رواية رحلة حب للكاتبة نورا عبدالعزيز الفصل الثامن والخمسون
تجلس نور بالقصر
مريم: اهدى يانور
نور بقلق ياماما سيف اول مرة يتاخر كده وكمان قافل تلفونه من الصبح
مريم: ان شاء الله خير اقعدى بقا انتى كده بتقلقينى
نور: اهو قعدت
لتاتى لها لوجى
نور: عايزة حاجه يالوجى وصاحيه ليه لحد دلوقتى
لوجى: بابى مجاش
نور: زمان جايه اقعدى مع تيتا
لتجلس لوجى بحضن مريم وتجلس نور تنتظره على اعصابها.
تجلس ملك مع اسر
اسر: بطلى زن بقا
ملك: بس شوفها يابنى البت عسوله والله وهاديه وحلوة
اسر: ملك ياحبيبه قلبى انا مش عايز اتجوز
ملك: ياوووووه بقا ماتسمع الكلام
اسر: اجرى يابت من هنا بدل ما اضربك
ملك بنرفزة: طب اعمل فحسابك بقا انك هتشوفها هتشوفها ماشى خلى نور تنفعك
اسر: ملك ياحبيبه ماما متعرفش
ملك وهي ترفع حاجبها متعرفش ان ابنها الحيله بيحب المتجوزة ومخلفه والله طب كويس انك قولتلى عشان اقولها.
ملك: ماما ياماما يام اسر...
وتخرج تركض للامامه وهو خلفها.
يدخل يوسف القصر ويرى نور نازله على السلم وامه تجلس ولوجى نائمه على قدمها
يوسف: انتى راحه فين متاخر كده
مريم: يابنتى اهدى
نور: راحه ادور على جوزى حد منك عنده مانع
يوسف: طب اهدى بس وفهمونى هو سيف فين
مريم: معرفش والله يابنى من ساعه مخرج الصبح لشغله مرجعش ونور قلقانه
نور: ياماما الفجر اذن ولسه مجاش
يرن هاتف نور لترى اسمه
نور بلهفه: سيف انت فين خضتنى عليك ين...
وتصمت عندما تسمع صوت فتاة
نور: نعم.
الممرضه: حضرتك تعرفى صاحب التلفون ده
نور بقلق وخوف: اه ده جوزى
الممرضه: طب ياريت حضرتك تشرفنا عشان هو عمل حادث وفالعمليات
نور بصراخ: ايه طب سيف كويس انتوا مستشفى ايه
الممرضه: مستشفى الامل
نور: انا جايه حالا
وتغلق الخط
مريم: ايه يانور سيف حصله حاجه
نور: عمل حادثه
وتبدا تبكى وهي تركض لتركب سيارتها مع السائق دون ان تنتظر يوسف او مريم ويقود بها.
تصل للمستشفى وتركب للاستقبال
نور ببكاء: سيف محمد عمل حادثه هو فين
الممرضه: فالعمليات الدور التانى على ايدك الشمال اخر الممر
تصعد بسرعه وتركض على السلالم تصل امام العمليات وتنتظره وتخرج ممرضه
نور بلهفه: لو سمحتى هو جوا من بدرى
الممرضه: هو جه هنا الساعه 6 المغرب وعمل 3 عمليات
نور بصدمه: ايه
الممرضه: عن اذنك
نور تبلع ريقها بصعوبه: 3 عمليات ليه
تصل مريم ويوسف لها
مريم بعيط: طمننى يانور ابنى جراله ايه.
نور بتعب وعياط: مش لما اطمن انا
مريم: استر يارب
ترى الباب يفتح لتراه على السرير المتحرك لتركض له
نور: سيف سيف
الدكتور: حضرتك مين
نور: مراته طمنى يادكتور
الدكتور: الحمد لله احنا عملنا كل اللى نقدر عليه واستاذ سيف صحته كويسه
نور: امال ايه 3 عمليات دى
الدكتور: اه فرجله هو احتمال مايقدرش يمشى...
لتصرخ مريم: ايه ليه
الدكتور: يافندم لفترة كده لكن بالعلاج الطبيعى هيمشى عادى ان شاء الله
نور: طيب.
الدكتور: انا كتبتله ادويه الممرضه هتصرفها وتجبها لحضرتك يمشى عليها بانتظام
نور: ماشى
وتركض لغرفته لتراه نائم على السرير
تقترب منه وتنحنى لتطبع قبله على جبينته
نور: كده ياقلبى تخضنى عليك
سيف بتعب: نور
نور: حبيبى صحيتك اسفه
سيف بتعب: لاا نور انا، عايزك. فموضوع
نور: طب ارتاح الاول وبعدان نتكلم
سيف: لا مش هرتاح
نور: طيب
سيف بتعب: اقفلى الباب
تذهب لتغلق الباب وتعود له تساعده ان يجلس وتسند ظهره على المخدة
نور: خير.
سيف: يوسف
نور: اه ده برا وهيموت من القلق عليكى هو وماما
سيف بسخريه: ههه هيموت ايه ده بيمثل
نور باستغراب: نعم
سيف: نور شوفتى الشركه ادمرت ازاى
نور: اه ان شاء الله ياحبيبى تقوم بالسلامه وترجعها زى ماكانت
سيف: نور يوسف هو وليلى اللى دمروها
نور بصدمه: ايه
يحكى لها ماحدث
نور: وهو يعرف انك عارف
سيف: لا
نور: امممم
سيف: متقعديش انس وريتاج معاه
نور: ههه مش هيأذيهم
سيف: اللى ياذي اخوه يأذي اى حد
نور: حاضر.
سيف: اسمعى انتى تروح الشركه وتابعى كل حاجه وتجى تقوليلى واوعى تسيب اى ورق مهم فالمكتب على طول فشنطتك.
نور: اهدى بس وانا معاك وجنبك ومش هسيبك واقفل الكلام دلوقتى عشان هو برا هو وماما.
سيف: طيب
يدق الباب وتدخل مريم ويوسف
يوسف: حمدلله على السلامه ياوحش
سيف: الله يسلمك
مريم: كده تخضنى عليك ياحبيبى
سيف: حقك عليا ياماما
وتجلس بجانبه
نور: عن اذنكم
سيف: راحه فين
نور: تلفون صغير وجايه
تخرج وتصل وبسناء
نور: ايوة ياسناء بصى اطلعى الجناح وهاتى هدوم لسيف طقمين كده ولبسى انس وريتاج وهاتهم معاكى انا هبعتلك السواق، متتاخريش يلا على مالسواق يجى تكونى لبستى ولبستيهم، سلام.
تلف لتدخل له وتصدم بيوسف تنظر له ببرود وتدخل لسيف
مريم: تعالى شوفى جوازك مش عايز ياكل
نور: بيدلع علينا ياماما
سيف: هههههه
يدخل الدكتور له ومع الممرضه
الدكتور: ايه الضحك ده كله ده صحتك جت معاهم بقا
سيف: طبعا مش اهلى
الدكتور: قياسله الضغط كده
تقف الممرضه وتقيس له الضغط وهي تنظر له وتلاحظ ذلك نور وتغضب
الدكتور: ضغطك عالى ليه
نور بغضب: معلش هنوطيه احنا دلوقتى
مريم بهمس: مراتك هتاكلك.
سيف: هي ناقصه شياط يابنت الكلب قومى ياماما خرجى البت دى من هنا
الدكتور: طبعا انا مش بخوفك بس انت بتضحك عشان لسه تأثير البنج شغاله انت هتصوت بعد. كده من الوجع فالادويه دى هتسكن الوجع.
سيف: ماشى
تفتح سناء الباب وهي تحمل ريتاج وانس بيديها ومعاها السائق يحمل الشنطه
ريتاج: ما، ما
لتنزلها سناء ويركض انس لوالده
نور وهي تنظر للممرضه بغضب: معلش ولاده
مريم بهمس: مراتك بتوضحلها انك متجوز ومخلف
سيف: هههه
الدكتور: لا تمام كده عن اذنكم
نور: هو يقدر يخرج امتى
الدكتور: يومين كده تحت الملاحظه ويخرج يرتاح فسريره وممنوع من الحركه نهائى
نور: اكيد
ويخرج ومعه الممرضه لتضربه نور على كتفه بقوة.
نور: بتبص فين ها
سناء: حمد لله على السلامه
سيف: بكلم سناء يانور
نور بغضب: والله
مريم: طب استاذن انا عشان تعرفى تصرفيه معه على فكرة يانور كان بيعاكس الممرضه مينفعش كده.
نور: مانا خدت بالى وانتوا بتتوشوشوا
سيف: والله ماحصل ياماما دى ممكن تاكلنى
مريم بابتسامه: عشان تبطل تقل ادبك
سناء: انا جبتلك لبس للولاد عشان لو هيقعدوا معاكم
نور: ماشى
سيف: يقعدوا فين هو انا فرحله
نور بغضب: اسكت خالص ماسمعش صوتك
سيف بخوف من نظراتها: حاضر
ترحل سناء ومريم وتغلق نور الباب ويجلس انس وريتاج
على الاريكه يلعبوا معا وتجلس نور على طرف السرير وتلبسه قميصه
نور: اتعدل كده.
سيف: شكل زى القمر وانتى غيرانه
نور: انا غيرانه ليه وعلى مين ومن مين
سيف وهو يقترب منها بذمتك مش غيرانه
نور: لا طبعا
سيف: عيناك فعينى كده
نور بعصبيه: غيرانه ياسيف في حاجه بقا حقى ولا مش حقى
سيف: حقك ياقلبى ااااه
نور: سورى
وتمسك ذراعه المجبس بخوف ورقه
سيف: بحبك
نور: وانا بموت فيك
تاتى ريتاج تقف امامها تبكى لتحملها نور وتجلسها على قدمها
نور: بس حبيبتى بتعيطى ليه
لتشير ريتاج وهي تبكى على انس.
نور بغضب بسيط: انس انا مش قولت متضربش اختك
ينظر انس للارض باسف
نور: تعال بوسها ومتزعلهاش تانى
ياتى انس ويقبل ريتاج من شفتيها لتضربه نور برقه
نور: مش من هنا
ليضع قبله على خدها لتبتسم ريتاج وتقبه هي الاخر تخرج لهم نور عصير من الشنطه وتعطيهم لها ليجلسوا على الاريكه تاتى ريتاج وترتد. ان تجلس مع سيف.
نور: لا بابا عيان
تحملها نور على ذراعيه
نور: ادي بابا بوسه
تقبله ريتاج ليقبلها هو الاخر
نور: يلا روحى اشربى العصير
سيف: هاتيها يانور
نور: لا هتقعد تفرك وممكن تدوس على رجلك
سيف: طيب
يفتح باب الغرفه تنظر نور وترى شخص يحمل بوكيه ورد ويخفى وجهه خلف الورد
سيف: مين...