رواية خادمة في عصر اللذة للكاتبة هاجر عبد الحليم الفصل الثامن
ف بيت نسمة
نسمة:انت بتقول ايه؟! لا مستحيل انت ابن فواز عبدالحميد ههههههههه يعنى انت ابن مها..ازاى دة حصل فهمنى؟!
حيدر بصدمة اكبر:هو انتى تعرفى امى منين وبعدين ايه هو المستحيل...انتى مالك مصدومة كدة ليه؟!حد يفهمنى؟!
نسمة بعياط:انت تعرف انا اسمى ايه..اسمى نسمة احمد عبدالحميد النصر..فاهم دة معناه ايه؟! يعنى انت دلوقت ف بيت عمك..يعنى اللى بيجمعنا دلوقت الدم مش مجرد اتنين اتقبلوا وحبوا بعض...اكيد ف اسءلة كتير ف دماغك ومش لاقى ليها اجابة..ازاى انا بنت عمك كنت فين السنين دى كلها...احب اقولك ان اهلك هما السببد.اهلك هما السبب ف كل اللى بيحصلك واللى لسة هيحصل..مش مصدقة ان القصة هتنتهى بالشكل دة..انا يستحيل ارتبط بيك.
حيدر بيمسعها وهو حاسس بتلج مياه ادلق عليه..يعنى البنت اللى شوفتها صدفة ف الكباريه وخطفت قلبى لما عينى جت ف عينها اللى صممت انى اخرجها من اللى هى فيه واصلح من حالها للاحسن تطلع بنت عمى..بس اللى وجعنى بجد انها عايزة تنفصل عنى بعد كل اللى عملته معاها يبقى جزاتى الفراق
حيدر:نسمة انا حقيقى دماغى واقفة ومحتاج حد يفهمنى..بلاش تضغطى عليا ب الاسلوب دة..انا كل اللى اعرفه دلوقت انك لازم تيجى القصر وتطالبى بحقك
احمد بتعب:لا يبنى احنا ملناش حقوق..احنا مش عايزين منهم حاجة.
حيدر بعصبية:ازاى ياعمى..اخواتك عايشين ف نعيم وانت عايش ف حارة شعبية.بنت عمك بتتعلم ف جامعة اجنبية وانتى يبقى حالك كدة..جدى ساب ورث للكل واكيد انتوا ليكوا حق فيه زيهم بالظبط..دة شرع ربنا محدش يزعل منه..اللى انا بجد مش فاهمه ليه بعدت عنهم..وازاى هما مسالوش عليك طول السنين دى..ليه يانسمة محاولتيش تتواصلى مع حد فيهم؟!
نسمة بعياط:وانت مين قالك انى محاولتش..كلمت والدتك بدل المرة الف اترجاها علشان تخلى اخواته ييجوا يشوفوا يجربوا مشاعرهم ناحيته يمكن يحنه عليه ويرجعوا القصر علشان يقضوا اللى باقى من عمره وسط اخواته مكنتش عاوزة منها فلوس انا كنت عايزة السؤال مش علشانى علشان الراجل الغلبان اللى نايم ع السرير اللى كل يوم بيحلم ب اخواته انهم جوم شافوه بس هما قلبهم اسود ..حجر..وشكلك انت كمان زيهم؟!
حيدر:انا يانسمة! اقسملك انى مكنتش اعرف ب الحكاية دى انا اللى اعرفه ان عمى صبرى وعمى حسين اخوات بابا مكننش اعرف ان عندى عم تالت والا كنت دورت عليه من الشرق للغرب علشان اوصله..بس انت ليه بعدت ياعمى وازاى جدى يقبل بحاجة زى كدة؟!
احمد بتعب:مش وقت الكلام دة يبنى ...تعالى اقعد جمبى وهات ايدك
حيدر سمع كلامة وقعد جمبه ومسك ايده
احمد:انا حاسس ان الموت مستنينى ومش عاوز يمشى غير لما اكون معاه..اسمعنى كويس بنتى نسمة امانة ف رقبتك انت دلوقتى متخليش حد ياذيها وخد بالك منها دى حتة من قلبى..ع عينى امشى واسيبها بس نقول ايه؟! دى سنة الحياه وكله بينزل ف محطته وانا خلاص ميعادى جى..حيدر انت عايز تتجوز نسمة؟!
حيدر بصلها لقاها بصة ل ابوها وبتعيط
حيدر:ايوة ياعمى عايز اتجوزها..وحالا كمان
نسمة بصتله بعصبية وحاولت تتكلم بس ابوها منعها لما مسك ايدها وقال:اسمعينى يانسمة..انتى فعلا دلوقت ملكيش حد غيره...هو دة الشخص الوحيد اللى اقدر اموت وانا مطمن عليكى معاه..ريحى قلبى واتجوزى ابن عمك..خلينى اموت وانا مرتاح..ولا عاوزة تزعلينى منك
نسمة باست ايده وراسه وقالت بعياط:اللى يريحك يابويا هعمله؟!بس علشان خاطرى متفولش ع نفسك كدة..خلاص انا هتجوز حيدر
وبصتله بتحدى وقالت:بس علشان خاطرك انت وبس.
احمد:حيدر اوم هات الماذون مفيش وقت
حيدر ونسمة بصوت واحد:ماذون!
احمد:ايوة .اوم ياحيدر علشان انا خلاص قربت امشى..عايز احط ايدى ف ايدك..علشان محدش يجوزها غيرى..اوم يبنى اتحرك
حيدر:حاضر ياعمى
ونزل فعلا علشان يجيب الماذون
نسمة:يستحيل اخلى حيدر يعادى اهله علشانى..ومش هخش البيت اللى كان سبب ف كل اللى حصلى..هما السبب ف وجعى ووجع ابويا ومش هسامحهم ع اللى عمله فيا..حتى لو اتجوزتك ياحيدر..دة مش معناه انى هعمل اللى ف دماغك حتى لو كنت بحبك.
ف بيت خليل
سحر بعياط:فين ورد ياماما؟! عملتوا فيها ايه؟!
خليل:سحر مش عايز كلام ف السيرة دى...اختك خلاص ماتت.. لازم تتعودى ع كدة
سحر بعياط:فين اختى يابابا؟!
احلام:واخيرا قولتى ان ورد اختك..عمرى م سمعتها منك ياسحر
سحر:بلاش تظلمينى ياماما..انتى عارفة بحب ورد اد ايه..بس هى فين؟!
خليل:قولتلك ماتت ويومين وهنعمل العزا بتاعها
سحر بعياط:حد قالكوا انى واحدة غبية.. ازاى ماتت وعايزين تعملوا العزا بتاعها بعد يومين..ااااه فهمت...علشان الحبكة تطلع مظبوطة مش كدة...علشان تقولوا للناس انها ماتت بعد فرحها ب يومين وتخترعوا اى سبب...بس مفكرتوش مين اللى هتدفن بدالها؟! لا انتوا حقيقى مجرمين.
خليل بعصبية ضرب سحر قلم وقال بزعيق:حسك عينك تتكلمى معانا تانى بالاسلوب الزبالة دة والا هعاقبك اسا عقاب وهنسى انك بنتى فاهمة سحر:اول مرة تمد ايدك عليا يابابا...بس لا انا هتكلم واقول كل اللى ف بالى..ورد عايشة وانا متاكدة من الكلام اللى بقوله..واكيد هربت لما عرفت ان انتوا مش اهلها الحقيقين..بس سالم طلقها ولا لا؟! وازاى عرفت؟!
احلام وخليل بصوا لبعض بصدمة وتوتر..حقيقى بنتهم طلعت ذكية وبتحلل المواضيع بسهولة..وذكاءها لا يستهان به
خليل:ايوة ياسحر سالم طلقها وهى هربت وميينفعش ابدا نقول للناس حاجة زى كدة.وهى مش هتخش الحارة دى تانى تخاف تعملها...علشان كدة لازم تموت..واذا كان ع مين اللى هيدفن بدالها سالم هيظبط الموضوع دة متقلقيش.
سحر:مقلقش انت تعرف لو حد شم خبر ايه اللى هيحصل..انت هتتحبس يابابا..علشان دة يعتبر تزوير ف اوراق رسمية..بجد ياخسارة..ربنا يتولاكى ياورد
ودخلت اوضتها
احلام:هى ايش عرفها بالموضوع دة ياخليل...احنا عمرنا متكلمنا فيه غير ف الاوضة
خليل:يبقى اكيد سمعتنا يااحلام..مش مهم كل دة..كل اللى يهمنى انى مش عايز اى دليل يثبت ان ورد عايشة..علشان ورد دة مش اسمها الحقيقى.ف ورد بنتى انا خلاص ماتت
ف البيت
حيدر طالع هو والماذون وفجاه خبط ف حد
حيدر:اسف
الشخص:محصلش حاجة
حيدر بصدمة:وليد
وليد:حيدر..انت هنا بتعمل ايه
حيدر:اخيرا يبنى شوفتك..هو انت هنا بتعمل ايه؟! هى دى الشقة اللى اجرتها
وليد:ايوة...انت اللى بتعمل ايه هنا...هو انت هتتجوز ولا ايه؟!
حيدر:ها..ايوة هتجوز عقبالك.. تصدق انك ابن حلال
وليد:اشك..بس اشمعنى
حيدر:كلملى حسام صاحبك وتعالوا اشهدوا ع عقد الجواز...اصل انا هتجوز نسمة
وليد:نسمة مين؟!
حيدر:نسمة بنت عمك
وليد:بنت عمى مين؟! هو عمى حسين خلف غير كريم المجنون دة؟!
حيدر:متقولش عليه مجنون ..وبعدين لو راجل قول اللفظ دة قدامه انا عارف انك هتقفلب فرخة..وبعدين اتضح ان احنا عندنا عم تالت اسمه احمد وعنده بنت اسمها نسمة
وليد:لا ياراجل..ايه الفيلم الهندى دة؟! انت واعى للكلام اللى بتقوله؟! وبعدين انت مصدق الكلام دة..افرد بتشتغلك
حيدر:بقولك ايه..الواحد اصلا تايه لوحده..هتعملى اللى عاوزه ولا اشوف حد غيرك؟! وبعدين انت ناسى انها بنت عمى يعنى اسمنا واحد واكيد هى معاها بطاقة تثبت كدة
وليد:ااااه معلش فاتتنى دى..طب اتفضل وانا هطلع وراك وهكلم حساب متقلقش خمس دقايق وهيكون عندك مش هيتاخر
حيدر:تمام
ف شقة نسمة
نسمة:مين دة؟!
وليد:سلام قول من رب الرحيم...مين دى؟!
نسمة:انت داخل ع شياطين ولا ايه؟! مين دة ياحيدر؟!
حيدر:اهدى يانسمة..دة وليد ابن عمك صبرى ومراته شويكار ويبقى اخو رضوى
نسمة ببرود:تشرفنا
وليد:ايه البرود دة؟!
نسمة:انا باردة
وليد:العفو..دة انا اللى بارد وستين بارد كمان..متخلصنا ياعم خلينا نكتب الكتاب
حيدر:فين حسام بس الاول؟!
وليد:ع وصول
حيدر:طيب تعالى سلم ع عمك عقبال مييجى.. معلش ياسيدنا الشيخ كل تاخيرة وفيها خيرة..وهديك تمن تاخيرك دة..معلش اصبر عشر دقايق كمان
ف اوضة احمد
احمد:ما شاء الله..حقيقى رجالة متتخيروش عن صبرى وفواز
وليد:هو انت ليه بعدت عننا؟!
احمد:النصيب يبنى..بس الحمد الله قدرت اشوفكوا قبل م اموت
وليد:طيب هما ليه رضيوا انك تبعد عنهم؟!
احمد:علشان هما كانوا حبين كدة..حبيت واحدة فقيرة ع اد حالها جدك اعترض ع الجوازة..بس انا نشفت دماغى ومشيت من القصر..ومن ساعتها معرفش عنهم حاجة
وليد:بس انت ليك حقوق لازم تاخدها؟! وبنتك كمان؟!
نسمة:لسة قايلين لحيدر ان احنا مش عاوزين حاجة
وليد:انتوا تقولوا اللى تقولوا..لكن شرع ربنا بيقول ان ليكى حق ف الارض والورث اللى فضل جدى بيبنيه علشان يستر نفسه واولاده من بعده..واحنا لينا كلام معاهم ازاى يسيبوا اخوهم ف حالته دى؟! ازاى ميبقاش حد جمبه؟!
نسمة:الكلام دة مفيش منه فايدة..اساسا كل اللى بيحصل دة مش ع هوايا
احمد بتحذير:نسمة اسكتى
حيدر:سيبها ياعمى حقها تتكلم وتعترض كمان
طق طق
حيدر:اكيد دة حسام...روحى افتحى
نسمة:حاضر
وراحت فتحت حسام اول م شاف واحدة منقبة قال ف سره:الله يخربيتك ياوليد من واحد شهوانى لواحد داخل تنظيم شيوعى.
نسمة:حسام مش كدة
حسام:ها..اه حسام...الحقيقة انا جيت علشان
نسمة:ايوة انا عارفة انت جيت ليه اتفضل معايا
حسام دخل لقا وليد وحيدر..وليد محاولتش يفتح اى كلام مع حسام..وطلب من الماذون انهم يبتدوا اجراءات الزواج
وفعلا تم الزواج
بارك الله لكما وعليكما وجمع بينكما ف خير..الف مبروك
حيدر بصلها وضحك بحب اما هى حاولت تكون باردة رغم الفرح والسعادة اللى جواها
وليد ف سره:يانهار ازرق..دة طلع عمى بجد..البطاقة بتثبت كدة..دة معناه ان احنا داخلين ع ايام ما يعلم بيها الا ربنا.
ف الصالة
نسمة:انا مش جاية معاك
حيدر:لسة بدرى ع الكلام دة..احسن ليكى ع الاقل الفترة دى تبقى هنا لحد م خلص شغلى
نسمة:شغلك! هو انت بتشتغل ايه؟!
وليد:ايدة هو انتى متعرفيش ان حيدر ظابط
نسمة بصدمة:ظابط! يعنى انت بتشتغل ف الكباريه لغرض معين؟! وياترى ف حاجة لسة مخبيها عنى ولا لا؟!
حيدر:مكنش ينفع اقولك
نسمة:ليه؟! هفضحك عنده مثلا
حيدر:اتكلمى عدل..انا بقيت جوزك دلوقتى.
نسمة لما سمعت الجملة دى كان هاين عليها تضحك بصوتها كله وتفضل تتنطط ف الشقة وتاخدوا بالحضن كمان.. خلاص هو جوزها وحلالها
وليد:انا همشى عايز منى حاجة
حيدر:ايوة هنزلك اقعد معاك شوية دة لو ممكن
وليد:طبعا ياحيدر مرحب بيك ف اى وقت
وبص ل نسمة وقال:سلام يابنت عمى
نسمة بفرحة مقدرتش تخبيها اخير بقا ليها اهل وولاد عم تتمنى يبقوا سند ليها ف الدنيا
نسمة:سلام
ومشى
حيدر:اقلعى النقاب دة
نسمة بتوتر:ليه؟!
حيدر:انتى خايفة من ايه مفيش حد ف البيت غيرى واتا جوزك هدارى وشك عنى ليه
نسمة قلعت النقاب هو بصلها بحب وبعد كدة باس راسها وقال:انا مش هسيبك يانسمة..وحقك هتاخديه..وهتعيشى معانا ف القصر..وهعوضك..وماضيكى مش هيبقى ليه وجود..علشان انتى دلوقتى نسمة مش رمانة والفرق بينهم زى الفرق بين السما والارض..انا معرفش ليه بابا عمل كدة بس اوعدك ان كله هيتغير بعد اخلص من القضية دى
نسمة:قضية ايه ياحيدر..فهمنى.
حيدر:هفهمك بعدين..خليكى مع عمى دلوقت وقريب هعملك فرح الناس كلها تحلف بيه
نسمة:لا انا مش عايزة فرح كفايا اوى الاشهار يعنى حفلة صغيرة ع الاد بس علشان الناس اللى ف الحارة تعرف
حيدر باس ايدها وقال:اللى يريحك ياحبيتى اهم حاجة عندى ان ضحكتك دى تفضل مزينة وشك ع طول..ومش عاوز قلقك وخوفك منهم يخليكى معندكيش ثقة فيا..انا لو وصلت عندى احارب الكل علشانك اعمل كدة.
نسمة:خلاص ياحيدر..محصلش حاجة
حيدر:لا اله الا الله
نسمة:محمد رسول الله
ف شقة وليد
وليد:هو انت فاهم حاجة؟! يعنى ايه عندنا عم تالت واحنا منعرفش عنه حاجة..كان فين طول السنين دى؟!
حيدر:مش عارف ياوليد..صدقنى معرفش...عمى سالنى ع اسمى بالكامل ك انه شاكك انى ابن اخوه وعايز يتاكد..انا مش فارق معايا حاجة اد وجود نسمة ف حياتى..مش هقبل انهم ياذوها..حتى لو حصلت انى اسيب القصر واعيش معاها ف بيت ع ادى...معرفش ازاى بابا خبى عنى حاجة زى كدة..دى بتقول انها كلمت ماما اكتر من مرة وصدتها فاهم دة معناه ايه..دة حتى السوال مش عايزين يسالوا..بس لا لازم اواجهم..ومحتاجك معايا.
وليد:بس انا مش عايز ارجع البيت
حيدر:ليه ياوليد؟! هتفضل كدة لحد امتى..دى مش عيشة
وليد:بس عجبانى
حيدر:انت ماشى ف سكة اللى يروح ميرجعش..ارجع بيتك دى مرات عمى دمعتها مفرقتش خدها لحظة من ساعت م انت مشيت خلى عندك ذرة رحمة وارجع القصر
وليد بعصبية:قولت لا..اكلمك ب انى لغة علشان تفهم.
حيدر:براحتك ياوليد.. بلاش تنفعل كدة..اظن انى غلط لما افتكرت انى بكلم واحد عاقل فاهم هو بيعمل ايه..مش هاين عليه دمعه امه ولا رضى ربنا عليه.. طريقك شمال كله خيانة وقرف..عمرك م هتنضف حتى لو معاك ميت واحد يساعدك..خليك عايش ميت كدة لحد م تخسر كل حاجة..حتى مش عايز تدى لنفسك فرصة انك تحب بجد وتخلف وتستقر وتربى ذرية صالحة..عايش لملذاتك وبس وصدقنى طريقها كله حسرة ووجع..دى نصيحة لوجه الله..ياريت تعمل بيها..يلة سلام.
ومشى وساب وليد ف حيرة من امره نفخ بضيق وفضل قاعد يفكر يفضل هنا ولا يرجع البيت اللى بيفكروا بكل حاجة وحشة
ف قصر حسين
ورد صحيت من النوم افتكرت لما عملت نفسها مغمى عليها وصاحب العربية خدها وداها القصر بتاعه وهى من التعب نامت بصت ع نفسها كانت لسة ب الفستان الابيض وطرحة سودا.
طق طق
ورد بتوتر وصوت متقطع:ا..د...خ...ل
حسين دخل وقال:صباح الخير
ورد:صباح النور
حسين:ممكن تاخدى منى دول
ورد:ايه دول؟!
حسين:دول هدوم خليت واحدة من الخدامين تجيبهالك..ممكن تلبسيها علشان تعرفى تتحركى ف القصر براحتك
ورد:متشكرة جدا لحضرتك
حسين:الشكر لله يابنتى متقوليش كدة..ربنا يعلم لما شوفتك امبارح حسيت انك واحدة من دمى..صعبتى عليا كان لازم اخدك بدل ميحصلك حاجة وحشة لا قدر الله.
ورد:ربنا يخليك..دة جميلك دة فوق راسى ليوم الدين
حسين:طب ممكن اعرف انتى مين؟! وايه اللى خلاكى تمشى ف الشارع وانتى بحالتك دى؟!
ورد بلعت ريقها بتوتر وفضلت تفرك ف ايدها وقالت:الحقيقة ياعمى انا مش هخبى عليك.اللى حصل انه
وحكتله كل اللى حصل
حسين بشك:يعنى انتى كنتى ف ملجا...بقولك هو انتى متعرفيش اسمه؟!
ورد:لا معرفش
حسين بص ع رقبتها خد باله من حاجة جاى يقرب بس هى بعدت بخوف
حسين:متخافيش منى كدة انا مش هعملك حاجة انا بس فى حاجة لفتت نظرى..ايه اللى ف رقبتك دة؟!
ورد بصت ع رقبتها وقالت:دى حسنة كبيرة شوية..من ساعت متولدت وهى موجودة ف جسمى ومش هتطلع ابدا
حسين ف سره:ليالى كانت عندها نفس الحسنة دى ساعت م تولدت..معقولة تكون هى...لازم اتاكد من المعلومة دى..وبعدين ليالى ماتت ازاى دلوقتى واقفة قدامى وبتكلم معاها كمان؟!
حسين:هو انتى قولتى عمى؟!
ورد:هو حضرتك زعلت...انا اسفة اصلها طلعت منى بشكل عفوى بلاش تتضايق منى
حسين:لا ياحبيتى مش متضايق ولا حاجة..معلش انتى ف اوضة كريم ابنى وهو نام ف اوضة الضيوف بسببك امبارح وشكله مش هيعدى الليلة دى ع خير..ف البسى بسرعة وانزلى علشان نشوف هنعمل ايه؟!
ورد بخوف:هو من النوع الصعب ولا ايه؟!
حسين:ههههههههه اه جدا بس تاخديه بكلمتين انسان طيب ومفيش احن ولا اطيب من قلبه..بس اللى حصله كان صدمة كبيرة عليه ومقدرش يستحملها
ورد:ليه؟! هو حصله ايه؟!
فجاه لقوا كريم بيدخل عليهم زى الاعصار وورد بعفوية مسكت ايد حسين وقالت:ف ايه؟! هو داخل علينا زى الرعد كدة ليه؟!
كريم بزعيق:بسببك نمت ف اوضة الضيوف.ودى حاجة مستحيل انها تحصل..الاستاذ فضلك انت عن ابنه..ف اتفضلى بقا من غير مطرود بدل م خلى الامن يطردك..الله اعلم يمكن حرامية ولا سفاحة حد يعرف؟!
ورد بخوف:سفاحة ايه وهبل ايه؟! انا مش حرامية وبلاش تزعق ف وشى كدة مسمحلكش
وخبت نفسها ف ضهر حسين
كريم:ياسلام..لا ياحبيتى انا ازعق براحتى..وع فكرة انا مش بقول كلامى مرتين..انتى هتطلعى من القصر حالا..ولا عجبك القاعدة فيه..اصل اللى بتتحامى فيه دة هياكلك وهيشربك وينيمك كمان ببلاش واللى يلاقى دلع ومش يدلع تعرفى يبقى ايه ولا اقولك انا؟!
وغمزلها ورد فتحت بقها ع اخره من جراته وكلامه وقالت بعفوية:انت قليل الادب
حسين بعصبية:بس ياكريم انت زودتها اوى مع البنت..اتفضل روح ع شغلك
كريم بزعيق:مش قبل م البنت دى تمشى..انا بسببها معرفتش انام طول الليل..الصوت اللى بتنيل بسمعه مرداش يسيبنى ف حالى..ع طول كلامه معايا ع البنت اللى قدامك دى..وانتى ياشاطرة قوليلى بقا مين اللى قليل الادب؟!
ورد خايفة ومش عارفة تنطق شكله كان يرعب حرفيا
كريم:انطقى..هو انتى خرسا؟! مين اللى قليل الادب؟! يامحترمة يالى اهلك ربوكى كويس
ورد:انا محترمة غصب عنك واللى عندك هاته انا مش خايفة..ايه ياختى دة؟! هما خدوهم بالصوت ولا ايه؟! لا ع فكرة انا عندى صوت وبعرف اعليه كويس كمان...ايه دة هى امه كانت بتتوحم ع ايه وهى حامل فيه؟!
كريم اتعصب وجاب اخره منها وحسين مصدوم مش عارف يتكلم اول مرة بنت تقف قصاد كريم ومتخفش منه وتتحداه كمان
كريم راحلها ومسك ايدها جامد لدرجة انها احمرت وقال بمكر:ع فكرة انا بعرف اعض كويس اوى..والعضة تفضل معلمة ييجى لسنة قدام..تحبى اوريكى؟!
ورد بصدمة:ها
حسين مسك ايد كريم وقال:تعالى معايا
كريم:لا لازم اوريها الاول
حسين:يبنى الله يهديك تعالى معايا..وانتى ياورد البسى وانزلى
ورد:حا حا احم حاضر.
وكريم فضل يبصلها وقال:هشوفك تانى ياجميل..انا تحت ها..يخربيت عيونك دى طببعية دى ههههههههه
ورد فضلت مبرقة من تحوله المفاجى وطريقة كلامه وعصبيته الغير مبررة بالنسبة ليها
ورد:دة اكيد مريض نفسى..اه هو كدة فعلا
قلتها ع سبيل التخمين متعرفش انه فعلا مريض نفسى
ف الصالة
كريم فضل ماشى مع ابوه وهو بيغمض عينه بوجع لما جاله الصوت تانى.
ايه هو انت هتتضعف تانى..عايز تحب للمرة التالتة.هههههههه صدقنى انت واحد متستهلش الحب..سهل يضحك عليك من اغبى واحد ف الدنيا...المفروض متتضعفش قدامها..المفروض تاخد حقك منها..مش هى اللى ضحكت عليك وفهمتك انك عقيم..وهى نفس الواحدة اللى حبتها وخلفت منها وف الاخر خدعتك وسغرت وخدت منك ابنك ومش هتعرف تشوفه تانى ههههههههه حرام بجد صعبت عليا اوى..دة صنف الحريم..قدامك واحدة منهم...خد حقك منها..ازاى تقف قدامك وتتحداك كمان...لازم تعرفها مقامها وتعلم عليها علشان تحرم تبصلك.
ورد لبست ونزلت ف الصالة لقتها فضية فضلت تدور ع المطبخ لحد م لقته
ورد:احم احم
دولت:تعالى ياحبيتى انتى ورد مش كدة
ورد:ايوة
دولت:ماشاء الله عليكى..جمال ربانى بصحيح..انا دولت تعالى اقعدى معايا نرغى شوية ولا مش حبة؟!
ورد:لا طبعا حبة..انا الصراحة حبة اسالك سوال
دولت:اتفضلى ياحبيتى
ورد بتردد:ابن حسين بيه..ايه حكايته؟!
دولت: ايوة تقصدى كريم بيه..دة كان طيب وحنين ومرح وكل الناس بتحبه ياكش بس اللى حصله..تصورى حب واحدة من كل قلبه ومكنش بيستخسر فيها حاجة هات دة حاضر مش عايزة دة حاضر كان زى الخاتم ف صباعها ضحكت عليه وفهمته انه عقيم مش بيخلف وخانته مع اعز صحابه كان بيدخله بيته وبيثق فيه ثقة عميا ولما عرف طلقها وكان هيقتلها لولا ستر ربنا ..تعب اوى ياحبة عينى وبعد سنتين شاف واحدة عجبته فقرر يتجوزها بس هى حملت ساعتها ادالها علقة موت وافتكر انها خانته بس لما راح حلل تانى اكتشف انه مش عقيم وهى اللى مش بتخلف وضحكت عليه علشان يطلقها..والبنية التانية اول م خلفت الواد مشيت وسابته وهى لحد دلوقتى ع ذمته هو مطلقهاش بس نفسه يلاقى ابنه تصورى هو دلوقتى عنده 5 سنين..من ساعات اللى حصله وهو بيجيله حالات غريبة زى وسواس هواجس تشنجات زعيق ع اتفه الاسباب بجد ربنا يشفيه.
ورد حست بشفقة ع حاله وعينها دمعت بس مسحت دموعها بسرعة وقالت:ربنا يشفيه وان شاء الله يلاقى ابنه بس ليه هى مشيت؟!
دولت:اصله اصله هو كان بيتعامل معاها بعنف شوية ف كل حاجة..بيزعق وبيمد ايده حتى ف علاقتهم الخاصة كانت بتجيلى وهى معيطة وبتقولى انها مش قادرة تستحمل واول م خلفت الواد خافت عليه منه فمشيت
ورد:ازاى تعمل كدة ف حد هياذى ابنه..حرام تحرق قلبه كدة؟!
دولت:معذورة يابنتى بردو.. اصلك مكنتيش ف مكانها لو حسيتهى ربع اللى كانت بتحسه مكنتيش هتقولى كدة
ورد:طيب هما عايشين لوحديهم هنا ف القصر الكبير دة؟!
دولت:لا هو عايش هو وابنه كريم وكمان صبرى اخوه ومراته شويكار هانم وابنها وليد وبنتها رضوى وعندها ابن تانى الله يرحمه كان توام وليد..والفلة اللى جمبها عايش اخوهم التالت فواز ومراته مها وابنهم حيدر اسم النبى حارسه ظابط اد الدنيا
ورد بسرحان:وليد..لا ممكن تكون تشابه اسماء..مش معقول اللى ف بالى
فضلوا يتكلموا كدة لحد م سمعوا هبد جاى من الصالة
الكل جريوا يشوفوا ف ايه.
لقوا كريم بيصرخ ويقول:ابنى انا عايز ابنى الخاينة والله العظيم لجيبها حتى لو ف بطن الحوت.منك لله..انا عايز ابنى يابابا اااااااااه ابعد عنى بقا..اخرج من دماغى حرام عليك
فضل يصرخ وجتله حالة التشنجات..وحسين مكتفه لحد م يهدا بس مش عارف علشان ابنه التشنج بتاعه كل مدا بيزيد وفجاه عين كريم بقت حمرا وزق ابوه جامد وفضل يصرخ ويكسر اللى ييجى قدامه وبص لورد اللى كانت بتترعش من الخوف ومسكة ف ايد دولت جامد.
كريم غمض عينه لما سمع الصوت
اهى قدامك روح وخد حقك منها..محدش هيمنعك...روحلها وارضى غرورك..بطل جبن وروح
جرى وشدها من دراعها جامد وفضل ينتفس بسرعة وبصوت عالى وعينه الحمرا ف عينها مباشرة
حسين:بلاش يبنى علشان خاطرى..ابعد عنها بالله عليك دى مش زيهم يبنى صدقنى
ورد كانت بتعيط خايفة ليعمل فيها حاجة..فجاه الصوت بيقول بزعيق:اضربها..بقولك اضربها
جاى يرفع ايده بس لما شاف عينها الخضرا بتلمع بخوف وتوسل حس ان العيون دى شافها قبل كدة حارب الصوت اللى بيزن ف ودانه زى الدبانة الرخمة لحد م حط ايديه الاتنين ع راسه وفضل يصرخ ويقول:كفايااااااا...واغمى عليه ع كتف ورد اللى صرخت ب اسمه:كرييييييم
ف اوضة كريم
كريم نايم ع السرير وابوه جمبه عمال يقراله قران وبيدعيله
اما ورد كانت مراقباه وعينها بتدمع متعرفش ليه..فجاه حست بحد حط ايده ع كتفها لفتله بخضة وقالت:انتى مين
شويكار:انتى اللى م
سكتت لما عينها جت ف عين ورد لقت نفسها بتملش ع وشها بحنيه وفضول اما ورد مش فاهمة هى بتعمل ايه؟!
شويكار بصت ع الحسنة اللى ف رقبة ورد وقالت:هو انتى شعرك اصفر؟!
ورد بصدمة:ايوة
شويكار:انتى ليالى؟!
ورد:مين ليالى؟!
شويكار ف نفسه:معقولة تكون ليالى..بس لا انا لازم اتاكد الاول...لازم اكلم الدكتور واخد منها عينة واعرف..ياريت تطلعى بنتى..انا فضلت ادور عليكى سنين
حاولت تمسك نفسها قدامها وقالت:معلش ياحبيتى اصلك فكرتينى بواحدة عزيزة عليا اوى
ورد:مفيش مشكلة...بتحصل كتير..انتى مدام شويكار؟!
شويكار:ايوة
ورد: انا اسمى ورد ابقا الخدامة الجديدة هنا؟!
شويكار:الخدامة؟!
ورد:ايوة..ياريت تخشوا للاستاذ كريم تطمنى عليه..اومال فين صبرى بيه؟!
شويكار:هو انتى ع كدة تعرفى كل اللى ف البيت؟!
ورد ب احراج:اصل ابلة دولت قالتلى..عن اذنك هشوف شغلى
شويكار:اتفضلى ياحبيتى
بليل
كلهم قاعدين بياكلوا
شويكار:كويس انك عملت كدة؟! ع الاقل ناخد ف البنت ثواب
صبرى:لا طبعا اابنت دى لازم تمشى من هنا
حسين:ليه م هى بتشتغل وبتعمل بلقمتها..ليه نقطع رزق الناس وبعدين هى ملهاش مكان تروحه..انا اللى هتحمل مسؤلية الموضوع دة متتدخلش انت
صبرى:وليد مش ناوى يرجع ياشويكار؟!
شويكار بحزن:مش عارفة ياصبرى ادينى اهو بحاول معاه
صبرى:انا اكيد عملت حاجة ف دنيتى وحشة علشان ربنا يرزقنى بواحد زيه
شويكار:متقولش كدة ياصبرى..دة ابنك ربنا يباركلك فيه..دة هو اللى حليتنا هو ورضوى بعد ليالى فاكرها
صبرى:ليه السيرة دى دلوقت ياشويكار؟! انا مش قولتلك انسيها خالص؟!
شويكار بعياط:انساها ازاى..دى هى اول فرحتى بعد وليد وانت كسرتها لما طلبت منى اموتها ب ايدى...وكل دة ليه علشان عرافة قالتلك انها نظير شوم عليك..طب م ربنا رزقنا برضوى بتحبها يمكن اكتر من كريم اشمعنى ليالى يعنى؟!
صبرى بعصبية:احمدى ربنا انى خليتك انتى اللى تقتليها ب ايدك او ترميها ف اى داهية..مش انا اللى اتصرفت ياشويكار.ليالى صفحة واتفقت من حياتنا..انتى بقالك سنين مش بتفتحى معايا السيرة دى اشمعنى دلوقت؟!
شويكار ف سرها:علشان الموضوع دة هيتفتح تانى وقريب ياصبرى.