قصص و روايات - قصص رائعة :

رواية سهرة منتصف الليل للكاتبة يارا رشدي الفصل الثاني

رواية سهرة منتصف الليل للكاتبة يارا رشدي الفصل الثاني

رواية سهرة منتصف الليل للكاتبة يارا رشدي الفصل الثاني

ممده على الفراش وتتحدث في الهاتف مع سيف كعادتها دائمآ...
يعني انتي قاعده لوحدك دلوقتي؟
اجابته هي:
ايوه البنات كلهم نزلو اجازه ماعدا انا كالعاده
يا لولو ما انا اتكلمت معاكي كتير عشان تصلحي علاقتك بعمك على اقل فتره دي عشان لما اجي اتقدملك يوافق وميقرفناش بقي ويرفض ويعمل فيلم
تنهدت باسى قبل ان تقول:.

صعب علاقتنا تتصلح هو مش طايقني اساسا ومتخافش اول ما تتقدملي هيوافق على طول لانه عايز يخلص مني بس تعالا بطولك اتقدملي متجيبش رفيق السوء بتاعك معاك
انا مليش حد غير عمر اتربينا سوا من صغرنا واحنا مع بعض وقولتك الكلام ده اكتر من مره
بس انا مش بطيقه لما بشوف صورته معاك على الفيس قلبي بيتبقض وكمان لما برن عليك ويرد هو ويقول ايوه يا سنيوره قلبي بيوقع في رجلي
ضحك سيف وهو يقول:.

ليه الرعب ده كله يا بنتي عمر غلبان
ده غلبان؟! دي عينه في صور كلها مليانه شر ده غير انه استغفر الله العظيم بيكره يصلي او حتى يدخل الجامع
يعني ده جزائي انتي بحكيلك كل حاجه؟!
زفرت بضيق وهي تقول:
مش قصدي بس انا بخاف منه وخلاص مش برتاحله ابدا
لا يا لولو مش عايزك تخافي من حاجه طول ما انا معاكي اتفقنا؟!
ابتسمت وهي تجيبه:
اتفقنا يا حبيبي
وصل اليها صوته وهو يقول:.

طيب بما انك قاعده لوحدك وصحابك كلهم نزلو مش هتصوري وتبعتيلي كام صوره كده ليكي لانك وحشاني اووي بجد ونفسي اشوفك دلوقتي واخدك في حضني
نهضت من على الفراش هاتفه:
حاضر هتصور وابعتهملك ناو على واتس.

في الغرفه التي يجلس بها عمر هتف وهو يضع السماعات على اذنيه وينظر إلى شاشه حاسوب الخاص به..
يا قلب امك يا بنتي قلبك بيتبقض مني؟! امممم ومالو يا ست ليلي لا ومش عاجبها اني مش بصلي على اساس ان البنت بتعرف ربنا كويس اووي يا بت ده انتي ليكي صور عندي وفيديوهات تلبسك قضيه اداب وش بس ومالو كل حاجه في وقتها حلوه
منذ فتره كبيره قام بتهكير جهاز سيف حتى يقوم بالتجسس عليهما...

فتح تطبيق الواتس الخاص بسيف وظهرت امامه الصور التي ارسلتها لسيف
ضحك بقوه وهو ينظر لهم هاتفآ:
وتقولي عليا انا رفيق سوء ومبعرفش ربنا وانتي يا سنيوره ايه؟! مؤمنه اوي بروح امك
يلا كفايه فرجه عليكي لحد كده نشوف بقي برنسيسه.

دلفت تهاني والده فريده إلى غرفتها لتجد ابنتها جالسه على المكتب تستذكر دروسها
فريده في حاجه مهمه لازم تعرفيها
رفعت عينيها عن الكتب التي امامها ووضعت القلم على المكتب بقوه ثم قالت بابتسامه بارده
خير حاجه ايه؟
انا اتجوزت ابوكي لانه كان عريس كويس ومناسب ليا زي ما ماما وبابا كانوا شايفين ولان مكنش ينفع اقول لا عارفه ليه؟
لم تجيبها فريده لتقول تهاني:.

لاني رفضت كتير لحد ما خلاص العمر عدي بيا هفضل لحد امته ارفض؟ اضطريت اتجوزه واخلفك وانا قلبي متعلق بواحد غيره احمد كان اول حب في حياتي يا فريده حبيته في الجامعه واتفقنا ان حبنا ده هيكبر معانا وهنتجوز بس ابوه رفض انه يتجوز حد غير بنت عمه إلى اتفق الاخ مع اخوه انهم لما يكبروا هيتجوزوا مش مهم بقي اذا كان ابنه قلبه بيحبها ولا بيحب حد غيرها مهم ان الاتفاق يكمل اتجوزوا وخلفوا بس احمد قلبه فضل متعلق بيا بردو انا عارفه انك فاكره معاملتي لابوكي كويس وقد ايه كنت قاسيه معاه بس غصب عني مكنتش قادره احبه ولا اقبله في حياتي ولما ابوكي مات احمد كلمني وطلب يتجوزني من غير ما مراته تحس وفعلا اتجوزنا وخلفنا اختك شاهي بس مقدرش يكمل ويسيب مراته بعد ما عرف ان جالها كانسر احمد مرمانيش يا فريده هو بس حب يعيش مع مراته اخر ايامها فرجع اسكندريه عشانها.

هتفت فريده والدموع تلمع في عينيها:
وبابا طيب ذنبه ايه؟!
وانا ذنبي ايه اتجوز واحد مبحبهوش انتي مش متخيله انا كنت بحس بـ ايه كل مره يلمسني فيها عمرك ما هتفهمي شعور الست لما يلمسها واحد مش بتحبه
صرخت بها فريده ببكاء:
مكنتيش اتجوزتيه كنتي سبتيه يتجوز واحده تحبه انا متاكده ان بابا مات من القهره إلى هو كان فيها اطلعي براه اعتبري معندكيش بنات غير شاهيناز.

انا مطلعتش بحد من الدنيا دي غير بيكي انتي واختك شاهي اعتبرك مش موجوده ازاي يا فريده؟!
كفايه عليكي بنتك من حبيب القلب يا تهاني
هتفت والدتها بصدمه وعدم استيعاب:
تهاني!
اجابتها فريده بقسوه:
ايوه تهاني انا مليش لا اب ولا ام الاتنين ربنا يرحمهم وبعد اذنك اتفضلي براه عشان عايزه اذاكر.

رحلت والدتها وهي لا تصدق تلك القسوه التي اصبحت بها ابنتها اما فريده تركت دموعها المتحجره في عينيها تهبط على وحنتيها بصمت تشعر بالحزن الشديد على والدها لم يكن يستحق كل هذا...
اما عمر الذي يتابع كل هذا هتف بسخط وهو يمسح وجهه بقوه:
ايه العيلة الاوفر دي حاسس نفسي بسمع فيلم عربي قديمم اوووي.

الفصل التالي
جميع الفصول
روايات الكاتب
روايات مشابهة