رواية خادمة في عصر اللذة للكاتبة هاجر عبد الحليم الفصل السادس
ف شقة ورد
طق طق
نسمة:ازيك ياطنط
احلام:الحمد لله يانسمة..جيتى ف وقتك..خشى شوفى ورد عمالة تعيط جوة..هديها وبالمرة عقليها علشان انا خلاص..تعبت وفاض بيا خلاص
ودخلت المطبخ..نسمة فضلت تبص عليها ب استغراب..بعد كدة دخلت اوضة ورد..لقيتها بتعيط وبتترعش جامد..نسمة اتخضت عليها..دى مهما كان صاحبة عمرها وتربوا سوا...جريت عليها وحضنتها وقالت:انتى بتترعشى كدة ليه ياورد.هى الجوازة دى مش ع هواكى ولا ايه؟!
ورد بعياط:انا ف نصيبه يانسمة؟!
نسمة:نصيبة ايه بس ياورد..احكيلى ياحبيتى..وربنا يقدرنى واساعدك..انا عرفت من سحر ان قراية فتحتك انهردة..مين العريس؟!
ورد بعياط:سالم صاحب الشقة اللى عنده 45 سنة..مش كفايا سنه. كمان عايزنى اسافر الصعيد واعيش مع اهله هناك..غير ان ف نصيبة اكبر مش عارفة اعمل فيها ايه...انا هدخل دخلة بلدى يانسمة..لسة ماما قايلالى حاولت اقنعها واقولها بلاش بس فضلت تعيط وتقولى ع عينى تحسى انها مش عايزة كدة بس مغصوبة...مش فاهمة ايه اللى يخليها توافق ان بنتها يحصل فيها كدة
نسمة:دخلة بلدى..دة ايه القرف دة..وبعدين انتى ازاى ضعيفة كدة..ازاى تقبلى ع نفسك انه يحصل فيها كدة.انتى مش مستوعبة فرق السن اللى بينكوا هيبقى خطر اد ايه بعدين...وبعدين حياتك هتبقى ف خطر لو دخلتى بالطريقة دى.
ورد بعياط:مش عارفة صدقينى..شورى عليا يانسمة..قوليلى اعمل ايه انا حسة انى تايهة مش عارفو افكر..ساعات الشيطان بيقولى اهربى بس ارجع اقول لنفسى اروح فين هو انا ليا حد اروحله حتى قرايب بابا الواحد ميعرفش عنهم حاجة
طق طق
نسمة:امسحى دموعك دى..وربنا يسهلها من عنده..ادخل
احلام:يلة يانسمة..خليكى معايا علشان نجهز ورد..علشان عريسها واهله ع وصول
نسمة بشفقة ع حال ورد قالت:حاضر ياطنط..هو انا عندى كام ورد..دى زى اختى.. ربنا يعلم.
بليل
احلام:ما شاء الله عليكى ياحبيتى..بدر منور بصحيح
ورد بحزن:شكرا
خليل:متفردى وشك دة يابت..اهلوا هيقولوا ايه عايزين نجوزك غصب؟!
ورد:خلاص يابابا هضحك اهو..مش يلة بقا ولا هفضل محبوسة كدة كتير
خليل:لا خليكوا هنا..انا هقعد معاه ونتقق ع كل حاجة بعد كدة هنقرا الفاتحة
احلام:يعنى مش هتخليهم يقعدوا مع بعض شوية ياخليل..البت تاخد عليه بردو ...هى متعرفوش كويس
خليل:لا معندناش بنات تقعد مع الرجالة..بعد كتب الكتاب تقعد معاه براحتها..نسمة خليكى قاعدة مع ورد عقبال م قراية الفاتحة تتم
نسمة:حاضر ياعمى.
خليل:تمام
وخرج يقعد مع سالم ويتفق معاه
ورد:يعنى ايه الكلام دة بقا؟! هو كل مرة تقولوا حاجة وانا المفروض اوافق عليها واحط جزمة ف بقى واسكت
احلام:ابوكى بيتكلم ف الاصول..ايه الكلام اللى قالوا غلط يعنى؟!
ورد اتعصبت جت تتكلم بس نسمة قرصتها ف دراعها وقالت:خلاص ياورد عدى الليلة بالله عليكى
ورد بعياط:يعنى ايه؟!انا مش سلعة علشان يتاجر بيا كدة..حرام ياخلق والله حرام...انا كل متخيل نفسى مع الراجل دة..احس بقرف فاهمة يعنى ايه..انا مش طايقة ابص ف وشه..هطيق ريحته ونفسه ازاى..والله كل اللى بيحصل دة ميرضيش ربنا..ربنا اسمه العدل واكيد هينقذنى من اللى انا فيه.
احلام بعياط:لاحول ولا قوة الا بالله...لا حول ولا قوة الا بالله
شوية وسمعوا خليل بيقول بصوت عالى:زغرطوا يااهل البيت..بنتى ورد اتقرا فتحتها
احلام زغرطت بس من جواها وجع وقهر ع بنتها..ونسمة خدت ورد ف حضنها وفضلت تعيط وبتدعى انه يخلصها من كل الوجع دة
ف الكباريه
ف الصالة
نوال:هو دة الكباريه
حيدر:ايوة هو
نوال:فين الصاوى؟!
حيدر:طلقك حامى ليه كدة؟! اصبرى شوية
نوال:ياحيدر انا عايزة اخلص من القضية دى..الموضوع هيخلص لما اقابل الصاوى ف يلة بسرعة خلينا نقابلوا
حيدر:بس انتى مش ملاحظة حاجة
نوال:حاجة ايه؟!
حيدر:الناس عمالة تبصلك من ساعة مدخلتى..وشكلها كدة بداية كويسة
نوال:ولسة..انا هسوى اللى اسمه الصاوى دة ع نار هادية بس انت اصبر عليا
حيدر بهمس:تعرفى هو حاليا بيبص علينا دلوقتى ومركز معانا بالجامد
نوال بنفس الهمس: ايوة منا واخدة بالى...مش هو اللى فوق دة؟!
حيدر:ايوة
نوال بصت عليه وغمزتله وشاورتله ب ايدها
نوال:بس شكله مش هياخد ف ايدى غلوة
حيدر:ورينا شطارتك
ف مكتب الصاوى
حيدر:المعلم الكبير..ازيك ياباشا
الصاوى:اهلا ياحيدر..مين الموزة اللى معاك دى؟!
نوال قعدت وقالت:اسمى نوسة ياباشا..وانت متعرفش فرحتى كانت عاملة ازاى لما حيدر جى وقالى اشتغل معاك ف الكباريه..بجد كنت طايرة من السعادة
ااصاوى:مش ادى والله..هو انتى ع كدة تعرفينى؟!
نوال:طبعا ياباشا اعرف سعادتك اصلى جيت كذا مرة وشوفتك بس الصراحة عجبننى اوى..بقولك ياحيدر متسيبنى شوية مع الباشا
حيدر:امشى
الصاوى:طريق السلامة
حيدر:هههههههههه...ماشى الله بسهله.
خرج حيدر وع وجهه ابتسامة نصر..واخيرا قدر يخرج نسمة من اللى هى فيه..وب اسلوبه وبمساعدة نوال ليه هيقدر يقبض ع المنظمة..وهيخلى الصاوى ينسى نسمة خالص
خرجت نوال وغمزت لحيدر ومشيت..هو دخل مكتب الصاوى علشان يعرف رايه ف نوال
حيدر:حبيبى ياباشا..بس انا زعلان منك
الصاوى:ليه بس ياحيدر..دة انت طلعت غالى اوى..واللى انتى تطلبه انا موافق عليه..البت طلعت مش سهلة..دى عسل نحل..دى فراولة ياراجل ههههههههه دى مكنتش مخليانى واقف ع بعضى
حيدر بمكر:ايه الحكاية..هو ايه اللى حصل ف غيابى؟!
الصاوى:بصراحة هى دخلت دماغى...وانت كمان بردو
حيدر:انا كمان ايه لامؤخذة..لا ياباشا انا راجل اوى يعنى.
الصاوى:ههههههههههههه انت فهمت ايه...اقصد انا خلاص وثقت فيك..والبت دى هتشتغل معايا ف الصالة لمدة اسبوع وبعد كدة هشغلكوا انتوا الاتنين معايا..دى عليها طريقة كلام ...اموت انا ف البسكوت