رواية حطمتي حصوني الجزء الثاني للكاتبة بسنت شريف الفصل الخامس عشر
سامر وصل بيته و قعد على كرسي و كان شارد بيفكر في اللي حصل هو ليه راح ليها المستشفي ليه كان قلقان عليها و حابب انه يطمن عليها و خرج من شروده على صوت امه، كويس انك جيت عشان ناكل كلنا سوا
سامر بانتباه: بتقولي حاجه يا ماما
نهله باستغراب: انت مش معايا خالص اي اللي واخد عقلك
سامر: لا ابدا انا بس كنت بفكر في شغل في حاجه ولا ايه.
نهله: لا يا حبيبي انا بقولك كويس انك جيت عشان خاطر ناكل سوا عقبال ما تاخد شاور هكون جهزت الأكل
سامر هز راسه و قام وقف دخل اوضته و زياد كان خارج من اوضته، هو سامر جيه
نهله: اه لسه جاي بس شكله متغير هو في مشكله في شركه عندهم
زياد: لا زين مش جبلي سيره ان في مشكله عندهم في شغل
نهله: امال في ايه كان سرحان في ايه كدا دا جاي من باره في دنيا تانيه.
زياد: يمكن عنده ضغط شغل بس و انتي عارفه سامر بيحب شغله و متعلق بيه
نهله: ماشي انا هروح اشوف الاكل
زياد قعد و موبايله رن برقم يزن ف رد عليه، الو
يزن: اذيك يا عمي اما رنيت موبايلي كان مقفول
زياد: عادي يا حبيبي انا كنت عايز اطمن عليك عملت ايه انت اما كلمتني كان عندي اجتماع و معرفتش اتكلم معاك
يزن: ولا يهمك الظابط اللي انت بعتلي رقمه قام بالواجب و خلص الموضوع.
زياد: كويس تفكيرك دا و قدرت تقفل الموضوع دا من قبل ما يكبر ابن الحديدي فعلا
يزن ابتسم: الحمدلله فعلا ربنا سترها قبل ما كان الموقف خرج عن سيطره المهم صح اشكرلي سامر جدا و انا هتصل بيه باردو
زياد: على ايه
يزن: هو اللي رجع ريما من المستشفي كلنا هنا اتلخمنا في موضوع اسر و بعدها تعب ماما ف مجاش في دمغنا نروح نجيبب ريما خالص
زياد: اااه عادي يا حبيبي دا اخوكم.
يزن: اه طبعا يا عمي ربنا يعلم سامر من غلاوه اسر عندي
زياد: ربنا يديم الحب ما بينكم
زين رجع البيت و فضل واقف قصاد باب اوضته بتردد انه يفتحه و مش عارف يواجه ريماس اذاي
ولا عارف هيقولها ايه
ريما: بابي انت جيت
زين بصلها بتفجئ: انتي خرجتي امتي و جيتي اذاي
ريما بتوتر: سامر وصلني
زين مسح على شعرها: و اذاي الدكتور يكتب ليكي على خروج كدا انتي كويسه طيب.
ريما: اه الحمدلله احسن كتير هي مامي كويسه دلوقتي انا كنت داخله اطمن عليها
زين: انا لسه جاي و داخل اطمن عليها باردو و دخلو سوا كانت ريماس قاعده على سرير و ماسكه كتاب ف ايديها بتقرا في
ريما: عامله ايه يا مامي دلوقتي
ريماس: الحمدلله يا حبيبتي احسن
ريما: طيب قادره تنزلي تاكلي معانا
زين: لا خليها مرتاحه كلو انتم و قولي لحد يطلع ليها الاكل هنا
ريماس: انا ماليش نفس اصلا كلو انتم يا حبيبتي.
زين: انزلي يا ريما اعملي اللي قولت عليه يالا
ريما بصت ليهم و نزلت و زين دخل الحمام
زياد قاعد على سفره هو و نهله و سامر خرج من الاوضه و قعد ياكل في صمت
زياد: انتي عندك عمليات بكرا يا نهله
نهله: في جدولي لا بس انت عارف ممكن يحصل ظرف طارق في حاجه ولا ايه
زياد: اه ريماس تعبت انهارده شويه ف نروح نشوفها و كمان ريما خرجت من المستشفي
نهله: اي دا تعبت اذاي انا كلمتها صبح عشان اطمن على ريما كانت كويسه.
زياد: ضغطها وطي شويه بس الكويس ان سامر كان هناك و وصل ريما لان دكتور كتب ليها على خروج و لو كانت ممكن تتعب اكتر
سامر بص لزياد و ماردش و كمل اكله
زياد و هو بياكل: اما قولي يا سامر انت كنت هناك ليه
سامر: احمممم هناك فين
زياد: في المستشفى هتكون فين انت مش شوفتها في المستشفي
سامر بص لاكل: عادي في طريقي و شوفتها صدفه
زياد ضحك: يا راجل اذاي يعني
سامر: هو اي اللي اذاي مش فاهم.
زياد: انت مش المفروض كنت في الموقع اللي انتم شغالين في جديد اللي هو اساسا في بدر
سامر: ايوه
زياد: و المستشفي في أكتوبر
سامر بنرفزه بيداري بيها توتره: هو في ايه يا بابا هو تحقيق ولا ايه انا مش فاهم انا غلطان يعني عشان وصلتها بدل ما كنت سيبتها في شارع مش بنت صاحبك دي ولا لا و كمان بنت صاحب الشغل اللي انا شغال في.
زياد ابتسم و سند ايده على ترابيزه، انت مالك اتنرفزت كدا ليه ذي ما تكون بداري على حاجه عملتها انا بتكلم معاك عادي بندردش سوا يعني
سامر بص لابوه بضيق و حاول انه يتكلم بهدوء: و انا قولت لحضرتك اللي حصل
زياد: تمام كمل اكلك تسلم ايدك يا حبيبتي
زين خرج من الحمام كان الاكل جنب ريماس و هي قاعده بتقرا باردو في كتاب
زين: مش اكلتي ليه
ريماس و هي باصه للكتاب: مش جعانه قولتلك.
زين شد منها الكتاب، لازم تاكلي مفيش حاجه اسمها مش جعانه عجبك الحاله اللي انتي وصلتي ليها دي من قله اكلك
ريماس بصتله بلوم: و همك يعني
زين بصلها بتفجئ: همني! انتي عندك شك اني عندك حد اهم مني يا ريماس
ريماس: الله اعلم انا مبقتش اعرف حاجه دلوقتي
زين: انتي بعد العمر دا بتشككي في حبي ليكي يا ريماس.
ريماس بصت ناحيه تانيه و ماردتش عليه و زين لف وشها ليه، ردي عليا يا ريماس ماتسكتيش كدا انتي عندك شك في حبي ليكي او انك عندي اهم من نفسي.
ريماس: مش قصدي كدا انا بس كنت مستنيه منك انك تفضل جنبي و مش تسيبني و تمشي انا متعوده منك انك اول واحد بتكون جنبي في اي حاجه و عمرك ما اتخليت عني يا زين حتى اما خرجت ليكم و انت باتكلم مع لين طلبت من زين ان هو اللي يدخلني الاوضه و انت اختفيت استنيتك كتير و انت مش رجعت انت بتحاسبني على كلام لين.
زين: اولا انا عمري ما اتخلي عنك و كلام لين رغم انه كان باسلوب غلط و انا مش قابلته لكن هي قالت الحقيقه يا ريماس ان انا اللي وصلتك لدا انا اللي بخاف عليكي من اي حاجه تلمسك بسببي انتي وصلتي للحاله دي طبيعي اني مقدرش اواجهك لاني مش لاقي كلام اقوله ليكي اصلا انا كنت مضايق وقتها من تصرف اسر و اللي هو عمله عارف ان كان قرار قاسي و حاد و انتي مش اتحملتي بس انا كنت شايف ان مالي كله اللي جمعته دا كوم و زرعتي في ولادي تلاته كوم تاني انا كنت بكبرهم يوم ب يوم عشان اطلعهم ناس محترمه و لحظه ما شوفت اسر حسيت ان تعبي دا كله راح على ارض ان تربيتي فيه كانها لم تكن و من ناحيه تانيه شوفت بنت ضعيفه مش هتقدر تقف قصادنا بنت ملهاش حد يدافع عنها و انا مقبلش بكدا و انا عندي بنت ف كان من وجه نظري ان سترها دا افضل قرار انا كنت واقف عند النقطتين دول ماسمعتش حاجه تانيه يا ريماس ماسمعتش كلام اسر و اصراره انه برئ ماسمعتش محيلاتك المستمره انا غلطان و معترف بغلطي و اتمني انك تسمحيني يا ريماس.
ريماس مسكت ايده، انا فهماك كويس و عارفه انك مش بتاخد قرار عشوائي و انك بتحسب كل خطوه و اتنهدت، انسي اللي حصل يا زين انساه احنا كلنا بنغلط و محدش فينا معصوم من الخطأ و الحمدلله خليفتك حلت الموضوع
زين ابتسم: يزن فكر في حل المناسب فعلا عشان ينهي الموضوع من جدوره
ريماس: و اهو تعليمك مش من فراغ يعني
زين مسح على شعرها، حقك عليا ماتزعليش مني
ريماس ابتسمت: حصل خير
زين حط صنيه على سرير، يالا عشان تاكلي بقي.
ريماس: هتاكل معايا
زين: اكيد
و اكلو سوا و زين شرد و بص ليها، تيجي نسافر
ريماس: فين
زين: اي مكان نفصل فيه شويه من اللي حصل دا
ريماس بسعاده: ياريت بس ريما عندها كليه و اسر المفروض هيستلم شغله جديد
زين: انا بقول نسافر قصدي انا و انتي و بعدين مهو بنسافر كل سنه و بيكونو معانا انا عايز اسافر انا وانتي و بس
ريماس: و الولاد هيكونو هنا لوحدهم
زين: مش هيتخطفو هما مش صغيرين يعني
ريماس: بس يا زين طيب انا.
زين مسك ايديها، مش هيحصل حاجه يعني لو فصلنا شويه يعني انا ليا حق فيكي باردو ها
ريماس: ماشي خلاص
زين باس ايديها، تمام يا ست البنات
اسر نزل ياكل و بص ليهم باستغراب، امال بابا و ماما فين
ريما: بابي طلب الاكل فوق ليهم
اسر: اشمعنا
ريما: عشان مامي تعباني
اسر بص ليزن و رفع حاجبه: تعبانه
يزن: جايز و اكيد بيصافي الخلاف اللي مابينهم
اسر: انا قولت كدا باردو
صباح يوم جديد.
ريما صحيت على صوت خبط الباب ف ردت بنعاس، ايوه مين
يزن؛ريما انتي صاحيه
ريما بكسل: تعالي يا يزن
يزن فتح الباب و دخل و قعد جنبها على سرير، كل دا نوم
ريما: هي ساعه كام
يزن: 8ونص و ملس على شعرها لسه تعبانه تحبي ترتاحي انهارده
ريما حضنت المخده: اه تعبانه جدااا مش قادره بصراحه ممكن اجي على محاضره بتاعتك
يزن: لو تعبانه خليكي مرتاحه و ابقي انزلي بكرا
ريما: تمام جداااا انت رايح الشركه.
يزن: اه بس هعدي على ماما الاول اطمن عليها و بعدين اتحرك
ريما: مش هتفطر
يزن: لا شربت قهوه ماليش نفس خلاص هبقي اكل اي حاجه في المكتب يالا كملي نومك و خرج راح اوضه امه و خبط بس محدش رد فضل يخبط و باردو محدش بيرد.
يزن بقلق: ماما ماما و اما مش لقي رد فتح الباب خاف انها تكون تعبت و بص في الاوضه بس مش لقي ليها اثر راح الحمام و خبط و بعد كدا فتحه باردو مش موجوده دخل اوضه الدريسنج مش موجوده خرج من الاوضه بسرعه و راح لاوضه اسر و فتح الباب و دخل و بقي ينده عليها، ماما ماما و راح الحمام باردو مفيش حد
اسر صح على صوت فتح الابواب و ساله بنعاس، في ايه يا يزن
يزن بقلق: ماما مش موجوده
اسر اتعدل بسرعه، مش موجوده اذاي يعني.
يزن: معرفش دخلت ادور عليها لقتها مش في اوضتها مش عارف راحت فين
اسر باستغراب: غريبه هتكون راحت فين على صبح كدا طيب شوفتها عند ريما
يزن. : انا لسه خارج من عند ريما اصلا انا هدور عليها في الاوض يمكن تكون بايته في اي اوضه
اسر: ماشي و انا هدور في الجنينه تحت و المطبخ
يزن: ماشي
اسر بقي يدور تحت و يزن يدور في الاوض و ريماس ملهاش اي اثر و دا قلقهم
يزن: مش في البيت هتكون راحت فين
اسر: تكون راحت للين.
يزن: دلوقتي انت عارف ساعه كام
اسر: وارد يا يزن استني انا هتصل بيها و اتصل ب لين و انتظر ردها و اتفجئ انها بترد عليه و هي نايمه
اسر بزهول: انتي نايمه
لين: اه مالك مستغرب كدا ليه
يزن شاور ليه مايتكلمش و يقفل، مفيش خلاص روحي كملي نومك
اسر: مش هناك هتكون فين
يزن: مش عارف دي الوحيده اللي كنت متوقع تكون عندها
اسر: تكون راحت لطنط نهله
يزن: لا لالا علاقتها بيها مش قويه لدرجه دي
اسر: طيب اي انا راي نتصل ببابا.
يزن: نستني شويه يمكن خرجت تتمشي و راجعه بابا لو عرف باختفائها دا هتبقي مشكله اكبر
اسر: تفتكر هما اتخانقو
يزن: دا اكيد
علي جانب الاخر وصل زين و ريماس القريه و طلعو الجناح
زين بص للمكان بتقيم، الجناح حلو جدا مش كدا و لاحظ شرود ريماس، اي يا جميل سرحان في ايه
ريماس: في الولاد احنا مش كان ينفع نمشي كدا و هما نايمين كنا على اقل استنيناهم اما يصحو و نبلغهم اكيد زمانهم قلقانين يا زين.
زين: يا الله ما تكبري دماغك شويه هما مش اطفال يعني يا ريماس
ريماس: يا زين بس
زين: مفيش بس قومي يالا غيري هدومك و خدي شاور عشان ننزل نفطر يالا الجو شكله حلو انهارده
ريماس: ماشي و قامت طلعت ليها هدوم و دخلت الحمام
زين بضيق: كل تفكيرها في الولاد طيب و ابو الولاد مالوش شويه وقت خالص بس فكر في كلامها و انهم ممكن يكونو قلقانين ف اتصل بيزن و انتظر رده
يزن بص للموبايل بقلق انا شاف رقم ابوه و رد، الو يا بابا.
زين: اي يا حبيبي انت صحيت
يزن: اه و جهزت و رايح الشركه اهو
زين: تمام
يزن: بقولك ايه هو حصل حاجه بينك وبين ماما امبارح
زين: اشمعنا
يزن: اصل يعني صحيت مش لقيتها في البيت و دورت عليها مش موجوده
زين ؛ هي معايا
يزن: معاك فين في شركه يعني
زين: لا انا اخدتها و سافرنا
يزن بصدمه: سافرتو فين و كدا من غير ما تعرف حد
زين: اي المفروض اخد الاذن من حضرتك.
يزن: مش قصدي يا بابا بس يعني عشان مش كنا نقلق عليها يعني حصل خير والمهم ان انتم بخير ترجعو بسلامه
زين: الله يسلمك
اسر جيه لقي يزن بيكلم في الموبايل: في ايه بتكلم مين
يزن: دا بابا بيقولي ان ماما معاه و هما سافرو
اسر بزهول: سافرو اذاي يعني
يزن: معرفش
اسر اخد الموبايل من يزن و فتح الاسبيكر كدا يا بوب دا موقف يعني تخلينا ندور على ست في البيت و دماغنا تودي و تجيب طب كنت قول انك مسافر
انتم فين طيب.
زين: مالكش دعوه
اسر ضحك؛طيب هترجعو امتي
زين: لسه مش عارف
اسر: في ايه يا بابا هو انت خطفها يعني ولا ايه
زين: اه يا خفيف يالا روح بقي شوف انت يتعمل ايه سلام و قفل المكالمه و بعدها قفل الموبايل
ريماس خرجت: انت كنت بتتكلم في الموبايل ولا ايه
زين: اه كنت بكلم يزن
ريماس: طيب ليه مش قولتلي كنت عايزه اكلمه
زين وقف و مسك ايديها، لحق وحشك. يعني يالا عشان نفطر.
سامر قاعد على سرير فاتح لاب توب قصاده و جيه في باله كلام ابوه هو ليه راح المستشفى الطريق مختلف ليه راح ليها
ف رد على نفسه، مجامله لزين بيه مش اكتر هو صاحب الشركه اللي انا بشتغل فيها ف دا اقل حاجه اقدر اقدمها ليه مش اكتر
طيب و قلقك عليها اما عرفت انها تعبت.
سامر رد على نفسه بتبرير، طبيعي حاله انسانيه مش اكتر بنت عرفت انها اتسممت و ممكن لقدر الله يحصلها حاجه اي حد مكانها هيخلي اي شخص يقلق دا طبيعي مش حاجه مميزه يعني مش اكتر.