رواية شريط لاصق الجزء الأول للكاتبة يارا رشدي الفصل الثاني والأربعون والأخير
بس دنيا مينفعش تجوز دلوقتي انت شايف اهو حالتها النفسيه عامله ازاي
اجابه هادي:
هي بتابع عند دكتور بتاعها ومع الوقت هتتحسن
وتائر الي متعلقه بيه؟!
ليقول هو:
هعرف اطلعه من دماغها حضرتك وافق بس نعمل خطوبه كام شهر وبعدين نكتب الكتاب ونعمل فرح
لم تعجبه كلمات هادي تلك فدنيا لا يمكن ان تتزوج باحد
هتف انور بجديه:
دنيا مش هتوافق علي الجواز منك معلش يا هادي سيب الموضوع ده شويه كده
انا خدت رايها امبارح وهي موافقه.
وعندما لمح دهشت عمه هتف بذات مغري:
وقالتلي علي صبري متقلقش يا عمو انا عارف كل حاجه وعايزاها هي ملهاش ذنب
تنهد انور بارتياح ثم هتف:
بس مش عايز ماهر واحلام ولا اي حد في البيت يعرف الحكايه دي يا هادي
من غير ما تقول يا عمو انا مش هعرف حد ولا هفتحه تاني اصلا عشان هي تنسي وتعيش حياتها طبيعي نعمل الخطوبه خلال الايام دي؟!
هتفت زينب الذي وصلت توءآ وهي تقول:
خطوبه مين يا هادي
ليقول انور بابتسامه:
هادي ودنيا.
لتقول زينب باستغراب:
هتخطب دنيا؟! طب مش تستني لما تخلص علاجها عند دكتور
هتكمل علاجها عادي يا طنط انا هتصل بماما وبابا ابلغهم وبليل ننزل نختار الشبكه.
اليوم الاول لها في العمل في الصيدليه ابتسمت وهي تشعر ان حياتها عادت كما كانت من قبل ولكن ما يعكر مزاجها شعورها من ناحيه عماد تفكر به من حين لاخر...
نظرت الي ذلك الواقف امامها ثم تناولت منه تلك العلبه نظرت الي الاسم المكتوب ثم قالت:
ده مخدر مينفعش يطلع من الصيدليه غير بروشته معاك روشته؟!
اجابها هو بملل:
لا ويلا روحي اخلصي هاتي الدواء ده عشان انا خرمان ومش طايق نفسي
بقولك مينفعش يطلع من غير روشته.
قالتها بزعيق
خرج صاحب الصيدليه من المعمل ثم هتف:
في ايه يا غرام
ليقول الشخص الواقف:
ايه البتاعه الي انت جايبها يا دكتور دي
احترم نفسك يا جدع انت
قال الطبيب عندما راي النزاع الي يحدث بينهما:
خلاص يا فتحي امشي انت دلوقتي وانا هبعتلك الدواء علي بيت زي كل مره
تبعتله ايه بقولك ده مخدر مينفعش يطلع من غير روشته
اغمض فتحي عينيه بنفاذ صبر ثم اخرج من فمه اله حاده ولوح بها امامه وهو يقول:.
انا خلقي ضيق ومش طايق نفسي عليا حرام لو ما اتكتمتي هعلم عليكي
شهقت غرام بقوه بينما الطبيب هتف وهو يحاول تهدات فتحي:
معلش يا فتحي هي لسه شغاله جديد نهارده انا هفهمها كل حاجه
طب فهمها عشان انا زعلي وحش اوووي زي ما انت عارف
اوما الطبيب راسه بالايجاب وهو يقول:
حاضر اتفضل انت والدواء هيوصلك لحد عندك
استدار فتحي ورحل هتفت غرام بخوف:
ده طلع موس من سنانه
فتحي ده بلطجي المنطقه هنا اوعي يا غرام تقفي في وشه.
يعني اطلعله مخدر زي كده بدون روشته
هتف طبيب بانفعال:
ايوه تطلعي عشان تحافظي علي حياتك يا اما هيخلص عليكي
ليه ان شالله بلاغ لشرطه يجوا ياخدو ويربوا
هتف الطبيب بتحذير:
اياكي تعملي لو شم خبر بس انك بلغتي فيه هياذيكي يا غرام اسمعي عايزه تشتغلي في صيدليه هنا يبقي تمشي بقوانين دي يا اما تشوفيلك مكان تاني
قاطع حديثهم هذا رساله لهاتفها قامت بفتحها لتجدها من عماد:
انا اسف يا غرام.
وضعت الهاتف علي الطاوله امامها وهي تحرك راسها باستنكار من قبل اخبرها غوري في ستين داهيه واليوم يعتذر لها اي جنون هذا؟!
فهماني يا غرام اوعي تبلغي عنه
حركت غرام راسها بالموافقه ليقول هو:
تمام.
انا اسف بس مبنعملش عمليات اجهاض هنا
هتفت اليه زهوه برجاء:
ارجوك يا دكتور انا جوزي رافض الخلفه دلوقتي ودي فيها طلاقي
تطلقي ارحم من انك تقتلي روح ربنا يحاسبك عليها
انتي زي بنتي اسمعي نصحيتي اول ما جوزك يلمس البيي هيندم الف مره انه فكر يقتله وبعدين الاجهاض مش سهل زي ما متخيله انتي ممكن تخسري حياتك.
متحاوليش تدوري علي اي دكاتره تعمل عمليه زي كده لانك مش هتلاقي غير عند دكاتره الي تحت السلم ولو حصلك نزيف ولا حاجه هيرموكي في اي حته لحد ما تموتي
نظرت الي طبيب بحسره هي من البدايه تخشي تلك العمليه والان الطبيب اكد مخاوفها...
هل من الممكن ان ينسي رامز كل شئ عندما يلمس الطفل كما اخبرها الطيب؟!
انتي مستعده تاخدي خطوه زي دي في حياتك وتجوزي هادي؟!
قالها انور بتساؤل اجابته هي:
انا عندي استعداد اعمل اي حاجه بس اخلص من وجودي في المكان ده الي محدش طايقني فيه لا اب ولا اخ ولا اي حد حتي مراتك الي كنت فاكراها طيبه
هنعيده تاني يا دنيا؟!
هتفت هي بتصميم ;.
تاني وتالت ومليون لحد ما ارتاح قولي اي حاجه وانا هصدقك انا عايزه اسمع منك انك دورت عليا قبل كده وكنت بتفكر فيا وان الي عملته في ماما وصبري عشان تجبلي حقي مش بسبب احساسك بالذنب
دومآ يهرب من الحديث معها فكلما حادثها شعر بالذنب من ناحيتها اكثر واكثر وعندما وجدت صمته هذا قالت:.
فكرت في مراتك ومفكرتش فيا سبتني من صغري بتعذب وانت عايش مرتاح افتكرتني لما بقيت مجنونه اوعي تكون فاكر اني طبيعه وعايشه كويس لا خالص انا مجنونه ومفيش حاجه هتعالجني ولا حتي الدكتور النفسي الي بروحله انا مش كويسه وعمري ما هبقي كويسه
هتيجي معانا يا عمو واحنا بنشتري الشبكه انا سالت طنط قالتلي انها مش هتقدر تيجي
قالها هادي الذي وصل الان لم تمهل دنيا فرصه لوالدها بالاجابه وهتفت:.
لا مش هيجي انا معنديش لا اب ولا ام الاتنين ماتوا من زمان هستناك يا هادي براه
استدارت ورحلت دنيا ليقول هادي:
هو حصل حاجه؟!
هتف انور بضيق:
دنيا مش عايزه تنسي ولا تسامحيني.
تمسكت بالهاتف ثم قامت بالاتصال بالشرطه وهتفت:
انا عايزه ابلغ عن واحد اسمه فتحي موجود في منطقه شعبيه كده اسمها ------ جه نهارده الصيدليه عندي وهددني اصرفله مخدر من غير روشته يا اما هياذيني.
يجلس في غرفه يحبس نفسه بها خسر غرام...
هي حب عمره لا يتخيل ان كل شئ بينهما انتهي لابد...
هتفضل حابس نفسك كده لامته يا عماد!؟
قالتها زينب
غرام مش هترجعلي تاني انا عارف ان الي عملته صعب تغفره ليا وان طبعي زفت بس انا بحبها يا ماما مش هقدر اعيش من غيرها باقي عمري
تنهدت زينب بحسره وهي تقول:
سيبها فتره تهدي وتنسي كل حاجه يمكن الميه ترجع لمجاريها
صعب يا ماما صعب اوووي غرام عمرها ما هتسامحني.
يارتني ما كنت اتسرعت يومها وفضحتها بطريقه دي بس انا كان عندي امل انها تسامحني السنه الي عشناها مع بعض كانت بعيده عني بس كفايه اني كنت بشوفها كل يوم قدامي
رتبت عليه زينب بقله حيله ليتها كان في يديها ان تجعلها تغفر له...
وضع الرجل امامها اكثر من شكل من سبائك الذهبيه نظرت اليهم وهي تبعث بهم بتفكير ثم هتفت:
انا مبحبش الدهب الاصفر عايزه دهب ابيض عندك؟!
موجود يا هانم
استدار الرجل حتي يحضر ما طلبته اما هادي نظر لتلك الدبله التي في يديها فهي من الذهب الابيض ايضآ...
مط شفتيه بضيق واضح تريد ذهب ابيض كما احضر لها ثائر تلك الدبله...
علي فكره مش شرط ان ثائر جبلك دبله دهب ابيض انك تخلي شبكتك مني دهب ابيض بردو
قالها بغضب مكتوم.
انا اصلا مبحبش الدهب الاصفر مش عشان ثائر واحنا فيها اهو لو انت كل حاجه هتفكر فيها بطريقه دي يبقي نلغي جوازه دي من اساسه
حضر الرجل وهو يقول:
تشكيله دي لسه جايه من يومين شوفي كده
بعثت بهما وبعد مرور القليل من الوقت استقرت علي شكل ما معين..
خرجت من المحل برفقه هادي وهي تمسك في يديه حقيبه ورقيه الموجوده بها شبكتها...
كده مش باقي غير فستان الخطوبه
استقلت السياره وهي تقول:
انا مختارتش الدهب الابيض بسبب ثائر.
خلاص يا دنيا انسي اعتبريني مقولتش حاجه
لمست بيديها تلك الحقيبه الورقيه سوف تصبح عروس؟! الامر كان بنسبه لها حلم من المستحيل حدوثه...
اخيرا يا بيبي اتصلت بيا وطلبت تقابلني
قالتها ساره وهي تجلس امامه علي طاوله ليقول هو:
زهقان وملقتش غيرك قدامي اعمل ايه يعني
بقي رامز يزهق وكمان مش لاقي حد من امته ده
اجابها رامز باقتضاب:
اهو الي حصل يا ساره جات معايا كده
امممم وزهوه راحت فين؟!
هتف هو بانفعال:
ساره مش عايزك تجيبي اسمها قدامي تمام يااما اقسم بالله اقوم امشي ومش هتشوفي وشي تاني
لتقول ساره بسرعه:.
لا وعلي ايه مش هجيب اسمها خلاص ده انا ما صدقت انك تكلمني انت متعرفش انا تعبت قد ايه لما سبنا بعض وحشتني اوي بجد
وانتي كمان وحشتيني.