رواية سيد القصر للكاتبة لولو الصياد الفصل الثامن
وقفنا المره اللي فاتت لما فرح قالت لشريف ان محمد طلع عند حياة.
شريف: مين طلع فوق...
فرح: محمد اصله عرف ان حياة تعبانه وطلع يطمن عليها
شريف بعصبيه: ويطلع اوضه مراتى بمناسبه ايه نهاره زي وشه
وسابها وطلع
فرح. شريف: شريف استنى بس: وكانت فرحانه جدا لانها عاوز تخرب حياة شريف وحياه لانها بتحب شريف من صغرها
في اوضه حياة...
محمد دخل الاوضه: الف سلامه يا حياة
مى: محمد انت ايه اللي جابك هنا.
محمد: بطمن على حياة عرفت انها تعبانه
حياة: ومين طلب من حضرتك تطمن عليا هي ايه وكاله من غير بواب وازاى تطلع اوضتى من اصله وهوانا بينى وبينك حاجه علشان تطلع تطمن عليا
محمد: ايه يا حياة هو حصل ايه لكل ده انا بطمن عليكى بس كاصدقاء يا ستى
حياة: وأنا مش بحب ابقى صديقه حد اتفضل بره
محمد: اهم حاجه عندى انك كويسه انا لما عرفت انك تعبانه قلت يارب انت اموت وانتى لا
حياة لسه هترد.
شريف: شكلك فعلا هتموت انهرده وعلى ايدى يا محمد
محمد: اهلا شريف اخبارك
شريف قرب منه ومسكه من القميص وجره وراه لحد تحت
محمد. سيب يا شريف انت اتجننت
وكان صوتهم عالى
كوثر نزلت على صوتهم
فرح: الحقى يا خالتو شريف هيضرب محمد
كوثر: شريف في ايه ابعد عنه
شريف سابه
كوثر في ايه اللي حصل لكل ده
شريف: بغضب: الحيوان ده ايه اللي يطلعه اوضه مراتى هو انا ايه كيس جوافه هنا ولا ايه
محمد: كنت بطمن عليها فيها ايه.
شريف: يا ابنى اخرس والا هموتك انهرده
كوثر، وفيها ايه لما يطلع يشوفها هياكل منها حته يعنى وبعدين محمد زي خالد
شريف بصوت عالى: لا مش زي خالد: خالد اخويا من دمى وعارف انه عمره ما يبص امراتى
كوثر: خلاص كفايه: انا مش عارفه البت دى عملتلك ايه
شريف: القصر ده قصرى ومحدش يدخله غير باحترام غير كده مشوفش وشه ابدا
فرح: انت بتطردنا يا شريف كل ده علشان الزفته دى
شريف قرب منها وضربها بالقلم.
شريف، اللي يتكلم على مراتى يتكلم باحترام أنتي فاهمه
ووجه كلامه لمحمد وفرح: بره تطلعوا بره
خرج كل من فرح ومحمد وهم يتوعدوا بالانتقام من شريف وحياه.
كوثر، انت بتطرد ولاد اختى ايه انا ماليش لازمه في البيت ده ولا ايه وكل ده علشان الحقيره اللي فوق دى
شريف: ماما بصوت عالى جدا لوسمحتى متتكلميش عليها كده
كوثر: يا خساره يا شريف وتركته وذهبت
شريف كان وصل لمرحله صعبه من الغضب ركب عربيته وقرر يروح الشركه.
حياة ومى.
مى، انا عمرى ما شفت ابيه متعصب كده في حياتى
حياة: يخوف اووى وهو متعصب
مى، مش عارفه ايه اللي خلاه يتعصب كده
حياة: ولا انا بس انا من اول ما شفته وهو دايما عصبى
فجاءه الباب اتفتح ودخلت كوثر
كوثر: أنتي ايه شيطانه من اول ما دخلتى البيت والبيت بقه حريقه
مى: ماما في ايه حياة معملتش حاجه
كوثر موجهه كلامها لمى، أنتي تخرسى خالص: مى سكتت.
حياة: اولا انا معملتش، حاجه ابن اختك سافل ومش محترم والظاهر محدش علمه انه ميطلعش اوضه بنت ودى اصول الادب
كوثر: قربت منها انا ابن اختى مش متعلم الادب لا ده أنتي اللي لازم تتربى وضربت حياة بالقلم: شهقت مى من الصدمه...
حياة: نظرت ليها بغضب: انت ازاي تعملى كده أنتي مين علشان تمدى ايديك عليا
كوثر بغرور: ده علشان تتعلمى الادب اللي اهلك معرفوش يعلموا ليكى
حياة: بصوت عالى اطلعى بره من هنا.
كوثر: ده بيتى وانتى اللي تطلعى بره ودلوقتى حالا
حياة: اوك انا خمسى وارتاح منك
مى: حياة استنى راحه فين
كوثر، سيبها وروحى اوضتك خلينا نرتاح من القرف
حياة غيرت هدومها واخدت هدوم بسيطه وجواز سفرها وبطاقه الصرف الالى وخرجت من الاوضه...
مى في اوضتها اتصلت بشريف
شريف: ايوه يا مى خير
مى: بعياط: الحق يا ابيه حياة
شريف: مالها حياة
مى حكت له اللي حصل شريف نزل ركب بسرعه وكلم الحرس يمنعوا حياة من الخروج من القصر.
حياة نازله السلم
كوثر، في داهيه خلى البيت ينضف
حياة: مردتش عليها وخرجت
الحارس، اسف يا فندم بس شريف بيه منعنا نخليكى تخرحى
حياة بعصبيه: ابعد عن طريقى احسنلك
الحارس اسف يا فندم دى اوامر شريف بيه
حياة: قلتلك ابعد ولا الا مش هتشوف اللي هيحصلك
الحارس لسه هيرد وجد عربيه شريف فتح البوابه وشريف دخل ونزل من سيارته
شريف: على فين يا هانم
حياة: قول للحيوان ده يفتح الباب انا مش في سجن
شريف، وعلى فين ان شاء الله.
حياة: هروح في أي حته الا البيت ده
شريف: ده على اساس سيادتك متجوزه سوسن ومسك ايديها وشدها علشان يدخلوا الفيلا
حياة شدت ايديها جامد
حياة: انت ايه مبتسمعش اطرش بقولك مش هدخل على جثتى ولو غصبت عليا ورحمه بابا يا شريف هنتحر...