قصص و روايات - قصص رومانسية :

رواية زوجة القيصر الجزء الأول للكاتبة رهف سيد الفصل الحادي عشر

رواية زوجة القيصر الجزء الأول للكاتبة رهف سيد الفصل الحادي عشر

رواية زوجة القيصر الجزء الأول للكاتبة رهف سيد الفصل الحادي عشر

ذهبت روما إلى المطبخ وبدات في غسل الصحون دخل سيف عليها
سيف، اعمليلي شاي
روما، مش بعرف وبعدين انا مشغوله بغسل المواعين
سيف. سيبي الزفت واعملي شاي
روما. قولت لا
سيف، احسن اخاف تحطيلي سم
روما مقلداه، احسن لتحطيلي سم يا سم
وضع سيف المياة في الكاتل
سيف. اغسلي كوباية
روما، اهي خد.

لف الاثنان وجههم معا كان سيف قريبا منها بشدة بدا يقترب من شفتيها ظلت ترجع للوراء حتى التصقت في الرخامة خلفها وضع يداه على الطاولة وحاصرها مال بشفتيه ليلتقط شفتيها بحب ورغبة كانت هي في صدمة حاولت الفرار منه ولكنه ضغط على شفتيها بقوة مانعها من الحركة شعر بخفيه انفاسها ابتعد عنها قليلا ولكنه عاد والتهم شفتيها مرة أخرى كانت هي في حالة اضطراب تشعر بشئ غريب تجمدت اطرافها لم يقطع لحظتهم سوا صوت جرس الباب ابتعد عنها وهو يتنفس بقوة وجدها مغمضة عينيها.

سيف، افتحي عينك
فتحت عينها لتنظر إلى عينيه التي يصب الحب منها نظر لها قليلا وجاء ليخرج
روما، سيف
لف وجهه لها
روما، لو سمحت متعملش كده تاني
سيف، لا
وخرج من المطبخ بينما هي كانت في صدمة رفعت يدها وتحسست شفتيها المنتفخة قليلا
سيف، روما، نظر لها بابتسامة اما هي ازاحت يدها سريعا. ادخلي جوة علشان ده عمار
اومات له ودخلت سريعا اما هو اتجه إلى الباب
عمار. إيه ساعة عقبال ما تفتح
سيف، وانتا مالك.

نقل نظرة إلى الاكياس التي بيده
سيف. إيه الحاجات ديه
عمار، طب ادخل الاول
سيف، اتفضل
دخل عمار و وضع الاشياء على السفرة
عمار، ده فضلة خيرك سمك وجمبري و سلطاتك بقى وشهيص نفسك بالجمبري يا شبح عايزك ترفع راسي
سيف، ههههه ماشي
خرجت روما وهي مرتدية فستان باللون الكحلي وطرحة باللون الابيض
روما، السلام عليكم
عمار، وعليكم السلام. مد يدة كي يصافحها. الف مبروك
روما وهي تبادلة المصافحة، الله يبارك فيك عقبالك.

عمار وهو يجلس. ان شاء الله ربنا يخليكي يا دكتورة روما
سيف. احم احم
عمار. يا انسة روما
سيف. انسة! ليه قالولك متجوزة سوسن ولا انا مش مالي عينك
عمار، يا مدام روما ارتحت
روما بابتسامة أظهرت غمازتيها، خليها روما بس
عمار، الله عندك غمازات يا ابن المحظوظة يا فواز
سيف، انتا مش كنت جاي تبارك خلاص مباركتك وصلت
عمار، والغدا
سيف، خدو مش عايزين
عمار. لا اتغدا معاكو
سيف. لم نفسك واطلع برة.

عمار، ماشي ياخويا ليك حق سلام يا روما
روما، مع السلامة
وصلو إلى باب الشقة
عمار، مالك قلبت كده ليه
سيف، مفيش
عمار، انتا غرت
سيف، ايوة
عمار، هههه انا اسف معلش متزعلش مني غصبن عني اصل هي جميلة وغمازاتها اجمل
سيف، اطلع برة
عمار، هههههههه حاضر حاضر
خرج عمار وهو يضحك بينما سيف كاد ان يموت غيظا
سيف، انتي بتضحكيلو ليه
روما باستغراب، عادي يعني وبعدين انا ابتسمت مش ضحكت.

سيف، حتى لو بصي يا بنت الناس انا غيرتي اجن من الجنون ذات نفسو
روما، ليه انا معملتش حاجة لكل ده
سيف، عمار عمال يقول الله ديه جميلة وحلوة
روما، عندو نظر
امسكها من يدها ولفها خلف ظهرها بقوة
سيف، رومااا بلاش تعصبيني اتقي شري
روما، سيف ايدي وجعاني
سيف، لسانك هقصوهولك لو جت سيرة راجل تاني عليه
روما، سيف ايدي مش قادرة وجعاني اووي
سيف. فاهمه انا قولتلك اهو
روما وهي ترتجف، سيف خلاص.

افلت يدها وهو ينظر لها كيف ترتجف امسكت هي يدها بالم وجدت مكان اصابعه علامات اتجهت إلى الاريكة وبدأت في تحسس يدها بخفة تقدم اليها وجلس امامها امسك يدها وطبع عليها العديد من القبلات وضع يده على خدها
سيف. روما حقك عليا بس انا بحبك اووي ولما بحب بغير بجنون
روما، ي سيف انا مقدرة بس مش بالشكل ده
امسك يدها وطبع قبلة اخرى عليها
سيف. خلاص يلا علشان نتغدا
روما، هروح اغير هدومي.

اوما لها بهدؤ وابتسامة جذابة نهضت من مكانها واتجهت إلى غرفتها اما هو اصبح يخرج الأطباق ويضع الاكل حتى خرجت له بنفس القميص التي كانت ترتدية في الامس نظر لها سيف وتذكر كيف كانت ابتلع ريقه انتبهت الية
روما، مالك
سيف، ها مفيش يلا علشان ناكول
جلس الاثنان على الطاولة تعمد هو ان يجلس بجانبها
روما، يا سلام جمبري
سيف، بتحبي الجمبري
روما، جدا ماما الله يرحمها كانت بتحبو اوي وانا كمان.

سيف، الله يرحمها هي اتوفت ازاي
افلتت روما الخبز من يدها ونظرت له بابتسامة مكسورة
روما. كانسر كان عندها كانسر ومقدرناش ننقذها ماتت وهي بتوصيني على نفسي واخواتي
سيف، انا اسف اني فكرتك
روما، انا عمري ما نسيتها
سيف، انتي قولتي اخواتك انتي عندك اخوات غيرها
روما، حبيبي مروان ده تؤامي
سيف. انتي عندك تؤام
روما، ايوة مروان بحبو اووي
سيف، اممم وهو فين
روما، مروان في امريكا بيشتغل مهندس معماري هناك
سيف، ماشي.

امسكت قطعة جمبري وضعتها في فمها باستمتاع
روما، اممم طعمو حلو اوي
سيف، لو عاجبك ابقى اجبلك منو تاني
روما، لا انا هعملو عشان بيطلع احلى
اوما له سيف وبدا في الاكل هو الآخر انتهو من الغدا وأخذت روما الاشياء وضعتها في المطبخ
روما، عايز حاجة
سيف، شاي
روما، اعمل لنفسك تصبح على خير
وركضت إلى غرفتها
سيف. هو انا اتجوزت واحدة هبله
اما هي اتجهت إلى غرفتها وجلست على الفراش امسكت هاتفها واتصلت على شهد.

روما، شوشو حبعمري بتعمل إيه
شهد. بتقطع بصل وبعدين انتي مال غزالتك رايقة كده ليه
روما، فيش
شهد، طب عملتي إيه في الموضوع بتاع محمود
روما، خلصت منو
شهد، يا بنت المجنونة ازاي
حكت لها ما حدث منذ ان دخل سيف إلى ان عادت معة إلى هذه الشقة
شهد. احييية كل ده
روما، شوفتي
شهد. بيضالك في القفص يا بنت ابراهيم طول عمرك محظوظة
روما. مروان قالي ان هو هيرجع قريب
شهد بصراخ، بجد
روما، ودني يا كلبة البرك
شهد، احدد معاد مع ماما.

روما. انتي عايزة تدبسي اخويا يا كلبة لا لما يجي
شهد، احدد والنبي احدد
روما. اتهدي يا زفتة لما يرجع بالسلامة نحدد
شهد، طب اعمل حجز مسبق
روما، يوووه خدي رقمو وقوليلو
شهد. اتكسف
روما، مين معايا
شهد، انا شهد
روما. شهد بتتكسف احية يا ابو سوسو احية
شهد، هههههه يوة مش انثى برضو
روما، انثى! وحياة خالتك
شهد، ههههه خلاص يا جعفر بس روحي خليه هو اللي يكلمني
روما. النهار ليه عنين يا بنت الناس
شهد، لا لا يكلمني دلوقتي.

روما، لا لا لا لا لا خمسة لا بكرة
شهد، غوري هي جيرة وصحبية زبالا
روما، والنسايب
شهد، عسل
روما، ههههه غوري من هنا يا كلبة صحيح هترجعي امتى
شهد. بعد 3 ايام
روما، طويب عايزة حاجة
شهد، لا سلامتك
روما، سلام
شهد. سلام
اغلقت معها وهي تضحك نظرت إلى الارض وجدت شئ اسود يتحرك فركت عينها مرة اخرى حتى وجدته صرصار وقفت على الفراش خائفة
روما، سيييييف.

انتفض على اثر صرختها ركض إلى الغرفة ما ان فتح الباب حتى قفزت في حضنة وتعلقت برقبته رفعها من خصرها اليه
سيف، مالك يا حبيبتي
روما، صورصار صورصار على الارض
سيف، يخربيتك قطعتي الخلف كل ده علشان صورصار
روما، انا بخاف جدا منهم
سيف. خلاص موتو
انتبهت روما لنفسها جائت لتبتعد عنه
سيف، ده تحتك
تعلقت مرة اخرى في حضنة اما هو ابتسم بحب وعانقها هو الاخر
روما باحراج، خلاص يا سيف
توجه سيف إلى الفراش وانزلها عليه.

سيف، حاجة تاني
هزت راسها نافية اقترب منها واخذ قبلة صغيرة من شفتيها
سيف، تصبحي على خير
نهض من مكانه وخرج اما هي كانت تنظر مكانه بصدمة سحبت الغطاء على جسدها واغمضت عينيها وهي تبتسم.

ضحى، شرم تجنن
مريم، فعلا
ضحى، كلمتي اختك
مريم، روما اه كلمتها امبارح
ضحى، انا هكلم ماما اطمن عليها
مريم، ماشي
ضحى. الو يا ماما ازيك
فيروز، ازيك يا ضحى عاملة إيه مبسوطة
ضحى، جدا يا ماما انا و مريم فرحانين اووي
فيروز، سلميلي على مريم
ضحى، ماما بتسلم عليكي
مريم، سلميلي عليها
ضحى. بتسلم عليكي ي ماما
فيروز، سيف اتجوز
ضحى، انتي بتتكلمي بجد
فيروز، اومال يعني بهزر
ضحى، مين
فيروز، لسة مشفتهاش
ضحى، و ياتري مين بقى.

فيروز، انتي هبله يا بت بقولك انتي هترفعيلي السكر سلام
ضحى، حاضر سلام
مريم، في إيه
ضحى. سيف اتجوز
مريم. مبروك و ديه مين اللي امها دعيالها
ضحى، ديه داعية عليها
مريم، ههههه طب يلا ياختي نرجع الفندق
ضحى، يلا بس اكيد عمار عندو الخبر
مريم، اوعي تطلبي اللي في بالي
ضحى، هو بعينو
مريم، متكلميهوش هو يكلمك
ضحى، طب انا عايزة اعرف
مريم، قولتلك لا
ضحى، مريم
مريم، يا بت اتقلي مالك ملهوفة كده ليه.

ضحى، ملهوفة عليه ومسلمة تقدر تقول مستسلمة
مريم، حاسة اني طايرة في السما لو حلم ده انا مش عايزة افوق
ضحى، هيييح يا رب يحس بامي بقى
مريم، يا رب تحسي انتي انك بتكلمي سنجل
ضحى، هههه صح
مريم. بس يا بت
ضحى. امشي يا سنجل
مريم. انا سنجل اضحى
ضحى. ايوة وسنجل ديه بقولهالك بامانة
مريم. امانة
ضحى، ايوة امانة اجري يا حسين
عادت الفتاتان إلى الفندق ونامو.

الفصل التالي
جميع الفصول
روايات الكاتب
روايات مشابهة