رواية زوجة القيصر الجزء الثاني للكاتبة رهف سيد الفصل السابع عشر
كان سيف طلب من الجميع التجمع على الغداء في منزله عقب حضور مريم لكي يرحبوا بها جميعاً
ليردف مروان وهو يقوم بصفع مؤخرة رأسها
وحشتيني والله يا ميرو
ايوة يا خاالو يا جاامد
قالها إياد بفخر ليقوم بصفع شقيقته ريم على نهايه رأسها
ليقوم حسام هو الآخر بصفع اميره على نهايه رأسها بمرح لتردف ريم بصوت مرتفع
يا بابي شوف إياد
يا بنتي ديه عاده متوارثه ان الاخ يضرب اختو على قفاها.
قالها مروان بفخر عن عادات الطفوله التي لم يتنازل عنها
وانت كنت بتضرب مامي يا خالو
قالها حمزة بتساؤل لتبتسم روما عندما لاحت في بالها ذكريات الطفوله ليردف مروان بنفي عاطفي.
وانا اقدر ديه حته مني
ان شاء الله الخميس اللي هو بعد بكره هنعمل عيد ميلاد إياد
ينصر عرضك يا اما
قالها إياد بفرحه فقد كان ينتظر موعد عيد مولده لكي يقوم ب حفلة ويأتي بأصدقائه
يا روما ب...
خلاص يا سيف انا عايزة كل حاجه تمشي زي ما كنا مخططين
نظر الجميع إلى بعضهم ليردف مروان وهو يحك مؤخره رأسها بتوتر
رومي انا عايز اقولك حاجه
بصي يا حبيبي انا هقولك
شعرت روما بالتوتر من حديث سيف و روما لتردف بتوتر
في ايه؟
بصي يا روحي انتي عارفه ان الشركه بتاعتي بتعمل فرع جديد ف لوس أنجلوس صح؟
اومأت روما رأسها بالايجاب فقد سبق ان أخبرها سيف عن هذا المشروع المربح الجديد ليردف سيف مكملاً.
بصي يا روحي مروان هو اللي هيروح يمسك الفرع اللي هناك بس هياخد وقت ممكن سنه ولا اتنين او تلاته.
حتى انت يا مروان عايز تسافر
سنتين وارجع تاني يا روحي صدقيني مش هبعد عنك
اومأت روما بحزن ليحتويها سيف بين ذراعيه بحب لتدفن وجهها في صدره مختبئه عنهم.
ايه رايك ف البدله يا حياة الروح
رفعت روما نظرها عن الأرض لتجده يتجمل في بذلته برونقه الخاص الهادئ لتردف وهي تبتسم بحب.
مهما تلبس بتبقي حلو يا روحي
طب يلا قومي ألبسي حجابك عشان ننزل
اومأت روما ثم أعادت النظر إلى الارض مره اخرى لتركض ريم إليها بفرح وهي تردف
مامي ايه رايك؟
الله ايه الفستان الحلو ده
انتي احلى يا مامي وفستانك حلو
نظرت روما إلى فستانها بابتسامه فقد اختاره سيف باللون الفيروزي اللامع لتردف ريم عقب ان أحضرت احد الفرش.
مامي انا هسرحلك شعرك عشان نلموا اوكيه
اومأت روما ف كانت حقاً في وقت تشعر بالضغط على اعصابها
صعدت ريم على الفراش خلف والدتها بينما خرج سيف من الحمام وهو يردف بابتسامة
الله ايه الحلاوة ديه يا ريمو
مرسي بابي حتى انت احلى راجل ف الدنيا كلها
ابتسم سيف بخفه وهو يتجه إلى المرأه ليضع أحد ساعاته الباهظه.
بدأت ريم تمشط شعر والدتها لتشهق بفزع مردفه بصوت مرتفع
بابي شعر مامي بيقع.
نظر سيف إلى انعكاسهم في المرأه ليجد ريم تمسك بالفرشاه وبها العديد من خصلات شعر روما.
نظر إلى روما وجدها تنظر كما كانت إلى الأرضيه اردف إلى ريم وهو يشير إلى الخارج
انا هشوف مامي روحي انتي يا ريم
هبطت ريم من على الفراش لتركض إلى الخارج مغلقه الباب خلفها تقدم سيف ليجلس أمامها بتساؤل.
روما انا معاكي مش هسيبك!
سيف انا بردانه
جلس بجانبها وهو يضمها إلى أحضانه ثم بدأ يجمع شعيراتها بهدوء حتى لا تسقط وجمعهم بمشبك شعر سريع.
نهض ليحضر حجابها من على المرأه ليتقدم نحوها مردفا بابتسامة ساحره
يلا عشان ازين اميرتي بالحجاب.
wow يا إيدو الحفله تحفه جدا!
قالتها مايا بغنج و إنبهار واضح لتردف مكمله بتكبر
انا عيد ميلادي الجاي قولت ل بابي اني هعملوا ف الساحل
نظرت لها روما بطرف عينها لترفع طرف شفتيها باستنكار لتنكزها رحمه في كتفها حتى تغير معالم وجهها
بينما اردف حسام مغيراً للموضوع
بصو ده إيهاب جه
رفعت روما كفها بإشاره لتريه مكانهم بينما ابتسم إيهاب عندما رأها
اهلا يا إيهاب منور.
قالها حسام بترحيب عقب ان التقط كفه كي يسلم عليه ليردف إيهاب بشكر
تسلم يا حُسّ كل سنه وانت طيب يا إياد
التقط كفه بابتسامه هادئه وهو يردف
وانت طيب يا إيهاب
ايدو حبيبي عايزة اشوف طنط مامتك
نظر إياد حوله بحثاً عن والدته لكنه فشل في إيجادها ليردف باستياء
شكلها جوا
ايوة هي قاعده جوا عشان الإزعاج وكمان قاعده مع بابا
قالتها روما بتأكيد لحديثه لتردف مايا بتساؤل
والله يا بختك يا روما انا بحسدك قاعده اغلب الوقت هنا.
نظرت لها بمكر مكمله حديثها
وان إياد قريبك وكمان لو جيتي هنا تقدري تشوفي إيهاب بجد يا بختك
لا والله يا مايا يا بختي انا
قالها إيهاب بابتسامه لتردف رحمه مغيره للموضوع قبل ان تعلق مايا بتعليقها السخيف.
طب انا عايزة اشوف طنط روما يلا عشان توريهاني يا روما
اوه انتي اسمك زي اسم مامت إياد
اه خالو وماما تؤام ف عشان كده سمى روما بأسمها
قالها إياد وهو يدلف إلى الله وهم كانو يتبعونه باستماع لتقع عينيه على والدته وهي تعتلي الاريكه بجانب زوجة خاله و والدة معاذ اقترب منهم هو وزملائه مردفاً بتقديم.
ماما صحابي ف المدرسه مايا وإيهاب
ابتسمت روما لهم مجامله ليركض حمزة إلى إيهاب باشتياق
إيهاب وحشتني بصي يا مامي ده إيهاب جارنا اللي قعد يلعب معايا
رفعه إيهاب بابتسامه وهو يردف
انا مش قولتلك ابقي تعالا اقعد معايا ليه مجتش؟
ما ال Exams (الامتحانات) بدأت
هستناك تلعب معايا PlayStation (بلايستيشن)
ابتسمت روما لطفلها بينما تقدمت مايا محاولة انشاء ود بينها وبين والدة إياد.
واللهِ يا طنط روما إياد بيحكي كتير عنك ربنا يخليكي ليه
ربتت روما على كتفها بابتسامه مجامله لتردف بشكر بسيط
تسلمي يا روحي.
اعاااا خلصنا خلصنا هيييييييه
قالتها رحمه بفرح عقب ان خرجت من قاعة اختبارها لتمسكها روما وهي تهدأها
اهدي اهدي يا ست فضحتينا
السنه الكبيسه خلصت يا روما هعيط مش قادره
طب اهدي يا بنت المجنونه فضحتينا
بجد أخيراً خلصنا اولى ثانوي علي خير
قالتها رحمه بفرح ف لم تصدق أخيراً قد انتهي الترمان على خير واليوم كان آخر ما لهم في المدرسه تتبعها عطله لمده 4 أشهر لتردف رحمه بحزن مكمله.
بس انتي قذره هتمشي بعد اسبوع وتسبيني لوحدي يا وحشه.
استني انتي معرفتيش ايه اخر الاخبار
قولي يا بلائي وابتلائي
بابا قرر يأجل السفر لحد ما عمتو تعمل العمليه وترجع
حتى لو أجلتي السفر كده كده هتسافري
متفكرنيش يا رحمه انا هعيط بجد مش عارفه هقدر ابعد عنك ازاي يا صديقي الصدوق وهبعد عن أهلي إزاي.
يا رب خلينا اسافر معاها
بخخخ
قالها إيهاب هو حسام وهم يقفزون في وجوههم لتقفز رحمه بخوف خلف روما
هقطع الخلف الله يسامحكم
نظرت لها روما بصمت واردفت بجمود
يا ندله انتي بتستخبي ورايا و رمتيني ف الوش يا قذره
يا بنتي مش انتي الكبيرة
عملتوا ايه ف الامتحان
قالها حسام بتساؤل لتردف روما بتنهيده مضحكه
ناجحه ومنقوله للصف الثاني بإذن الله
اتنيلي فرحانه على ايه يا موكوسه من مصيبه لمصيبه اكبر.
قالها ايهاب بثبات لكي يخبرها عن المرحله القادمه ليردف حسام بحزن
احنا لسه مختمين المواد وهنمتحن الاسبوع الجاي
يا حراااام
قالتها رحمه بسخريه ليرفع حسام طرف شفتيه بضيق مردداً
عادي اصلا
يا ماما يا ماما فوقي واحسبي باقلنا 3 اسابيع خلاص 21 يوم ونخلص دراسه احسن ما يكون باقي سنتين.
انت صح يا صحبي
ازيكم عاملين ايه
قالها إياد بابتسامه هادئه ليتمتموا بخفوت
الحمد لله انت عامل ايه
مبروك
عقبال ما تخلص انت الثانوي كلها
دعواتك.
احطلك ده؟
قالها سيف بتساؤل وهو يعرض عليها عدة ملابس حتى يضعها في الحقيبه لتردف روما باستياء.
يا سيف انا بقول ايه وانت بتقول ايه
تنهد سيف وهو ينزل الملابس على الفراش مردفاً بتنهيده
روما حبيبي انا مش هستني لحد ما إياد يخلص انا ما صدقت العيال الصغيره يخلصوا إياد كبير مش محتاجنا جنبو هو هيذاكر بنفسوا ممكن بقى تقولي هناخد اي تيشرت.
سيف!
قالتها بنبرة مترجاه ليحرك رأسه نافياً مردفاً
يبقي هناخد الاتنين
بابي هو انت ليه مش عايزني أجي معاك مش هتعب مامي بس خدني معاك
قالها حمزة بحزن وهو يتعلق برجل والده ليحمله سيف وهو يردف بعقلانيه فكم يعرف تعلق أبنائه وخاصةً حمزة بوالدتهم.
حبيبي انا هروح مع مامي عشان تخف وترجع زي الأول
بس مامي هتوحشني مش عايز اسيبها
وبعدين يا حمزة مش احنا اتفقنا وكمان خالو مازن هيجي يقعد معاكوا هنا ف مينفعش انت تسيبو وتسافر صح وخالتو مريم مينفعش تقعد لوحدها و ولادها بكره هييجو مع عمتو ضحى.
حاضر يا بابي
أنزله سيف عقب ان طبع قبله بسيطه على وجنته ليركض إلى أحضان روما بتعلق ليضع الملابس بجانب الحقيبه مردفاً.
حبيبي انا عايز اروح مشوار مهم جدا قبل ما نسافر ارتاحي انتي ومتحضريش الشنطه
طب خدني معاك
ملوش لزوم ارتاحي انتي انا رايح اعمل حاجه اتاخرت فيها جامد.
استمعت إلى صوت جرس الباب معلناً عن وصول أحد الضيوف عقدت حاجبيها باستغراب ف ابنتها لديها نسخه من مفتاح الشقه إذاً من سيكون الطارق؟
وضعت الريموت الإلكتروني جانباً ونهضت من على الأريكه قاصده الباب كما كانت تتوقع ابنتها لتردف متسرعه دون النظر.
انتي مش معاكي المفت، سيف!
استندت نرمين على الباب وهي ترفع احد حاجبيها.
مفاجأه مش متوقعه يا حبيبي بعد كل الشهور ده رامي بنتك عندي ومش سائل؟
ومين قالك اني مش سائل أخبار بنتي بتوصلي أول بأول ممكن بقى تندهي نوران خليني اكلمها.
نظرت له باستهزاء ثم دلفت وهي تشير بيديها بلا مبالاه
والله لو كنت متابع بنتك بصحيح كنت عرفت ان هي برا مع صحابها بتشتري هدومها عشان مسافره.
لفت جسدها إليه وهي تشير إليه بالدلوف
اتفضل متفضلش واقف كده
دلف سيف على مضض وهو يردف بنفاذ صبر
هي كلمتين هقولهملها وامشي
اقترب منها بخطوات اكثر وهو يضيق عينيه بضيق وغلاً منها مردفاً
هعرف بنتي اللي حصل زمان السبب اللي خلاني اطلق امها واسيبها هقولها ان امها كانت السبب ف فراقي من روما خمس سنين.
وانت تفتكر ان هي هتصدقك؟
صمتت وهي تنظر له بثبات متأكده لما تقول ثم اردفت بسخريه واستهزاء
اه والله واشكرلي روما جدا يعني بجد تعبها جه معايا ب فايده كبيره جداً اشكرهالي لحد ما اجي بنفسي اشكرها.
قبض على عضدها بعنف وهو يردف بشرار يخرج من مقلتيه
متجبيش سيرتها على لسانك الوسخ ده فاهمه! وأحسنلك متقربيش منها
مامي؟
قالتها نوران بفزع عندما دلفت فجأه لتجد والدها يهجم على والدتها كما مثلت نيرمين البكاء السريع وهي تردف.
سيبني يا سيف عشان خاطري خلاص انا اسفه هخلي نوران تعيش عندك
تفاجأ سيف من تلك الحبكه الدراميه التي أفتعلتها لتركض نوران وهي تحاول تخلصة والدتها مردفه بدموع وهي تخلص والدتها.
لا سيب مامي
ابعدت سيف عنها لتقف هي ف المنتصف مردفه بحرقه
كنت فين بقالك 8 شهور بتوع الدراسه كلهم وانت راميني مش بتسأل فيا وانا بستني حتى ترفع عليا سماعه التليفون
للدرجادي كنت عايز تخلص مني ومش عايزني
مراتك التانيه شغلتك بيها وبعيالها ونستني
افهمي متبقيش حمارة
قالها سيف بعصبيه وهو يردف
بطلي غباء امك ديه السبب فكل حاجه
هي رمتك وانتي لسه 8 شهور و هربت وروما هي اللي فضلت معاكي.
هي ديه اللي وقعت بيني وبين روما وخلتها تبعد عني خمس سنين بحالهم بتعذب فيهم
طب مسألتيش نفسك هي ليه مدورتش عليكي طول الفتره ديه
صمت قليلا وهو يحاول التقاط أنفاسه السريعه ليردف بندم قليل
عارف ان المفروض اقولك كل ده من بدري بس تعب روما كان لازم ابقي معاها كل يوم كانت بتتعب اكتر من الأول كنت عايزك تعرفي الفرق بين روما ونرمين تعرفي الأم الحقيقيه.
انا عارفه امي الحقيقه شكرا ليك
انا هديكي فرصه لحد ما روما تعمل العميله وترجع غير كده لو رجعتي مش هستقبلك
خالص!
وانا مش هرجع
قالتها نوران بتأكيد لحديثها ليردف سيف وهو يغادر
اتمني تتأكدي من قرارك ده!