة انا زمان كان عندهم السحر حاجة مقدسة
ثانيا: هو ليه ماذكيش وقالك مولاتي لان عيونك تشبة الشمس في وقت الصبح الحار
شمس: يعني علشان خاطر عيوني سابني لا صعبة بصراحة اصدق.

ماجد: شمس انتى عارفة ان الشمس كانت اله عند المصريين القدماء وكان اسم الإله رع وطبعا الملك امون كان بيعبد الشمس وكمان من شكلك قريب جدا من صور اله الشمس
شمس: ايه هتتطلع جدتي يعني انا مش مصدقة اول حاجة هصدق تاني حاجة لا كده كتير
ماجد: طيب تفتكري بعقلك ليه ماذكيش
شمس: معرفش معرفش معرفش
ماجد: شمس انتى كنتي لبسه ايه يومها
شمس باستغراب: يعني ايه كنت لبسه عباية باللون الاسود وسايبة شعري على طول ظهري.

ماجد: واكيد كنتي غضبانة لانى عرفت ان وقت غضبك عيونك بيبقي لونها ذي الشمس الموهوجة صح
شمس: صح فعلا عنيا بتتغير
ماجد: يعني عيونك تشبة الشمس وشعرك طبعا لونه طبيعي مش صابغة و شامخة و قوية وكل ده وبردو مش مصدقة لا كده كتير
شمس: هو في حاجة حصلت قبل فتح المقبرة بيومين بس مش عارفة اذا كان ليها علاقة ولا ايه
ماجد: حاجة ايه.

شمس: انا كنت في الصعيد وكنت نايمة ولأول مرة احلم بجدي الكبير عثمان بيه المنشاوي ولقيتة ماشي ولف وشه وبتسم ليا ومسك أيدي ونزلنا تحت القصر لاوضة وفتحها ودخل ووقف قدام صندوق وقالي ده لازم تفضلي لابساه وصحيت بسرعة وفعلا نزلت ورحت نفس المكان ولقيت الصندوق وخرجت سلسلة شكلها غريب بس جميلة وفعلا لبستها من يومها لغاية النهاردة
ماجد: ممكن اشفها
شمس: تمام
اخرجت شمس القلادة من رقبتها وظهرتها له.

فنتفض ماجد بسرعة واسرع إلى المكتبة يبحث عن كتاب معين
نظرت شمس إلى هاري فمسك اديها وطمانها بأنه بجواره
عاد ماجد وهو يحمل كتاب ووضعة على قدم شمس فنظرت له فشاور لها بفتحه فنفتح بكل سهولة.

انصدمت شمس من تلك الصورة فكان عبارة عن امرأة ترتدي نفس قلادة شمس ويوجد شبة طفيف بينهم من حيثو الملامح غير لون العيون و الشعر.

ماجد: ديه بتكون اله الشمس عند الفراعنة هااا لسه مش مصدقة والقلادة ديه اسمها قلادة الأرواح
شمس بجدية: ولا عمري هصدق انا مش اله حد انا واحدة مسلمة و موحده بالله العلي العظيم واللي حماني من الشخص ده هو ايات الذكر الحكيم اللي كنت برددها في سري وكمان اكيد هو شاف اسم الله في صدري علشان كده بعد عني
ماجد: انتى ليه مش عاوزة تصدقي.

شمس: لأن المنطق و العقل بيقول ان اللي حصل هناك رد فعل طبيعية من الفراعنة العالم كله وكتب التاريخ ذكرو لعنة الفراعنة واكيد اللي حصل هناك كان لعنة وذي ما حضرتك قولت ديه مقبرة ساحر فأكيد هيحافظ على متعلقاته
ماجد: شمس افهمي.

شمس بغضب وعيون كالجحيم: كفاية كل اللي حصل هناك رد فعل طبيعية وقدام المقبرة اختفت وتقفلت هفضل طول حياتي ومن بعدي اولادي و احفادي هنحرص ان المقبرة ديه متتفتحش او تظهر للنور شكرا على وقتك.

خرجت شمس وخلفها هاري والحرس فتنهد ماجد وجلست امامها ابنته
الابنة: بردو مش هتصدق
ماجد: بالعكس هي مصدقة بس عقلها رافض الحقيقة
الابنة: هي ممكن تكون من سلالة الملكة رع اله الشمس
ماجد: ممكن و ممكن تكون صدفة الايام هتوضح كل حاجة
الابنة: بس هي ديه المطلوبة لفتح المقبرة المعظمة دمائها الطاهرة و عذراء و قوية و تتمتع بالمواصفات المطلوبة.

ماجد: اللي ذي شمس يستحيل تمشي لوحدها من غير الحرس بس خلاص لازم المقبرة تنفتح
ابنتة: وهنعملها اذاي ديه حتى مشربتش العصير ولا حتى طلبت قهوة
ماجد بخبث: عيب عليك انا ابوكي بردو كلها كام يوم وهتيجي لوحدها هنا ونفتح المقبرة
ابنتة: امتى بقي خلينا نمشي من هنا وناخد كل حاجة معانا.

عند شمس.

توجهت إلى الشركة و طلبت من السكرتيرة ملفات المشروع الجديد
شمس: جمعيلي هيئة المهندسين وطلبي زين و حاتم والبنات
السكرتيرة: امرك يا فندم
مر الوقت ودخل المهندسين وبتدو يتناقشون في المشروع الجديد وبعد ساعتين انهت الاجتماع.

زين: مالك يا شمس
شمس بابتسامة: مفيش زيني
حاتم: من يوم مرجعتي من الصعيد وانتى غريبة والنهاردة بالذات طول الاجتماع وفي حاجة غريبة بتحصل معاكي
شمس: ولا حاجة يمكن علشان عوزة ارتب كل حاجة علشان عوزين نحدد يوم الفرح و الإجازة بعدها
زين: انا هعمل نفسي مصدقك بالرغم اني عارف أنها مش الحقيقة
شمس: متشغلش بالك
حاتم: شمس انتي اختنا الصغيرة ولازم نخاف ونقلق عليكي
شمس: انا كويسة بس مخنوقة شوية.

زين: انا موجود أو حاتم موجود شوفي عوزة تتكلمي مع مين وحنا موجودين
حاتم: صح ربنا يعلم انى بحبك ذي ملك
شمس بابتسامة: ربنا يخليكم ليا وميحرمنيش منكم
زين: هدي نفسك شوية وريحي اعصابك يا قلبي
شمس: انا هروح لقصي ونروح نتغدا عوزين حاجة
زين بابتسامة: لا حبيبتي
حاتم بابتسامة: خلي بالك من نفسك
شمس بغمزة: انتم ناسين انى شمس المنشاوي ولا ايه.

غادرت شمس وتوجهت إلى شركة المنياوي ووجدت قصي في انتظارها في الأسفل واخذها لسيارته وغادرو للمطعم.

مر يومين وكانت اعصاب شمس على اخرها ولم تستحمل اي كلمة من اي شخص فاصبح الجميع يتحاشو التحدث معها ورفضت الذهاب للشركة.

زين: انا خايف على شمس اوي
نرمين: فعلا شمس على طول القهوة في اديها حتى النوم منعته
ملك: من اخر مرة ليها في الصعيد وهي راجعة متشقلب حالها
حاتم: احم حتى الصلاة قطعتها بس يمكن بسبب
نرمين: لا شمس ينفع تصلي عادي في الأيام ديه
زين: انا مش هفضل قاعد كده انا هطلع ليها
قصي وهو يدخل: بلاش زين اقعد شمس فيها حاجة وكبيرة ولازم نعرفها
حاتم: هي من يومين خرجت راحت فين
زين: هاري الوحيد اللي يعرف.

مراد: انا هجيبة بس الكل عارف انه مش هيحكي حاجة
مي: يعني هنفضل كده والبت بضيع مننا
زين: انا هتصل على جدي هو الوحيد اللي يعرف يلاقي حل
حاتم: فعلا جدي وهدان اتصل بسرعة
ولكن فؤجي الكل بدخول وهدان وحامد و شمس الكبيرة.

في جناح شمس.

كانت تنام على السرير وهي في عالم اخر وجسدها يرتعش وتحاول التحرك ولكن لم تعرف كان هناك حمل على جسدها فقط دموعها تنهمر على خدودها.

استمعت شمس لصوت امها من بعيد فحاولت البحث عنها اللي ان عثرت عليها واسرعت لها
شمس بدموع: امي الحقيني انا خايفة
نجمة بحنان: بلاش دموع يا قلب امك ديه بتكوي قلبي عليكي
شمس بدموع: بس انا خايفة هو ايه اللي بيحصل ليا
نجمة: ملاعين وهدفهم دمارك و شرفك و سرقة البلد وانتى عمرك مهتسمحي بكده صح
شمس: انا عوزة ارجع ذي الاول من يوم المقبرة وانا ضايعة ساعديني يا امي انا طول عمرى ماشية على نهجك و قوتك.

نجمة: بس انتى بعتي عن اهم شخص في الدنيا وحياتك ربنا فين شمس اللي مكنتش بتسيب فرض و ورتها اليومي ليه بعتي عن ربنا
شمس بدموع: كل مرة باجي اتؤضا وصلي الاقي حاجة بتشدني ابعد عنها
نجمة بقوة: ومن امتي شمس المنشاوي في حاجة بتمنعها حتى وقت ظروفك كنتى بتفضلي تقري وردك اليومي لازم تكسري خوفك لان اللي جاي صعب و شديد انتى لسه مشفتيش حاجة من غدر البشر
شمس بدموع: اوعدك يا امي انى ارجع لربنا هو مفتاح الفرج و الخير.

نجمة: اعرفي دايما اني واقفة في ظهرك
صوت شخص: مش لوحدك يا بتي انا موجود ديه خلفتي ونصي التاني
شمس: جدو عثمان انت بجد
عثمان المنشاوي: انا واثق ان طرحي فيكي خير و الشمس عمرها مهتنكسر ولا هضيع واللي حصل زمان هيحصل تاني بس المرة ديه عاوز اشوف نار جهنم على وش الارض محدش يفكر يقف قدام الشمس من زمن الزمن والشمس نارها حارقة ومحدش بيقدر يقف قدامها عاوزك ذيها اصلبي طولك ورجعي قوتك يحلف بيها الكل.

نجمة بابتسامة: الكل جمبك ولاول مرة يخافو عليكي طول عمرك الحامي والدرع الحصين ليهم ارجعي شمس المنشاوي كبيرة عيلة المنشاوي والصعيد كله ارجعي الشمس اللي بتشرق كل يوم بامل جديد وحياة جديدة مفهوم شمس
شمس بعظمة: مفهوم امي
عثمان المنشاوي: هي ديه شمس المنشاوي نصي التاني
شمس بثقة: اوعدك جدو وانتى يا امي اني هرجع تاني شمس المنشاوي.

اختفي عثمان ونجمة وشعرت شمس بايد شخص توضع على راسها ويقرأ بعض ايات الذكر الحكيم فبتسمت وعلمت من صاحب تلك اليد الحانية وهو جدها الحبيب ونصفها الاخر.

الفصل التالي
جميع الفصول
روايات الكاتب
روايات مشابهة