رواية خادمة في عصر اللذة للكاتبة هاجر عبد الحليم الفصل السابع عشر
ف ااصالة
حسين:خليك ياكريم..مينفعش تروح معانا..انت ناسى مالك وتسنيم...مينفعش ييجوا معانا..خليك معاهم ولو ف جديد هبلغك
كريم:بس يابابا ليالى ف حالة صعبة ولازم حد يكون جمبها..وانا عايز اكون الحد دة...ارجوك يابابا افهمنى
حسين:افهمنى انت ياكريم..مينفعش اللى بتقوله دة يبنى..ليالى مش حلالك لسة..ودة السبب اللى بيخليك ع طول متضايق..وبرده السبب اللى بيخلى ليالى بتتجاهل الكلام معاك..يبنى لما تتجوزوا ساعتها اعمل فيها ما بدالك..محدش هيقدر يتكلم..لكن دلوقت ركز مع ابنك ومراتك ع الاقل لحد متطلقها..لكن ليالى احنا كلنا معاها ومش هنسيبها..هى اصلا مش مركزة مع حد...مفيش ع لسانها..غير وليد..ربنا يستر ويقوم بس بسلامة..يلة سلام علشان شويكار بتنادى.
كريم بحزن:اتفضل يابابا..وابقى طمنى ارجوك
حسين:حاضر
ف العربية
ليالى بعياط:يارب نجيه يارب...يارب نجيه..وحيات حبيبك النبى لتنجيه..والله مسامحاه والله...ياماما..انا خايفة عليه اوى...مش ياخد باله..ازاى الحادثة دى تحصل...مش لازم يموت ياماما..مش لازم...يارب نجيه انت قادر ع كل شى..يارب متخليهوش يقابلك وهو ع معصية..اغسله من ذنوبه يارب..قلبى واجعنى اوى ياماما
شويكار خدتها ف حضنها وقالت بعياط:اخيرا سمعت كلمة ماما منك ياليالى..واخيرا حضنتينى ب ارادتك..بس يارب تكونى بجد سامحتينى من قلبك..ومتقلقيش ان شاء الله اخوكى هيقوم بسلامة
رضوى مسكت ايد ليالى وقالت بعياط:متخافيش ياليالى...وبلاش عياط..علشان انا اصلا بتاثر باللى حواليا.
ليالى بصتلها وقالت:تعرفى انك عسولة خالص..وكلامك عسل زيك كمان...مش مصدقة انى عندى اخت جميلة زيك كدة...تعالى يارضوى ف حضنى
رضوى حضنتها وقالت بعياط:هو هيقوم ياليالى مش كدة؟! ربنا رحيم وهيرحمه...وانتى بتقولى انك سامحتيه..يبقى هياخده مننا ليه...هو بيحبك اوى ياليالى...كانك واخدة روحه ومشيتى..وهو طول المدة دى..بيدور عليها علشان حاسس انه تايه من غيرها..ادعى ياليالى ربنا يقومه..بسلامة..دة اخونا وضهرنا
ليالى بعياط:هيقوم..وهيتوب..وحاله هينصلح علشان نفسه وعلشانها احنا كمان يارضوى...ربنا اكيد ليه حكمة ف اللى حصل..وشايف قلب وليد من جوة..لو فعلا حاسس ان وليد يستحق رضا ربنا عليه..ان شاء الله هيقوم...بس احنا هندعى ومن قلوبنا كمان..يارب خير.
رضوى:انا بحبك اوى ياليالى
ليالى خدتها ف حضنها اكتر وقالت:وانا كمان بحبك
وف لحظة افتكرت سحر وخناقها معاها..فعيطت اكتر وشدت ع رضوى اكتر
شويكار بصت ع حسين ب ابتسامة رضا..هو بادلها ب ابتسامة حب...هى اتوترت..واستغفرت ربها..وركزت مع بناتها..وفضلت تدعى ان صبرى يتقبل ليالى وميحصلش ليها حاجة.
ف قصر حسين
ف اوضة مالك
مالك بيلعب وكريم فضل مراقبه ب ابتسامة حب.
مالك:بابى تعالى العب معايا
كريم:العب ايه؟!
مالك:اى حاجة..ف دومنة ف الدرج تحب تلعبها معايا؟!
كريم:دة ع كدة بتعرف تلعب دومنة
مالك:ايوة بلعبها حلو اوى...وممكن اخسرك كمان
كريم:ههههههه...ماشى ياسيدى وانا موافق العب معاك...هاتها يلة
مالك سقف بفرحة وقام جاب الدومنة وفضلوا يلعبوا..وفعلا مالك هزم كريم ف اللعبة..واستغرب من ذكاءوا...ع الرغم من سنه الصغير..بس بيلعبها ب احترافية
مالك:ههههههه..دة انا جامد...مش قولتلك يابابى..حتى مامى لما بتيجى تلعب معايا...بهزمها ع طول..تعرف هى بتحبك اوى؟!
كريم:بتحبنى! وايش عرفك انت بقا؟!
مالك:هات ودنك وانا اقولك
كريم:اتفضل..ادى ودنى اهى
كريم ادى لمالك ودنه..وفجاه
مالك:توووووووت
كريم:اااااه ودنى..اه ياابن اللذينة.
كريم فضل يزغزغ ف مالك..وهو بيضحك..راح شاله..وقعده ع حجره وقال:بطل رخامة وقولى..ايش عرفك انها بتحبنى؟!
مالك:بشوفها بليل وهى بتعيط..وكانت دايما بتقولى انك زوج مخلص وكنت بتحبها بس حصلت مشاكل بينكم..وانت سافرت وسيبتها..ليه عملت كدة يابابى..ازاى بتحبها وسافرت من غيرها..انا مش فاهم حاجة
كريم:ياحبيبى..لما تكبر هتفهم..بس صدقنى انا قعدت ادور عليك كتير..وعدم وجودك جمبى سببلى مشاكل كتير..هواجس وهلوسة...بس لما شوفتك كل دة اختفى..بس قولى هو انت مش هتسيبنى تانى صح؟!
مالك:ابدا..ابدا...وانت قولى هترجع لمامى صح؟!
كريم سكت ومعلقتش
مالك:بابى انت مش بترد ليه؟!
كريم:ياحبيبى..انا مينفعش ارجع لوالدتك علشان انا بحب واحدة غيرها..وبعدين مامى مش عاوزة تعيش معايا..وانا هنفذلها رغبتها دى. بس انا مش هحرمك منها..وقت متعوز تشوفها قولى وانا اوديك ليها...موافق
مالك:لا
كريم:اومال عايز ايه يامالك؟!
مالك:ترجعوا لبعض
كريم:مينفعش يامالك..ف مشاكل حصلت كتير بينا...لا انا ولاهى سهل ننساها..البعد احسن
مالك:انت بتقول انك مش عاوز ماما...يبقى لازم ماما تقول كمان انها مش عاوزاك..لو قالت كدة...هوافق تبعدوا عن بعض..بس انا اللى اختارلك العروسة يابابى هههههههه
كريم:ههههههه..تدوم الضحكة...ربنا يستر بس وتختارلى عروسة حلوة
مالك:عايزك تتجوز ورد..دى صحبتى وانا بحبها
كريم بسرحان:ورد...هى لحقت تبقى صحبتك...ع كدة بتحبها يامالك؟!
مالك:اوى يابابى..بحبها اوى بجد..عسولة وحلوة اوى..تعرف انت لو مش اتجوزتها هتجوزها انا..بس هى صغيرة عليا اوى..بتقولى ياصغنن..قولتلها مش بحب كدة...قالتلى انا راجل
كريم حضنه وقال:انت فعلا راجل..وبعد عمر طويل..انت اللى هتشيلنى
ف المستشفى
حسين وليالى وشويكار ورضوى وصلوا المستشفى لقوا فواز ومها
حسين:الدكتور خرج ولا لسة؟!
فواز:لا لسة..اقعدوا ارتاحوا عقبال م يخرج
مها خدت بالى ب اللى بتعيط ف حضن رضوى..ومستغربة هى بتعيط بالحرقة دى ليه؟!
مها:مين دى يافواز؟!
فواز:والله معرف...انا اول مرة اشوفها..استنى كدة...قولى ياحسين..مين اللى مع رضوى دى؟!
ليالى بصت ع رضوى بتوتر اللى مسكت ايدها وقالت:متخافيش...احنا كلنا جمبك
حسين:مش وقته يافواز..دة موضوع لوحده..نطمن ع وايد الاول..بعد كدة لينا قاعدة..ومش هنقوم منها..الا والكل كسبان
مها بصت ع شويكار بحقد..بعد كدة راحتلها
مها:اهلا بالى بعدت ابنى عنى؟! اعتقد انك فرحانة بعد اللى عملتيه مش كدة؟!
شويكار:تصدقى عمرى مشوفت واحدة بجحة زيك..دة وقت تتكلمى معايا فيه..وابنى بين الحياه والموت..اقول ايه منتى واحدة
مها:اوعى تغلطى...والا متلوميش الا نفسك...فاهمة
شويكار:انتى جاية ليه دلوقت؟!
مها:جاية علشان اقولك..اوعى تفتكرى انى هعدى اللى حصل...انتى لازم تتدفعى التمن...اكيد ليكى نقطة ضعف..هلاقيها والعب معاكى بيها...علشان بس تعرفى تسخنى ابنى عليا صح
شويكار:مش عارفة انتى ازاى فيكى حيل تهددى..هى مش جمعيتك هتتقفل..ولازم تشوفى مشترى كويس علشان يشترى الارض..تعرفى انا لو واحدة مؤذية فعلا مش اخليكى تنجحى ف انك تلاقى المشترى دة..وساعتها الكل هيطالب بفلوسه وسيادتك هتكونى ف السجن.
مها بتوتر:عرفتى منين؟!
شويكار:ايه..شكلك خوفتى..توء توء..متخافيش..انا بقولك لو كنت مؤذية..بس انا مش كدة..علشان انا مش زيك..وفى فرق كبير اوى ما بينا...يامها هانم..واوعى تفتكرى علشان ابنك ظابط تقدرى تلعبى ع كيفك من غير حساب..لا فوقى لنفسك..علشان هتلاقى ناس كتير..هتقف ف وشك..فهمتى ولا المخ بعافية شوية
مها بوعيد:ماشى ياشويكار...ماشى
عند حسين وفواز
فواز:انت بتتكلم جد...يعنى دى ليالى بنته..جاية بعد 25 سنة..ليه دلوقت ياحسين؟! وبعدين انت اتاكدت انها بنت صبرى؟
حسين:ايوة يافواز..التحاليل مع شويكار.انا بقولك علشان لما صبرى ييجى مكنش انا لوحدى اللى بتكلم..لازم يحس ان الكل...بيحارب علشان حق البنت الغلبانة دى ميروحش ف الارض..انا عارف انه بيحبك..وبتعرف ناثر عليه جامد علشان كدة عايزك تساعدنى...علشان لو صبرى اتهور ممكن دماغه تروح لسكة اخرتها سودا...ممكن يقتلها...ها يافواز هتساعدنى؟!
فواز بمكر:اكيد...ياحسين...وبعدين عيب تقول كدة..دى بنت اخويا برده
فواز ف سره:اهى فرصة وجت لحد عندك يافواز...لازم تستغلها صح
حسين جاى يتكلم بس اللى منعة ان الدكتور خرج..الكل جرى عليه بلهفة علشان يطمنوا
الدكتور:الحقيقة ياجماعة هو بخير ونجاته من الحادثة البشعة دى ف حد ذاتها معجزة من عند ربنا
شويكار:ليه بتقول كدة يادكتور؟! ارجوك طمنى
الدكتور:هو كان سايق اكيد بسرعة علشان العربية فرقعت نتيجة السخونة الزايدة من حظه الحلو ان العربية اتشقلبت ورجعت لوضعها الطبيعى تانى..واتشقلبت ع الرمل مش ع الاسفلت لو كان دة حصل كانت العربية اكيد ولعت..هو بس راسه اتفتحت فتحة كبيرة شوية بس اتعاملنا معاها وبقه برده حصله مضاعفات بس هيعمل عملية تجميل وهيبقى كويس..دة غير الكدمات اللى ف جسمه...هو مش هيتحرك ع الاقل شهر..مش لازم يعمل اى مجهود..لو كدة ممكن يخرج بكرة بس لازم مريضة تكون معاه ف البيت وتابع حالته وبعديها ب اسبوع ييجى علشان يعمل العملية...وهكتبله كمان ع مرهم حلو.يقدر يدهن جسمه بيه..وان شاء الله الكدمات هتروح.
شويكار:الف شكر يادكتور..بجد الواحد مش عارف يقول لحضرتك ايه..طب لو سمحت ممكن ندخله؟!
الدكتور:طبعا بس مش لفترة كبيرة علشان راحة المريض..ولو ف حد عايز يبات معاه..اعتقد واحد او اتنين كفايا اوى
ليالى:ممكن ابات معاه انا وماما..وانتوا روحوا..بعد م تتطمنوا عليه اكيد
مها بصدمة:ماما...ماما ازاى؟!
فواز قرص مها وقالها:اسكتى دلوقت..وهفهمك بعدين
مها ف سرها:دة لو اللى ف دماغى صح..يبقى حاجة جامدة اخر حاجة
الدكتور:اتفضلوا ادخلوا...ايوة وياريت اللى اسمها ليالى تخشله..علشان مفيش ع لسانه غير الاسم دة...عن اذنكم
ف قصر حسين
ف اوضة كريم
كريم:انتى بتعملى ايه؟!
نسنيم:بلبس
كريم:ليه؟!
نسنيم:هو ايه اللى ليه؟! عايزة امشى مش طايقة العيشة هنا
كريم:هى عيشتك معايا كانت تقيلة ع القلب اوى كدة
تسنيم:مش قصدى..بس انا ملاحظة انى ضيفة تقيلة وحاسة كمان ان قلبك مع واحدة تانية..يبقى ليه اقعد؟
كريم:بتغيرى؟!
تسنيم:المسالة مش مسالة غيرة ع فكرة..المسالة مسالة كرامتى كست..وانا حاسة انها بتتهان وانا هنا..فلو سمحت ياكريم..خلينى امشى من غير شوشرة ومشاكل..ولو ع ابنى انا مستعدة اتنازل عنه ليك..علشان بس صبرك ع مرضك طول السنين دى اللى انا بس السبب فيها
كريم:بس كدة ولا ف حاجة تانى؟!
تسنيم:ايوة..لازم تعرف مش معنى انى اتنازلت عن ابنى يبقى تحرمنى منه..لو عاوزه اشوفه تخلينه اشوفه..ودة مش امر دة طلب واتمنى تقبله؟!
كريم:موافق
تسنيم:بجد
كريم:ايوة موافق..بس علشان مالك هو مش عاوز ينحرم منك...بس قبل متمشى لازم نتطلق رسمى وتتكلمى مع مالك وتفهميه براحة ومتخافيش عليه هو تقريبا مهيا لحاجة زى كدة
تسنيم:حاضر هتكلم معاه..وع فكرة ف حاجة لازم تعرفها..انا حبيتك بجد ياكريم...بس حبى ليك مكنش قوى كفايا انى استحمل ساديتك معايا..كانت حاجة فوق طاقتى
كريم:ساديتى!
تسنيم:ياريت من غير سخرية...انت لازم تكون متقبل مرضك دة..بس اللى مش فاهماه..انك هتعيد كل دة مع اللى هتتجوزها
كريم:انا كنت سادى..لكن دلوقتى لا...اللى متعرفوش انك لما سابيتى اتعالجت من ااسادية...وبمجرد م المرض دة اختفى من حياتى حل محله الوسوسة والهواجس بعد م حضرتك هربتى وحرمتينى من ابنى..لو عاوزة اوصفلك كم المعاناه اللى عيشتها الواحد محتاج قاموس وياريته ينجح.
تسنيم:كويس انك اتعالجت..دة علشان نفسك..مش علشان حد..اتمنالك السعادة ياكريم
كريم: تفتكرى اللى زيي يعرفوا طريق السعادة؟!
تسنيم:خلى عندك امل...واكيد اللى بتحبها..هتخرجك من دة كله
كريم:اتفضلى معايا علشان نوثق الطلاق..بس قبل كدة اعملى اللى قولتلك عليه
تسنيم:حاضر...هو انا ممكن اطلب منك طلب؟!.
كريم:اتفضلى
تسنيم:نبقى صحاب
كريم:صعب ياتسنيم..احنا نبعد عن بعض احسن..ويبقى بينا احترام بس علشان خاطر الولد اللى بينا..عايزين نطلعه سوى من غير عقد
تسنيم:تمام ياكريم..براحتك..مش هضغط عليك
ف القسم
حيدر:لا ياشيخ..عايزنى اقابل الصاوى..انت اتجننت ف عقلك..لما بشوفه ببقا عاوز اخنقه وافعصه..لا ياعبدالرحمن..دة مش ممكن يحصل
عبدالرحمن:براحتك..بس ع الاقل يوم ميتعدم لازم تكون هناك
حيدر:اكيد ان شاء الله..هو دة اسمه كلام...لازم اشوف نهايته وهو بيتخنق وبيتالم قصاد عينى..علشان اللى عمله مش هين..سيبك منه. وقولى هو انت مش ناوى تتجوز؟!
عبدالرحمن:عندك عروسة
حيدر:ايوة
عبدالرحمن:مين
حيدر:رضوى بنت عمى...ايه رايك؟!
عبدالرحمن:انا نقريبا شوفتها بس وشها مش فاكره...بس يعنى لو قولت موافق هى بقا رد فعلها هيكون ايه؟!
حيدر:لازم تشوفوا بعض الاول...وقلوبكوا هى اللى تحدد
عبدالرحمن:وانا اشوفها فين؟!
حيدر:عيد ميلادها تقريبا كدة بكرة وهى دايما بتعمل الحفلة دى كل سنة..تقدر تيجى وتشوفها...اعتقد مش هتلاقى فرصة احسن من كدة
عبدالرحمن:تمام..مع انى مش مقتنع بجواز الصالونات دة...بس هادى لنفسى فرصة يمكن الصنارة تغمز ولا حاجة
حيدر:ربنا يكتبلك اللى ف الخير...ايه اخبار الترقية؟!
عبدالرحمن:هتترقى ياعم..مالك قلقان كدة ليه؟! بصراحة انت تستاهل الترقية..علشان تعبت معانا قوى...ف قضية الصاوى..الحمد لله ان احنا كنا ع علم بكل اللى بيحصل وقدرنا نرجع البنات ل اهاليهم..وقبضنا ع الشبكة كلها بمجرد م انت عرفتهم
حيدر:الحمد لله..ان انا قدرت اخرج نسمة من اللى هى كانت فيه..ورجعتلها حقها..حقيقى اثبت لنفسى انى زوج كويس
عبدالرحمن:صدق اللى قال ان الدم بيحن.
ف المستشفى
وليد بهمس:ليالى..ليالى
شويكار:روحيله ياليالى
ليالى بصتلها بتوتر..بس راحت وقعدت جمبه ومسكت ايده وباستها وهى بتعيط وتقول:وليد..وليد..فوق..انا اهو جمبك
وليد لسة مغمض عينه..هو اه سامعها مش قادر يتكلم من وجع جسمه
ليالى:طب لو سامعنى..حرك اى حاجة ف جسمك..اربش بعينك حتى...بس علشان اتاكد انك سامعنى
وليد ربش بعينه بس بالعافية
ليالى:انت هتبقى كويس..لو حاسس انك محتاج ترتاح..احنا ممكن نقوم.
وليد فتح عينه ببطء وبصلها وعينه كلها دموع...جاى يتكلم بس معرفش من وجع بقه..وغير كدة حتى لو اتكلم هى مش هتفهم حاجة.
ليالى:وليد انا مسامحاك.متعيطتش ارجوك..وبلاش تتعب نفسك..الدكتور قال لازم ترتاح علشان الكدمات اللى ف جسمك دى..اكيد من خبط العربية والازاز اللى دخل ف جسمك..الحمد لله انك قومت بسلامة
شويكار قعدت جمب وليد..اللى اترمى ف حضنها وفضل يعيط بصوت عالى
شويكار:يبنى بس...علشان خاطر تعبك مش يزيد...بلاش عياط...انا مش مستحمل
حسين:الدكتور قال لازم يغير ع جرح راسه وكمان بقه فلما يروح ع القصر خليكى جمبه.هو مش قادر يتكلم ولا يقول هو عايز ايه
شويكار:هو مش الدكتور قال انه يقدر يعمل العملية بعد اسبوع؟!
حسين:ايوة..بس اعتقد وليد مش هيقدر حتى انه يتكلم الا بعد اسبوع من دلوقت
ليالى جت تقوم..بس وليد مسك ايدها وشاور براسه بمعنى لا
ليالى مسكت ايده جامد وضحكت
ليالى:متقلقش انا جمبك..وهبات معاك لحد مترجع ع القصر..ها مرضى كدة؟!
وليد شاور براسه ب اه
حسين:انا هنزل الحسابات ادفع بعد كدة هروح ع القصر
شويكار:خد رضوى معاك..علشان الدكتور قال واحد او اتين بس يباتوا
حسين:خلاص تمام..يلة يارضوى
رضوى باست راس وليد وقالت:ربنا يطمنا عليك ياوليد
وبصت ع ليالى وقالت:خدى بالك منه
ليالى:حاضر متقلقيش
مها:يلة بينا احنا كمان...علشان الواحد حاسس انه ف مسلسل هندى...انا بجد مش فاهمة حاجة
فواز شدها ليه جامد وقال:مقولنا اسكتى.دى ليالى..ايه متعرفهاش
مها:لا عارفاها..بس ع حد علمى ماتت.دى بقا تطلع مين؟!
فواز:عن اذنكم احنا بقا..يلة يالى موديانى ف داهية
وشدها وخرجوا
شويكار:اعوذ بالله
رضوى:ربنا يهديهم..بجد مرات عمى دى حاجة صعبة..دة انا كان فضيلى تكة وابقا زيها
حسين:خلاص ياجماعة...اهوم مشيوا...يلة بينا احنا يارضوى..خليهم يرتاحوا شوية
رضوى ب استلام:حاضر ياعمى
ف قصر حسين
ف الصالة
حسين:هو انت لحقت؟!
رضوى:طلقتها ياابيه
كريم:ايوة طلقتها هم وخلصت منه بس علشان ليالى مش تحس ان فى واحدة بتشاركنى فيها..علشان الموضوع دة م اثر ف نفسيتها اوى
رضوى:وهى فين دلوقت؟!
كريم:ف اوتيل اسمه...هتقعد فيه كام يوم لحد متشوف توصل ل اهلها ازاى؟!
حسين:ومالك اتقبل الموضوع؟!
كريم:بصراحة الولد متفاهم جدا..واتقبل الموضوع بسرعة..هو نايم ف اوضته..ايه اخبار وليد؟!
حسين:تعبان والله..وحاله يصعب ع الكافر..جسمه كله كدمات وغير وشه كمان..بس الحمد لله قضا اخف من قضا
كريم:اومال ليالى ومرات عمى فين؟!
حسين:بيتين معاه..انا هطلع انام..علشان حقيقى مهدود
كريم:اتفضل يابابا
ف فلة مها وفواز
فواز:الو ياصبرى
صبرى:ايوة يافواز...قولى وليد اخباره ايه؟!
فواز:قولى انت فين؟!
صبرى:انا هبقى ف القصر ع الساعة 10
فواز:تيجى بسلامة..هو انت متعرفش ان بنتك عايشة؟!
صبرى:بنتى مين؟!
فواز:ليالى بنتك مع مراتك ف المستشفى...وكل العيلةع عرفت بلا استثاء
صبرى بصدمة وعبيطة:انت اتخبلت ف دماغك..بنتى مين دى اللى عايشة..دى ماتت وشبعت موت..ولو رجع بيا الزمن..كنت هقتلها من غير تردد..دى واحدة نظير شوم عليا
فواز:صبرى لازم نفكر..بعقل...احنا تقريبا مصلحتنا واحدة...لو عايز تتخلص من البت دى...قولى وانا هنفذلك اللى عاوزه ف غمضة عين..بس قصاد خدمة منك؟!
صبرى:خدمة ايه؟!
فواز:حيدر ساب البيت علشان نسمة دة غير ان الوصية اتفتحت وبقت ليها نسبة ف ااشركات والارض..ولو عايزة تروح الشركة وتقعد ع احلى مكتب فيه..هتعمل كدة..ف انا عاوز اتخلص منها..بس مش عارف علشان طقم الحراسة اللى حيدر جابه
صبرى:الموضوع سهل...بس لينا قاعدة مع بعض لما ارجع واشوف النصيبة اللى حلت ع دماغنا دى
فواز:تمام ياصبرى