رواية رحم للإيجار الجزء الثاني للكاتبة ريحانة الجنة الفصل السابع والعشرون
في مرسي علم مروان وچنا لسة في صدمة من وجود ريما. مروان اخد چنا بعيد عن الباب.
مروان: ايه اللي يجيب ريما عندك. كمان هي ماقلتليش انها جاية انا سايبها امبارح من غير ما تقولي اي حاجة.
چنا بخوف: مممش عارفة. تفتكر تكون شاكة في حاجة. اانا هتجنن.
مروان اخد نفس وبحزم: روحي افتحي.
چنا بإندهاش: ااانت بتقول ايه. وانت! هتشوفك هنا. هنقولها ايه؟!
مروان: انا هفضل هنا لو جاية وشاكة في حاجة هخرجلها وتبقي كل حاجة خلاص خلصت وانا مستعد اواجهها بكل حاجة مع اني ماكنتش اتمني انها تعرف بالشكل ده. و يمكن تكون جاية لسبب تاني.
چنا هزت راسعل بتوتر و اخدت نفسها وراحت فتحت الباب.
ريما بإبتسمامة: صباح الخير.
چنا بتوتر بتحاول تبتسم: اااحمم. صصباح النور. ازيك يامدام ريما.
ريما: بخير طمنيني عنك. سمعت من الريسيبشن انك كنتي امبارح تعبانة خير.
چنا بتبلع ريقها بخوف: اااابدا ششوية ارهاق. بس خلاص بقيت احسن.
ريما: طيب الحمد لله. اسفة لو كنت صحيتك بدري. بس اصلي لسة واصلة ومش لاقية مروان في أوضته وماحدش تحت يعرف عنه حاجة.
چنا بلعت ريقها بتردد: ااااصل. اااتلاقيه بيجري هو متعود علي كدة او في الچيم.
ريما بتفكير: تصوري صح. انا ازاي نسيت انه كل يوم بيجري بدري ويلعب رياضة. ياللا بقي اديني اتطمنت عليكي. هتنزلي الشغل النهاردة ولا لسة تعبانة.
چنا اتنهدت بتأنيب وحزن: انا تعبانة اوي.
ريما بحنان: الف سلامة تحبي اعملك حاجة محتاجة حاجة. اعتبريني زي مدام تسنيم.
چنا دمعت: لا حضرتك لسة صغيرة مش لدرجة مامتي.
ريما ابتسمت: اممم تصدقي عندك حق. هههههههه. خلاص اعتبريني اختك الكبيرة. ماتنكسفيش.
چنا ابتسمت بحزن: حضرتك حنينة اوي.
ريما بحزن: كان نفسي يكون عندي بنت زيك جميلة ورقيقة ونكون اصحاب. واتنهدت بحزن. بس ربنا مش كاتبلي بقي.
چنا: ربنا يعوضك ان شاء الله بكل خير.
ريما: طيب لو بقيتي كويسة. ابقي انزلي افطري معانا. اكيد مروان قرب يرجع.
چنا هزت راسها: ححاضر. ااانا اسفة ماقولتلكيش اتفضلي.
ريما: لا حبيبتي. انا كمان هروح اخد حمام من الطريق. واجهز لحد مروان ماريجع. سلام.
مشيت ريما وچنا دخلت وقفلت الباب. لقت مروان كان قاعد علي الكنبة وبيضغط بقبضة ايده الاتنين في بعض بقوة. چنا قعدت جنبه ومسكت ايده بهدوء.
چنا بحزن: مالك. بتفكر في ايه!
مروان بتفكير: مش عارف ريما جاية ليه. احنا قفلنا كلامنا امبارح بخصوص الخلفة والجواز. معقول تكون غيرت كلامها.
چنا بوجع ومرارة: ولو كان ده صحيح هتعمل ايه.
مروان بحزن لفلها ومسك ايديها. انا قولتلك انا مابقاش عندي استعداد اخسرك تحت اي ظرف. بس كمان مش هقدر اجرح ريما واواجها بحبي ليكي.
چنا ابتسمت بدموع: مروان انا مش عايزاك تحتار ولا تزعل. لو ريما رجعت علشان تعتذر وتلغي فكرة جوازك والخلفة. انا موافقة.
مروان لسة هيتكلم
چنا قطعته وحطت ايديها علي شفايفه.
چنا: شششش. خاليني اكمل. لو ريما راجعت نفسها ولقت انها مش هتقدر تخلي واحدة تشاركها فيك حتى لو علشان تبقي ام. ده حقها وانت لازم ترجعلها. بس كمان انا مش هبعد عنك. انا وقتها هسافر واقعد في دبي هناك فرع شركتنا وبابا مشتت بين هنا وهناك وماما مابقتش بتقدر تسافر. هعتذر عن المشروع هنا واروح اعيش هناك وامسك الفرع. وانت هتجيني وهنتجوز وماحدش هيعرف. وماتقوليش مش هعيش معاكي في السر. وبكت اكتر. ماهو انا وانت مش قادرين نبعد ولا قادرين نجرح اللي حاولينا. يبقي ايه الحل. وفي نفس الوقت مش هقدر اكون ليك من غير جواز كفاية وجع الخيانة كمان هيبقي حرام.
مروان ضم وشها بحنان وحزن: لا لا ياچنا احنا ماخوناش. الحب مش خيانة. احنا اللي بينا مش ليلة قضنها علشان هوانا ولا رغبتنا. احنا حبينا بقلبنا.
چنا بكت: وهي الخيانة لازم تكون سرير وعلاقة حميمة. انا عارفة ان احنا ماحصلش بينا حاجة مخجلة. ببس قلبنا حب واخد حق مش حقه. انت كنت لريما وانا اخدتك منها وانت بعدت عنها. حبيبي انا مش هقدر الومك ولا الوم نفسي. مروان انت حقي من الدنيا وماصدقت لقيتك مش هضيعك من ايدي. بس حنحاول مانجرحش حد. روح لريما واعرف هي جاية ليه. وزي ماقولتلك. احنا في كل الاحوال مش هنبعد.
مروان مسح دموعها وباسها من جبينها: وانا بأكدلك مش هسيبك تحت اي ظرف. ولو هتجوزك بعيد هيكون بموافقة اهلك. كفاية هخبي علي ريما لكن اهلك لازم يعرفوا. فاهمة
چنا ابتسمت وباست ايده اللي حاضنه وشها: فاهمة. روح لريما يمكن كل ده مايكونش صح.
مروان هز راسه وقام وخرج راح اوضته. چنا فضلت تبكي وراحت وقفت قصاد المرايا وبصت لنفسها. اكن اللي شايفاها دي مش هي
المرايا: انت عايزة ايه. ليه بتهدي حياته وحياتها؟
چنا بدموع: انا مش عايزة اهد حياتهم. انا حبيت. ليه بتلوميني ليييييه.
المرايا: علشان لازم الومك. انتي كان لازم تبعدي شوفي حياتك مع غيره ليه هو؟
چنا بوجع: علشان بحبه. بحبه وماحبتش غيره. قلبه هو اللي حبه انا ذنبي ايه.
المرايا: وريما ذنبها ايه؟
چنا بكت اكتر: ريما عاشت معاه سنين اخدت حبه وحنيته واحتوائه. ومع ذالك قبلت تضحي بيه علشان طفل. ليه مااختارتهوش هو؟ ليه باعته بعد كل اللي عمله علشانها؟ ليه بتلوميني انا؟ لوميها هي.
المرايا: هي مااجرمتش. هي عايزة طفل عايزة تكون ام. حقها.
چنا بحزن: وليه مافكرتش ان ده نصيب وقدر. وان ربنا مش بيدي الانسان كل حاجة. اوقات بيدينا حاجة وياخد حاجة قصادها. مش يمكن لو كانت خلفت كان جالها ابن عاق يهنها ويحرق قلبها مش يمكن كان يجي ويموت مش يمكن كانت تبقي بنت منحلة وتضيع اسمهم وحياتهم. ليه ماحمدتش ربنا انه رزقها زي مروان يعوضها ويحبها. ليه لسة بتختار العناد ليه لسة عايزة تبيعه علشان طفل. حتى لو جه مش هيكون حته منها.
المرايا: لو كنتي مكانها ماكنتيش قولتي كدة. كنتي عذرتيها.
چنا ضربت قلبها بقوة وصرخت: وانا مين يعذر قلبي مين يحس بيا. ليه اللوم عليا ليه ماحدش قادر يفهمني. انا.
كمان حبيته. حبيته ومش عايزة غيره لاطفل ولا اي مخلوق ممكن يعوضني عنه. وقعدت في الارض بحزن. ليه مستخسرين فيا السعادة. ليه هي ياما فرحت معاه ضحكت في وجوده. حست بالامان في حضنه. انا كمان عايزة اخد نصيبي من الدنيا.
المرايا: ده مش نصيبك انت بتسرقيه منها.
چنا هزت راسها بقوة ودموع: لا لا مش بسرقه. ده حقي حقي ومش هسيبه. مروان لو كان جوزي عمري ماكنتش هضحي بيه علشان اي حد ولا اي حاجة. هو هيبقي ابني وجوزي واخويا وابويا. هو كل دنيتي.
المرايا: جربي وعيشي. وقدرك وقدره متحدد وهتشوفي بكرة مخبيلكم ايه انتم الثلاثة.
چنا دفنت وشها بين ايديها وبكت: انا تعبت. تعبت. والله تعبت.
في اوضة مروان دخل لقي ريما في الحمام قعد بتعب وسند راسه علي الكنبة وغمض عنيه. وبعد شويه ريما خرجت وشافته ابتسمت وراحت قعدت جنبه وبدأت تملس علي شعره بحنان. فتح عنيه وبصلها.
مروان: قالولي تحت انك جيتي. خير فيه ايه؟!
ريما بحزن: كدة علي طول مافيش وحشتيني. ولا حتى حضن!
مروان اتنهد وحضنها: معلش انا تعبان بس شوية.
ريما خرجت من حضنه وبصتله: انت لسة زعلان مني؟
مروان قام وبدا يقلع هدومه: انا داخل اخد حمام.
ريما وقته ومسكت ايده: مروان انا اسفة.
مروان بصلها: علي ايه بالظبط.
ريما بصت في الارض: علشان الكلام اللي حصل بينا امبارح. انت لازم تحط نفسك مكاني وتحس بيا شوية.
مروان: ريما احنا قفلنا كلام في الموضوع ده. وانا وعدتك انفذلك اللي انتي عايزاه وانتي هتختاري عروسة بس مش عارف مين دي اللي هتوافق تديلك ابنها لمجرد انها تتجوزني.
ريما بحماس: ان شاء الله هلاقي بس انت اتنازل شوية مش لازم تكون بنت عيلة يعني اي واحدة توافق وخلاص.
مروان ابتسم بسخرية: اي واحدة! مش فارق معاكي جوزك هيتجوز مين واصلها ايه. انتي ناسية انها هتبقي ضرة ريما اخت رعد الحديدي. لازم واحدة تكون علي نفس المستوي.
ريما بضيق: واللي علي نفس المستوي مش هتوافق تبيع ابنها.
مروان مسك ايديها بقوة وبغيظ: لا في علشان في نفس المستوي واحدة باعت جوزها فأكيد هتلاقي واحدة تبيع ابنها. البيع بقي سهل.
ريما دمعت: انت تقصدني! انا مش بييعك.
مروان ضحك بسخرية: لا لاسمح الله. انت بس بتأجريني كام شهر لواحدة اجوزها وتخلف مش اكتر. بيع لمدة يعني.
ريما بحزن: خلاص لو مش عايز بلاش.
مروان: لا يا شيخة دلوقتي بلاش. لا انا بقي كبرت في دماغي وعايز اتجوز. اهو اكيد العروسة الجديدة هتعوضني شوية.
ريما: تعوضك عن ايه ومين.؟
مروان قرب منها وبصلها بقوة: تعوضني عن حضنك اللي باعني. عن قلبك اللي طردني. عن حنانك اللي حرمتيني منه وحوشتيه لطفل لسة في علم الغيب. عن اذنك انا داخل اخد حمام.
ورجع خطوتين. اااااه صحيح هو انتي جيتي ليه اصلا؟
ريما اتنهدت: علشان مشيت زعلان. فجيت اصالحك ونكمل كلامنا.
مروان اتنهد: حمد لله علي السلامة. عن اذنك.
دخل مروان الحمام وريما فضلت تبكي: هو ليه بيلومني. ليه مش حاسس بناري وحرقة قلبي انا اللي في سني معاهم اولادهم حاوليهم. وانا لوحدي. ليه مستخسر فيا يكون ليا طفل واحد. واحد يقولي ماما اسمعها زي اي ام. هو انا مش منحقي. يارب. يارب انت شايف وعاليم بحالي يارب حنن قلبه وابعتلي واحدة تحققلي امنيني ورجائي من الدنيا.
مروان واقف تحت المياه مغمض عنيه وبيفكر ويتأنب. انت ليه جرحتها بالشكل ده. ليه لسة بتلومها. انت حبيت چنا بجد ولا لسة بتحب ريما. قربك من چنا حب حقيقي ولا انتقام من قلبك لريما. عايز توجعها زي ماوجعتك سنيين. انت بتحب مين فيهم. چنا ولا ريما. مستعد تضحي بيمين فيهم. هتتحمل خسارة مين فيهم. اتنهد بحيرة ووجع ومش عارف يلاقي اجابة كل حاجة اتلخبطتت جواه. عقله مشتت قلبه. مش عارف هو صح ولا غلط. استسلم في النهاية للقدر واللي هيحصله بعد كدة. هو خلاص بقي كل شئ بيحصله فجأة مش عارف يوقف حاجة.
مر اكتر من يومين علي كل الاحداث. وفي يوم كان معاد رجوع تمارا وشهاب. مهاب كان علي علم بوصولهم ومستنيهم في المطار. بس وقف مزهول وهو شايف شهاب تقريبا حاصن تمارا بذراعه ودراعه التاني مرفوع بحزام طبي وهي كمان محاوطاه بإديها الاتنين بإحتواء وبيضحكوا. ولما شافوه تمارا حاولت تبعد عن شهاب وارتبكت من نظرات مهاب. شهاب منعها وفضل متمسك بيها وايده علي خصرها وضاغط بقوة. تمارا بصتله بعتاب وعلشان يبعد. بس شهاب كانت عنيه في عين مهاب اكنه بيتحداه بوجود تمارا في حضنه. مهاب اتغل وغضب وقرب منه ومسك ايده بقوة وشد تمارا ناحيته بعيد عنه.
تمارا: بببابا اانا ااانت عامل ايه ووحشتني وحضنت مهاب. مهاب ضمها وهو عنيه في عين شهاب اللي كان بيبتسم وبيبصله بتحدي.
مهاب خرجها من حضنه وحزم: يالا بينا والدتك مستنياكي في البيت.
شهاب حط ايده في جيبه وبجدية: ازيك يا سيادة اللواء. ايه مافيش حمد لله علي السلامة. هو من لقي احبابه نسي اصحابه.
مهاب قرب منه بقوة وتحدي وبتحزير: احنا عمرنا ماكنا اصحاب ياريت ماتنساش نفسك. وافتكر مين هو مهاب عز الدين.
شهاب بتحدي اكبر ابتسم بثقة: انت اللي ياريت ماتنساش مين هو شهاب الحديدي.
تمارا مستغربة من موقفهم من بعض. ليه لغة العيون والتحدي اللي فيها بالشكل ده بينهم.
تمارا: بابا هو فيه ايه. شهاب علي فكرة ظابط شاطر ده انقذ حياتي.
مهاب بصله بقوة: هو ماكنش قصاده حل تاني علشان لو كان رجع من غيرك كان زمان جثته هي هنا مش هو.
شهاب ضحك بقوة: ههههههههههه. وانا اقدر بردوا ارجع من غير تيمو. انا خلاص مابقتش بقدر استنغني عنها. علي فكرة انا كنت عايز حضرتك في موضوع مهم.
مهاب لبس نظارة الشمس بتاعته وبجدية: نبقي نتقابل في الجهاز.
شهاب ابتسم: تؤتؤتؤ. ماينفعش. ده موضوع شخصي مش هينفع نتكلم فيه في الشغل انا هكلم تيمو واحدد معاها معاد واجيلك انا ووالدي ووالدتي.
مهاب بعصبية: نننعم ليه؟
شهاب بص لتمارا وغمزها: جاي اطلب منك ايد تمارا.
مهاب انصدم وشد تمارا بعنف ومشي من غير مايرد علي شهاب.
شهاب ابتسم وهز رسه بسخرية: مش هتتغير هتفضل زي ما انت. بس انا كمان هعمل اللي انا عايزه. وهتجوزها غصب عنك حتى لو رفضت ههحرمك منها طول حياتك. ويا انا يا انت يا مهاب. لبس نظارته وخرج لقي عربية ابو بعتهاله ترجعه البيت. بس لقي مؤمن جاي بعربيته بسرعة ووقف. ونزل بلهفة وحضن شهاب.
مؤمن بلهفة وسعادة: بوب حبيب قلبي وحشتني.
شهاب: ههههههههه. اي اي براحة يا غبي. وانت كمان وحشتني فينك يا ندل لسة جاي دلوقتي.
مؤمن بعد عنه: ههههههه. معلش والله كان عندي شغل ما انت عارف. قولي ايه اللي شلفتك كدة ومين اللي كسرلك دراعك.
شهاب: لا ده ضلعي تعبان شوية. مافيش حاجة. يالا تعالي معايا هتتغدي معايا النهاردة تلاقي الملكة همس عاملة وليمة علي شرف رجوعي.
مؤمن: انت هتقولي ما انا عارف اومال انا جيتلك ليه. ههههههههههه. وحشني اكل امك صراحة فنانة.
شهاب ضربه علي قفاه: امك مين ياحمار.
مؤمن: هو انت مابتتهدش راجع متشلفط ولسة مستقوي. يخربيتك. صحة متكلفة.
شهاب: الله يحرقك انت وقرك الدكر ده. اقولك امشي مافيش غدا.
مؤمن باسه من خده: واهون عليك ده انا حبيبك.
شهاب ابتسم: ههههه. طيب خلاص بس بلاش بوس تاني علشان ماظرفكش قلم يعدلك. فاهم.
مؤمن غمزه: لا ياعم انا هبوس وابوس. بس مش انت حبيبة قلبي سمراء حياتي.
شهاب عقد حاجبه: مين يا عنيا. سمراء مين. ماتظبط ياد انت واتكلم عدل.
مؤمن: لا دي حكاية طويلة احكيهالك بعدين. بس الخلاصة اني مأجل خطوبتي لحد ما انت ترجع.
شهاب بفرحة: خطوبتك انت وقعت انت كمان.
مؤمن عقد حاجبه: ايه انت كمان دي. هو انت وقعت.
شهاب: هههههههه. وقعت ايه. قول اتفرمت. ومش هتتخيل مين
مؤمن غمزه: تمارا صح
شهاب: وانت عرفت منين.
مؤمن: يا عزيزي. الحب كان باين في عنيكم من اول لقاء انا شوفتكم فيه مع بعض. بس كل واحد فيكم كان بيكابر. انت فاكر يوم الحادثة بتاعة فادي لما انت كمان وقعت. انت كنت مرعوب عليها بشكل مش شكل واحد بيكره واحدة وعايز ينتقم منها.
شهاب اتنهد: عندك حق. هي دخلت قلبي من اول نظرة بس كنت بكابر. المهم انت مين اللي توبت سيادتك.
مؤمن: فاكر البنت اللي شوفتها في الحفلة بتاعتكم.
شهاب: ااااه. ليلتها انت قولتلي اسمها اااي ششرين
مؤمن: هههههههه. لا شيري.
شهاب: ربنا يسعدك يا مؤمن.
مؤمن بتردد: احمم. هو ههو انت هتعمل ايه مع اللواء مهاب. تفتكر هيوافق.
شهاب بغضب: لو فكر يرفض هحرق قلبه ومش هخليه يشوفها تاني.
مؤمن بقلق: ربنا يستر. انا بقول نروح وليمة الحاجة همس احسن قبل ماتقلب بغم.
شهاب: طيب هتركب معايا ولا هتيجي بعربيتك.
مؤمن قفل عربيته: لا طبعا هركب معاك. ده ابوك بعتلك دبابة هي دي عربية.
شهاب: ههههههه مش بقولك عينك وحشة افرض ولعت بينا دلوقتي ما انت هتولع معايا.
مؤمن: هههههههه لا ما تقلقش دي ضد المياه وضد النار.
شهاب بزهق للسواق: اطلع يا ابني هو يوم منيل. مش هنخلص.
في فيلا اكمل التهامي.
كلهم موجودين بيسلموا علي حمزة وفتون. ومستغربين ليه رجعوا بسرعة مع ان شهر العسل لسة ماخلصش.
مديحة بتحضن فتون: حمد لله علي سلامتك يا حبيبتي.
فتون ابتسمت بحزن: الله يسلمك يا امي.
تسنيم: حبيبي ليه رجعتوا بدري كدة. في حاجة؟
حمزة بص لفتون بعتاب: لا ياماما فتون بس زهقت من هناك والجو غريب عليها فتعبت وطلبت نرجع نكمل شهر العسل هنا.
مديحة شافت ايد فتون متغطية برباط طبي: مالك يا بنتي انتي حصلك ايه.
فتون بصت لحمزة بحزن وبصت في الارض: لا ابداا ااصلي دخت ووقعت واتعورت.
تسنيم بقلق: حبيبتي سلامتك. تحبي اطلبلك دكتور.
فتون ابتسمت: لا مافيش داعي حمزة قام بالواجب وعمل كل حاجة. وبصتله بعتاب ولوم.
حمزة بحزن بصلها وبص في الارض. واكمل واقف مش متحمل وجع ابنه والمعاناه اللي هو فيها. قرب من فتون.
أكمل: حمزة بيحبك وعمره مايتحمل يشوفك تعبانة او مجروحة. انتي مراته. يالا حبيبتي اطلعي ارتاحي ونامي.
مديحة بإحراج: ططبب اانا وحياة هنروح الملحق ونسيبكم مع بعض.
تسنيم: لا طبعااا. العرسان هيتطلعوا يرتاحوا واحنا هنقعد نشرب قهوة لحد معاد الغذا. ولا خلاص هتنسيني علشان فتون رجعت.
مديحة: لا طبعاا ازاي بس اكيد انتي واكمل بيه عايزين تشبعوا من حمزة. انا هسيب فتون ترتاح. وحمزة يسلم عليكم براحته ونبقي نتقابل علي الغذا. تمام.
تسنيم ابتسمت: طيب هسيبك علي راحتك بس اول ما الغدا يجهز هتصل بيكي ماتتأخريش.
مديحة: هزت راسها واخدت حياة ومشيت.
فتون: عن اذنكم عايزة انام.
طلعت فتون وحمزة باصص عليها بحزن. تسنيم قربت منه.
تسنيم: مالها مراتك حبيبي. انتم زعلانين ولا حاجة.
أكمل: هما لحقوا انتي هتزعليهم ليه. هتعملي حما من دلوقتي.
تسنيم بعصبية: ممكن ماتدخلش بيني وبين ابني. اسكت.
اكمل: ماهو ابني انا كمان. ولا سيبك من امك. واطلع لمراتك ودلع نفسك.
تسنيم بغيظ مسكت ايد حمزة وبتحزير: اكمل اتلم وما تدخلش بيني وبين ابني. انا لسة ماشبعتش منه. تعالي يا قلب ماما احكيلي انبسط هناك.
حمزة: ههههههههه. اه يا ماما انبسط.
اكمل: اهو انبسط سبيه بقي يروح لمراته. ماتبقيش عزول كدة.
تسنيم بغضب: انا! انا عزول؟ ماشي يا اكمل وحياتك لتنام في المكتب الليلة.
أكمل: الله يخربيتك اهو هنام في المكتب من تحت راسك. امشي بقي روح لمراتك لما اشوف هصالح امك ازي.
حمزة غمز تسنيم: لو منك اصمم وانيمه في المكتب اياكي تاراجعي.
أكمل: شوف الواد ابن الكلب. انت ياللا بتقومها. طيب وحياة امك اللي مدلعاك دي لربيك واطلع اقول لفتون علي البنات اللي كنت تعرفهم واغفلقها علي دماغك.
حمزة بحزن مصتنع: حراام عليك هو انا ناقص. ده انا زي مايكون حد باصصلي في ام الجوازة دي.
تسنيم شدت حمزة: يابني قولي بس حصل حاجة.
اكمل شد تسنيم وزق حمزة: روح يا ابني لمراتك وانتي تعالي بس عايزك في موضوع مهم.
تسنيم: استني بس اتطمن علي الواد.
اكمل غمزها: لا اتطمني الاول علي ابو الواد.
حمزة طلع الدور بتاعه هو وفتون.
واللي يعتبر منفصل عن الفيلا بباب خاص. دخل ودور عليها لقاها واقفة في اوضتهم وبتبص لفستان فرحها وبدلته اللي مواجودين علي السرير. وصور فرحهم اللي اكمل علقها في الاوضة وكمان علي الكومود. شافت السعادة اللي كانت فيها يوم فرحهم وافتكرت شعورها ليلتها. بكت بحرقة. وافتكرت اللي حصل في باريس. وسألت نفسها. هي صح ولا غلط. تبعد ولا تقرب. بس كرامتها وجعتها اوي. مسكت صورته ودموعها بتزيد كأنها بتكلمه.
فتون: قولي اعمل ايه انا احترت. احبك ولا اكرهك. اسامحك ولا اعاقبك. ابعد ولا اقرب. قولي انت عملت كدة ليه؟ لو كنت حبيتني ماكنتش تأذيني. لو كنت فعلا نيتك تتجوزني ليه عملت كدة.
وبكت بجرح: انت ماحبتنيش ايوة ماحبتنيش. انت ضعفت يومها مش اكتر ولما فوقت قولت تصلح غلطتك وتعوضني وتتجوزني. انت اتجوزتني شفقة مش حب. ولا اكتفيت وجع وجرح واهانة مافيش مكان لجرح جديد. مجبرة ابعد عنك كنت حلم جميل حلمته وصحيت منه علي كابوس مش راضي يفارقني.
وبحزن كبيير غنت بألم ومرار. (مفيش اسباب. اليسا).
مافيش اسباب بعدت وعمري ماعملت لبعادنا حساب. انا سيبتك عشان مااقبلش اني اتساب. مشيت قبل انت ماتقولي خلاص مليت.
و غمضت عنيها بمرارة الايام اللي مش هاين عليها تسيبها تفرح.
جراح بجراح جرحت انا نفسي عشان ارتاح. بسببك كل شئ كان حلو بينا و راح.
نهاية اكيد حبيبي عكس ما اتمنيت.
حمزة واقف بيراقبها من برا ومش قادر يقرب ليها صعبان عليه حالها ووجعها وحزنها حتى غناها كان كله حزن وبكي. سابها تبكي وتقول اللي جواها.
كملت هي بمرار واهانة سكنت جواها. هي مش قادرة تقتنع انه حبها. هي متخيلة انه بيعوضها اللي حصلها علي ايده وبس. لكن هي مش عايزة تعويض. هي كانت عايزة حب. حب صادق من غير شفقة.
اوقات بتموت حاجاااات علشان نعرف نعيش.
وهكمل ليه الحياة مع قلب ماحبنيش. كان نفسي اعيش جواك مش بس اعيش ويااك.
وافتكرت قربه منها وعتابها انها هي اللي بتبعد.
ماتجبش العيب عليا وماتلومنيش.
حمزة سند راسه علي الباب وغصب عنه نزلت دمعة منه. هو اقسم انه يعوضها ويتمسك بيها. بس موجوع علي نفسه وعليها
قعدت علي الارض وضمت صورته لحضنها بقوة وهي بتبكي.
ماكملناااااش. عملت حاجات كتير قلبك ما قدرهاش. وكنت بموت عشان ارضيك ومابترضاش.
وافتكرت الليلة اللي اتجوعت فيها وفرحتها اللي اتمزعت واتحطمت.
وقطر الفرحة عدي قصاد عنيا وفاات.
وبحنيين ليه ولحبه.
وهكدب ليه. انا بحبك وهفضل احبك اعمل ايه. ده قلبي اكيد ماليش كلمة حبيبي عليه. لكن عقلي بيبني قراره علي الحساباات.
اوقااات بتموت حاجات عشان نعرف نعيش. وهكمل ليه الحياة مع قلب ما حبنيش. كان نفسي اعيش جوااااك. مش بس اعييش وياااك. ماتجبش العيب عليا وماتلومنيش.
حمزة دخلها وقعد قصادها واخد منها الصورة وضمها لحضنه بحنان. وهي برغم وجعها وجرحها منه الا انها كانت ضعيفة ومحتاجة حضنه اتعلقت بيه وضمته وبكت اكتر وهي بتضرب فيه بلوم وعتاب.
فتون: لييه عملت كدة ليييه. ليه، ليه جرحتني بالشكل ده.
حمزة بحزن ضمها اكتر: اسف والله اسف. بس انا بحبك صدقيني.
فتون خرجت من حضنه وبصتله بعتاب: وانا ازاي هصدقك بعد كدة. ما انت زمان قولتلي انك اماني وحمايتي ووثقت فيك وخنت ثقتي وغدرت بيه. ازاي بسهولة هصدق انك حبتني وان جوازك مني مش مجرد شفقة وتعويض عن اللي عملته. انا مش هستني تقولي خلاص كفاية عليكي كدة انا عوضتك بما فيه الكفاية. انا اللي هبعد هبعد عنك واخد اللي باقي من كرامتي.
وبكت اكتر. احنا هنفضل فترة قصيرة ونطلق وامي انا هعرف ازاي اقنعها هقولها اننا ما اتفقناش. وانت ربنا يسهلك وتعيش حياتك بعيد عني. لو سامحت سيبني عايزة انام.
حمزة اتنهد وقام بعيد عنها: حاضر هخد هدومي واروح انام في الاوضة التانية. لو احتاجتيني هتلاقيني جنبك.
فتون بسخرية: شكرااا. انت خلاص عملت الواجب وزيادة.
حمزة بتعب اخد هدوم ليه و خرج. وهي كملت عياط.
في فيلا رعد الحديدي.
همس متعلقة في رقبة شهاب وحضناه. وهو كمان حضنها بقوة.
شهاب مبتسم: وحشتييني يا همستي. وحششتتيني اوي.
همس بدموع: وانت يا عيون همستك وحشتني مووت. كنت هتجنن عليك.
رعد بيتأفف بغيرة وغضب قرب منهم وشدها من حضن شهاب: مش كفاية بقي ولا ايه. كل ده حضن.
همس بغضب: ايه حراام عليك ابني وواحشني وكان في مهمة صعبة ورجعلي سيبني اشبع منه.
شهاب شدها لحضنه تاني وغمز رعد: بتقولك ماشبعتش مني سيبها بقي هو انت واخدها حصري دي امي علي فكرة.
رعد بيجز علي سنانه: طيب سيبها بدل ما اجبسلك الدراع الثاني ومعاه رقبتك.
شهاب: ههههههههه. غييار اوي يا رعد باشا.
همس خرجت من حضن شهاب وبقلق: حبيبي مال دراعك طمني.
شهاب: مافيش حاجة ده ضلعي تعبان شوية بس بسيطة ماتقلقيش.
مؤمن: احممم. بقول ايه يا طنط هو الغذا لسة فاضل عليه كتيير انا جوعت.
همس: هههههههه. لا ياقلب طنط خلاص دقايق ويجهز.
رعد شدها ووشوشها بغضب: ايه قلب طنط دي. بطلي تدلعي اللي يسوي واللي مايسواش. انا صابر علي ولادك بالعافية ماتخلنيش اتعصب.
همس: وبعدين بقي. ده زي ابني.
رعد بغيرة: وهو انا طايق ابنك البغل ده اللي عمال يحضن فيكي بإستهبال. اقسم بالله لربيه. علشان ده واد كياد وانا عارف انه بيتعمد يغيظني.
همس: ههههههههه حرام عليك ده راجع تعبان سيبه يرتاح.
فادي حضن شهاب: حمد لله علي سلامتك يا بوب. عاااش يا وحش.
شهاب ابتسم: الله يسلمك يا حبيبي.
حلا: سلامتك يا شهاب الف سلامة نورت البيت.
شهاب بيبصلها بإستغراب: هو انتي محلوة كدة ليه. لا وكمان بتضحكي هو فيه ايه.
فادي جز علي سنانه بغيرة: ماتلم نفسك انت علي رأي ابوك عايز تتروق. فيه ايه. ايه محلوة دي ما تظبط نفسك.
شهاب: هههههههههه. ده انتوا رجعتوا لبعض بقي وكله تمام. وغمز فادي. بس ايه انت رجعت وبقوة.
فادي ضربه في كتفه: اقسم بالله اكمل عليك احترم نفسك.
حلا قربت من شهاب وبهمس: ابوس ايدك سيبه. انا ماصدقت يتعدل شوية كدة هتصحي الوحش اللي جواه.
شهاب بهمس: احسن علشان يعرف قيمتك. بس بجد بجد بقيتي قمر كدة ومنورة.
فادي بغيظ: انتوا بتتوشوشوا تقولوا ايه؟
حلا بتوتر: احممم. لا اانا بس
بقوله اني حامل.
شهاب بصلها وهي غمزته.
شهاب: احمم. اااه فعلا مبروك يا فادي الف مبروك. يارب تجيب واد بقي وتسميه شهاب.
حلا: هههههه. طبعااا هو احنا نطول
فادي شد حلا بقوة: تعالي عايزك. وقرب من شهاب. بطل تستفزني يا مستفز.
شهاب: هههههههه. عليا النعمة عيلة مجانين.
مؤمن قرب من شهاب ووشوشه: هو انتوا العيلة كلها كدة روحها في مناخيرها.
شهاب: بص رجالة الحديدي تفكر بس تقرب من ستاتها تقلب وحوش وغلان وكل اللي قلبك يحبه.
مؤمن بلع ريقه بصوبة: الله يطمنك ده انا علي كدة هشوف معاك انت وتمارا ايام سودا.
شهاب بغضب: بقولك ايه مالكش دعوة بتمارا انا بقولك اهو. هزار واستلواح كعاتك مش عايز.
مؤمن: احممم. هو الاكل اتأخر ليه.
في فيلا مهاب عز الدين.
تمارا بعصبية: ليه لا مش فاهمة.
مهاب بغضب: قولت لا. شهاب لا.
تمارا بعناد: وانا مش هتجوز غير شهاب. ولازم تقنعني بسبب الرفض.
مهاب بيحاول يلجم غضبه: مش هقولك اكتر من ان شهاب ماينفعكيش.
تمارا بتصميم: وانا هتجوزه لاني بحبه وهو بيحبني.
مهاب: وانتي ايه اكدلك انه بيحبك. مش بيلعب بيكي.
تمارا: انا متأكدة انه بيحبني. ارجوك قولي ايه بينك وبين شهاب
مهاب خبط الحيطة بإيده بغضب: عمل فيكي ايه. غسل مخك ازاي بالشكل ده. ازاي خلااكي متعلقة بيه كدة.
تمارا: حبني وحبيته ليه مستغرب وزعلان. مش ده اليوم اللي انت وماما مستنينه اني احب واتجوز.
مهاب بغيظ: بس مش شهاب. شهاب مش ممكن يحبك.
تمارا: لا بيحبني ليه مايحبنيش.
نغم: في ايه يا مهاب. سيبها تختار انت اول مرة تكلم تمارا كدة. فهمنا بينك وبين شهاب ايه.
مهاب بغضب وغيظ مش عارف يتكلم ولا يقول ايه. يكسر قلب بنته بمجرد اوهام. ولا يوافق. هو محتار مش متأكد من اللي في دماغ شهاب. سابهم وخرج بسرعة من غير كلام.
تمارا عيطت ونغم حضنتها: بس حبيبتي اهدي. انا هقنعه مادمتي بتحبيه انا هقف جنبك. ماتشليش هم.
تمارا حضنتها بقوة: انا بحب شهاب ومش ممكن ابعد عنه مهما حصل.