رواية خادمة في عصر اللذة للكاتبة هاجر عبد الحليم الفصل الرابع

رواية خادمة في عصر اللذة للكاتبة هاجر عبد الحليم الفصل الرابع

ف شقة ما
حيدر طلع من جيبه المفتاح ودخل الشقة بصلها بصة سريعة ودخل الاوضة علشان ينام بس حس انه محتاج ياخد دوش الاول دخل الحمام خد الدوش بتاعه وخرج لقا تليونه بيرن
حيدر:الو ياعبدالرحمن
عبدالرحمن:وصلت؟!
حيدر:ايوة من بدرى
عبدالرحمن:تمام..اعمل حسابك هتفضل هنا لحد م الصاوى يبطل يراقبك ساعتها تقدر ترجع الفلة
حيدر:كويس انا اصلا محتاج ابعد عن اهلى فترة كدة علشان مخنوق
عبدالرحمن: مخنوق ليه؟!

حيدر:خلاص ياعبدالرحمن مش وقت كلام..الموضوع تافه اصلا..بقولك انا هجيب خط جديد غير الخط دة
عبدالرحمن:اعمل كدة..اسمع هبعتلك صورة واحدة ع الواتس عايز منك كومينت عليها؟!
حيدر:واحدة مين دى؟!
عبدالرحمن:هبعتهالك حالا اهو
وفعلا عبدالرحمن بعت صورة البنت دى ل حيدر
حيدر بصدمة:رمانة
ف شقة نسمة
نسمة وصلت البيت لقت ابوها صاحى وبيتفرج ع التليفزيون
نسمة:واخيرا فتحته دة انا قربت انسى ان احنا عندنا تليفزيون
احمد:ههههههه حسيت انى زهقان ولقيت التليفزيون الفيشة بتاعته محطوطة والرموت جمبى قولت اتسلى
نسمة:ياعم هو انا اكره حاجة زى كدة الموضوع دة اصلا كان نفسى فيه من زمان.. طيب مش هتنام ولا ايه؟
احمد:لا هتفرج ع الفيلم دة الاول ...وبعد كدة انام اصله جميل اوى
نسمة:فيلم ايه دة؟!

احمد:اشاعة حب
نسمة:غاوى افلام ابيض واسود انت..هتفضل عايش ف القديم دة طول عمرك..مش بتتفرج ع الجديد ليه؟!
احمد:مش بحب الافلام الهبطة دى.. بحب الافلام القديمة اكتر مفيش احلى منها
نسمة باست راسه وقالت:براحتك ياحاج..انما قولى حاسس ب اى وجع ؟!محتاج منى اى حاجة؟!
احمد طبطب ع ايدها وقال: متخافيش ياحبيتى انا كويس متقلقيش عليا..يلة خشى نامى انتى محتاجة راحة اكتر منى ربنا يعينك ع اللى انتى فيه
احمد:ماشى ياحاج تصبح ع خير
احمد:وانتى من اهله
ف شقة حيدر
عبدالرحمن:عندك اى كومينت؟!

حيدر:اللى اعرفه انها رقاصة ف الكباريه وفتاحة يعنى زيها زى اى واحدة ف المكان دة
عبدالرحمن:جتلنا معلومات انها ناوية تخش المنظمة قريب؟!
حيدر:رمانة! لا مش معقول..اكيد فى حاجة غلط..انت اتاكدت من مصدر المعلومة دى
عبدالرحمن:يبنى اهدا واسمعنى ..اللى احنا عرفناه ان رمانة دى الكل ف الكل ف الكباريه محدش يقدر يقولها لا ع حاجة ورمانة بالنسبة للصاوى كنز مش عايز يضيعه من ايده علشان بتجيبله زباين اشكال والوان ههههههه بس هى مشية بمدا الشقة لا متعرفش ليه؟! مع انها يعنى بتعمل كل حاجة بتعملها فتاه الليل الا الحاجة دى... بس حياتها الشخصية محدش يعرف عنها حاجة بس اكيد هتعرفها قريب
حيدر بضيق:ايه اللى يضحك ف كلامك؟! وبعدين ايش عرفك انت بالكلام دة؟! هو انت مهتم ليه برمانة دى؟!

عبدالرحمن:ف احتمالين يااما رمانة عضو ف المنظمة دى مع انى اشك..يااما الصاوى هيدخلها غصب عنها
محتاجين نعرف هى عضوة ف المنظمة دى او لا؟!
حيدر:مش فاهم كلامك؟!
عبدالرحمن:لا اصحى ليغفلونا..وانا بقول عليك تفهما وهى طايرة
حيدر:انت عاوز تعرف هى عضوة ف المنظمة دى ولا لا..ولو طلع لا تشغلها معانا مخبر..دة قصدك يعنى
عبدالرحمن:الله عليك ..هو دة
حيدر:بس دة خطر عليها ..وهدخلها ف لعبة هى مش ادها
عبدالرحمن:هو انت مهتم بالى اسمها رمانة دى ليه ياجدع انت.. مش فاهمك خالص؟!

حيدر بثبات:انا بس بفكر بصوت عالى
عبدالرحمن:دورك تعرفنا كل حاجة عن رمانة ولو هى مصدر امان لينا هنبقا محتاجين مساعدتها
حيدر:لا رمانة مش لازم تخش معانا ف القضية دى..واذا كان ع المنظمة انا هعرف اعضاءها قريب اوى..سيب رمانة ف اللى هى فيه
عبدالرحمن:انا حاسة ان الصنارة غمزت وانت ومش دارى
حيدر:طيب اقفل ياعبدالرحمن وانسى الموضوع دة خالص انت فاهم
عبدالرحمن:ههههههه ماشى ياحنين.. سلام
حيدر قفل مع عبدالرحمن ودخل الاوضة عمال يفكر ف رمانة مش عايزة تخرج من دماغه ابدا كل تفصيلة فيها ف دماغه
حيدر:استغفر الله العظيم..انا بفكر فيها كدة ليه؟! لا مينفعش انا اقوم اصلى واقعد اذكر الله عقبال ميجيلى نوم

ف شقة نسمة
نسمة:بابا انا هنزل ارمى الزبالة عايز منى حاجة
احمد:سلامتك يانين عين ابوكى
نسمة خرجت من البيت وهى نازلة من ع السلم شافت حد بيفتح الباب
نسمة بصدمة:حيدر
حيدر ب ابتسامة:رمانة..هو انتى ساكنة هنا ولا ايه؟!
نسمة بتوتر:ايوة ساكنة هنا..بس انا اول مرة اشوفك ف البيت..ودى كمان شقة عمى شفيق هو عزل ولا ايه؟!
حيدر:ايوة عزل وانا اجرتها منه كام يوم كدة..سيبك منى وقوليلى رايحة فين؟!

نسمة:هروح ارمى الزبالة ومتقولش تيجى معايا انا هروح لوحدى
حيدر:مينفعش تروحى لوحدك فعلا هاجى معاكى مفيش حاجة هتحصل وبالمرة نرغى شوية مع بعض
نسمة بخوف:لا انا خايفة حد يشوفنا من رجالة الحارة والواحدة مبتسلمش من لسانهم
حيدر:متخافيش اكيد مش هاذيكى يعنى سلميها لله
نسمة:ماشى.. اتفضل
حيدر ب ابتسامة:يلة بينا
ف الشارع
نسمة رمت الزبالة ومشيت هى وحيدر وفعلا كانت مبسوطة اوى وعايزة الطريق مش يخلص
حيدر:يلة احكيلى
نسمة:احكيلك ايه؟!
حيدر:عايز اعرف كل حاجة عنك

نسمة:مفيش حاجة ف حياتى مهمة يعنى علشان احكى فيها
حيدر:اممممم شكلك مش عايزة تحكى..طيب اسالك سوال وانت جاوبينى عليه ينفع ولا لا؟!
نسمة:ههههههههه اه ينفع
حيدر:هو انتى عايشة لوحدك ولا مع حد؟!
نسمة:عايشة مع بابا لوحدينا وماما الله يرحمها ماتت من 7 سنين
حيدر:الله يرحمها ويجعل مثواها الجنة.

نسمة:اللهم امين..انت متعرفش انا بحب بابا اد ايه دة الناس عندى ف كفة وبابا ف كفة مش بستحمل عليه حاجة هو اللى بقيلى ف الدنيا ومن غيره خلاص الدنيا ملهاش لازمة بالنسبالى هو اللى مصبرنى عليها..بابا كل الناس بتحبه وسيرته حلوة بين الناس وكان راجل يحب الخير للناس كلها.
حيدر:ربنا يخلهولك..وهو عارف بقا انتى شغالة ايه؟!
نسمة بصتله بخوف وقالت:لا طبعا ميعرفش حاجة...واوعى انت كمان تقوله دة ممكن يروح فيها كفايا اللى هو فيه
حيدر:مش فاهم.. هو تعبان؟!

نسمة بحزن: ايوة عنده مرض ف القلب وجلطة خليته مش قادر يتحرك ..ولازم حد يسنده..بجيبله ادوية غالية اوى ع امل انه يعيش بس كل يوم حالته بتبقا اسوا من الاول..لازم عملية بس هو سنه كبير ومش حمل عمليات وف دكتور قالى العملية مش هتعمله حاجة دى ايام وبيقضيها خليه يقضيها بعيد عن المستشفيات والدكاترة..حيدر انا اشتغلت الشغلانة دى علشانه بتجيبله فلوس كتير اوى.

حيدر:هو انتى متخيلة ان الفلوس دى هتنقذلك ابوكى دة مال حرام .مش بعيد الادوية تنزل ف جسمه زيها زى السم بالظبط..رمانة انتى لازم تمشى من الكباريه
نسمة:والصاوى..مش هيسيبنى هيفضحنى ف الحارة كلها وابويا يموت بحسرته ويموت وهو غضبان عليا ودة انا مش هستحمله
حيدر:ورضا ربك مش موجود ف حسباتك؟!

نسمة:ربنا عفور رحيم
حيدر:انتى مش عاوزة تساعدى نفسك يارمانة.قولى انك عاوزة تمشى من الكباريه وانا اوعدك هساعدك ع اد مقدر
نسمة:ازاى؟! الصاوى مش بعيد يقتلنى لو اتكبرت عليه انت متعرفوش ..دة ابن ابليس
حيدر:ع نفسه..ربنا يسهلها من عنده يارمانة انتى غلبانة وربنا هيكون معاكى وف ضهرك وانا كمان ع فكرة
نسمة ضحكت وقالت: ربنا يسهلها من عنده ياحيدر..وانا عارفة ان ربنا معايا ومش هيسيبنى لحظة.ولا انت كمان.

تانى يوم
ف شقة حيدر
حيدر صحى من النوم افتكر كلامه مع بسمة امبارح وانها ودعته ب ابتسامة حلوة قبل متمشى وتطلع ف شقتها
ضحك بس لقا نفسه استغفر ربه وقام يصلى الضهر ويقرا قرءان شوية
ف شقة الصاوى
الو...ايوة ساكن فين...لا ياراجل ف البيت اللى ف رمانة...يامحاسن الصدف ..لااا.. ونزله مع بعض الشارع كمان.. لادول معرفة بقا...اهم حاجة اعرفلى كل حاجة عنه كل حاجة..شوفلى اهلوا مين ناس تقال ولا غلابة سوابق ولا لا..عايز كل المعلومات التافهة قبل المهمة...ماشى يلة اتكل...ماشى ياخويا حلاوتك محفوظة...يلة سلام
الصاوى:معرفة حيدر ب رمانة ميفرقش معايا كتير لو الاتنين ع قد حالهم بس اهم حاجة عندى هو حيدر نفسه لو مقطوع من شجرة الموضوع دة هيسهل عليا حاجات كتير.

ف شقة حيدر
حيدر:الو
عبدالرحمن:الصاوى بيدور وراك وعايز يعرف كل المعلومات عنك؟!
حيدر:طيب م اكيد لازم دة يحصل..مش هو ناوى يشغلنى معاه. لازم يعرف كل حاجة عنى.. وانى مش متزق عليه من البوليس
عبدالرحمن:ع العموم مش عايزك تقلق كله معمول حسابه ومفيش اى حاجة تثبت انك ظابط وكل الاوراق اللى هتقع تحت ايد الصاوى بتقول انك واحد ع اد حاله وسوابق كمان
حيدر:سوابق..ليه سوابق؟!

عبدالرحمن:سرقت موبايل وخطفت طفلة ومولت بنات للضعارة وقعدت 6 سنين ف السجن
حيدر بصدمة:اللى بتتكلم عنه دة انا
عبدالرحمن:ههههههه مش بقولك كله معمول حسابه دى منظمة خطيرة ولازم تقع تحت ايدنا
حيدر:ان شاء الله المنظمة دى هتنتهى ف اقرب وقت متخفش اهم حاجة عندنا نعرف مكان المنظمة والعمليات اللى بتعملها بتعملها ازاى وامتى؟! ومين المسؤليين عن كل دة؟!

عبدالرحمن:كله هيتعرف ان شاء الله..ربنا معانا ومش هيسيبنا علشان احنا عايزين ننهى عمليات الاغتصاب وتجارة الاعضاء اللى بقت منتشرة اوى الايام دى..بجد حاجة مبقتش طبيعية
حيدر:طيب انت قولت كل حاجة فاضل ايه لسة مش قولته
عبدالرحمن:خلاص مفيش حاجة تانى غير بس ان والدتك كلمتنى قولتلها انك ف مامورية وهتغيب كام يوم
حيدر:كويس انا اصلا عايز ابعد عن البيت فترة علشان الجو مبقاش عجبنى خالص هناك..يلة سلام علشان اشوف اعمل ايه؟!
عبدالرحمن:ماشى ربنا معاك يابطل..يلة سلام.

ف شقة ورد
سحر:يلة باورد علشان نروح شارع الجامع
ورد:خلاص انا اهو جهزت
احلام:ورد منتاخريش علشان سالم جاى علشان يقرا الفاتحة
ورد:الفاتحة دى هتبقى ع روحه لو جى..انا فضلت احلم بكوابيس طول الليل الراجل دة يستحيل يكون جوزى ارجوكى ياماما فهمى دة ل ابويا الجواز قبول ورفض وانا رفضة الموضوع دة من اساسه
احلام:عايزة تحطينى انا ف وش المدفع مع ابوكى لا ياورد اتصرفى انتى معاه
ورد بعصبية:قولت مش هتجوز.. ايه هو بالعافية يعنى ياماما
احلام:انتى بتتعصبى عليا ياورد..وبعدين انا مالى العريس مجايب ابوكى.. وهو راسه والف سيف انك تتجوزى سالم.

ورد:خلاص يتجوزوا هو بقا.. او عنده سحر خليها تتجوزه
سحر:انتى هبلة ياورد سالم مين اللى اتجوزوا هو انا اصوم اصوم وافطر ع دة وبعدين لو كان اصغر شوية يعنى 29 30 سنة كنت هقبل..بس هو كبير اوى..وهنعيش مسلسل القاصرات حصرى ف شقة خليل واحلام
طق طق
احلام:طب افتحى الباب ياام لسانين انتى
سحر:والله لسان واحد ..اهو
احلام:بتطلعيلى لسانك ماشى ياسحر الصبر حلو روحى اتنيلى افتحى
سحر:حاضر
راحت فتحت لقت خليل
سحر:اهلا يابابا.

خليل:اهلا ياحبيتى..بقولك روحى انتى شارع الجامع وخلى ورد تقعد تظبط نفسها انتى عارفة قراية فاتحتها انهردة مينفعش تروح ف حتة
سحر:مفيش مشكلة يابابا هكلم صحبتى ونروح سوا
خليل:ماشى يابنتى اعملى اللى يريحك
سحر:يلة سلام
خليل:سلام
مشيت سحر وخليل بص ع ورد وقال:تعرفى انا ليه مخليتكوش تتعلموا؟!
ورد:ليه؟!

خليل:علشان محدش منكم يتكبر عليا بشهادته وكمان الفلوس اللى الواحد بياخدها يادوب بتكفى اكل وشرب ولبس والواحد مش حمل مدارس ودروس خالص..وغير كدة محدش منكم كان هيفكر يخدم ف البيوت مع احلام...ولما كبرتوا بقيتوا بتتطلبوا لتنضيف الشقق والمسح وغسل السلالم يمكن كل يوم وبتاخدوا مبلغ مش بطال يادوب يسترنا ونعرف نعمل ل اختك اللى هى عايزاه لكن دلوقتى الوضع اختلف عارفة ليه علشان خلاص مش هخلى امك تخدم ف البيوت بعد انهردة ابوكى هيبقى تاجر فاكهة كبير وهياخد مبلغ حلو اوى اقدر اعيش سحر متهنية لحد م ابن الحلال يجيلها وكل دة بسببك.

ورد:كل دة بسبب جوازى من سالم
خليل:بجوازك من سالم هتخرجينى من الفقر وهتخلينا نقب ع وش الدنيا
ورد:ماشى يابا خلاص طالما انتوا حبين كدة انا موافقة اعمل اللى انتوا عاوزينه
خليل حضن ورد وقال بمكر:حبيت ابوكى..حبيتى بنت حبيتى..تربيتى بصحيح
ف شقة وليد
وليد:الو ياخليل
خليل:ايوة ياباشا.

وليد:معلش عاوز ورد تنزل تنضفلى الشقة وتعملى الاكل انت عارف مش بعرف اضبخ
خليل:معلش يابيه ورد قراية فتحتها انهردة ومش هتعرف تنزل
وليد قام من ع الكنبة مرة واحدة وقال بصدمة: قراية فتحتها ع مين؟!
خليل:ع سالم ..واحد انت متعرفوش
وليد:بس انا عايزها انهردة وهدفع اللى تطلبه
خليل بطمع:ياباشا ع عينى بس والله
وليد:خليل مش بحب الاسلوب دة هدفع 3 الاف مقابل انها تنزلى حالا ولو منزلتش صدقنى هتتدم ياخليل
خليل:خلاص ياباشا مش هقدر ع زعلك..هنزلهالك حاضر.

وليد قفل السكة ورما التليفون ع الكنبة وقعد ع الكرسى فضل يدخن ب شراهة وغل بيفكر يعمل ايه علشان ياخد اللى عاوزه من ورد.. قبل م سالم ياخده منه
طق طق
وليد فتح الباب بسرعة لقا ورد بس عينها كلها دموع
وليد بقلق زاءف:مالك ياورد؟! بتعيطى ليه؟!
ورد:مفيش يابيه.. تسمحلى اخش اشوف شغلى
وليد:هو انتى مكنتيش عايزة تنزلى لو دى الحكاية ممكن تطلعى انا عارف قراية فتحتك انهردة ..مبروك؟!
لقا ورد زادت ف العياط وقالت:مبروك ايه يابيه.. انت ليك حق تعزينى ف نفسى..الجوازة دى مش عايزاها
وليد:طيب خشى وفهمينى ف ايه؟!

ورد دخلت وقالتله كل الحكاية
وليد:طيب م تهربى
ورد بصدمة:اهرب..اهرب ع فين يابيه.وبعدين انا مقبلش اجيب العار ل اهلى..وبعدين انا معنديش حتة اروحها غير الشارع
وليد:بسيطة تتدبر..انا ممكن اساعدك بس عندى شرط..ومتقلقيش هتقدرى عليه
ورد بخوف:شرط ايه دة يابيه؟!
وليد بخبث:تتجوزينى عرفى
ورد برقت عينها من الصدمة وقالت بعياط:عايز تتجوزنى عرفى..هو انا رخيصة اوى كدة؟! لا يابيه حضرتك فاهمنى غلط..لولا بس انى واحدة متربية كان زمانى عرفتك مقامك.

وليد بعصبية:هتعملى ايه يعنى..هتضربينى طيب اتجراى كدة وارفعى ايدك عليا وانا ساعتها هقطعهالك
ورد بعياط:انا همشى
وليد مسكها من دراعها وقال بعصبية:انا لسة مخلصتش كلامى علشان تدينى ضهرك وتمشى..انا متعودتش واحدة تقولى لا ع حاجة انتى فاهمة ولا لا.. اعملى اللى انا عاوزه برضاكى بدل متعمليه غصب عنك..كل البنات تتمنى اقضى معاها ليلة واحدة وانتى بترفضينى يابنت**** لا عشتى ولا كنتى..ودور الخضرة الشريفة دة اطلعى منه احسلك.

ورد ف لحظة غضب ضربته بالقلم وقالت:بجد انا بقيت بستحقرك اوى..وبستحقر نفسى علشان دخلت شقتك دى...ولمستك ليا خليتنى نجسة زيك كدة بالظبط..انا لازم اطهر مش بس دراعى من لمستك لا انا هطهر جسمى كله..مش هخش شقتك تانى ومش هقول ل بابا ع اللى طلبته منى جدعنة منى مع انى متستاهلش..عايز تتجوزنى عرفى..ليه ياخويا نقصنى ايه..ولا انت فاكرنى واحدة من الرخاص اللى تعرفهم...واه صحيح ابقا امسح رقبتك من صباع الروج دة...بجد واحد مقزز وحقير..انا بكرهك
ومشيت من غير ولا كلمة زيادة..وسايبه وليد ف صدمته مكنش متوقع رد الفعل العنيف دة منها..جز ع اسنانه وشد ع ايده جامد وكسر كل حاجة ف الشقة وقال بزعيق:برده هاخد منك اللى عاوزه مش هسيبك تروحيله وينتصر عليا..مش هخليه يطيق يبص ف وشك..اصله محدش يقبل يتجوز واحدة مش بكر..هاخد منك اللى عاوزه وهرميكى ليه..وهمشى من هنا علشان ساعتها مينفعش اكون موجود.بس اجيبك تحت ايدى ازاى..لو حصلت انى اخطفك هعمل كدة.

ف بيت ورد

ورد بصدمة:انتى ضربتينى ليه دلوقت؟!
احلام:متعرفيش يابنت احلام ضربتك ليه؟! ايه مش شايفة نفسك؟! مسهمة وعيونك كلها دموع وجاية ك انك شوفتى عفريت.ايه اللى حصل يابت انطقى؟!
ورد:مفيش ياماما تعالى خلينا نجهز هو مش قراية فتحتى انهردة مش دة كلامك؟!
احلام:يلعن قراية الفاتحة ع ابوكى ع كل حاجة..متقولى يابت ايه اللى حصل؟! الراجل اللى تحت عملك ايه؟!
ورد خايفة ومش بتتكلم
احلام:كدة ياورد خلاص انا هلبس الطرحة وهنزل اعرف منه ايه اللى حصل..طالما مش عاوزة تتكلمى
ورد مسكتها وقالت:خلاص ياماما انا هقولك ع كل حاجة.

احلام:طب قولى اهو انا مستنية
ورد حكتلها كل حاجة
احلام حضنتها بخوف وقالت:ابن**** هو فاكر نفسه مين علشان يشترى فيكى كدة؟! هو علشان معاه فلوس يعمل كدة ف خلق الله..وانتى اللى بقول عليه ذكية وميتخافش عليكى تقوليله انك مش عاوزة الجوازة وتحكيله.. اهو عرف الدمل بتاعك وداس عليه كمان
ورد بعياط:انا فعلا مش عاوزة الجوازة دى ارجوكى ياماما ارحمينى من كل دة انا بس بعمل كل دة علشانك انتى علشان مش عاوزاكى تتعبى ف اواخر ايامك علشان ابويا واختى انا ممكن اضحى بحياتى علشانكوا بس مش بالشكل دة ياماما.

احلام:انا هنزل تحت خمس دقايق وطلعة
ورد بخوف:لا ياماما ارجوكى متنزليش..خلاص انا ضربته وقولتله الكلام اللى ف النصيب ومشيت
احلام:بت انتى..ابعدى عنى انا عفاريت الدنيا بتنطط ف وشى..لازم يعرف حدوده كويس..اللى يتعدا ع بناتى ملهوش عندى غير الشبشب..اوعى من وشى
وفعلا مشيت وورد عمالة بتنادى وبتقول:ياماما..ياماما..ياماما افهمينى بس.يوووووه بقا
ف شقة وليد
وليد:ف ايه؟!

احلام ضربته ب القلم وقالت:القلم دة علشان اتجرات واتعديت حدودك مع ورد...تانى مرة ابقى خد بالك
وليد:تعرفى لولا انك ست كبيرة كان زمانى قليت منك دلوقتى
احلام:اقول ايه..منت انسان مشوفتش تربية ولا حتى شميتها..بنتى هتكون مرات واحد تقيل تعرف لو بس شم خبر بالى عملته ممكن يعمل فيك ايه؟! دة لامؤخذة يعنى ممكن يقلبك حرمة
وليد:ههههههههه طب قوليله وانا مستنى يشرف.. البيت ينور والله
احلام:ربنا يديك ع اد نينك.

ومسكت الشبشب وقالت،دة بس علشان تفتكر كلامى..وتحرم تتهجم ع بنات الناس
وليد اتصدم ملحقش يتكلم علشان احلام مسكته وضربته بالشبشب والكل فتح وحاول يبعد احلام عن وليد
ورد نزلت ومسكت امها وهى بتعيط وطلعوا بصت ع وليد وبلعت ريقها بخوف لما شافت نظراته اللى بتقول مش هيعدى اللى حصل دة بالساهل.

ف شقة ورد
ورد:ليه بس كدة ياماما
احلام:يستاهل..هد حيلى.. الله يهد حيله..كويس ان ابوكى مش هنا كان زمان كلنا وشرب علينا المياه كمان
ورد:انا تعبانة اوى
احلام:لا تعبانة ايه..دول كام ساعة وهتلاقى ابوكى شرف مع اللى اسمه سالم دة يلة خلينى اجهزك
ورد:ماشى ياماما اللى يريحك انا هعلمه
بليل
ف الكباريه
ف مكتب الصاوى
الصاوى:اقعد ياحيدر
حيدر:تسلم ياكبير
الصاوى:لقيتلك شغلانة حلوة..وبتكسب كمان
حيدر:اللى هى ايه لامؤخذة؟!

الصاوى:جرسون ف الصالة تاخد بالك من طلبات الذباين وعايزك تبقى عينى هناك تقولى كل اللى بيحصل فيها
حيدر:بس ياباشا مش دة كان اتفقنا
الصاوى:الصبر حلو لازم اثق فيك الاول بعد كدة هشغلك معايا ..مش سهل تثق ف الناس بسرعة بالذات ف شغلتنا دى..يلة روح شوف شغلك
حيدر:ماشى ياباشا اللى تشوفه.

ف الصالة
رمانة وهى بترقص خدت بالها ان حيدر اشتغل ف الصالة غمضت عينها بوجع مكنتش تتمنى ان حيدر يشوفها كدة
وحيدر بردو حاول يذكر ربنا ف سره يمكن النار اللى جواه لما شاف رمانة بترقص وحواليها الناس اللى بتنقطنا تهدا
حيدر ف سره:صبرنى يارب..وساعدنى علشان اخرجها من هنا
رمانة خلصت نمرتها وراحت علشان تغير ونزلت الصالة وشافت السعودى راحلها
السعودى:كيفج رمانة اشتقتلج بزاف
رمانة:هههههههههه ميرسى بزاف.

السعودى:ايش فيكج رمانة ليس ما بدج تقعدى معى؟!
رمانة:معلش ورايا شغل..لما افضى ابقا اجيلك اوكى
وراحت ع طربازة وقعدت بس هى حسة انها مش عارفة تشتغل وعينها ع حيدر اللى كان بيشوف شغله شاف الراجل اللى كانت رمانة قاعدة معاه بدا يقرب منها وهى مش حسة بحاجة شد ع ايده وبصلها بحدة وعيون حمرا هى خدت بالها ف بعدت عن الراجل اللى مسكها وشكله ناوى ع الشر.