رواية رحل همي حين عرفتك للكاتبة زهراء أمجد الفصل الأول

رواية رحل همي حين عرفتك للكاتبة زهراء أمجد الفصل الأول

كل يوم يتمنى الإنسان ان يكون يوم مفرح يوم تفاءل يوما تتبدل به الأقدار بعضها لصالحه وبعضها ضده ينضر الى ماحوله من خفايا وأسرار يجهل معرفتها يتساءل هل اجلنا بقريب ام بعيد فلا يعلم الانسان متى أجله، متى تفارق الروح هذا الجسد، ليبقى جسدا متناثر كلتراب الى التراب ويعود لأصله القديم فلا ينكر الانسان انه خلق من هذا الارض وانه سيعود اليها مرة اخرى من جديد لكن الفرق انه يعود ومعه صالح الاعمال او يعود وقد غرته الدنياا بزينتها فخسر دنياه واخرته فلا نعلم مااحداث بلادنا فانتشرت الحوادث والحرائق والانفجارات والاتفاقات الارهابيه، واحدى هذا الانفحارات كانت هناك الكثير من الضحاياا...

اترككم لتروو ماحدث...
آمل: - يمه نهجم بيتي يبوووو...
يمه راحوا ولدي صخام الصخمج أمل...
راحوا ولدي ولك أحمد تعزينا وتصخمنة، الحك احمد ولدي محمد وعيسى طلعوو الصبح رووح شوفهم وين كلبي نااار احسه، الحك اوليداتي...

هذا كان صوت امي وهي تعيط طفرنا كلنا من نومنا...
الساعة ب9 ونص الصبح اليوم 15 رمضان
بمنطقة من مناطق بغداد الشعبية...
كان سبب عياطها انفجار بالمنطقة قريب على السوك...
أخواني وعمامي اثنين هناك...
ولد عماتي هناك باختصار أغلب شبابنا بسوك
مو يشتغلون لا بس هذا يوم جمعة...

واحنا منطقة مشهورة بسوك الجمعة المميز عدنا كلش هذا السوك كلشي تلكه بي وتتوفر بي هواي أشياء منلكاها بالأيام العادية بالسوك منها الطيور باانواعها وحيوانات والأجهزة سوك مشهور كل يجتمع بي، ويوم الجمعه هوه اكثر يوم بيه تتواجد الناس فاغلب عائلتنه تروح...

الإرهاب استغل هالفقرة كون التجمع كلش قوي باليوم بالأخص، يوم الجمعه...
اباوع الكل تصرخ وتلطم
هاي عمتي طلعت تعيط وشاكة ملابسها
هاي مرت اخوي تعيط راح رجلي
امي حالتها حاله...
ابوي ماكو طلع يركض حافي
اخوي جان نايم ادور علي بين الوجوه ماكو
العالم التمت علينا...
وقسم من ولدنه راح للمكان الانفجار...
شباب المنطقة تحاول تمنع التجمع يخافون اكو سيارة مفخخة ثانية بس هيهات كم ام انفجعت بهذا اليوم...

وكم طفل تيتم وكم أخت خايفة اتكون أخوها بين إلى استشهدوا محد يعرف منو إلى مات
ومنو إلى اتصوب كل زوجه فقدت زوجها وترملت كل بيت عم السواد داخله والفرحه ضاعت من الوجوه...

منطقة كامله سكانها يتعدا المليون ما بيها مستشفى...
أقرب مستشفى علينا تبعد ساعة كاملة!
سيارة إسعاف ما متوفرة تنقل الجرحى
شنو ذنبهم ليش هيج...
ما عندي أي احساس بهل الوقت غير خايفة طفلة عمري 11 سنة واني اشوف منطقة كامل مخبوصة خبص...

أفراد عائلتي متشتته كلمن بجهه...
الكل يدور والكل مفزوع لان بهيج احداث كل الناس ان مفقودلها شخص تحزن وان لا تترحم للاموت الكل بكلبة خوف ومفزوع، واني جنت من بعيد اراقب...

ما عرف شي اخواني وناسي شنو الوضع اصلا ما دري...
بين العياط والصريخ اجوي عمامي اثنين كلهم متربين وعمي الجبير ايدة تنزف هذا بابا يمشي ويدك على رأس وهو يصيح يا بوي يا عيسى
يا بوي يا محمد...
رحتوا وخليتوني...
كسرت ضهري أنتم وين الكاكم يا شمعة بيتي وسند كبرتي، يمه ولدي وينكم هيج تبخرتوو...

عمتي طفرت من بين الكل وهي تجلب بذيال ابوي وتبجي بعيون أمه فاقدة ابنها...
ابنها إلى مالحكت تفرح بي...
جانت تحضر روحها حتى تزفه لحبيبتة إلى عاند الدنيا وخطبها ابنها إلى مفروض عرسة بيوم العيد وجان ينتضر يوم يوم يخلص حته يفرح بزواجه إلى اتمنى هل يوم حته يصير عيده عيدين وحبيبته بحضنه بعد مصبر عله حبه سنين ورادها حلاله وعانه هواي حته ياخذها بعد الرفض ياله وافقو...

بس هيهات يا عيد ويافرح وهي تسمع خبر موت
كلبها يعملها بالفراك...
وهي تشوف ابوي يعيط بسم محمد
اي محمد ابن عمتي...
وابن امي بالرضاعة محمد...
تربات ايد امي عايش بيت بصفنا بس كأنما عايش يمنا أكل وشربة كله يمنا ضحكة وشقاه كل ويانة اخوانة الخمس وأبو ضحكة الحلوة.

ايكولون محترك بالانفجار...
مفحم ما باقي بي شي سالم عبارة عن فحمه...
كلبنا انمله حزن بهذا اليوم من شخص عايش وياك وتشوفه دوم يمك وفجأءه تنام وتكعد ويكولولك مات لا وبطريقه فاجعة للقلوب بطريقه متتمناها للعدوو من تلكه كل اثر لجسدة ماكو غير حطاب للنار إلى شعلت بكل مكان...

اخوي عيسى ماكو خبر منة اخوي مفقود
لا هو عايش ولا هو ميت ولا هو جريح
محد يعرف عنه...
انقسموا ولدنا قسمين أخواني كلهم بين إلى يحضر فاتحة شاب بعمر الورد وبين إلى يدور بين الجثث على عضيدة واخوا أحس نفسي بنص مسلسل اتراجيدي واني اباوع على كل الأحداث واشوف عيون الكل هادئة ما عندي رد فعل
الناس كلها بيتنا...
بين إلى يصبر امي على اخوي وبين إلى يعزي عمتي ويواسيها على أبنها...

اليوم الثالث للفاتحه ومالكينا اخوي عيسى
الكل الاقتنع انو عيسى مات او جان قريب على السيارة لهل السبب ماكو اله وجود...
إلا امي
لا هدأت ولا تعبت وهي تكول دورا أخوكم عايش اني كلب والده اعرف بي
امل: - ولكم ابني عايش فدوة الطولكم ولكم وليدي روحو شوفوه والله ماصدك مات لا لا ابني هذا ما ميت كفايه فجعت وليدي محمد ولكم ولدي برمشت عين يرحون، ماصدك ولك يممممه محمد وينك يبو الضحكات الحلوة.

خالي كال بقت بس مستشفى الجمله العصبية ما رحنالها حتى مستشفى بعقوبة دورناها
الجرحى بكل المستشفيات دورتها...
وحتى الشهداء، مالكيناله اثر مبقينه مكان حته بلغنه ويانه مراكز الشرطه ادور...

هاي محمد لكينه جثتة بس عيسى ماكو
آخر شي كالوا ماخذين أربع جرحى للجمله العصبية أروح اشوفهم...
راح خالي
وأخذ وياة عمي ياسر...
ضلينا ندور بالمستشفى واحد من الممرضين كال والله جابولنا أربع حالات من انفجار واحد بنفس الساعة مات...

مالحكنا عليهم بقه بس واحد وحالتة خطرة كلش وحاليا بالعملية...
واثنين اجوي اهلهم حولوهم على الخاص
ياسر: - رحنا نشوف الولد إلى استشهد ولازم كلبي بيدي ما بقى دعاء ما ذكرتة على لساني أختي مستحيل تتحمل صدمتين...

ادري بيها محمد اتموت عليه وهو استشهد
إذا عيسى هم استشهد هاي موتتها سميت بسم الله ورحنا للثلاجة الموتى...
فتح الممرض الثلاجة...
وشفتة ماجان جبير...
لا ولد بداية شبابة يطلع عمرة بي19 و21
وجهة ما بي شي فقط قبق راسة طاير...
تنفست واني اكول الحمد لله مو عيسى بس كلبي نكسر على هالشاب...
الله يكون بعون اهله من يشوفوه بهيج منظر اوووووف، يالضحايه الانفجارات...
ما بقى عندي غير الجريح إلى بال العمليات.

كالوا نص ساعة وتكمل العملية خلي أنتظر
وأشوف...
فعلا ورة ساعة كامل يلا طلع الدكتور ركضت علي حاجيته...
كال هالمريض عجيب شلون عايش الرئة مضروبة
شضاية تارسة جسمه...
رأسه سويتلة عملية 18خياط براسة
فاقد دم هواي...
شضاية ضاربة أوتار أصابع ايدة اليسرى...
البنصر اضطرينا نبترا وايدة اليمنى صار بيها قصر يعني ما راح يكدر يطبك ايدة بشكل طبيعي...

طلبت من الدكتور اشوفة واني شبه المتاكد هو
متأكد هاي دعوات أمه طلعتة جان بالعناية المركزة...
كوة قبل اشوفة...
مشيت خطواتي خطوة تسابق خطوة كلي أمل ولهفة أرجع ابشر كلب أختي...
وافرح كلب أمه مفزوعة جانت كل خطوة اليه وبداخلي خوف...
وصلت واني متمني يكون عيسى
شفتة اي شفتة...
بس ما باقي من عيسى مكان سالم راسة مضبر
وجه كله دم...
مضبرة اثنينهن صدرة ورجلي
اني خالة كوة عرفتة...

خابرت على ولدي قصي وجاسم اجوي وكتلهم لكيتة تعالوا للجمله العصبية ابن عمتكم حالة خطرة كلش...

محتاجكم يمه تبقون أريد أرجع الفاتحة وابشر أختي...
وفعلا اجوي، واني رجعت للبيت
وصلت للفرع برأس الشارع قطعة سودة لمحمد
رغم البيت يبعد عن الشارع مسافة بس اسمع صرخة روح متعبة...

أعرفها كلش زين وما يخفة علي
هاي صرخة تمارة بنت اخوي...

وهي تنحب على شخص المفروض تنزف آله بأول يوم العيد، تبجي عله فراكها لاعلى شخص عدها رادته ورادها ومنتضرين باحلامهم اول ليلة عرس الهم إلى هيه بعد ايام قليله، اول لمست ايد بهل يوم اول كلمه غزل يسمعها بهل يووم كل هل احلام تلاشت ولم يسمع لها صووت غير صوت النحيب...

دايخ بزماني أفرح أختي باابنها لو اواسيها على ابنها الثاني الجان قطعه من روحها...

وصلت للبيت
وأشوف أمل كاعدة باب البيت
الساعة حاليا 3الضهر...

الجوء يفور صيف العراق وعدكم الحساب
وهي كاعدة بنص التراب...

ما تقبل لا تأكل ولا تشرب تاني خبر عن عيسى وترثي محمد إلى ربتة وتعبت علي وهي تنعي بكلماتها
الي تدمي الكلب...

شافتني من بعيد وهي إجت تركض علي
ياسر خوية كلي...

أمل: - طمني على وليدي والله كلبي يكلي عايش ماريد بس خشمه يشم الهواء كلي لكيتة وليدي مووو...

ياسر: - سحبتها لصدري واني اكلها قرة عينج خوية وليدج عايش ولكيتة...

ولدي يمه بالمستشفى بلغت رجلج يروحلة بس يكول ماعوف فاتحتة ابني الثاني راحولة اخوتة واجيت اطمنج...

كل ضني أختي راح تفرح بس أختي عافتني وراحت...
رحت امشي وراها واتابع خطواتها
وصلت لباب بيت حماتها...
ام محمد...
واني اخذني فضولي اشوف شتسوي كل ضني راح تبلغ بناتها وتفرحهن اخوهن عايش
شفتها وهي...
شكت ثوبها وطبت تعيط
وهسة يايمة يا محمد اجيت او في حق عزاك هسة يا يمه اجيتك واريد اكابل أمك وانعيلها وتنعيلي اني يا يمه إلى أريدها تصبرني على فركك اعذرني يالغالي تأخرت عليك بس كلبي نار على أخيك...

نايم يابو عيون الوسيعة
ولك ليش تروح وتعوفني
ولك مو وعدتني من تزعل من أمك تجي تعيش يمي...
ليش يا وليدي الماشالتك بطني هسه جوه التراب تبرد تحتر منو يمك ولك محمد يووووم ارجع، وين عفتنا كلبين كسرتهن كلبي وكلب امك يوليدي...

اسمع نحيبها وتكابلت هي وحماتها...
يودعن شاب بعمر الولد وانتهت انفاسا بالدنيا
كل هاي الأحداث واني مستمرة أشاهد
اباوع أغلب الأطفال اندمجوا باللعب مثل كل الفواتح...
إلا اني ماخذة زاوية وأشهد كلشي وعيوني تدرس كلشي صح اني طفلة بس انتبه لكل شي...

يكولون ايام الفرح قصيرة وأيام الحزن تطول.
فعلا هالشي.
ما صار أسبوع من خلصت الفاتحة وتعبها
ايام تحسها سنين من التعب والألم والحزن
رجعت الحياة طبيعية بالمنطقة وحتى بالسوك
الشي الوحيد إلى تغير...
هي القطع السود إلى ترست بداية السوك
دليل على الضحاية الراحوا...
يوم السبعة وكلها مخبوصة كاعد يحضرون فطور لأن الناس إلى راح تجي أغلبها صايمه
بعدة رمضان الكريم ما خلص...
اخوي عيسى تعدة مرحلة الخطر لكن.

صحتة متساعد حتى نطلعة من المستشفى
بس الحمد لله بعده عايش...
أخواتي وامي بعدهن مكابلات عمتي وكاعدات
باجر كلهن يرجعن لعيالهن...
كلها ترجع لحياتها الطبيعة، الا امه شلون تكدر تمشي وتكعد بلبيت وهيه يتراوالها بكل مكان هنا كعد هنا مشه هنا ضحك هنا وهناا وكلبها ماليه حزن بفراكه...

وتمارة خطيبتة محمد اخذوها اهلها مجرد ما انتهت الفاتحة...
حتى اليوم السابع هي ما اجتي ماقبلوا يجيبونها
تمارة تصير بنت خالي مرة اجتي علينا وبقت كل العطلة الصيفية هي جميلة كلش وطيبة وتنحب شافها محمد وحبها تقدم لخطبتها بس أمها رفضت وعاندت...

إلا هي تعاركت وي أمها وعافت اهلها واجتي علينا كالت ما ارجع والله شيسون خلي يسون اني احب محمد وهو يضحك ويكلها الله شكد حلوة هسة اهلج يكتلونة سوة...

حبهم جان مثل النسمه اثنينهم
روحهم حلوة وضحكتهم ما تفارك وجوهم
ادخل بابا وعمامي وكوة يلا قنعت مرت خالي ونخطبوا لبعض
تالي خطف الإرهاب منها حبيبها...
وتسلط اهلها عليها...
لدرجة منعوها تحظر السابع مالته...