رواية رحلة حب للكاتبة نورا عبدالعزيز الفصل الثامن والثلاثون
تدخل مريم المطبخ وتصدم عندما تجد عبده يجلس مع سناء
مريم: ايه اللى مقعدك كده ياعبده من امتى وانت بتاكل هنا
عبده: ماهو استاذ سيف مش خارج ومش عايز يروحنى
مريم: لا قوم روح وانا هقوله
عبده: كتر خيرك ياست هانم
ويخرج من الفيلا
مريم: مدخليش حد هنا تاتى
سناء: حاضر ياهانم
مريم: خلى جيهان تعملى كوبايه نعناع وتجبهالى الاوضه
سناء: حاضر
وتخرج مريم من المطبخ.
اسر: ملك ياملك
ملك: نعم
اسر: هي نور كانت جايه ليه
ملك: مفيش جايه تباركلى
اسر: هي هتيجى الخطوبه صح
ملك: اه، استن هنا داهيه لتكون لسه معلق نفسك بيها
اسر بارتباك: ها لا
ملك: والله لو عرفت او شكت انك معلق نفسك بيها او لسه بتحبها هقول لماما وهي تصرف
اسر: اتنيلى اسكتى بقا
ويتركها ويخرج.
تخرج نور من الحمام ولم تجد سيف بالغرفه تخرج للصاله ولم تجده فالجناح بالكامل تنزل للاسفل
جيهان: بدورى على حاجه ياهانم
نور: مشفتيش سيف
جيهان: اه فاوضه المكتب
نور: طيب روحى انتى
تذهب له وتدخل وهو لم يلاحظ وجدها ويركز فاوراق امامه بدقه
نور: سيف
سيف وهو ينظر للورق: اممممم
نور: مش هتطلع تنام
سيف: نص ساعه
نور: الساعه 1 ياسيف
سيف: معلش ياحبيبتى معايا شغل
تقترب منه وتقف بجانبه وتلف كرسيه ليقابلها.
نور بدلع: طب انا عايزة انام
سيف: حاضر
تمسك يديه
نور بطفوليه: يلا
سيف: يانور معايا شغل استنى شويه
نور بعصبيه: اه قول كده بقا انتى مبقتش تحبنى خلاص شغلك بقا مهم وانا طظ ماشى ماشى
وتلف لترحل ليمسكها من معصمها ويجذبها نحوه لتجلس على قدمه
سيف: اولا انا مقدرش ابطل احبك عمرك شوفتى سمكه طلعت من المياه وعاشت او واحد روحه طلعت وهو عايش لا انا لو بطلت احبك اموت...
لتضع يديها فوق فمه بلهفه: الف بعد الشر عليك ياحبى.
ليطبع قبله فقلب كفيها بحنان
سيف: انا بس عايز اخلص الورق ده عشان متاخرش عليكى بكرة فالشركه
نور بحب: طيب ياقلبى
وتقوم وتخرج ويجلس يكمل شغله ليجدها تدخل تحمل له عصير
سيف: تعبتى نفسك ليه
نور: تعبك راحه ياسيفو يلا انا هطلع انام
سيف: طيب تصبحى على خير
نور: وانت من اهله.
وتخرج وتتركه ينهى عمله بعد ساعتين ويبدو عليه الارهاق والتعب ليصعد للاعلى ويدخل الجناح ويجد النور مغلق ونور الاباجورة مضئ وهي نائمه وتحتضن دبدوبها ليجلس بجانبها على طرف السرير ويبعد خصلات شعرها عن وجهه ويطبع قبله على جبينتها ثم على كفيها ويلف لينام بجانبها ويجذبها نحوه لتنام فحضنه
نور بهمس: كل ده
سيف: انتى لسه صاحيه
نور: مستنيه حبيبى
سيف: لو يعرف كان طلع بدرى
نور: هههه
سيف: بحبك
نور: وانا بموت فيك.
وتمسك تيشرته بقوة ويشد يديه عليها وتنام بحضنه بعد ان طبعت قبله خفيفه على خديه.
تجلس مريم على الاريكه لتاتى لها سناء
سناء: الفطار ياست هانم
مريم: ماشى اطلعى صحى العصافير اللى فوق
سناء بابتسامه: حاضر.
يقف سيف يرتدى بدلته ويدق باب الجناح وتدخل سناء
سناء: الفطا...
ليشير لها بان تصمت
سيف بهمس: براحه نور نايمه
سناء: حاضر الفطار جاهز
سيف: ماشى
وتخرج ليقترب منها
سيف بحنان: نور. يانور، يلا بطلى كسل
نور بصوت نايم: الساعه كام
سيف: 8
نور: منيمنى الساعه 3 وعايزنى اصحى دلوقتى
سيف: خلاص ياقلبى كملى نوم انا رايح الشركه وهجى الساعه 5
نور بصوت نايم: ماشى
ويطبع قبله على جبينتها ويخرج ليتركها تكمل نومها.
نغم: يعنى ايه، مفيش حاجه اسمها مبتخرجش معاه، تمام، طيب، خلاص انا هتصرف واعمل انت اللى قولتلك عليه، سلام
وتدخل غرفتها ترتدى فستان بحماله قصير وتستدل شعرها على كتفيها وتخرج.
تستقيظ نور بعصبيه على صوت هاتفها يعلن استلم رساله
نور بعصبيه: اووووف بقا هو يوم مش باين له نوم
وتمسك هاتفها وتفتح الرساله لتصدم وتعتدل فجلستها بسرعه وتفرك عيونها وتنظر مرة اخرى للرساله وتبلع ريقها بصعوبه
نور بقلق: ده ا. اكيد، حد. بيهزر معايا...
وتتصل بسيف ولم يجيب عليها وتعود الاتصال ولم يجيب ليزيد قلقها.
يجلس فالاجتماع ويرى هاتفه يضئ ولم ينتبه لاسمها ويكمل اجتماعه وبعد نص ساعه ينتهى ليمسك هاتفه وهو يتحدث مع المهندس
سيف وهو ينظر فالهاتف: ماشى شوف التصاميم اللى موجوده للموقع واختر التصميم الاحسن وبعدات وريهولى
المهندس: حاضر
سيف: يلا
ويتركه المهندس ويتصل بها
سيف: ايه ياحبيبى
نور بتوتر وخوف: ايه ياسيف كل ده
سيف: في ايه مال صوتك
نور بارتباك: مفيش كنت عايزة اطمن انك وصلت بالسلامه
سيف: اه وصلت الشركه.
نور: ماشى خلى بالك من نفسك
سيف: حاضر
نور: سلام بقا عشان معطلكش
سيف: ماشى هكلمك تانى
وتغلق الخط ليجلس على مكتبه ويكمل عمله.
تجلس على الاريكه بارتياح وهي تنظر للهاتف وللرساله خلى بالك من جوزك قبل مايضيع منك
نور: ايه الرساله الغريبه دى اللى مش مفهوملها حاجه ربنا يستر
تاخذ دوش وترتدى بنطلون جينز وقميص بكم وتلف حجابها وتنزل لتجد مريم تنتظرها
مريم: كل ده
نور: اسفه ياماما
مريم: طيب يلا
وتذهب هي ومريم للمول لتشترى فستان لها ويجلس فالكافى
نور: هو حضرتك كل مابتخرجى بيكون معاكى الحراس ده كله
مريم: اه.
نور: امممم حاجه كويسه عشان يخلي بالهم من حضرتك
مريم: تشربى ايه
نور: ممكن عصير
مريم: واحد عصير وواحد...
وتصمت عندما ترى حنان تدخل مع معتز
نور: في حاجه
وتنظر لتراهم
نور: الطيور على اشكالها تقع، مالك ياماما
مريم: دى حنان ومعتز
نور: اه عارفهم
مريم: يلا نمشى انا مبطقش الواد ده
نور: يلا واناكمان والله
مريم: استنى هروح التواليت
نور: ماشى
وتذهب مريم تجلس نور تنتظرها وتلعب بهاتفها وتجد معتز يجلس على الكرسى امامها.
نور: ايه ده
معتز: ايه القمر ده هو الجواز بيحلى اوووى كده
نور: وانت مال اهلك ما تتكلم كويس
معتز بسخريه: مال اهلى في واحده بردو تكون متجوز سيف محمد وتقول الالفاظ دى
نور: اخلص عايز ايه
معتز: اصل القمر غاب من يوم الجواز الصراحه اتصدم لما عرفت انك العروسه
نور: ومتشلتش فيها
معتز: ليه الغلط ده.
نور: يكون فعلمك الجو البلدى اللى داخل بيه ده والحوار ده مبيمشيش عليا ولو واحشك اوووى القلم اللى خدته زمان انا ممكن اديك اخوه لو مقومتش من هنا حالا اتفضل
معتز: لالالا زمان ايه قول لزمان ارجع يازمان
تاخذ شنطتها وقبل ان تتحرك يمسك من معصمها ليصدم بالحراس بيمنعه
معتز: الله الله هي بقيت كده
الحارس: لو سمحت اتفضل من غير شوشرة
معتز: ماشى بس هجيلك تانى
نور: اتكسف من نفسك انا مرات صاحبك
معتز بسخريه: هههههههههه.
ويرحل لتاتى مريم ويرحلوا وتحكى لها ماحدث...