رواية شريط لاصق الجزء الأول للكاتبة يارا رشدي الفصل التاسع
توقفت عن بكاءها وهي تنهض ذاهبه اليها وقفت امامه هاتفه بانهيار:
مش كدابه انا خوفت اقولك تعمل حاجه فيه وتضيع انا خوفت عليك ليه انت تطلع كده وتكدبني وتصدقه انا مطلعتش من الدنيا دي كلها غيرك خدت منك موقف لما سافرت عشان فكرت في نفسك وسبتني لو مكننش مسافرتش مكنش هيقرب مني
صاح بها:
دنيا انا شبعت كدب منك خلاص اكتفيت والله
ثم تابع وهي يراها تمحو دموعها بكم بلوزتها:
واكتفيت تمثيل كمان.
هز صوتها الجدران المنزل ولسوء حظها كان باب ليس مغلقآ وهي تصرخ وتلهب وجهها باظافرها بقسوه هاتفه ;
حرام عليكم بتعملوا فيا كده ليه
ايوه اعملي الجنان بتاعك يلا
لم يصل اليها كلماته بل ظلت تكمل ما تفعله، وصلت والدتها علي صوت صراخها وهتفت:
في ايه يا ثائر
حرك ذراعيه بعدم اهتمام وهو يشير علي دنيا:
اهو زي ما انتي شايفه بنتك
اما دنيا لم تكن تشعر بشئ كلمات ثائر تترد في اذنيها لتهتف لطيفه ;
انتي مجنونه يا بت.
اما ثائر اشار للطيفه بالخروج ثم هتف:
عن اذنك بس يا طنط اخرجي كده هعمل حاجه بس
خرجت لطيفه وقفت عند عتبه باب الغرفه ليهتف ثائر وهو يتناول المفتاح ;
حلال عليكي اوضتي اعملي الجنان ده براحتك
خرج من الغرفه واوصد الباب بالمفتاح من الخارج ثم تابع وهو ينظر الي لطيفه:
بنتك لسعت واتجننت مره جايه هتقتل حد فينا واحنا نايمين ده مش بعيد تستغل الي حاصل لعمي وتعمل فيه حاجه.
دنيا لازم تبعد عننا خالص وانا هعرف ابعدها ازاي خلي بالك من صبري انا هسافر يوم وراجعه
تسائل باستغراب:
هتسافري فين
مشوار كده هسافره بكره الصبح
وبالداخل ظلت تعيد ما تفعله وتلهب وجهها باظافرها وتضغط علي شفتيه السفلي باسنانها بقوه دون وعي حتي الالم لم تشعر بها...
يا عم هنسمع ازاي هنا كده ابعت تسجيل نسمعه علي رواقه في البيت زي ما بتعمل دايما وصور كمان ابعتها
هتف رامز وهو ينظر الي شاشه هاتفه:
هبعتهم ليكم واتس دلوقتي بس فكك من اخر التسجيل عشان كانت عاملاها مناحه وفيلم هندي ملهوش اخر
ليقول خالد وهو يضحك:
ليه كده بس
مط شفتيه بعدم رضا اطلاقآ ثم قال:
سهوكه بنات وخلاص عشان تثبتلي انها محترمه وعملت كده غصب عنها مع انها لو كانت محترمه فعلا مكنتش وافقت من الاول اصلا.
ليقول نادر باستفهام:
هو في محترمه هتكلم واحد وتمشي معاه؟!
ثم تابع بجديه:
المحترمه مهتكلمش حد من ورا اهلها وتبعت صورها بشكل ده.
جالسه في المدرج في المقعد الاول كعادتها تحضر السكشن، ما زالت تشعر بالاشتمئزاز من نفسها كيف سمحت لنفسها ان تفعل شئ كهذا!
زهوه اشرحي الي انا قولته تاني
انتبهت علي صوت المعيد وهو يهاتفها نظرت الي الشاشه الضوئيه تحاول ان تجمع اي معلومات حتي تخبر المعيد بها ولكنها فشلت
ليهتف هو:
ركزي معايا يا زهوه انتي من اول السكشن سرحانه ومش معايا خالص
اومات راسها بالايجاب هاتفه ;
حاضر انا اسفه.
ومن الخلف قالت احدي الفتيات بهمس لصديقتها:
مش عارفه دوك احمد مهتم زياده بالبت دي ليه
عادي يا بنتي اكيد هو بيحب يتاكد ان كل فهم
لتقول هي:
ده مبيسالش حد غيرها اصلا زي ما يكون سكشن بنات ده مفهوش حد غيرها
ما هو مش معقول يكون معجب بيها يعني دي معفنه بصي شعرها عامل ازاي؟! وكفايه طولها كمان زي النجفه.
انا هنزل اشتغل ومش باخد رايك انا بعرفك يا عماد وبس
قالتها بصرامه وهي تنناول افطارها ليقول هو:
اتعدلي يا غرام واتكلمي باسلوب كويس وبعدين اتكلمنا في موضوع ده واحنا مخطوبين وسبتي شغلك وخلص موضوع ايه الي فكرك بيه تاني
رمقته بنظره مستفزه وهي تقول:
متفكرنيش بقي بغبائي لما سمعت كلام واحد زيك وسبت شغلي عشانه، انا لقيت علي فيس اعلان لشغل كويس في صيدليه.
والله ده الي ناقص كمان تشتغلي بياعه ليه مش قادر اصرف عليكي ولا ايه طيب
توقفت عن تناول طعامها ثم قالت:
والله انا معايا بكالوريوس صيدله ولا انت نسيت
نفخ بضيق هاتفآ:
بلاش طريقتك دي انزلي يا غرام اشتغلي يمكن ده يصلح من نفسيتك شويه ويهديكي.
منذ الامس وهي هكذا تجرح وجهها بقوه لم تكتفي يذلك بل ظلت تلطم علي وجهها باكمله بقوه حتي عينيها وتحطم كل شئ حولها لم تترك شئ في الغرفه سليمآ حطمت كل شئ بها حتي الخزينه اخرجت جميع ثياب ثائر ومزقتها بالاضافه الي خيال وثائر صبري الذي يطاردونها، تراهم امامها لحظات ويختفوا مره اخري مرت ساعات وهي لم تفيق لنفسها انهارت اعصابها باكملها
خذلها ثائر...
ظهرت امامها صوره ثائر وهو يقف يتابع ما تفعله جذبته رقبه قميصه وتهزه بعنف هاتفه ببكاء وقهر وصوت مبحوح يسمع بصعوبه:
ليه مصدقتنيش انا دنيا تربيتك فاكر كنتي بتقولي انا الي مربيكي يا دنيا انت اخر واحد فكرت اقوله عشان خوفت عليك بس انت صدقته لما اتبلي عليا ويقولك بتكلم ناس وبتقابلهم ازاي تصدق عليا كده
اختفت من امامها صوره ثائر التي تخيلها امامها كورت يديها وهي تضرب جبهتها بقوه قائله:.
اهو مشي تاني لا استني يا ثائر انا لسه مخلصتش استني
اسرعت الي الباب تحاول فتحه ولكنها وجدته موصدآ بالمفتاح من الخارج
هتفت باكيه:
يا ثائر استني متمشيش ونبي.
بحث عنها بعينه دومآ تنهي محاضراتها وتاتي لتجلس معه في الكافتريا ولكن اليوم انتهت محاضرات باكملها وهي لم تظهر ومكالمته تتجاهلها ولم ترد عليه
ليست عادتها كانت تقوم بالرد عليه من الرنه الاولي ما الذي تغير يا زهوه الان؟!
مالك مش علي بعضك كده ليه يا بيبي بتدور علي مين
هتف وهو يلوح بيديه:
ساره انا مش فايقلك وايه بيبي دي مش فاهم انا مش سبتك يا بنتي من كام شهر وخلصنا فيلم الحب الي كان بينا ولا ايه.
ضمت شفتيها علي بعضهما البعض ثم قالت:
اه سبتني عشان المقشفه زهوه انا مش فاهمه انت عاجبك فيها ايه
وانتي مال امك
معلش هقول ايه بقي ما انت بتحب ترمم كتير انا جايه اقولك امسح اي صور بتاعتي من عندك
اجابها بملل:
صورك الزباله دي حاضر هبقي اشوفهم في فولدر الي بحط فيه صور الناس الزباله الي بعرفهم وامسحهم اتكلي علي الله بقي.
في الطابق السفلي
عاد من المشفي بعدما اطمئن علي عمه صرح الطبيب له الخروج في المساء بعدما يتاكد من استقرار حالته اجري اتصال بحاتم وطلب منه الحضور لامر هام.
مازال لا يصدق كيف اصبحت دنيا ممثله مبدعه لهذه الدرجه عندما القي عليها نظره في الصباح دون ان تراه وجدها تمزق خصلات شعرها بقوه باصابعها كيف تمثل بتلك البراعه! لم يستطع ان يصدقها كيف يكذب عمه الذي بكي امامه خوفآ عليه من دنيا اقسم ثائر ان يدفعها ثمن نيران قلبه التي يشعر بها، ولكن اولا يجب الخلاص من حاتم حتي لا تتزوجه وتهرب من انتقامه منها ومن حبه.