رواية رحلة حب للكاتبة نورا عبدالعزيز الفصل العشرون
تنظر وتجد ملك امامها
ملك: معلش يانونو...
وتلاحظ وجود سيف وتصمت
نور: ولا يهمك ياملك
وترحل مع سيف وتتركها ويصلوا امام العمارة
سيف بمرح: يلا اطلعى اطبخى بسرعه بقا على مانا اركن فاى جراج
نور: طيب
وتصعد للاعلى.
تجلس والدة سيف مع حنان
حنان: انا معرفش ابنك مهتم اووى كده ليه بالبت دى
والدته: لا عادى دى مالهاش حد دلوقتى شفقه يعنى
حنان: حضرتك متاكده
والدته: اه طبعا وبعدان هي تجى حاجه جنبك ده انتى قمر
حنان: ميرسى ياطنط طب هو هيتاخر ولا ايه
والدته: ادينا قاعدين لحد مايجى
حنان: ماشى الكيك بتاع حضرتك يجنن.
يدق باب الشقه وتفتح له ليدخل
سيف: متاخرتش
نور: اه ادخل بقا اقعد على ماخلص
سيف: ماشى
تدخل المطبخ وتكمل ما تفعله تقف تقطع البطاطس
سيف: احم احم
نور: ايه اللى جابك انا مخلصتش
سيف: اساعدك فحاجه
نور: هتعرف اصلا
سيف: جربى
نور: ماشى ممكن تعمل السلطه
سيف: ماشى
ويقف بجانبها يقطع الطماطم
نور بصراخ: يالهوى دى قوطه سلطه
سيف باحراج: احم وحشه
نور: لا كبيرة
سيف: خلاص هصغرها
نور: ماشى.
تقترب من البوتاجاز وتفتح الحله وتتذوق الطعام
سيف: حلو
نور: دوق كده
وتاخذ قطعه لحمه فالملعقه وتنفخ بها جامد حتى لا تحرقه وتطعمه ففمه
سيف: اممممم تسلم ايدك
نور: حلو ولا مجامله
سيف: لا طبعا والله جميل جدا
نور: طب الحمد لله
وتبدا تضع الطعام فالاطباق وتضعها على السفرة وهو يساعدها
نور: يلا اقعد
يجلسوا يتغدوا سوا.
تمشى ملك فالشارع وهي تحمل اكياس كثير وتصدم بشاب
ملك: اسفه
الشاب: ولا يهمك
وينحنى ليحضر لها الاكياس ويعطيهم لها
ملك: شكرا واسفه مرة تانيه
الشاب: محصلش حاجه
وتذهب وتتركه.
تقف امام باب الحمام تنظره بالفوطه يخرج وتعطيها له
نور: انا عملت عصير
سيف: انا قولت قهوة ولا عشان فبيتك هتشربنى غصب
نور: لا طبعا بس القهوة الكتير غلط
سيف: ماشى
ويخرجوا يجلسوا فالصالون يشربوا العصير ويتحدثوا ويرحل سيف.
تجلس والدته مع حنان ويدخل عليها
حنان: اخيرا انا كنت ماشيه
سيف: مع السلامه
والدته: سيف عيب
سيف: عيب ايه واحده بتقولى ماشيه هقولها والنبى اقعدى
والدته: طب روح وصلها
سيف: ليه ما عربيتها برا
يخرج والده
محمد: تعال ياسيف عايزك
يدخل سيف معاه
سيف: نعم
محمد: لا مفيش ده انا بنقذك من شغل امك
سيف: كويس انا مسافر الصبح
محمد: ليه
سيف: اصل نور مخنوقه شوية وتعبانه هخدها ونغير جوا
محمد: تغير جوا ولا تقرب منها.
سيف: الاتنين تصبح على خير
ويخرج يصعد لغرفته.
تستقيظ الصبح على صوت هاتفها
نور بصوت نايم: الو
سيف: انتى لسه نايمه انا فالطريق
تعتدل فجلستها: اممممم طيب هلبس على متوصل
سيف: بسرعه
نور: حاضر
وتغلق معه وتقف تدخل الحمام وتاخذ دوش ترتدى بنطلون اسود وقميص اسود وتلف حجابها الاسود وتنزل له وتركب
نور: غريبه فين السواق
سيف: سيبته فالبيت متخافيش انا بعرف اسوق
نور: امممم وشارب كام ازازة بقا
سيف: لا لسه هشرب لما نوصل
نور: نعم
سيف: هههه بهزار معاكى.
نور: هزار بايخ زيك
سيف: طيب ايه ده انتى هتنامى لا مينفعش اقعدى عشان تسلينى
نور: هو انا لعبه وبعدان انا منمتش طول الليل
سيف: مانا عارف باين على عيناك انك عيطتى بردو
نور: اعمل ايه والله غصب عنى لما بقعد فالبيت لوحدى بفتكرها
سيف: بردو عارف عشان كده قولت تغير جو
نور: ماشى
سيف: خلاص نامى
نور: حاضر
وتسند راسها على النافذة وتنام.
تجلس نغم بشقتها
نغم بغضب: سافر ازاى وفين، تانى ست زفته دى، اه يعنى المرة دى مفيش شغل، لا هو انا هسيبه يرجعلى بيحبها، اه هروحله بس اعرف فين، ماشى ساعتين وتعرف سافر فانهى داهيه، سلام
وتغلق الخط
نغم: كده ياسى سيف ماشى.
تستقيظ وتجده مازال يقود بها
نور وهي تفرك عينها: احنا لسه موصلناش
سيف: صباح الخير خلاص اهو ربع ساعه بس
نور: صباح النور ماشى
سيف: ايه رايك فالفندق دى لو مش عجبك نشوف غيره
نور: هههه اي حاجه هو انا هتجوزه
سيف: هههه طيب انزلى
وينزل ويدخلوا الفندق تجلس على كرسى ويذهب يحجز الغرف
سيف: يلا يانور
نور: بالسرعه دى
سيف: هو انا اى حد يلا خدى مفتاح اوضتك
نور: ماشى
سيف: خدى دوش وغيرى هدومك وانزلى نتعشى بقا
نور: ماشى.
وتتحرك ليوقفها صوته
سيف: نور
تنظر له يقترب منها
سيف: بلاش اسود البسى غيره
تاخذ نفس عميق: ماشى
وتصعد لغرفتها وتاخذ دوشى وترتدى فستان موف بكم وتلف حجابها الاصفر وتنزل تبحث عنه ولم تجده تظل تبحث عنه ولم تجده تخرج للخارج وهي تنظر للبحر عن بعد
سيف: راحه فين
تنظر خلفها وتجده وتفزع
سيف: ههههه خلاص متخافيش
نور: احم حاضر
سيف: بتحبى السمك
نور: اه
سيف: هعشيكى سمك تعالى.
وتمشى بجانبه ويذهبوا لمطعم سمك ويجلسوا على الترابيزة ويطلب السمك والعصير ويتعشوا سوا
سيف: بطلى اكل بطاطس وكلى السمك
نور: مانا شبعت بس بتسليه بيها
سيف: ماشى
نور: احنا هنروح
سيف: عايزة تروحى
نور: بصراحه لا عايزة اتمشى شويه
سيف: نتمشى
ويخرجوا من المطعم بعد ان دفع الحساب ويتمشوا سوا
سيف: تاكلى ايس كريم
نور: بكرة بقا عشان بطنى اتملت
سيف: ماشى
ويظل ماشى بجانبها يتامل صمتها وهي تنظر للارض.
سيف: بتفكرى فايه انتى ممكن تفكرى بصوت عالى معايا
نور: تفتكر انا لازم اتجوز اسر عشان تيتا كانت عايزة كده
سيف بصدمه: ها
نور: ها ايه
سيف: لو تيتا اصلا تعرف انك مبتحبهوش وهتجوزيه عشانها اكيد هترفض
نور: صح
سيف: انتى بتفكرى فالموضوع ده ليه
نور: عادى
سيف: ماشى
ويرى...