رواية رحل همي حين عرفتك للكاتبة زهراء أمجد الفصل السادس والثلاثون

رواية رحل همي حين عرفتك للكاتبة زهراء أمجد الفصل السادس والثلاثون

ازل بصوت ناصي: - رحم الله أمراء عرف قدر نفسة...
شهاب: - شكللللللتيييييي...
ازل: - كلت
ما كلت شي ولا حجيت
كافي أريد أروح لأهلي...
شهاب: - نجبي ولي من وجهي تريد تروح لأهلها، تهي بهي...
ازل: - على شنو باقية يمك بلة مكافيك رزايل وحجي بزعتني ما تريدني رجعني لأهلي وانتهت، ليش ضال هيج تتصرف وياي باول اسبوع زواج اذا بقيت اكثر شسوي...

شهاب: - انجبي روحة بحلامج تبقين هنا وتسكتين، بلا لغوه ماؤيد وجع راس...
ازل: - نزلت دموعي بعد ما تحملت
اسكت...
والله كلبي يوجعني اني مو عدوانية ولا أحب اتجاوز عليه...
ولا هاي تربيتي بس ماكدر اسوي شي
وهو يهني ويضربني...
استهضمت والله بجيت بكل حركة بكلبي
كعدت بالكاع...
واني ابجي...
حضنت نفسي مو متحملة الاذية وكلامة القاسي...
شهاب حباب كافي والنبي اني مامسوية شي
وعافية بابا لا مراسلة حيدر ولا حاجية وياة.

ولا حتى دازة صوري...
وداعة امي يا شهاب من يوم إلى تركني حيدر ما باوعت عليه ولا شفتة بعيوني بعد، ولا يهمني
عديتة إنسان ميت بالنسبة الي...
اني ما أحاول ابينلك نفسي ملاك بس عزة نفسي ما تسمح لي...
احجي وي شخص عافني...
ولا تربيتي علمتني اخون اني قسمتلك بالإمام راح اصونك واحافظ عليك...
ليش هيج تشك بي
صرت اشهك بسمة واكول...
مو انت واعدتني اتكون مثل بابا...
شهاب بابا عمر ما ضربني شوف انت شسويت بية.

شوف هاي خدودي إلى جنت تبوسهم صاروا زرك بسبب ضربك...
تذكر شكد كلتلي عيونج السود عالمي
شوفهن شون متاذايات بسببك
باباتي والله اني متاذية منك
ليش ما تصدكني...
شهاب: - هي تحجي وتبجي كطعت كلبي اني غيران ومحترك نار...
يا عالم هاي زوجتي هاي حبيبتي هاي ملاكي
شون يكشف عليها غريب...
اي ابن خالها غريب عنها شون ما تخبل واني ادري...
جان يحبها...
وهي هي تحبة جانت انهيارها كبالي عذب روحي
عليها...

برائتج يا ازل شون بيها ولج لا تبجين كلبي رجيج عليج سحبتها لصدري...
ادري اني إلى ماذيج...
بس هذا وطنج ابجي على صدري حتى لو غلطانة انتي، لا تبعدين...
خلي دموعج تطفي نار غيرتي...
بقيت امسد على شعرها لحد ما ختفت حركتها
خفت اغمى عليها رفعت رأسها الضاهر غافية
خليتها عالجربايه ونزلت...
فهد وسامي مادري شيسون بالمطبخ
دخلت...
عليهم فهد مكابل الحاسبة وكاعد...
وسامي يحظر بالأكل...

التفتوا عليه اثنينهم اشرلي فهد اكعد يمة...
فهد: - شوف شهاب قبل لا تحجي اي شي اريدك تسمعني زين تدري اني لعبتي الالكترونيات وسالفة التهكير الحسابات...
اني مالي حق ادخل...
انتم مرة ورجال تحلون مشاكلكم...
بس شهاب ازل طلبت مساعدتي...
واني أخذت صفحتها وأخذت الصفحات إلى راسلنك
فتحتهن وبحوشت بيهن...
شهاب انت ظلمتها...
السالفة كلها وما بيها غيرة نسوان واني عندي الدليل...

حتى ابن خال ازل معلي ولا حاجي ولا شايف الصور ولا اله دخل بالسالفه كلها. اصلا...

الحساب بي محادثة بين وحدة اسمها جيهان
وحدة ثانية اسمها ريماس وهي على الاغلب أختها
تكلها
حتى بعد ما تزوجنا وهو لحد الآن ينطق بسمها تالي الليل...
ريماس ما يهتملي تلمع عيونة لو نذكر اسمها
ولج خية اكشخ والبس واتعطر ويغشلني
دمرت حياتي...
وهي متونسة ولج لو تشوفينها...
البيت قصر ورجلها يحجون بحبه الها...
مدللهه دلال...
ريماس: - خية جيهان هي هاي حظوظ الكح، ب
مدري شيسون للزلم ويخبلنهم...

جيهان: - خايبة والله اطين عيشتها
ونور وياي كالت تساعدني...
بس انتي اريدج تسويلي بعد صفحة ثانية...
وهذيج صفحة الفيس ابد لا تحجين بيها شي يخص هذا للموضوع...
لأن حيدر دائما يفتحها...
ريماس: - عيوني الج والله اني اكرها على كرهج الها...
شهاب: - أقرأ ومصدوم من كمية الحقارة إلى عند البشر...
ظلمتها بسبب لعب بنات فار دمي وعزمت أمري أخذت حاسبة فهد واريد اطلع لاهلهن لزم كتفي سامي...

سامي: - شهاب اكعد خويه وخلي نحجي بالعقل
وين تروح لهلهن اي وشتكللهم بناتكم هيج سون
وشراح يسولك هم راح يسحلونهن ويعذبونهن
لا غلطان انت إذا رحت راح تكبر المشكلة
وراح يصير قال وقلت...
خلي هل مرة...
الي صار يكون درس الك...
تثق بالي عندك واختارها كلبك ولا تصدك كلام اي بشر، بي خرب علاقتهم...
اكعد خوية وفكر شون تطيب خاطرها
وتراضيها...
ترك ظلمتها واذيتها الأنثى ما تنضرب
وانت ضربتها...

شهاب: - سامي واسكتلهم على تخريب حياتي...
سامي: - حياتك بيدك خربتها بستعجالك
ادري انت رجال...
واحتركت على عرضك وخذتك غيرتك...
بس يا خوي اكو شي إسمه تفاهم...
كعدها كبالك وافهم منها...
هذا فهد حالك المشكلة كلها بيومين ليش تتسرع انت...
شهاب: - كافي تلغون برأسي وانطوني جاي...
فهد: - المن متزوج أذا احنا نصبلك الجاي...
شهاب: - هي الغمة حتى جاي مادبرتة وكعت الصينية وسوتها طحين...

فهد: - إذا هيج الزواج اني ماريد ازوج على كدكم الصخام...
شهاب: - لك كو. د هو اني شفهمت من الزواج هههه اشو كلشي ماكو بس كله عركات ومشاكل...

سامي: - راح تبدون تغردون اني انسحب...
في بغداد...
إيناس: - اليوم راح نطلع من البيت إلى احتواني
راح أترك عمي وعمتي...
وراح أعيش وحدي...
كعدني عيسى من الصبح الأغراض لميناهن
من الليل...
البيت تقريبا جاهز مجرد أخذ غرفة النوم وملابس الجهال بعدهن...
اني عندي بنات اتلاثة
ولد اثنين...
عيسى مخبوص هو وحسن يفتحون بغرفة النوم واني صافنة عليهم...
صعبة والله أحس نفسي جاي أترك بيت اهلي
عمي واكف بالباب...

وعمتي بالغرفة ماتقبل تطلع...
هبة تلم بالغراض وي عيسى...
يباوعلي وساكت...
هو يدري حقي...
اضوج...
واني ادري حقة يستقر وهاي سنة الحياة...
ولازم نطلع من البيت خطية حسن هم لازم يتزوج
صح هو عندة غرفة بس زغيرة يعني غرفة شاب أعزب...
يحتاج غرفة جبيرة...
خلصوا...
كل الغراض نقلوهن للبيت...
واني ما طلعت من الغرفة بعدني واكفه...
اجتي عيني على صورة إلى معلكتها بالحايط، عيسى ما منزلها صورت عرسي...

اني وعيسى وعمي بايس راسي...
نزلتها من الحايط ونزلت دموعي...
دخل عليه عيسى...
عيسى: - انوسة حبيبي كافي بجي يروحي...
ترى احنا ماطايرين والله شوكت يعجبج...
اجيبج يم اهلي وبكل مناسبة انتي أول وحدة تكونين موجودة...
امشي نسلم على امي نتوكل لحياتنا الجديدة
وبيتنا الجديد...
عسى ربج يرزقنا ونتباخت على هالبيت...
إيناس: - مسحت دموعي ولبست عبايتي عيسى لزم أيدي...
صحت على جهالي اجوي كلهم...
دخلنا...

عمتي مدنكة وتبجي دنك عليها عيسى وباس راسها...
يمه ادعيلي الله يوفقني واني طالع برضاتكم يوم
لا متعاركين لا سامح الله ولا متزاعلين...
بيتي بيتج يمه...
شوكت تحبين تجين احطج على رأسي
الغالية...
دموعج غالية عليه...
يلا يمة باركيلي وخلي نتوكل...
ايناس: - تعالوا يمة
بوسوا بيبتكم...
اجوي الجهال باسوها...
واني بست ايدها الله شاهد جنتي مثل امي
سامحيني إذا قصرت بيوم وياج...
امل: - روحوا يمة بالمبارك عليكم بيتكم.

وان شاء الله مهنايين بيه وعتبته خير عليكم يارب.
يلا اتوكلوا...
طلعت وياهم للباب
عيسى وايناس سلموا على أحمد وصعدوا بسيارة وراحو...
دخلت الغرفة فارغة بس بنت نعمان تلعب بالمكناسة...
اييي هاي الام تتعب وتربي...
وتالي كلمن يطلع يأسس حياتة اليوم عيسى ترك البيت...
ورياض اصلا طلع قلبهم...
بناتي تزوجن...
واني يومية انجوي بنار واحد منهم...
وفراكة...
ديالى...
أزل: - كعدت من النوم راسي مصدوع
عيني اجتي على الساعة...
ب2.

مادري دنيا ليل دنيا ضهر والله دايخة...
كمت من الفراش...
ورحت المراية...
اباوع عيوني منفوخة جني ضفدع...
كفشتي...
مهوسة...
جهرتي ابد ما تساعد ول كبر يا زيلة هاي شنو وجهج...
رحت للكنتور...
طلعت دشداشة ورحت سبحت...
وجهرتي بعدها هي هي...
نزلت جوة البيت هادئ ماكو أحد...
رحت للمطبخ جوعانة سمعت طكطكة بي...
دخلت والكة فهد يكلب بجداري...
كتلة صباح الخير...
فهد: - منين يجي الخير خاتون
اكو جنة تكعد بهل الوقت.

يا دادة وإذا طكج شهيب جا طك الحبيب مثل أكل الزبيب...
ولج انتي جثة خوما جثة يالغبرة بعد اخوج جوعان وكل شي ما مبقيلي...
أزل: - ابعد من وجهي فهودي لا بالله اسطرك سطرة الحمزة واركعك...
بسيف علي...
وانطيك دفرة العباس تريد أكل هسة اسويلك بس اسكت مالي مزاج احجي...
فهد: - ولج النويصة شهاب ما حاجاج لو شنو؟
أزل: - عليش يحاجيني وهو كره حتى وجودي.
فهد: - ولج الغبرة اني ماكتلج سالفة الصور كلها جذب طلعت وووو...

كعدت احجي التفاصيل الها...
أزل: - يعني أخوك اقتنع مو
عرف اني مالي دخل بشئ...
فهد: - هسة شراح تسوين...
أزل: - اتغدة وياك واروح يم جوري شسوي...
فهد: - صدك تحجين ولج كاعد اكلج شهاب عرف كلشي...
وانتي بريئة شنو هالرد الفعل البارد...
ازل: - فهودي اخوي الغالي مشكور وما قصرت الله يشهد...
وبهل المناسبة راح أكون بخدمتك لمدة أربعة وعشرين ساعة...
استغل ها العرض واطلب مني شتريد...

فهد: - أولا أريد كيكة إذا تعرفين سوي فدوة
وهسة أريد غدة
وبعدها عندي شغل الج...
ازل: - سويت غدة كعدنة نأكل اني وفهد
ودخل شهاب...
يباوع علينا...
صاح ازل تعالي وراي للغرفة...
ولا باوعت علي عيني بالماعون اكلت...
وكملت وفهد يزن علي روحيلة...
ولا اهتميت...
رحت لغرفة جوري
الي غركانة بالحب الخاتون كعدت تحجيلي عن تطور علاقتها...
عبد الله، واتفاقهم على حياة جديد
وان هو يريدها تكون وياة كالها راح اتقدملج نهاية هل شهر...

اباوع الساعة ب 6 المغرب كمت رحنا للمطبخ
اني وياها عمتي مو بالبيت اليوم رايحة
لاربيل...
وسامي اصلا وجودة وعدمة سوى...
شهاب مادري بي...
بعدة فوك لو طلع...
وفهد بالمحل...
جوري: - شنسوي عشاء اني جوعانة بس كلشي ما شتهي...
ازل: - بلة جوري أكل زفت وخلي نسوي أكل براسة خير والله مليت أريد أجواء عائلية...
امشي خابري اخوانج حتى يجون على العشاء...
جوري: - اكلج اني إذا ردت اطبخ لو احرك ايدي لو احرك الاكل واذا...

تحمست احركهم اثنينهم...
منو راح يطبخ...
ازل: - كون صخونة مال حصونة
اني اطبخ وانتي شغلينا شي نسمعة...
طلعت دجاجة ونكعتها بروبة وملح وليمون وعفتها
طلعت الباذنجان والبتيتا سويتهن حلقات...
وبصل وطماطة...
كليتهن ورتبتهن كصصت الدجاجة وخليتهن بالفرن
وقت الفرن وكعدت اسولف وي جوري...
لحد 7 إلا ثلث كمل الاكل...
سوينا مقبلات اني وجوري ونتفيك بيهن...
خلف الله على النت علمنا...
حطيناهن على ميز الطعام ورتبنا الكراسي.

طلعنا قواطي ببسي وكلمن قواطية وكلاص كبال الكرسي...
وهاي جوري جذابة تأخذ صور ودزهن لعبدالله تكلة شوف...
طبخي كل علمودك تعلمت إلا ادللك دلال...
دخل سامي...
سلم...
كال هاي اليوم شكو منو رايح يجي...
ازل: - والله محد بس اليوم العشاء عليه...
سامي: - خلي اغسل واجي اتمنى يكون الطعم طيب مثل هالترتيب الحلو...
ازل: - ان شاء الله يعجبكم...
دخل فهد وهو مغمض ولكم اريد أكل أكل أكل.

راد يكعد طردتة جوري كوم غسل وصير رجل مثلي مثل سامي...
جوري: - ازل روحي صيحي شهاب...
ازل: - من كل عقلج اصيحة...
جوري: - والله ازعل عليج خلي يجي يتعشاء وبعدين تعاركوا...
ازل: - عفتها وصعدت فوك...
دخلت الغرفة شهاب نايم على وجه ضحكت بخبث
الللللللله ازل جنتي خوش بنية حتى لو دفنج ميخالف...
راح تموتين وانتي متونسة...
جريت الشال من شعري...
واني اتوجه لرجلين شهاب...
ربطت رجلي بشالي وهو ماحس اييي هذا المطلوب...

كعدت ابجي يمة عود كرصتة من زندة حتى يكعد
وبسرعة شردت يم ميز المراية واني مغطية وجهي وابجي...
صحت شهاب لحكلي وجان يطفر شهاب ويوكع على وجه...
واني وكعت من طولي من الضحك أريد اسيطر على نفسي ماكدر واني اشوف الغول مدد بالكاع...

شهاب: - اني اعلمج إذا انتي بنت ابوج ابقي بمكانج...
ازل: - أريد اشرد جلب الباب
ويا ما نفتح لزمني شهاب...
أتوب والله...
والنبي اتوبة إذا عدتها آلله عليك عوفني اتشاقة وأم البنين...
بس انت ضربتني وأريد أخذ حكي منك
عليك الله عوفني...
شهاب: - اعوفج مو
اصبريلي...
شلتها بيدي...
واني ادور على الشال إلى ربطت بي رجلي
اخذته...
وربطت أديها ورجليها سوة...
وهي تصيح عوفني...
شلتها وهي مربوطة ونزلت جوة...

الولد وجوري كاعدين على الميز...
فهد: - خرب شهاب هذا شنو أبو بريص الشايلة
جوري: - عزززززة هاي ليش هيج مسوي بازل...
شهاب: - اكلوا وسكتوا معيلكم أريد اعلمها شلون تدك رأسها برأسي...
جيبولي أكل بالكاع ماكدر اعوفها وحدها...
سامي: - بلة شهاب صدك تحجي هاي عود انت الجبير...
عوفها لا يطكلها ضلع بيدك بعدين كوم شوف خطية شلون تعبانات هي وجوري...
ومحضرات أكل النا...
فهد: - معليك سامي شهوبي طك رأسها بالطبلة...

واتعاركوا وكون السبع بيك يطلع دم
يلا يلا اسحلها...
شهاب: - انلطم فهد
باوعت عليها وحجيت رحم بحالج سامي والأكل اني...
جوعان راح أفتح اديج ورجليج إذا سويتي حركة
مصخمة بلة اطيح حظج خوش...
ازل: - فتح ادية ورجلي واني بعدني أتذكر شكلة وأضحك يا ربي عبالك جبل وتكوم كبالي...

كعدنا تعشينا وحبوا الاكل غسلنا الموعين والمطبخ...
ومسحنا البيت كلة اني وجوري...
لحد الساعة ب 10 احنا سوة نسولف الولد
برة...
كمت سبحت ولبست دشداشة ماروني
قصيرة شسورت شعري...
وحطيت مكياج...
خليت الهتفون بذني ونايمة على بطني جنت أقرأ منتصف مائل...
كتاب حلو...
دخل شهاب للغرفة...
شهاب: - تقربت عليها وزحت شعرها ورة اذنها ازولتي حبيبتي...
ازل: - لا تفكر اخليك تتقربلي خوش
هسة عرفت الحقيقة...

وعرفت اني مالي ذنب...
عبالك راح أكون زوجة خاضعة الك أحمد ربك
ما خليت أخواني يدرون بسالفة ضربك الي
والله لو ما خفت على بابا وسمعتة من ساعة الضربتني اشهرك بالمنطقة شهر...
مو رجال إلى يمد ايدة...
على مرآة...
ولا تكعد تحجيلي بغيرتك الشرقية...
اني بنت أحمد إلى بعمرها مانضربت...
اتربيت على الحب والاحترام...
طول عمري...
الي سويتة انت مستحيل انسى الك بيوم فهمت...

والراشدي إلى ضربتني اياه رجعتني بي لا سوء ذكريات عمري...
الفترات مرضي...
انت مسؤؤل أمام الله عن ضربك إلى ولا تتوقع اسامحك...
شهاب: - تحجي متعصبة تمام مثل اللبوة ما تتنازل ابد ولا تضعف
صلبة من الخارج بس رقيقة...
ادري اذيتها...
بس والله ما بقى عقل برأسي واني اشوف صور
سبعتها والحجي عد واحد نذل، السافل...
فأر دمي علي...
صرت اتقرب منها...
اني طالبها بألف ياويلاه وهسة بعد ما تأكدت من برائتها...
أريدها...

مرتي هي...
حلالي اليوم ماكو شي يمنعني منها...
رايدها الي...
وحدة مغرورة وشنكه...
مجنونة...
شايفة روحها قوية وبنفس الوقت ضعيفة...
تناقضها أكثر شي يميزها...
رغم واكفة كبالي...
و تحجي بكل أعصابها...
كل طولها ما واصلة لصدري شكله مثير وهي عصبية...
جريتها هي و تحجي
حاوطت خصرها بيدي وقربتها الي
ماهدأت ولا ثبتت
صارت تتلوى وياي هاي من كل عقلها
هسة بيد وحدة اشيلها...
رفعتها إلى وحاوطتها باثنين ادية...
حاوطت ادية بركبتي...

وصارت تهمس بذني...
شنووووو إلى يخليني ابقى وياك مثل، ا
شنووو المميزات إلى راح تقدملي إياها انت حتى...
أقبل أكون زوجتك...
لا عبالك اعترف بالعقد إلى بينا
إذا ماجنت رايدتك لا تحلم تغصبني عليك
شنو العقاب إلى المفروض تاخذة
على ضربك الي...
شهاب: - حرام عليج تمنعيني منج اني عندي استعداد اخذج ونروح لبوج وهو يحكم
بكل شي...
وشوفي حرام علي لو عليج...
بشرط أكله بنتك لحد الآن بنية...
لحد الآن مالمستها...

مارتويت من عسل شفتها...
ازل: - شنو رأيك واني أكلة...
عن عروس انتركت بليلة عرسها وحدها...
إذا اني بعدني بنية...
فالزود الك...
شهاب: - ماخليتها تكمل كلامها وأخذت شفايفها بين شفايفي
ما عفتها إلا لمن نكطع نفسها...
تحجي وانفاسها متقطعة...
هه هاي بوسة بهذلت احوالج صارلج ساعة...
تفخفخين وبنت أحمد ما تضعف...
ازل بخجل: - دكافي عاد غير انت غافلتتني
ما نطيتني خبر ولا فهمتني...
شهاب: - اني آسف يا ازل يا بنت أحمد...

ازل: - هذا اعتذارك ميوكلني خبز أنتظر.
شهاب: - اباوع كامت طلعت دفتر وقلم
قدمتهن الي...
ازل: -أكتب إلى راح اكولة الك...
شهاب: - باستفهام شكتب ولج
ازل: - انا المدعو شهاب علي بين قوسين الغول
أتعهد للاميرة ازل أحمد...
بعدم ضربها مجددا وتحت اي ضروف كانت
وأن قمت بضربها مرة آخر فيحق...
للمدعوة ازل أحمد أن تفرض عليه اي عقاب يخطر في رأسها وقع وابصم هم...
شهاب: - من كل عقلج أكتب هالخريط هذا...

ازل: - اوك بأي لعد اجيت اطلع جرني من أيدي...
شهاب: - اكعدي أمري لله...
صرت اكتب إلى رادته وقعت وانطيها الدفتر...
باوعتلي وهي مخصوره...
ازل: - وين البصمه...
شهاب: - بيش ابصملج هسة بلة...
ازل: - ماكو مشكلة جبت حمرة
وخليتها على الإبهام وخليت على الدفتر...
شهاب: - هسة شنو صافي يا عسل...
ازل: - ترى هذا مجرد تعهد...
اكتب لي شي يخليني ارجع أثق بيك واريد تقرأ بصوتك...

شهاب: - ازل بطلي خبال بهل الليل كافي تره مصختيها...
ازل: - تمام اني باجر راجعة لأهلي
هاي اني وهاي شخصيتي وهذا إلى اريدة...
شهاب: - أخذت الدفتر ورجعت أكتب لها...
خلصت ازل خاتون...
ازل: - أقرأ سمعني...
شهاب: - ذبيت الدفتر من أيدي وصرت اباوع عليها، وحجيت...
ازل بعد هل غلطة إلى اقترفتها بحق علاقتنا راح انطيج الوعد...
راح تكونين سكني ومسكنتي ملجاي واماني سندي...
وطني...
ما راح أعيد هل غلط واني بأسوء حالاتي.

وعد حتى لو نار الغيرة حركت روحي...
راح أجي...
وأخذ بكلامج وما يخصني كلام اي بشر بعدج
وحق هاي الأصابع عليه...
أخذت اصابع ايدها واني ابوس بيهن إصبع إصبع
أصابع أيدي مارح تخط وجهج الا لحتى تغازل تفاصيلج...
خليت شفتي على خدها واني احجي بهيام
وحق ضلع الزهراء ما راح بيوم من الأيام ااذيج
واني أعتذر يا جنة حياتي لأن شكيت بيج...
آسف بنوتي وعد عليه من هل يوم تنكسر أيدي إذا طخيتج وضربتج سامحيني...

كصتي على كصتها تأخذ أنفاسي واتنفس أنفاسها...
سامحيني كافي أريد اغفى على شعرج
كافي كافي أريدج...
ازل اريدج...
كلشي بية يطلب قربج...
كل احساس بكلبي يدك بسمج كافي تبعدنا
المشاكل...
اريدج أريد شفتي تأخذ دورها بنحرج
دخلت أصابعي بخصلات شعرها
ورفعت رأسها ليفوك...
نحرها برز صرت امشي شفتي على طول نحرها...
قشعر جسمها بيدي تأثرت لقربي...
خطوة بخطوة وياها...
طفيت الضوء وشلتها...
واني شفايفي تتنقل بتفاصيلها...

همستلي واخيرااا وسمعتني صوتها...
بكلمة ملكتني الكون...
ازل بخدر: - شهاب اني أحبك...
شهاب: - واني اموت عليج واعشكج.

وصارت بيدي مثل العجينة...
عطرها ادماني...
جسمها عذابي...
بعثرتها بمشتهاتي...
اززل حطي عينج بعيني...
جانت مغمضة عيونها...
باوعت عليه واني أخذتها...
كتمت وجعها بصدري...
عضتني شرسة بنوتي ما مكتفي منها...
أخذتها لحضني...
وبست كصتها...
مبروك يروحي صرتي مريتي قول وفعل...
ازل: - بعد ما خذني شهاب حسيت...