قصص و روايات - قصص رومانسية :

رواية سبرين امرأة من نار للكاتبة أماني فهمي الفصل الثاني

رواية سبرين امرأة من نار للكاتبة أماني فهمي الفصل الثاني

رواية سبرين امرأة من نار للكاتبة أماني فهمي الفصل الثاني

كانت شمس تقلق على سلين لانها تعلم حبها الشديد لشادي لذلك قررت مساعدتهم وحتى تريح قلبهم
فتوجهت إلى الجامعة وقابلت شادي
شمس: الوحش الى مش بيسال
شادي بذهول: شمس وحشتيني اوى
شمس: لو كنت وحشتك كنت كلمتني
شادي: انتى اتشغلتي مع جوزك وابنك
شمس: مش عاوز تسال على حد
شادي بتنهيدة تعب: اخبارها ايه شمس
شمس بالم: بتموت من بعدك اجوزو شادي وسافر اى محافظة وعيشو مع بعض.

شادي بصدمة: انتى بتقولى كده عوزاني اسرق فرحتها عوزانى اكسر ابتسامتها
شمس بعصبية: وهي دلوقتي مبسوطة وفرحانه عاوزة اقولك انها جسم من غير روح وعلى طول عياط ومفيش اكل كمان انت خايف من ايه هي راضية بقربها منك ومبسوطة ليه تجرحها ودمرها فكر يا صاحبي وانا واثقة ومتأكدة انك هتخليها ملكة اجوزو وعيشو مبسوطين انا لازم امشي علشان اسلان
شادي: طيب ممكن تخليها تقابلني او تكلمني
شمس: حاضر يا شادي.

غادرت شمس وتوجه شادي الى البيت وجلس في انتظار مكالمة سلين
فات يوم ويومين وثلاثة وكان شادي يأس من الأنتظار بس في لحظة سمع تليفون بيرن فطلع يجري بسرعة ورد وكانت شمس وقالتله ان سلين في المستشفي
توجه شادي الى المستشفي ودخل ليها الأوضة وكانت معاها شمس وجدها تنام على السرير وشاحبة فتوجه إليها وضمها لحضنة فخرجت شمس وتركتهم لوحدهم
شادي: الف سلامة عليكي يا عمري حقك عليا يا قلبي
سلين بتعب: أبعد عني.

شادي بحب: هو في جسم بيبعد عن قلبه انا اسف خفي بسرعة علشان بصراحة كده انا ماسك نفسي بالعفية وانتى ذي القمر والعسل كده
سلين: لا ابعد عني
شادي بزعل: طيب يا رب اموت
سلين بحده: بعد الشر عنك يا حبيبي اوعي تقول كده تاني
شادي بحب: طيب ممكن تتجوزيني وبعد فترة هنواجه الكل
سلين: لا مش هنقول لحد هنفضل عايشين مع بعض للابد
شادي: حاضر يا عمري خفي بسرعة علشان تطلعي رحلة استجمام
سلين: وانت
شادي: هحصلك يا عمري.

سلين: طيب جهز نفسك يوم الخميس هنروح شرم اشطا
شادي بحب: هههه اشطا يا قلبي
فضلت النظرات بينهم وقام شادي بتقبيلها بكل هدوء وحب ورومانسية
دخلت شمس عليهم وهما كانو يتبادلون القبل وكان منظرهم يغني عن كل شي
شمس: شادي بسرعة لازم تمشي عمي جيه تحت
شادي: تمام مع السلامة يا قلبي.

خرج شادي ومر يومين وكان شادي جهز كل حاجه وكانت قد خرجت سلين من المستشفي وطلبت انها تسافر تغير جو فوافق والدها وسافرت الى شرم تحت انظار الجميع
ولكن كان هناك اتفاق بين سلين و شادي على المقابلة في مكان وعندما تقابلو ذهبو الى مكتب المأذون وتم عقد الزواج وعندما انتهو توجهو الى شقته وعندما دخلو
شادي: بصي يا عمري شايفة الأوضة ديه خشي هتلاقي حاجة على السرير البسيها وانا شوية وجاي
سلين: حاضر حبيبي.

دخلت سلين الغرفة ووجدت على السرير فستان زفاف رائع الجمال فقامت بارتدائه وكانت حورية وقامت برفع شعرها وعملت مكياج هادئ وجميل.

كان شادي يبلبس بدله باللون الأبيض وكان وسيم لأبعد الحدود.

خرجت سلين من الأوضة ووجدت شادي أمامها وانبهر كل شخص بالآخر فضمها شادي الى حضنه
شادي بحب: انتى جميلة اوي يا عمري
سلين بفرحة: شكرا شادي بجد انت فرحتني اوى
شادي: كان نفسي اعملك فرح كل الناس تتكلم عنه بس غصب عني
سلين: انت فرحتني اوي كفاية ان اسمي حمل اسمك وبقيت مراتك
شادي بغمزة: طيب ايه
سلين بكسوف: ايه ايه
شادي: يعني عريس وحلو كده مش هندخل بقي
سلين بكسوف: وانا قولتلك حاجة بس نفسي ارقص معاك ممكن.

شادي بحب: وهنتصور كمان ونخلد الذكرة الحلوة ديه تعالى بقي
قام شادي بتعديل الكاميرا وتم التقاط أكثر من صورة لهم وبعد كده شغل الموسيقي وكاميرا الفيديو وبتدء يرقصو
بكل هدوء ابتدء شادي يوزع قبولات حانية على وجهها ورقبتها وبعد ذلك حملها ودخلو الى غرفة النوم
شادي: يالا يا عمري خشي اتوضي وتعالى
سلين: حاضر
دخلت سلين وارتدت إحدى قمصان النوم المغرية وتوضات وارتدت فوقة عباية للصلاة وخرجت.

قام شادي بالصلاه بيها وقراء دعاء الزواج وبعد ذلك قامت سلين بخلع العباية وفضلت بالقميص فحملها شادي الى السرير وسكتت شهرزاد على الكلام المباح.

مر الأيام والليالي والشهور وكانو يتقابلون في منزل شادي الى ان جاء عريس لسلين وعندما عرفت رفضت بشدة ولكن تحت إصرار والدها خضعت لمقابلته
وفى صباح اليوم التالى استيقظت سلين على الم شديد اسفل معدتها وعندما تذكرت علمت لتأخر العادة الشهرية فاسرعت الى شمس وطلبت منها اختيار حمل فأرسلت إحدى الخدم لاحضارة وعندما جاءت الخادمة أخذته شمس وتوجهت الى سلين وطلبت منها ان تفعله.

جلست البنات في انتظار النتيجة ولكن صدق إحساس سلين وكانت النتيجة اجابية وكانت تحمل من حبيبها طفل صغير بين احشائها
شمس: هتعملي ايه
سلين: ولا حاجة
شمس: لو ابوكى عرف هيقتله
سلين: انا هاخد شادي ونهرب
شمس: طيب وابوكى وخواتك
سلين: مش هتفرق اهم حاجة جوزي وابني
كانت هناك اذنين تسمع كلامهم ونقلت الكلام لمها زوجه سمير.

علم الجميع بتلك المصيبة مما اطلب من سلين الهروب من القصر وتوجهت الى منزل شادي الذي كان قد تجهز وكان في انتظارها وسافرو الى محافظة مطروح للعيش هناك
اخذ اخوات سلين في البحث عنها دون جوده.

مرت أشهر الحمل على كل شادي لسلين وعندما علمو بأنها بنت فرحة جدا ولكن انكسرت تلك الفرحة عندما شاهدهم إحدى رجال والدها واعلم أخواتها الذين اسرعو بالمجي الى مطروح ولكن كان شادي ياخذ زوجته ويهربو الى القاهرة مرة أخري
جاءت ساعة الولادة لسلين فتوجه بها الى المستشفي ولكن كان الدكتور يعلم من تكون فتصل على شريف الاعصر واعلمه
سلين: شادي حبيبي عوزة اطلب منك طلب
شادي: امري يا عمري.

سلين: احنا مش هينفع نهرب عوزاك تاخد بنتي وتهرب ولو لينا نصيب تاني هنتقابل
شادي بعصبية: انت اتجننتي لا طبعا
سلين: اسمعني بس
الدكتورة: يالا مدام هتولدي
وبالفعل تم وضع طفلة شادي و سلين الأولى وكان يونج قد وصل الى المستشفي
يونج: شيدو هل تمت الولاده على خير
شادي: أجل والحمد لله
يونج بفرحة: أين الطفل
شادي: هذا هو.

اخذ شادي الطفلة من الممرضة وعندما سأل عن زوجته علم بأنها مرضت بشده فأسرع للداخل وخلفة يونج يحمل الطفلة
شادي: حبيبتي فيكي ايه
سلين: خلى بالك من بنتي وسميها سبرين
شادي: هي مالها دكتورة
الدكتورة بحزن عليهم: عندها حمي نفاس وكمان عملت الولادة قيصري وصعب انها تتحرك
شمس: بسرعة شادي لازم تمشي
شادي: في ايه شمس
شمس: العيلة كلها جات تحت لازم تمشي حلفين ليقتلوك انت والبيبي.

سلين: امشي شادي يحرم عليا كل الرجالة وهفضل مخلصة ليك لاخر العمر ومش هيفرق بينا غير الموت يالا خد بنتي وهرب
شادي: لا مش هسيبك
يونج: يالا شيدو
سحبه يونج وخرجو يجري من المستشفي من الباب الآخر وتوجهو بسرعة الى المطار وركبو الطائرة الخاصة بعائلة يونج ونطلقو الى كوريا
كانت الدموع تنزل على وجه شادي بهدوء وكان يحمل يونج الطفلة.

في المستشفي
وصلت عائلة الاعصر الى المستشفي وصعدو بسرعة الى غرفة العمليات وعندما وصلو علمو بوجودها في غرفة عادية فتوجهو الى هناك ودخلو
جابر: هي ديه أخرت تربيتي ليكي
سلين: لو كنت وفقت كنت زمانى فرحانه ببنتي في حضن جوزي للابد
شريف: انتي خلاص اتجننتي
سمير بعصبية: فين البيبي
سلين: محدش هيعرف يوصل ليه
جابر بحده: هجبلك خبر موتهم
سلين: لو عملت كده انا هموت نفسي
جابر: شمس خليكي معاها وحسابك معايا بعدين.

مر أسبوعين وخرجت سلين من المستشفي وكان خايفة على شادي وابنتها.

فى كوريا
عندما وصل يونج والطفلة وشادي الى كوريا كان في انتظارهم الجميع
يونج: لوسي حاولى ترضعي الطفلة لسه مولوده حاولى معاها
لوسي: حسنا اذهب انت الى شيدو
توجه يونج الى شادي وحملت لوسي الطفلة وغادرت
روي: شيدو اذا ارت زوجتك من الممكن ان اخطفها لك
يونج: أمر صديقي
شادي بكسره ودموع: من فضلكم ابقو الطفلة لديكم انا بحاجة للذهاب
جوان: ولكن
يونج: اذهب صديقي فابنتك بأمان لدينا ولديها بدل الام 4 أمهات.

جوان: ما اسم الطفلة
شادي: سبرين اسمها سبرين
خرج شادي من المنزل وتوجه الى منزله وعاش أسبوعين في دموع ووحده
وعاشت سبرين بين احضان الاربع أصدقاء وقامت زوجاتهم بارضاعهم مع ابناهم.

الفصل التالي
جميع الفصول
روايات الكاتب
روايات مشابهة