رواية حفيدة القاضي للكاتبة أماني فهمي الفصل الأول
البداية من داخل الولايات المتحدة الأمريكية
فى منزل اقل ما يقال عليه مبهر وفوق الممتاز حيث نشاهد الأزهار مختلفة الأشكال والالوان وحمام السباحة الرائع في الدور الأول نشاهد المفروشات على الطريقة الكلاسيكية من اللونين الأبيض والأسود
ويضم الصالون والسفرة وغرفة مكتب والمطبخ والدور الثانى يوجد به عده غرف وأكبر جناح حيثو يتكون من غرفة ملابس وغرفة نوم وحمام وغرفة ملابس دعونا نبدأ باستيقاظ بطلتنا.
ماريا: چين چين استيقظى ابنتي
چين: صباح الخير ماريا
ماريا: صباح النور ابنتي چين
چين: الساعة كام
ماريا: الساعة 6 صباحا هذا موعد الرياضة
چين: مليش مزاج صحينى الساعة 8 اوك
ماريا: ليه حبيبتى انتى تعبانة
چين: تعبانة شوية سبيني انام بقه
ماريا: تمام ابنتى
تركتها ماريا وذهبت
( ماريو سيده في 40 من عمرها وهي مساعدة جين في المنزل وليست خادمة وتعامل چين على انها ابنتها ).
ما الوقت واستيقظت چين واخدت حمام وصلت ولبست تحت الى المطبخ
چين: صباح العسل ماريا
ماريا: صباح النور ابنتي
چين: انا مش هاجى على الغدا
ماريا: لماذا ابنتى
چين: عندى شغل كتير يالا سلام
توجهت چين الى سيارتها وابتد سيارة الحرس تسير خلفها وصلت إلى الشركة
چين: صباح الخير
مارك: صباح النور صغيرتي
چين: خت العلاج ولا لسه
مارك: نعم صغيرتي اخذتوه وتناولت افطاري
چين: تمام احنا ورانا شغل كتير.
مارك: أخبار مشروع المصانع مصر ايه
چين: اول الشهر هيوصل 3 شركات الى العرض بتعهم اتقبل ولسه هقعد معاهم
مارك: وانتى منمرة على مين
چين: منمرة هو انت مش امريكي ليه لسانك بيقلب مصري
مارك: علشان انا من جزور مصرية يا صغيرتي
چين: المهم في شركة السيوفي ده تاريخها ممتاز واسمها في السوق مشرف وبعيدة كل البعد عن الاعمال غير شرعية
مارك: وانتى ايه الى عرفك
چين: عيب عليك تسال سؤال زى ده لچين اد.
مارك: من يوم ما عرفتك وانتى دماغك سم
چين: هههههه وياترا سم بالعسل ولا بالقشطة
مارك: لا سم بالهبل
چين: اشتغل يالا وانا هاخد جولة على المصانع والشركات
مارك: ماشي صغيرتي
چين: يالا سلام
خرجت چين لتبدأ شغلها.
فى جمهورية مصر العربية
داخل فيلا السيوفى
چنان: مروة جهزي الفطار
مروة: حاضر يا هانم
چنان: انا هروح اصحى فهد ولمار
لمار: انا صحيت يا مامي من بدري
چنان: صباح النور يا قلبي راحة فين بدري
لمار: اكيد يعني عندي جامعة مش راحة الملاهي
چنان: ماشي يا لمضة روحي صحي ابوكى وانا هصحي فهد
لمار: مش خيفة على جوزك منك دانا موزة والشطان شاطر
چنان: شطان لا ياختى انا هصحي جوزى حبيبي وانتى صحي اخوكى.
لمار: عليا الطلاق مايحصل فهد عل الصبح ليه
فهد: ومالو فهد يا اختي
لمار: ابو الفهود وحشتني يا راجل والله
فهد: لا والله مالك كده محلوة على الصبح
لمار: شيف يا چي چي ابنك
محمد: مالك دعوة باختك يا مفتري
فهد: خلاص يا عم انت خدها وانا هاخد امي حبيبتى
محمد: لا يا روح امك انا الى مكوش على ستات البيت ده
چي چي: ربنا يكرمك يا فهد ببنت الحلال يا رب
لمار: وافرح فيك وتكون قويه ومفترية
فهد: مفيش ست تقدر عليا يالا سلام.
محمد وچي چي: ربنا يرزقك ببنت تكون جبروت وتجيب مناخيرك الارض
لمار: ياااااااااا رب اسمع من وليه ساعة ظهرية
چي چي: يالا يا جذمة عل الكلية
لمار: والله انا مضهضة في البيت ده سلاموزة
محمد: سلام يا قلبى
غادرت لمار الى الجامعة وتوجة محمد الى الشركة.
فى شركة السيوفي
فهد: صباح الخير سيف
سيف: صباح النور والجمال والعسل المكرر على
فهد: خلاص هو فرح
سيف: وهنبدا الليلة اه اه
فهد: سيييييبيييييف
سيف: ربنا على الظالم
فهد: شركة انترناشونال اتكلمو
سيف: ايوة واحنا دخلين منافسة مع ثلات شركات
فهد: متعرفش حد يجيب اخر الكلام
سيف: المدير التنفيذي بتاع الشركة صعبة وشديدة جدا
فهد: هو اسمة ايه
سيف: چين اد
فهد: المعاد امتى.
سيف: المفروض نسافر على آخر الشهر علشان المقابلة معاهم
فهد: يعنى بعد أسبوعين تمام روح على مكتبك
سيف بحسرة: يعنى تخدنى لحم وترمينى عضم اروح فين بابنك الى فبطنى
فهد: عارف هتروح فين
سيف: لا معرفش
فهد: هرميك من الشباك ده حالا
بعد الكلام ده اختفي سيف نهائي من مكتبة
فهد: ناس تخاف من العين الحمرا.
فى صعيد مصر
( الكلام المفروض يكون بالصعيدى بس انا مش من الصعيد يعنى لو كلمه اتكتبت بالمصري محدش يدقك ???? ).
في غرفة محمود القاضي
محمود: قومي يا مره حضريلي الحمام
مروة: حاضر ياسي محمود حالا
محمود: غورى جبر يليمك
مروة: الحمام جاهز اتفضل
محمود: خوري حضريلي خلكاتى وسبها ودخل الحمام
مروة بدموع: يارب ريحني من الذل ده وقامت حضرت الهدوم
محمود: انتى يا زفته
مروة: نعم
محمود: غورى حضري الفطور مع الخدم تحت
مروة: بس انى مش جادرة انزل واصل يا ولد عمي محمود: وكمان بتعرضي
وانهال عليها بالضرب وسابها تنزف من بقها ونزل تحت.
مروة: يا رب انت عالم بحالى
نزلت مها بعد ما غسلت وشها من الدم وراحت المطبخ
مروة: اصباح الخير يامي
الام مها: اصباح النور يا بتي نزلتى ليه
مروة: هساعد الخدم في الفطور
الام: لا يا بتى روحي ارتاحي انتى تعبانة من امبارح
مروة بقلة حيلة: لا يامى انا زينة
الام: ايه الى فوشك ده م محمود ضربك
مروة: لا يامى اصلى اتخبط
احمد: صباح الورد يا امي صباح الخير يا مروة
الام: يسعد صباحك يا ولدى
مروة: اصباح النور يا محمد.
احمد: مالك يا مروة هو مد ايدة عليكى تانى
مروة: عادى يا اخوى مع راجل
احمد: ده ظلم ربنا يسامحة ابوية هو السبب
الام: خلاص يا ولدى ربنا يرضي عنيك
احمد: عارفة يامى انا فرحان ان اختى چنان ماتت علشان كانت هنشوف ظلم منهم للابد
الام بشرود: ربنا امين عملها الصالح ويحميها
احمد: امى امى رحتى فين
الام: انا هنا يا ولد زمانها بقت عروسة حلوة ربنا يسعد ايامها
محمود: الفطاريا مرة
مروة: انا هروح اطلع الفطار.
احمد: يالا يامى تعالى نفطر
توجة احمد مع امه الى المائدة
احمد: صباح الخير يا بوي
منصور: صباح النور يا ولد جيت امتي
احمد: جيت بليل كيفك يا محمود
محمود: بخير يا خوي
احمد: خف شوية على مروة
محمود: خليك في حالك لازم تكسر المرة على طول
احمد: يا عم الشيخ متتكلم باشرع
محمد: من حق الزوج تربيه زوجته
احمد: هو ده كلام الشرع يا حضرة الشيخ
منصور: خلاص كل راجل يحكم مرتوه كيف مهو عاوز
محمود: جومى هاتى الشاي
مروة بضعف: حاضر.
احمد: ارحمها شوية ده بنت عمك قبل متكون مراتك
منصور: أحمد ابقي روح لجدك عوزك
احمد: حاضر يا بوي
محمود: انتى بقرة فين الشاي
مروة: اتفضل يا سي محمود
محمود: غورى من وشي خير يلمك
قادر محمود وساب مروة بدموعها
أحمد: عارف يا بوي انا فرحان اوى ان اختى ماتت
منصور: احسن أهو التراب تواها
احمد: حرام عليك يا بوي ده بنتك الوحيدة طول عمركم قسين عليها
محمد: البنت نقمة يا خوي
احمد: بصراحة وسكت انا سمعو صوت صويت.
احدي الخدم ( ان السعد ): الحقينا يا ست هانم
احمد: في ايه وراح لقه مروة وقعه في الأرض وألم حواليها
شالها احمد وخرج بيها ووراه امه وطلعو على المستشفي ودخلوها عرفة العمليات مر وقت ووصل محمود.
احمد: يابرودك يا اخي ده مراتك
محمود: أحمد انا مش ناقصك
احمد: لسه هيتكلم لقه الدكتور خارج
الام: خير يا ولدي
الدكتور: للأسف حالة سقط
احمد: هي كانت حامل
الدكتور: المريضة اتعرضت للضرب في منطقة الرحم
محمود: شكرا يا دكتور هتخرج امتي
الدكتور: يومين وتخرج بعد اذنك
احمد: حسبي الله ونعمه وكيل فيك يا اخي منك لله
محمود: خلصنا عيل وراح بكرة تجيب غيرة
احمد: انا رايح اطمن على الغلبانة الى جوة.
محمود: انا ماشي ورايا شغل سلام عليكو
الام: ربنا يهديك يا ولدى
احمد: كل يوم بشكر ربنا ان چنان ماتت
الام: كفاية يا ولدى ربنا يرضى عنيك تعالى ندخل
دخل أحمد وامه على مروة لقوها فاقت
مروة: هو ايه الى حصول
الام: قضر ربنا يا بتي
مروة: انا مش فاهمة حاجة قول انت يا احمد
احمد: ربنا كان مدينا امانه وعزها نقولو لق
مروة: لا طبعا كل حاجة في أيدينا ملك ربنا
احمد: انتى كنتى حامل ربنا يعوضك بغيرة ان شاء الله.
مروة بدموع: محمود عرف
احمد: ايوة وزعل اوى علشان كده مشي مش عوزك تشفيه وهو زعلان
مروة: زعلان اخوك عرف انى كنت تعبانة وفضل يضربني في بطني
احمد: الحمد لله على كل شئ
مروة: هخرج امتى
الام: يومين اجده
مروة: عوزة اروح عند امي يومين
احمد: وهتسبينا لوحدنا
مروة: متخفش اوى كده ذل عند اخوك كيف ذول عند ابوى كله ذل ربنا يرحمك يا شهد انتى چنان وراحت في النوم ??????????.