رواية سجينة العادات للكاتبة نرمين قدري الفصل العشرون
صعق امير من منظرها و جاله حاله من الزهول ف توقف مخة عن التفكير المنظر كان بشع لدرجة الهزيان.
دخل امير بهدوء تام وعنيه لم تنزل من على ماهي وبداء عدم التحكم في أعصابه من هول المنظر وفوجد أن كل اغراض الغرفه معبوث بها وكأناحد ببحث عن شيء ما
وجدت أن كل المجوهرات وفلوس اختفت
وجدت موبيايلها مرمي على الارض اخده امير بسرعة ونزل جري على ال مكتب وضعه في أحدي الادراج واغلق عليه.
و اتصل امير بسرعة بلشرطة وكل ده وكأنه مغيب عن الوعي. غير مدرج باللي بيعملوا حاله غريبة ما بين الواقع ولا واقع حالة من الهزيان
وبعد قليل من الوقت السريا كلها كانت مليانة بلشرطة و اسرع من البرق انتشر الخبر في كل أنحاء البلد.
انقلبت السرايا كلها و الغريب أن محدش من الخدم فاق على كل الأصوات دي
دخل المحقق غرف الخدم اكتشف أنهم تحت تأثير المخدر
وان الكل متخدر.
بداء المعمل جنائي في شغله وتحديد معاد الوفاه
بداء ضابط في تحقيق.
ضابط: استاذ امير انت اللي اكتشفت الجريمة صح.
امير: رد بصعوبة أيوة افندم كنت راجع من المستشفى داخلت لقتها كده.
ضابط: يعني انت مشفتهاش انهاردة خالص غير ساعة اكتشافك للجريمة.
امير: بدون تفكير اه يا فندم. انا مشفتهاش غير لما دخلت ولقتها كده.
الضايط: تمام اجمعلي كل خدم اللي هنا عاوزهم كلهم.
بداء يسأل واحد واحد من خدم لحد موصل لفوزيه.
فوزية: واللهي يا بية ما شوفت حاجة من ساعة ما امير بيه كان هنا المغربية وأنا دخلت نمت.
ضابط: امير هو امير جة هنا نهارده قبل وقوع حريمة.
فوزية: ايوه يا بيه ايه مافهماشي.
ظابط: بنفاذ صبر يعني امير جه هنا قبل ما تتقنل ماهي. ولا مجاش ايه اللي في سؤالي يستاهل غباء ده.
فوزية: متاخذنيش يابيه علامي على قدي
أيوة يا بية جه هنا و قعد يحكي معايا في موضوع السم و على ست ماهي.
اتعدل المحقق في جلسته وقال باستغراب: +سم سم ايه قولي انطقي انتي بتقطيعي في الكلام كده ليه.
قالت فوزية بخوف
اصلي يابية الست ماهي حطت سم للست كبيرة علشان كده الست كبيرة. في المستشفى.
ضابط: وامير عرف منين أن ماهي هي اللي عملت كده.
فوزىة: مخابرش بس هو جة من حوالي كام ساعة وكان شايط خالص و عمال يزعق ويحقق معايا لحد معرف أن ست ماهي هي اللي حطت السم في قهوة.
ضابط: لاء اقعدي كده واحكي كل اللي تعرفي بتفصيل
قاعدت فوزبه وبدأت تحكي كل اللي حصل.
قال ضابط:
طيب يا فوزية و بعد ما سألك مشي علطول. ولا قاعد شوية.
فوزية: الكدب خيبة يا بية مخبراش بس هو طلع على فوق مخبراش بقي ماشي علطول قاعد انا كنت نعسانه ونمت
ضابط: تمام يا فوزية امشي دلوقتى بس كلامنا لسة مخلصش ولو افتكرتي اي حاجة تعالي بسرعه قوليها.
استدعي الضابط امير ليواجه بكلام فوزية.
الضابط: استاذ امير انت قلت انك ما شوفتش المجني عليها غير ساعة اكاشافك للجريمة.
امير: اه ليه في حاجة حصلت.
الضابط: بسخرية اللي هو ازاي و فوزية بتقول انك كنت هنا من كام ساعة.
امير وكأنه اكتشف شيء مهم. ااه ااه فعلا انا كنت هنا من 3ساعات بس كنت قاعد مع فوزية.
ضابط: يعني انت عاوز تفهمني انك اتكلمت مع الخدامة ومشيت من غير ما تطلع تطمن على مراتك يا راجل قول كلام يعقل
امير: بعصبية وانا هكدب ليه على حضرتك.
قام الضابط واقفا وقال بصيغت اتهام
هتكدب ليه هو ده اللي هتعرفوا لما تشرف معانا.
جحظت عيون امير وقال باستفهام: + اشرف مع مين انا امي في العنايا المركزة لو عرفت تروح فيها
قال ضابط بسخرية: - هو انا بعزمك على الغدا علشان تقولي رايح ولا مش رايح دي أوامر اتفضل معانا انت مقبوض عليك بتهمت قتل زوجتك ماهيتاب خالد الالفي مع سبق الاصرار و الدافع كمان موجود.
قال امير بصدمة كبيرة
انت بتقول ايه قتل ايه وجريمة ايه اكيد في حاجة غلط اكيد.
ضابط: وحضرتك هتشرف معانا لحد ما نعرف من فينا الصح وفين الغلط انت لحد دلوقتي المتهم الرئيسي عندي والدافع كمان موجود.
الضابط:
يا عسكري اتفضل خد الاستاذ على البوكس.
امير: طايب اطمن ابويا
في دخلت والد امير
الاب: خير في ايه. ايه اللي بيحصل هنا وايه كلام اللي داير في بلد هي صحيحه ماهيتات اتقتلت.
و عند نورما
الباب خبط
نورما: لحقت تيجي الزفته دي مش هخلص من اسئلتها اوووف عيلة زنانه.
نزلت نورما بكسل تفتح باب.
سحر: بصوت عالي ايه يابنتي ساعة علشان تفتحي.
نورما: سحر بالله عليكي افصلي انا دماغي هتنفجر من الصداع
سحر: لاء وحيات خالتي ما هسيبك غير لما اقعد على البير وقراراه من اول ما تجوزني المرحوم اكمل لحد المز الجامد ده
نورنا: أتلمي سحر بدل ما تطلع جناني عليكي.
سحر: اتلم هو ايه اللي اتلم بزمتك هو مش مز و جا مد كمان يلا بقي حب الفضول هيموتني بجد ازاي وانتي اتجوزتي امير و ليه مخبيه جوازك و ليه مقولتليش ليا و ليه انتي.
قطعتها نورما بااااس انتي عطياني فرصة اتكلم معاكي اصلا
اسكتي شوية خليني اعرف اتكلم معاكي ايه ايه بلعة راديو
سحر: ما انتي اللي ساكتة ومش راضية تحكي.
نورما: بصي سحر انا هحكيلك كل حاجة علشان اريح دماغي من زنك ده بس اسمعي و أنتي قافلة بوقك علشان دماغي لو اتكلمي أو علقتي على حاجة مش هكمل.
هزت سحر رأسها وحطت أيدها على بوقها علامة أنها حاتسكت
نورما: تعالى بقي ورايا على المطبخ نعمل قهوة و شوية سندوتشات. احسن انا هموت من الجوع ونقعد نحكي للصبح كده ولا كده امير مش هيوصل غير بكرة العصر.
سحر: حلو كده بلا بينا أنا كمان جعانه جدااا
نوما: بضحك ده العادي بتاعك انتي جعانه علطول.
دخلو مطبخ بعملو سندوتشات العشا.
سحر: نورما انا عاوزة اخش الحمام من فضلك.
نورنا: طيب اطلعي الحمام اللي فوق علشان اللي تحت مش شغال.
سحر: لسة هطلع فوق اصلا الفيلا دي عاوزة توكتك علشان نعرف نتحرك فيها بجد مشاء الله تجنن جميلة جداا
رفعت نورما حاجبيها دليل على نقاذ صبرها من كثره كلام سحر
قالت سحر بمرح
خلاص امري لله هطلع بس متبصليش كده
طلعت سحر ودخلت حمام
وهي نازلة سمعت صوت موبايل نورما بيرن تتبعت الصوت ودخلت أحدي الغرف اخدت موبايل ونزلت.
سحر: وهي نزله نورنا نورما يا نونو.
خرجت نورما من مطبخ على صوت سحر
في ايه بتزعفي كده ليه يا زفته
قالت سحر
اتصدقي بالله أنا غلطانة اني عبرتك وجبتلك موبايلك اللي عمال يرن بقاله ساعة
قالت نورما:
سخيفة من يومك هاتي اشوف مين اتصل وانتي تعالي كملي سندوتشات وبس بسرعة علشان انا جعانة قوي
سحر: كمان كمان هتشغليني عندك ماشي لما اشوف اخرتها معاكي يا آخرة صبري
نورما
سحر وسعي من وشي خاليني اشوف مين اتصل بيا.
مسكت نورما الهاتف بتفتحة اده ايه كله
20 مكالمة لم يرد عليها استر يا رب خير ايه اللي حصل ده امير و ماما استر لتكون مامت امير جرالها حاجة اكيد جرالها حاجة.
اتصلت نورما على امير مش بيرد عليها
اتصلت على مامتها
نورما: الو ماما خير في ايه كل المكلمات دي ليه.
قالت ليلي مسرعة
- انتي فين يا نورما بتصل بيكي بقالي ساعة تعالي حالا على أول طيارة امير مبقبوض عليه والدنيا هنا هيصة وكلنا في ال قسم تعالي بسرعة
شهقت نورما وقالت: + ماما براحة كده وفهميني ايه اللي حصل انا مش فاهمة حاجة امير مقبوض علية ليه.
ليلي: ماهيتاب اتقتلت والنيابه متهمين امير فيها والدنيا هنا على بعضيها محدش عارف حاجة.
نورما: . ايه ااايه ااايه امير. اايه انتي بتقولي عليه ده استحاله امير استحالة يعمل كده
جرت سحر على صوت نورما.
سحر: نورما خير في ايه بتزعقي كده ليه.
نورما: سحر تعالي بسرعة ساعديني انا لازم اسافر دلوقتي حالا البلد تعالي بسرعه حضري معايا الشنطة واتصلي با احمد يحجزلي على أول طياره بسرعة.
سحر: حاضر بس افهم في ابه بس.
نورما: . ييوووووة يا سحر اعملي اللي بقولك عليه معنديش. حيل للمناهده انا في مصيبة
طلعت نورما بسرعة تجهز حالها و طلعت على مطار
وفي الصعيد.
وكيل نيابة: ممكن حضرتك تقولي على سبب تواجدك في السرايا في وقت وقوع الحادث و ايه اللي خلالك تمشي بسرعة وليه خبيت على الظابط اللي بيحقق معاك انك كنت في السريا وقتها.
امير: انا اصلا من المفجاءة نسيت كل حاجة ونسيت اني كنت في السريا وقتها.
وكيل نيابة: طايب نعيد سؤال بشكل مختلف ايه اللي وداك سراية في وقت ده.
امير: بعد كلام الدكتور أن امي اتعرضت لمحاولات قتل بالسم وان السم ده اتحط من حد في البيت قلت لازم اروح واعرف ايه اللي حصل وخصوصا أن امي مبتعرفش تشرب قهوتها الا من ايد فوزية هي بس اللي بتعمل القهوة ليها فا رحت اتكلم مع فوزية و افهم منها ايه اللي حصل بالظبط.
وكيل نيابة: وانت شكيت في فوزية انها تكون هي اللي عملت كده
امير: اطلاقا فوزية متربية عندنا في السريا من وهي لسة مولوده وكبرت واتجوزت وهي معانا حتى لما جوزها طلع وحش امي و ابويا اللي وقفوا معاها وطلبوا منها مع أنه بيشتغل عندنا جنانيني من زمان بس هما كانو في ظهر فوزية استحالة تكون ليها يد في حاجة.
وكيل نيابة: وايه اللي حصل بينك وبين فوزية وعرفت مين اللي عمل كده
امير: اه طبعا عرفت مين عمل كده.
وكيل نيابة: وطلع مين
امير: ماهيناب هي اللي عملت كده بعد ما امي اكتشفت أنها كانت بتضحك علينا وان حملها ده كان وهمي مكنتش حامل اصلا
وكيل نيابة: وانت عرفت منين الكلام ده من فوزية صح.
امير: اه فوزيه سمعت الكلام اللي حصل بين امي و بين ماهي وسمعت امي وهي بتهددها أنها هتقولي و كمان ماهي كانت مصممة هي اللي تودي الامي القهوة.
وكيل نيابة: وانت بقي عرق صعيدي نطر عليك وقلت تاخد بتارك منها صح قلت تاخد حق امك أنها حاولت تقتلها وحق ضحكها عليك وما خفايا كان اعظم.
امير: انت قصدك تقول ايه حضرتك انت عاوز تقول ان انا اللي قتلتها
وكيل نيابة: . بعصبية قصدي انك انت المتهم الأول والرئيسي عندي في القضية الدافع موجود و الوقت ده كنت متواجد في مكان الجريمة عاوز ايه اكتر من كده.
امير: بس انا مقتلتهاش انا سجلتها بس المكلمة بتاعتها ونزلت اجري علشان كان عندى معاد مع المحقق اللي بيحقق في المستشفى وقدمت فعلا تسجيلات الظابط اللي كان بيحقق في موضوع السم بس هو قال إن ده مش قانوني ومش هياخد بيه.
وكيل نيابة: اكيد طبعا طلما مافيش إذن من النيابة ممكن اسمع تسجيل ده.
امير: . اه طبعا اتفضل وشغل الموبايل على التسجيل.
سمع وكيل نيابة للتسجيل.
وكيل نيابة: لاء و كمان بتخونك كده انا اتاكدت انك انت اللي عملتها مش حد تاني القضية اتحولت كمان لقضية شرف و انت صعيدي و دمك حامي.
امير: بعصبية شديده انا مقتلتهاش مقتلتهاش انت ليه مصمم وعاوز تخليني انا متهم.
وكيل نيابة: علشان محدش عنده دافع قوي زيك حاولت تموت امك خانتك و كمان ضحكت عليك وهو همتك بحمل كاذب عاوزة ايه اكتر من كده وعلى العموم كله هيبان في التحقيقات ولحد ما يبان حضرتك مشرف معانا هنا
عسكري اتفضل خدو على حجز.
طلع امير و في أيده كلبش وفي ايد عسكري كلبش
في دخلت نورما تجري.
نورما: امير امير انت رايح على فين انتم واخدينه فين.
امير: نورما انا معملتهاش مش انا اللي قتلت ماهي.
نورما: عارفة من غير ما تتكلم انك استحاله تعمل كده.
امير: . سيبك مني وركزي في اللي هقوله اول حاجة تاخدي بالك من امي هي المفروض تخرج من المستشفي النهارده العصر
تطلعي على السرايا ومتجبلهاش سيرة باللي حصل و غير كده دوري ورا ماهي تليفونها معايا في درج المكتب دوري في يمكن في حاجة تدل على القاتل.
العسكري: خلاص كفايا كده لو سامحتي يا مدام ابعدي.
نورما: في ايه بس يا دفعة كلمة واحدة بس وهمشي.
نورما: امير اجمد كده عارفه انك قوي وقدها ومتقلقش كله هيعدي
امير: نورما حقك عليا في كل اللي عملته معاكي.
نورما: امير انت شايف أن ده وقته تطلع بسلامة وبعدين نشوف من فينا ليه حق عند التاني وياخدو.
امير: نظر لنورما نظرة حب نورما خالي بالك كويس على اللي في بطنك خافي عليه اكتر من اي حاجة ولو مطلعتش منها اوعي تقوليو حاجة وحشة عني عارفيه اني موت من قبل ما يتولد.
نورنا: امير اوعي تقول كده اوعي محدش هيربي ابنك غيرك فاهم فاهم
في طلعت وكيل نيابة و ايه رايكم نجيب شجرة واتنبن لمون
ثم التفت نحو العسكري وقا و بأسلوب حاد مرتفع: + في ايه يا عسكري ايه مش عارف تشوف شغلك ولا عجبك جو النحنه ده اخلص ونزل المتهم على الحجز يلا نفذ الأوامر
خرجت نورما من النيابة و قلبها بيتقطع بس مافيش وقت للانهيار لسة قدمها مشوار طويل لازم تجمد علشان يكمل
اول حاجة عملتها راحت سريا.
اول ما دخلت جمعت كل خدم
نورما: مساء الخير يا جماعة طبعا كلكم عارفني قبل كده اللي متعرفوش اني انا دلوقتي مرات امير
من فضلكم عاوزة السرايا دي بتلمع من نظافة وخصوصا. اوضت المرحومة مش المعمل جنائي خلص شغله صح.
فوزىة: أيوة يا هانم خلصو شغلهم وقالو لو عاوزين الاوضة تحت امركم.
نورما: تمام كده الكل هيخش على الأوضة كل حاجة فيها تترمي حتى فرش السرير السجاده كل حاجة خاصة تترمي مش عاوزة اي أثر مفهوم و تتفرش من اول وجديد و تتغير سجادة بتاعتها عاوزها من الاخر اوضة جديدة.
فوزية: بس يا هانم الشر برا وبعيد لتكون مسكونه ربنا يجعل كلامنا خفيف عليهم.
نورما: فوزية وحيات عيالك يا شيخه مش وقت هبل الجو مش مستحمل عبط الكل بسرعة يشتغل فيه
ثم وقفة وكأنها تذكرت شي مهم: +اه وفي حاجة تانية الست الحاجة هتطلع الصبح من المستشفي مش عاوزة حد يجيب سيرة قدمها باللي حصل هنا المفروض كانت تخرج انهاردة بس انا قلت اظبط دنيا هنا الاول ولو سألت على امير هو مسافر بيخلص شغل مفهوم حد فيكم عنده اي حاجة بقولها.
يلا الكل يتفضل على شغله عاوزة سرايا قبل الصبح تكون تمام وعاوزة الجنينة برا تتظبط هو صحيح الجنابني فين ما اجتمعش معاكم ليه.
فوزية: الست الحاجة مانعة دخوله هنا بعد اللي عمله معايا أصلو طليقي.
نورما: طايب تمام حد منكم بديلو خبر ويخلبه يظبط الجنينه.
دخلت نورما ال مكتب و سندت ظهرها على الكرسي تراجع احداث يوم كلها.
نورما: ااااه ااه هيخلص امتي الكابوس ده يااارب فكها من عندك يارب و بدأت تدور على موبايل ماهي.
نورما: اهو لقيتوا فتحت موبايل صور كتير لماهي لما كانت عارضة أزياء و صور مع امير في امريكا شعرت نورما بالغير
ولفت ملف مكتوب عليه تسجيل مكالمات بدأت نورما تسمع مملكتها و هي مصدومة
نورما يالهوي ايه اللي انا بسمعة ده انا لازم اروح نيابة حالا الوضع خطير ومينفعش يتسكت علية.