رواية رحلة حب للكاتبة نورا عبدالعزيز الفصل الثالث والعشرون
تفتح وتجد نغم امامها
نور: نعم
نغم: سيف فين
نور: هو حد قالك انه عندى ولا فجيبى
نغم: لا قالولى انك مديرة اعماله
نور: اه ونسيوا يقولولك انى فاجازة مش شغل
نغم: بت ردى عليا كويس فين سيف
نور: هدورلك عليك فجيبى
نغم: ده انتى مستفزة
وترحل لتغلق نور الباب بقوة وتدخل تأخذ حمامها وترتدى جيبه سودة وقميص سماوى وتدخله بداخل الجيبه وتلف حجابها وتنزل تدخل محل بيتزا وتشترى اتنين وكنز وتذهب للمستشفى.
نور: صباح الخير
سيف: صباح النور
تلاحظ عيونه المحمرة
نور: انت كويس
سيف: اه
نور: عيناك حمرة ليه
سيف لنفسه: بسبب حضرتك انا قاعد هنا شايط وانتى قاعده تحبى فاسر باشا
نور: خلاص متردش انا جبت فطار
سيف: مش جعان
نور: انا جبت خلاص
تفتح علبه البيتزا وتطعيه قطعه بيتزا
نور: كل بقا
سيف: ماشى
وياخذها منها وياكل
نور: نغم جتلى
سيف بغضب: ليه زعلتك
نور: لا هتزعلنى ليه هي بتسال عليك
سيف: سيبك منها
نور: ماشى.
تلاحظ بقع حمراء على قميصه
نور: هو الجرح جاب دم
سيف: اه حاجه بسيطه
نور: طبعا عشان اتحركت
سيف: اه
تحضر له قميصه الاخر وتقترب منه لتخلع قميصه بهدوء وتلبسه الاخر وهو ينظر لها لتخجل وتبتعد عنه.
سيف: اتعبك بقا معايا لو قفلتى الزراير
نور بخجل: ماشى
تجلس على طرف السرير وتغلقهم له لتدخل نغم عليهم وهي تحمل بوكيه ورد
نغم: سيفو الف س...
وتصمت عندما تجدهم قريبين هكذا تبتعد نور بخجل
سيف بغضب: ايه اللى جابك
نغم بسخريه: انا ايه اللى جابنى وهي مش ايه اللى لازقها فيك كده
سيف: وانتى مالك واتكلمى عنها كويس
نغم: انا جيت اطمن بس الظهر انك مش محتاج بس ابقى اعزمنى على الجنازة قصدى الجوازة.
سيف: اطلعى برا ولا اقولك انا همشى واسيبهالك
وتقوم
نور بخوف: براحه سيف
سيف: يلا يانور
تخرج وهو يسحبها من معصمها
نور: سيف براحه عشان جرحك
سيف بصمت وهو يمشى بسرع يخرجوا من المستشفى لتتوقف هي ليتوقف هو الاخر وينظر لها
نور: براحه عامله اكلمك واكنى ولا هنا كلبه عندك مبتردش عليها وجررنى وراك زى الحمار.
سيف: اسف
نور: مش بالاسف
سيف: طب حقك عليا
نور: انا عايزة ارجع القاهرة
سيف: انا مقدرش اسوق كده
نور: يعنى ايه
سيف: يعنى هنقعد لحد مفك السلك
نور: طيب
يعودوا للفندق ويغيروا الفندق حسب رغبة سيف ليبعد عن نغم
نور: اتاخرت
سيف: لا
نور: طيب يلا
سيف: مالك فرحانه ليه
نور: عشان هتفك السلك وهروح
سيف: ماشى
تسندوا ويذهبوا للمستشفى وتدخل معه
الدكتور: استنى برا
الممرضه: دى المدام
الدكتور: ماشى.
يستغرب سيف من كلمةالمدام تفك له قميصه وتخلعه ليفك الدكتور الشاش ويبدا بفك السلك ليتالم وتمسك كفيه بيديها وينتهى الدكتور من فك السلك.
نور: كده خلاص
الدكتور: اه تقدر تمشى براحتك وتجرى وكمان تنزل المياة لو حبت
نور: ماشى شكرا
يرتدى قميصه ويخرج
سيف: ايه حكاية المدام دى
نور: لما جبتك المستشفى سايح فدمك ومبنطقش خوفت طبعا
سيف بحنان: خوفتى عليا
نور: لا انا خوفت يحصلك حاجه ادبس فيك
سيف بغضب مكتوم: كملى
نور: قوليلى انتى المدام قولت اه عشان امضى على اقرر العمليه
سيف: ماشى.
ويخرجوا يصلوا للفندق وتجلس هي على كرسى امام البحر ويصعد هو تجلس تسمع اغانى ولم تشعر بنفسها الا عندما شعرت بيديه على كتفها لتنزع السماعات.
نور: ايه ده
سيف: هنزل المياة شويه تجى تنزلى معايا
نور: لا شكرا ومتقعدش كتير عشان متتعبش
سيف: ماشى
يترك المنشفه معاها والقميص وينزل المياة
تشغل الاغانى وتثبت على اغنيه رومانسية ( الحب بيجى فثانيه )
وتجلس تسمعها وهي تراقب حركاته فالمياة وتشعر بقلبها يدق بخفه وهو امامها لتفوق من شرودها وتهز راسها وتخلع الهاند فرى بخوف.
نور بخوف: يالهوى ده بيحب واحده تانيه ايه العك ده
يخرج من البحر ويراها وهي تهز راسها بقوة ويقترب منها لياخذ المنشفه لتنظر للجهه الاخرى.
سيف: مالك
نور: مفيش يلا
سيف: يلا
وياخذ القميص ويرتديه ويمشوا على الرمل
سيف: حد يبقى عند البحر ومينزلش
نور: انا وبعدان كفايه اووى امشى على الرمل حافيه
ينظر لقدمها ويراها حافيه القدمين
سيف: فكرة والله
ويخلع شبشبه ويمشى معاها على الرمل
سيف: تحبى تجرى
نور: لا طبعا
سيف: مكسوفه
نور: لا بس مينفعش وب...
يقطعهم ظهور حمدى امامهم
حمدى: لا مش معقول نور هو القمر بيطلع بالنهار ولا ايه
نور: يلا سيف.
يضغط سيف على اسنانه وينظر لحمدى بغضب وقبل ان تتحرك لتمشى يقف حمدى امامها
حمدى: ينفع اقولك واحشتنى
تصفعه بقوة على وجهه
نور: وانا بنفع اقولك انك قليل الادب
ليغضب منها وينظر بغضب لها ويمسك ذراعيه لتتألم
نور: ااااااه
ليسحبه سيف من تيشرته بغضب فقد فاض به تصرفاته
سيف: هي مش ضربتك يعنى رافضه تتكلم انما تقل ادبك وتمسكها من دراعها ده العيب نفسه.
ويلكمه بقوة
سيف: انت اصلا متلمسهاش
ويضربه مرة اخرى
نور بخوف: خلاص خلاص ياسيف
يدفعه سيف بغضب على الارض ويمشى ويسحبها خلفه
حمدى بغضب: مصاحبة فتوة وبتتحمى فيه
يسمعه سيف ويلف له وقبل ان يذهب ليضربه تمسكه هي
نور: لا ياسيف
وتأخذه وتمشى
سيف: هو سي زفت ده ماشى وراكى ولا ايه
نور: لا هو اكيد فشغل اصله شاغله فشركه سياحه، وبعدان انت مالك هو انا سالتك نغم ماشيه وراك ليه.
سيف: عشان الفلوس
نور: وانا مالى
سيف: متاكده
نور: اه
سيف بغضب: طب يلا ياختى
يصعدوا لغرفهم ويغيروا ملابسهم تتصل بيه
نور: سيف
سيف: نعم
نور: انا هنزل اعمل شوبنج
سيف: طب استنى هنزل معاكى عشان عايز اجيب حاجه لماما
نور: ماشى
ترتدى فستان ابيض بورود. حمرة وتلف حجابها الاحمر وتنزل تجده يرتدى تشيرت روز وبنطلون ابيض وشنطه ولادى على كتفه صغيرة ونظارة شمس تبتسم لوسامته.
نور: اتاخرت
سيف: لا نمشى
نور: اه
تركب معه فالسيارة ويذهبوا لمول وتشترى اغراض لها
سيف: ممكن تختارى سلسله
نور: ليه
سيف: لامى بس انا مبعرفش فذوق الستات
نور: اممم ماشى
وتنظر لسلاسل وتشير له على سلاسل على شكل مصحف صغير
نور: دى حلوة
ياخذها ويدفع الحساب ويخرجوا
نور: ينفع ناكل ايس كريم ولا هيتعبك
سيف: لا عادى
نور: ماشى
يشترى لها ايس كريم وتاكله كله يخرج السلسله من جيبه
سيف: اتفضلى
نور: ايه ده
سيف: كل سنه وانتى طيبه.
نور بصدمه: ايه
سيف: مش النهاردة عيد ميلادك
نور بدهشه: اه بس دى بتاعت مامتك
سيف: لا ليكى بس لو كنت قولتلك مكنتيش اخترتى
نور بخجل: احم ماشى شكرا
سيف باحراج: ينفع البسهالك
نور بخجل: ها، ماشى
تلف له وتشعر بدقات قلبها يدق بخفه يلبسها السلسله
نور: شكرا
سيف: العفو على ايه.
ويراهم من بعد....