قصص و روايات - قصص رائعة :

رواية خنجر غدر للكاتبة يارا رشدي الفصل الخامس

رواية خنجر غدر للكاتبة يارا رشدي الفصل الخامس

رواية خنجر غدر للكاتبة يارا رشدي الفصل الخامس

عاد من عمله وجدها تضع الطعام علي المائده اقترب من المائده ليجد ان الطعام مغلف ومن الواضح انه طعام جاهز من الخارج.
هتفت لبني إلى عمرو بصوت مرتفع: عمرو يلا علشان تتغدا بابا رجع
احنا هنتغدي دليفري النهارده؟!
قالها رشاد بتساؤل لتجيبه هي: كنت مصدعه ومعرفتش اعمل حاجه
حرك راسه بنفاذ صبر وكتم غضبه بداخله هاتفآ: هغير هدومي واجي اتغدي.

دلف إلى الغرفه وبدل ثيابه بضيق كل شئ اتفق عليه كلاهما بالامس لم تفعل هي منه اي شئ!

وفي المساء
يجلس رشاد في غرفه المكتب ينهي بعض اعماله اما لبني تجلس بالصغيره وبجانبها عمرو تقوم معه باستذكار دروسه.
انتبهت إلى هاتفها عندما وجدت طلب مراسله من شخص ما علي تطبيق الماسنجر
تناولته وقامت بفتح تلك الرساله لتجدها من حساب مزيف
بلاش تحرميني من رسايلي إلى ببعتهالك هي الوحيده إلى بتصبرني وتهدي قلبي.

دايما بقول لنفسي معقوله يجي اليوم إلى لبني تكون بين ايديا؟! اضمها لحضني واحط ايدي علي شعرها والمسه؟ انا نفسي اخدك في حضني اووي يا لبني
بقالي عشر سنين بتخيلك في حضني ومعايا
توترت لبني وهي تري كلماته تلك ضغط علي تلك الرساله ويديها ترتعش ثم قامت بحذفها ووضعته في الحظر.
فكرت في ان تخبر رشاد ولكن شعرت بخوف مما سوف يحدث. رشاد سوف يقتله لم يمرر ذلك الموضوع بسهوله ابدا.

سرحانه في ايه؟ البنت بتصرخ وعمرو بيكلمك كل ده مش حاسه
قالها تلك الجمله رشاد بعصبيه انتبهت هي له هاتفه: ايوه مش سرحانه اهو
نهضت من مكانها وهي تهز الصغيره ثم نظرت كتب عمرو هاتفه: تمام يا حبيبي اجابتك صح
اروح العب علي الايباد بقي
حركت راسها بنعم قائله: ربع ساعه بس وبعدبن تنام علشان بكره وراك مدرسه.

ركض الصغير إلى غرفته ليقول رشاد وهو يجلس علي الاريكه ويتناول جهاز التحكم الخاص بتلفاز: هتعملي عشاء النهارده ولا هيكون دليفري بردو؟
هو انا كل يوم بطلب دليفري علشان تتريق!؟
مش بتريق ولا حاجه بسال واشوف نظام العشاء هيكون ايه
عايز تاكل ايه؟
سندوتشات جبن رومي علي بيضه علي نستو اهو اسهل من كده مفيش
حاضر
وفي صباح يوم جديد.
استيقظ من نومه وجدها مازالت نائمه حرك راسه بعدم رضا ثم هزها برفق قائلا: لبني الساعه سبعه.

فتحت عينيها هاتفه وهي تتاؤب: مش عارفه ازاي نسيت اظبط المنبه امبارح
ورشاد يكتم غضبه بداخله. لا يريد ان يرفع صوته عليها ويقوم بعمل خلافات بينهما مره اخري.
ربما اليوم السبب المنبه فعلا، سينتظر لغدآ.
يجلس كلاهما علي المائده.
عمرو بجانب رشاد وعلي الناحيه الاخري لبني
تناول رشاد البيض المسلوق ثم قام ب قطمه ليجد بياضه اصفر اللون سائلا للغايه ومن الواضح انه لم تننظر عليها وهو في الماء المغليه.

هتفت لبني لتوتر: انا سبته خمس دقايق علي النار وعليتها علي الاخر
تناول قطعه الخبز بالجبن قائلا: مش مشكله انا هاكل جبنه ولانشون احسن
وبداخله غاضب وغير راضي تمامآ ايوجد اسهل من عمل البيض المسلوق! حتى ذلك تفشل في عمله؟! اي حظ نحس يملكه هو!

وجدت رساله اخري من حساب مجهول.
لم تقوم بفتحها ومعرفه المكتوب بها تركت طلب المراسله الخاص به معلق كلما قرات رسائله تشعر باشياء غريبه لما تشعر بها من قبل وهي لا تريد ذلك.
ظلت واقفه في المطبخ وتشغل علي هاتفها برامج الطبخ وتفعل ما تقوم به الطاهيه.
اتجهت إلى الغرفه عندما وصل اليها صوت بكاء الصغيره قامت بحملها ثم تابعت عملها.

اااه وانت بقي قررت تصبر وتكبر دماغك مره دليفري ومره بيض مسلوق لسه مستواش ومره جايه الغداء هيبقي نفس النظام وخلاص هتخلي حياتك كده؟
قالها حسن ليجيبه رشاد: انا صابر لحد ما اشوف اخرتها يعني اهي بتحاول مع نفسها ومش عايز ازعق ولا اتخانق معاها كل دقيقه ما صدقت البيت هدي شويه حتى ملك بطلت تزن زي الاول اهو ماشي معاها وهشوف
بصراحه انت مدلعها علي الاخر لو سلمي مراتي بتصرف زيها كنت طلقتها من زمان.

مش هخرب بيتي يا حسن بسهوله كده اهو انا مديها فرصه ترتب امورها وهي بتحاول يعني الايام دي بدات تهتم بيا شويه واكيد مع الوقت كل حاجه هتصلح
نهض حسن وهو يتناول الاوراق قائلا: انا هروح اشوف العملاء
رحل حسن وهو غير راضي تمامآ...
جلس علي المائده هاتفآ: هو عمرو مش هيتغدي؟
حركت لبني راسها بالنفي قائله: رجع من المدرسه جعان اتغدي وراح ينام
بدا رشاد في تناول الغداء ولبني ايضآ.
وكالعاده لم يكن مذاقه جيدآ.

هو الاكل مش عاجبك صح؟!
انتي اهو بتاكلي معايا شايفه ايه؟
اجابته بتوتر: انا مشيت بنفس المقادير إلى علي يوتيوب مش عارفه الاكل طلع طعمه كده ليه!
ضغط علي شفتيه ثم تناول قطعه الخبز وقام بقطمها ليتفاجئ ان الخبز به العديد من النمل مسح فمه بقوه وهو ينهض ويلقي قطعه الخبز علي المائده وفي لحظه قام بقلب المائده باكملها بيديه هاتفآ بزعيق: انتي العيشه معاكي بقيت مقرفه بجد.

نهضت وهي تدافع عن نفسها: والله انا سخنت العيش وحطيته علي الرخامه لحد ما اجهز الاكل
اشششش مش عايز اسمع اي مبرارت منك كفايه انتي مفيش فايده فيك اصلا عمرك ما هتتعلمي ولا تبقي ست بيت
قالها بانفعال ثم اتجه إلى الغرفه قام بتديل ثيابه وخرج تاركآ لها المنزل باكمله.

الساعه الثانيه صباحآ ورشاد لم ياتي للمنزل.
نظرت للمائده المحطمه الموجوده علي الارضيه بحسره. تناولت هاتفها ثم قامت بالاتصال به للمره العاشره ولكنه لم يجيبها.
ترددت كثيرآ وهي تنظر إلى رقم سلمي وفي النهايه اتخذت قرارها ثم قامت بالاتصال بها وعندما وصل لها صوت سلمي هتفت هي بتوتر: كنتي نايمه صح؟
اه بس ولا يهمك في حاجه ولا ايه قلقتيني؟

اتخانقنا انا ورشاد وهو نزل ولحد دلوقتي مرجعش وبكلمه مش بيرد ممكن بس تخلي حسن يكلمه اكيد هيرد عليه وتطمنيني انا بس عايزه اعرف هو فين لاني كلمت مامته مش موجود عندها وانا قلقانه عليه
حاضر يا حبيبتي هخلي حسن يكمله واطمنك
انهت المكالمه معها ثم نظرت إلى حسن الذي استيقظ علي صوت رنين هاتفها وهتف: مالها لبني في حاجه ولا ايه؟!
اتخانقت مع رشاد ومرجعش لحد دلوقتي كلمه شوفه فين لانها قلقانه عليه
اتخانقوا علي ايه؟!

اغمضت عينيها وهي تتمدد علي الفراش قائله بنعاس
معرفش يا حسن كلمه شوفه فين علشان ابلغ لبني خليها تتطمن
لا كملي نومك وانا هبقي ابلغ لبني
تبقي عملت طيب
نهض حسن من جانبها ثم تناول هاتف سلمي وهاتفه وخرج من الغرفه.
قامت بالاتصال برشاد ولكنه لم يجيبه ابتسم هو قائلا: بركه انك مش بترد
تناول هاتف سلمي ثم قام بالاتصال ب لبني وعندما وصل لها صوتها وهي تقول بلهفه: ها يا سلمي رد.

تؤ تؤ مردش ومش هيرد تلاقيه مشغول مع واحده ولا حاجه
قالها حسن بهدوء تام لتقول لبني بانفعال: انا جوزي مش خاين زي ناس
ومين الناس إلى خاينه دي؟!
عيب يا محترم لما تبص لمرات صاحبك وتبعتلها رسايل حب وغرام
مش بايدي يا لبني قلبي حبك غصب عني
بس بس بلا كلام فارغ ومن فضلك بلاش تخليني ابلغ رشاد بكل حاجه.

ضحك حسن بقوه وهو يقول: مش هتقدري لان رشاد لو عرف حاجه زي كده مش هيصدقك اصلا يا بنتي ده انا صاحبه من ابتدائي معقوله يكدب صاحب عمره وطفولته ويصدق واحده متجوزها بقاله عشر سنين بس! بصي يا لبني انا مش عايز ائذيكي ولا اعملك اي مشاكل انا بحبك عايزك معايا وقدامي دايما انتي تستاهلي تكوني مع حد بيحبك ويقدرك مش واحد زي رشاد كل إلى يهمه نفسه وبس فطاره وغدائه وعشاه بس وانتي مش حاسس بوجودك واحد يكبرك قدام الناس مش يخلي سيرتك علي كل لسان انتي عارفه كل يوم يجي الصبح لازم يحكي الفطار بتاعك كان شكله ايه وقد ايه انتي واحده ست مهمله مثلا النهارده الصبح البيض المسلوق عملتيه وحش ومعجبهوش وكل يوم لازم يحكي التقرير اليومي لكل إلى شغالين في المكتب وكل واحد بقي يقول كلمه.

ده انا لو عندي زيها كنت طلقتها، انت مستحملها ازاي وخدي من كلام ده كتير
لا تصدق ما تسمعه يقوم بفضحها امام الجميع في عمله!
انهت المكالمه في وجه ثم اغلقت الهاتف دفنت وجهها بالاريكه وصاحت باكيه واذا كان حسن محق في كلماته تلك فمن المؤكد هو محق في كلماته ان رشاد يخونها!

وفي صباح يوم جديد
لم ياتي رشاد إلى عمله ولا يجيب علي مكالمات حسن له.
اما رشاد هو عاد إلى المنزل وجد لبني تغفو علي الاريكه والمائده محطمه علي الارضيه وكالعاده فات عمرو اليوم الدراسي
قام برفع المائده استيقظت لبني علي صوت الضوضاء ثم قالت وهي تعتدل في جلستها: كنت فين؟
لم يجيبها واكمل تعديل المائده وتجميع الزجاج المحطم لتقترب منه لبني هاتفه بانفعال: بقولك كنت فين بايت امبارح طبعا كنت قاعد مع واحده.

رفع راسه ونظر لها وهو يضيق بين حاجبيه قائلا باستغراب ;
واحده!
انا عرفت كل حاجه سيرتي إلى مخليها علي كل لسان في شغلك والبنات إلى بتخوني معاهم
وعرفتي منين يا تري المعلومات الرهيبه دي؟
قالها ساخرآ لتقول هي: عرفت وخلاص
نهض من الارضيه بعدما قام بتعديل المائده وازاحها من طريقه قائلا: طب اوعي من وشي دلوقتي وحضريلي الشنطه بتاعتي علشان مسافر
مسافر فين؟

لم يجيبها بشئ دلف إلى غرفه النوم ثم قام بفك زررت قميصه الاسود لتقول هي بعصبيه: رد عليا مسافر رايح فين يا رشاد؟! من امته اصلا انت بتسافر ولا بتتحرك من البيت
هتف هو ببرود تام وهو يلقي قميصه علي الفراش: رايح اخد الست إلى بخونك معاها وهروح اقضي كام يوم كده اريح اعصابي من القرف إلى عايش فيه
يعني انت بتخوني فعلا!
حرك راسه بنعم وهو يقول: ايوه بظبط
انت بتكلم بجد ولا ايه؟!

قالتها هي بحيره ليجيبها رشاد وهو يجذبها من ذراعيها اليه قائلا: هو انتي عايزه ايه؟ مره تطلعيني انا إلى ابن ستين وبزعق كل شويه ومش بسمعك كلمه حلوه وكل إلى يهمني نفسي وبس ومره تطلعيني بخونك وبجيب سيرتك لصحابي إلى في شغل هو انتي ايه بتدوري علي اي حاجه تلبسهالي وخلاص صبرت عليكي وقولت هتتعلمي وتتغيري اتنيلتي بزياده عايزه يا لبني رد عليا؟!

قال جملته تلك وهو يصرخ بها لتقول هي برعشه في نبرتها: عايزه اعرف مسافر فين وبتخوني ولا لا وسيرتي بتجيبها للي في شغل عندك ولا لا
ترك ذراعيها وهو يقول: مسافر تبع زفت شغل المدير اتصل بيا وقالي في عملاء في السويس اروح امضي معاهم العقد.
وبخونك ولا لا لا يا ستي مش بخونك لانك كرهتيني في صنف الستات كله وسيرتك مش بجيبها مع حد في شغل غير حسن بحكيله الهم إلى انا عايش فيه.

والان وضحت الصوره امامها حسن يحاول اختلاق المشاكل بينها وبين زوجها!
قام بفتح الخزينه هاتفآ بجمود: انا كلمت ماما تشوف واحده تيجي تساعدك في شغل البيت وتطبخ لان الهانم إلى متجوزها مفيش منها امل بس اي حاجه هتتسرق من البيت انا مليش دعوه ومش مسئول متجيش تشتكيلي.

الفصل التالي
جميع الفصول
روايات الكاتب
روايات مشابهة