رواية رحل همي حين عرفتك للكاتبة زهراء أمجد الفصل التاسع والعشرون
ازل: - طلعت وكل شي ما شوف اسيل كايدتني صعدنا
لسيارة حسن
وهو يصنف عليه والبنات يصفكن ويغنن
وصلنا للبيت
والركص والهلاهل والجكليت كله فوك راسي كوة اتحرك من الهوسة دخلت للاستقبال كل البنات يركصن وهوسة الدي جي.
كعدت والجهال صافنين عليه...
عبالك تمثال كبالهم...
امي مخبوصة بالخطار هي وايناس وهبة وتهاني
اية حاملها متعبها الأيام هاي...
بنات عمي وعماتي يركصن عبالك مصروعات
كلها تهز...
اجتي عيني على ام يقين هاي كراشة المنطقة
بكل عرس تلكاها موجودة وبكل فاتحة حتى تعرف الأخبار انسانة فضولية أصيلة
جانت تكرص وكرشها واصل لركبها
لابسة هاشمي جوزي...
ونفاخة نفسها شكلها يضحك...
بنات الزغار يحاولن يركصن ويقلدن الكبار...
شكد متونسة بشوفتهم
شهاب طريقة طويل ما يكدر يجي ويرجع...
ضليت متونسه حنوني مره لازم حياتها سعيده تحنيني فاجت اقاربي حنتني والدك والركص مستمرين وكوموني وياهم هم ركصت شويه...
وهم خطية ورة حنته بليل جوري كلساع دز صور
من الأجواء يمهم، وحنة شهاب...
لليل خلصت حنتي كاعدين على العشاء وبابا هم ماكو...
يالله راح يصير ويومين واني ماشايفتة...
اخواني كالوا تطلع كل النسوان يلا نجي
وصدك تعشينا وغسلنا مواعين وخطية البنات لمن البيت امي نامت...
الساعة تقريبا ب10 خواتي كلهن يمي بالغرفة
ايناس وهبة ودينة واسيل كعدة بناتية...
دك باب غرفتي بربكم هذا منو صاحب الذوق الرفيع بعائلتنا إلى يدك الباب
صحت من اجاني صوتة وانشرح صدري...
احمد: - نايمه حبيبة البابا لو بعدها...
ازل: - والله لو أكون نايمه بكبر وأسمع صوتك اكعد...
احمد: - اسم الله على روحج أميرتي
ازل: -كمزت لحضنة وشبكتة ااااااااخ بابا انت
ريحة الجنة وانت أصل الحنان والمحبة
بابا وين جنت البارحة ماكو واليوم حنتي وانت ماكو...
احمد: - ههههههههههه ولج حنتج قابل اركصلج.
ازولة يعز عليه بعدج عنا ما ردت أجي واشوفج
وصيت عيسى هو إلى يسلمج لرجلج
بس ماكدرت ما شوف وجهج الحلو
ماريد تحسين ابوج عافج
وهاي اجيتج اني بنفسي...
ازل: - درت وجهي عن وحجيت اوك أحمد تكدر تروح مع السلامه ماكو داعي تجي
عيسى يسلمني...
احمد: - باباتي لا تدورين وجهج عني انتي وردتي الزغيرونة انتي بنيتي الحلوة
أميرتي...
ازل: - لا تحجي وياي يعني مفكر تعوفني أروح وما تودعني
احمد: - جريتها لصدري.
انتي يا احلى أميرة بيت ابوج ما عوفج مهما صار راح تلكيني حايط تستندين علي
لو كنتي على صح راح افتخر بيج
ولو كنتي على غلط راح اصحح غلطج
اني وراج يا بابا بكل خطوة
هذا بيت ابوج بأي وقت وبأي يوم تشتاقين
ما يردج غير لسانج ترفعين التلفون تلكيني يمج...
نعمان: - هههههههههه عبالك هالموقف اتكرر
قبل فترة جان أبو عيسى يودع بأ اية
ويحذرها تغلط
هسة كاعد يحش باازل ونفس الحالة...
احمد: - نعمان ترى انت هم أبو بنات باجر عكبة توكف وكفتي وتحس بموقفي
شكد صعب يأخذون جمارتك من بيتك...
نعمان: - اكول حجي انطيني حبيبتي كافي شابكها
اني أحس بيك ترى ازل بنوتي مو بس أخيتي...
حسن: - عمي بنت المحظوظة منين تدير وجه تنحظن...
ازل: - انت بالأخص تنلصم حشتاقلك خيي...
حسن: - جريت شعرها وكفشته مراح تموتين
راح تزوجين ترى بعدين اجيج حتى اشتري لاسيل مصاص ديالى ههههه...
ازل: - هالكعدة ناقصها شخص...
ولجججججح زرررروك عيسى وين...
ايناس: - نايم بالغرفة
ازل: -ابقو هنا رايحة لعيسى
وصلت للغرفة عيسى حاط مخدة على راسة معناها ما نايم...
جريتها من رأسه زكح
عيسى: - ايناس وخري مني
ازل: - مو زريكة اني
كام كعد عيونة حمر
شبيك
عيسى: - تعالي يمي...
ازل: -كعدت بصفة على الجرباية جريت ايدة
المضروبة...
عيسى: - بعدج زغيرة لا تزوجين...
ازل: -بست ايدة، باباتي مو كافي عاد ترى اليوم كلكم بجيتوني أريد ازوج واجيب زعاطيط.
قابل بس انت...
عيسى: - هههههههه طول عمرج صريحة
ازل: - تربيتكم تررررى
عيسى: - شلون راح اطب البيت وصوتج ما اسمعة
منو يتعارك وي ايناس ويصيحلها الزريكه...
ازل: - شبكته وهو يلعب بشعري
عيسى بابا واخواني والبنات كلهم بغرفتي واجيت عليك تكعد ويانة...
عيسى: - يلا لعد كومي نروح.
كعدنا بغرفة ازل وطلعنا كيكة الحنة وببسي
نتشاقة ونضحك
على اسيل وحسن هذولي عصافير الحب
كلساع يتناكرون
مريتي ملتهية وي تهاني مدري على شنو يتناقشن.
ازل كاعدة بحظن الحجي
طبعا ولا تستحتي ابد عيني عينك كاعدة بحضنة...
الساعة ب12 ابوي كال كافي يلا كلمن يأخذ مريتة وينام
عيسى: - يلا هم تكومن وراجن كعدة
من الصبح طشينا كلنا...
ازل: - بعد ما كلمن راح لغرفتة مددت على جربايتي أريد انام والله نعسانة
كلش دك جهازي...
فتحت خط واني مغمضة الووو
شهاب: - يا برودج نايمه الخاتون واني احسب دقيقة دقيقة تصيرين بحضني...
ازل: - هو يحجي واني غفيت من التعب حتى مارديت ولا حجيت.
شهاب: - لل 12 يلا خلصت حنتي
ولد عمامي ولد خوالي أصدقائي والمدرسين
وكل كرايبي والمنطقة
كلها دك وتركص الله يا شعور إلى يأخذ حبيبتة
شكد فررررحان بيها
خصوصا من شوفتني إياها جوري طالعة جمارة بالماروني متت عليها طول
الحفلة وهي بفكري أريد تخلص...
ل 12 خلصت كلشي رجعت للبيت الدك والركص عماتي وخالتي دك ركص وهلاهل
ب 1 نطلع كبل زفة الطريق طويل هم يلا نوصل لبغداد...
ازل: - كعدتنا امي من الصبح سبحت وخلصت هبة واسيل وياي الصالون ايناس كالت اني أروح وياج
هم بس لازم ابقى بالبيت ويه عمتي...
أخذنا نعمان للصالون وصلنا وبدت ام الصالون تشتغل بية كالت راح اشكلج خصل أطول شعرج...
مكياج كله لبناني وي بياض البدلة طلع فد شي طرحة كلش جبيرة ويه البدلة
الذهب ما قبلت ألبسة شهاب كال من أجي البسج اياة لأن بالحنة ما اجة هو...
اسيل تجيب وتأخذ صور بس ما خليتها تدزهم لجوري...
حتى لا يشوفهم شهاب أريدها مفاجئ يشوفني...
البنات هم اشتغلتهم لل 12 ونص كملت كل شي
اجى عيسى أخذنا
للبيت...
خواتي مشغلات الدي جي ويركصن
دخلت للبيت امي طشت على الجكليت...
دخلت للاستقبال هسة كعدت خابرني شهاب
-الو
ازل: - هلو بيك...
شهاب: - أميرتي وين انتي بس لا بعدج بصالون
ازل: - ههههه لا بالبيت وصلت
شهاب: - واني جايج بطريق يحلوة...
ازل: - وين انت هسة
شهاب: وصلت ال...
شغلة ساعة واني يمج...
ازل: - اوك لعد خلي اكول للبنات
شهاب: - بيبياي حبيبي...
ازل: - الله وياك عيوني
أشرت للتهاني اجتني تهاني شهاب واصل ترى كلجن تروحن ويايه...
تهاني: - ولج عود اني ما كايلة لرجلي أروح وياج
اخذي ايناس واسيل وأية وضحى وسهى
وعمتي...
أزل: - وهبة متروح...
تهاني: - ولج ادري ما خذينا فزعة ترى البنات يرجعن بنفس اليوم...
ازل: - ادري يعني هو لل 2 يلا يوصل ومنا
لديالى لل 4 بلا نوصل شوكت يرجعن مثلا
شكو بيها تباتن ويايه...
تهاني: - والله سهى كالت كلهن يرجعن وإذا قابل حتى لو لل 9 بليل نرجع...
ازل: مخابيل غير شكو جايات لعد.
ضجت لأن ما يقبلن يباتن
بسرعة يمر الوقت...
وسمعت الجهال صاحوا اجوووي اجوووي
كلبي دكاتة تسارعت اجتي عيني على امي
تمسح بدموعها متريد تبين تبجي...
صوت الهلاهل علن دخول شهاب للاستقبال
ابوي وياه دخل...
وصل يمي كلش اباوع وجه ما يتفسر العيون حمر دم لزمني بابا من أيدي وهو يوصي عليه...
احمد: - شهاب هاي عزيزتة كلبي وقطعة من روحي انت مثل ولدي الله شاهد بس
ثق بالله اني اوكف بوجه ولدي لخاطر عيونها
ازولة فطيرة وفقيرة صح لسان بس ابني
لا تقسى عليها بيوم لخاطري ترى الشافتة بحياتها يكفيها وردتي هاي...
وانتي يا ازل مثل ما تحترميني وتحترمين اخوانج
هيج تحترمين زوجج خلي بعيونج بنتي
متهناية بحياتكم ان شاء الله...
ازل: - بابا يحجي واني عيوني عشرة عشرة
شهاب لازم ايدي بقوة كلش.
دخلوا اخواني اربعتهم عليه
حسن يحاول يضحكني ايكلي خرب اللبخ ولج هذا بفلوس اللبخ...
عيسى العيون ما تتفسر
نعمان يمسح بدموعي رياض لازم أيدي...
هذولي سندي يارب
حنان الاخ ما يعوض لا زوج ولا ابن
هذولي قوتي
هذولي اخواني ربي تحفظلي إياهم من كل شر
طلعت وصلوني للسيارة
وعيوني ادور على امي ماكو ما شفتها
التفت آخر مرة شفتها واكفة يم بابا تبجي
فلتت أيدي من شهاب ورحتلها...
جريت أديها وبستهم
وبستها من رأسها.
ودعتها ومسحت دموعها متت قهر من اشوفها هيج بس هاي قسمة كل بنيه
صعدنا بسيارة
وشهاب عبالك رايح بجنازة مو عرسة
هو إلى يسوق واني بصفة
للسيارات ورانة كلها مزروقة والاغاني تارسة الدنيا
وهو يصيح على اخوانة يستعجلون بطريق
خفت اسالة شبيك ويعيط بية...
خواتي شهاب جايبلهن سيارة فارغة وي واحد من اخوانة صعدن
طول الطريق هو ساكت وصلنا لبيتهم أول مرة اشوفة
بالحقيقة ما رايحة لا من عقدنا ولا من جاب الغرفة ولا بغير وقت...
فتح إلى باب السيارة وصار إطلاق النار
كمزت وايدية كامت تجرف...
لزم أيدي بقوتة دخلنا للبيت حاطين ذبيحة ذبحها جوة رجلي...
ومي كلبتة...
مادري شنو يعني...
دخلت والجكليت والهلاهل تطرش
خواتي وراي وصلنا تلكتنا
خالة ربيعة...
كعدتني وهي تصلي على محمد
نزعت عني الطرحة واتنفست دخيلك ربي يخنك
اجتني جوري وهوسات واني اكول بيتنا هوسة
هنا أسوء الوضع...
من الدي جي كلشي ما اسمع.
شهاب يصيح على أمه يريد يطلع وهي ما تقبل تكلة عيب اكعد شوية يم عروستك...
وهو ولا بعينة شي عافني وطلع ويخزر دخيلك ربي شكو...
اجتمعنا اني واسيل وجوري وحدة منا وحدة منا كاعدات ولا شبعن صور...
اغاني وركص هواي طولت
بعدها كالو راح يزفونهم واني اكلني الخوف والارتباك...
صرت أقرأ آيات قرآنية عيني اجتي على ايناس ابتسمت اطمني
خالة وسهى صعدنا للغرفة
يوصني ما أخاف حتى لا اتاذى وأسمع كلامه
ومن الحجي هذا...
دخل شهاب...
شهاب: - يمه شكو صعدتنها راح نطلع للفندق...
ربيعة: - شنووووو يا فندق يمه هذا هسة شو مادري
شهاب: - يوم الله يخليج مو وقت حجي
ازل: - شهاب ما أروح لأي فندق هسة...
شهاب: - سهى أخيتي اخذي الوالدة عندي حجي وي ازل...
سهى: - عوفيهم خالة وحدهم براحتهم...
ازل: - بعد مطلعت خالتي وسهى اباوع لشهاب رأسن حجه...
شهاب: - ازل الج خمس دقائق أن ما طلعتي وياي هسةبذات الله اسويلج مصيبة...
ازل: - شبيك شهاب ترى والقران ميتة تعب.
شهاب: - يلا امشي...
ازل: - يجر بيدي ونزلني من الغرفة ليجوة محد يحجي وياه دخلني للسيارة وهو يسوق
لا أعصاب مدري شبي ولا أعرف شصاير
وشنو إلى يخلي هيج يتخبل...
الطريق بعيد صار ساعة وهو يسوق تعبت ودخت...
اني نايمه ب12 وكاعدة ب7
هوسة العرس كلها برأسي طريق من بغداد لديالى ساعة ونص وهسة
صار له ساعة
يسوق ما عرف شنو وضعي
غفيت بسيارة
من التعب
ماحسيت
إلا شهاب يفتح باب السيارة وايكلي انزلي يلا
انصدمت واني اشوف كدامي ال...