رواية حطمتي حصوني الجزء الثاني للكاتبة بسنت شريف الفصل الثالث
زين قفل معاها و اتحرك بالعربيه على بيت و قابل زياد و كان شكله متغير هو و نهله و باين عليهم القلق و ملامحهم متغيره ف بصلهم بقلق
زين: في ايه مالكم انتم اتخانقتو ولا ايه
زياد: لا مفيش حاجه تعالي ندخل بس
زين: ماشي تعالي
و اخدهم و دخل البيت كان سامر و يزن قاعدين مع بعض بياكلو ايس كريم و ريماس جنبهم
نهله جريت على سامر و حضنته بقوه و ريماس ابتسمت، اهلا اتفضلو عامله اي يا نهله.
نهله بانفعال: ااااااانتي اذاي تعملي كدا
ريماس باستغراب: انا عملت ايه
نهله: انتي كمان بتسالي اذاي تاخدي ابني من المدرسه من غير ما تعرفيني انا مطلبتش منك تاخديه
ريماس باحراج: انا اما روحت و مش لقيتك قولت انك مشغوله ف خوفت اسيبه في المدرسه لوحده ف اخدته مع يزن انا اسفه لو كنت قلقتك عليه.
نهله بانفعال: و انا اعمل ايه باسفك دااااا اعمل بيه ايه انتي ماتعرفيش انا كنت مرعوبه عليه اذاي و انا في دماغي الف حاجه ان ممكن يكون حد خطفه و انتي حتى ماكلفتيش نفسك تعبري امه و تطمنيها اننننتي ايه مش بتفكري خاااالص ان ماكنتي ام يا شيخه و هتحسي بيا و بخوفي عليه
ريماس. : انا والله ما جيه في دماغي كل دا يحصل او اني اعمل مشكله ليكي
نهله: مجاااااش في دماغك جيه في دماغك تاخدي ابني و بسسسسسسس.
زين بضيق: طيب يا نهله اهدي هي قالتلك وجهه نظرها هي بس خافت على ولد مش اكتر و اعتذرت منك انها اتسببت ليكي في مشكله و دا مش اول مره يحصل يعني ريماس كانت بتجيب سامر سنه اللي فاتت باستمرار مع يزن
نهله بانفعال و صوت عالي: بس كان بيكون بعلمي كنت بكون عارفه انها راحه تاخد ابني مش اروح المدرسه اتفجئ بيه مش موجود
زين بصلها و بص لزياد: انتي بتعلي صوتك ليه و انتي بتتكلمي معايا انا سامعك على فكره اهدي شويه.
زياد شاف ان زين اضايق من اسلوب نهله: خلاص يا نهله بقي الولد بخير اهو الحمدلله
نهله: و الرعب اللي احنا كنا فيه دا مش كان بسببها هي انا قلبي كان هيقف و هي جايبه هنا و قاعده ولا على بالها و انا مطلبتش منها مساعده ولا طلبت منها انها تاخد ابني معاها اصلا
ريماس وطت راسها باحراج و مش ردت عليها.
زين ضغط على قبضه ايديه و حاول انه يتكلم بهدوء معاها مراعه لصاحبه و انها بيته: و هي اعتذرت منك تعمل ايه تاني و انا بوعدك انها مش هتتكرر تاني و ريماس مش هتقرب من ابنك مره تانيه
زياد: زين انت اي اللي بتقوله دا نهله مش قصدها كدا احنا عارفين كويس ان ريماس بتحب سامر ذي يزن بالظبط و بتخاف عليه و عملت كدا من خوفها عليها انا متفهم دا جدا.
زين: كويس يا زياد انك فاهم بس صدقني كدا احسن دكتوره نهله اولي ببنها و ريماس ملهاش انها تدخل في تاني طلعي يزن فوق يا ريماس
نهله لسه هتتكلم زياد سكتها و اتكلم بانفعال، ممممممكن كفايه كلام بقي خلصنا الولد و معاكي و بخير و بص لزين و اخدها و مشي
زين مسح على شعره بضيق و طلع ليها بسرعه
يزن: هي طنط نهله مضايقه ليه يا مامي انتي مش عملتي حاجه في سامر انتي جبتي لينا candies.
و مش عملتي حاجه و بصلها كانت بتعيط ف مسح ليها دموعها، ماتزعليش طيب انا اسف
زين دخل و قعد قصادها
يزن: بص يا بابا مامي بتعيط
زين: روح يا حبيبي انت على اوضتك
يزن: و مامي اسيبها
زين: انا معاها روح اوضتك يالا مع الناني عشان تاخد شاور عشان تتغدي يالا
يزن: حاضر
زين انتظر يزن يخرج و مسح دموعها، خلاص كفايه عياط بقي.
ريماس: انا والله ما كان في دماغي ان دا كله هيحصل احنا كنا متعودين على كدا من سنه الى فاتت معرفش انها نسيت انا مش كان قصدي اعمل كل دا والله ما كان قصدي و اعتذرت منها
زين: خلاص يا ريماس الولد بخير و خلاص هي ام و خافت على ابنها
ريماس: انا مقدره خوفها والله انا اصلا اتاخرت و روحت بعد معادي بنص ساعه ف اما لقيت سامر اخدته معايا
زين: و انتي اتاخرتي كدا ليه.
ريماس حكت شعرها، كنت نايمه و لين كلمتني ف صحيت و لبست و نزلت بسرعه و روحت اخدت يزن و لقيته قاعد في الفصل و قولت هي اكيد عارفه ان الولد معايا
زين مسك ايديها: ياريت اللي حصل دا مايتكررش تاني يا ريماس مفهوم
ريماس: هو انا مش بتاخر كل يوم والله دا هو انهارده بس
زين: اما مش قصدي على تاخيرك انا بتكلم ان انتي تروحي تجيبي ابنك و تمشي سامر ليه ام و اب يروحو يجبوه
ريماس: بس يا زين.
زين: مفيش بس يا ريماس اللي اقوله يتنفذ انتي مالكيش دعوه بيه تاني نهائي اهله مسئولين عنه كلامي مفهوم
ريماس بصتله: حاضر
زياد فضل طول طريق ساكت لحد ما وصلو البيت و نهله ادت سامر للمربيه و قعدت جنب زياد، انت ساكت ليه
زياد: عيزاني اقولك ايه
نهله: هو انت بتكلمني كدا ليه
زياد بانفعال: اننننتي كمان بتسالي
نهله: اه انا عملت ايه انا خوفت على ابني ايه المشكله اني انفعل يعني
زياد: انتي شايفه ان اللي عملتيه دا يصح.
نهله: من خوفي على ابني
زياد: انا كلامي واضضضضضح صح و لا غلط انك تروحي للناس بيتهم و تهينهم بالطريقه دي
نهله: و انت ماشوفتش طريقه زين
زياد: زين اللي مش بيسمح لمخلوق يقرب من مراته اتعامل معاكي كدا عشاني و راعي قلقك على ابنك و انتي كنتي مزوداها اووووي و شدها من ايديها شايييييفه العربيه دي ورانا من وقت ما خرجنا من المدرسه عارفه بتاعت مييييين عارفه مين اللي جابهااااااا
نهله بضيق: معرفش.
زياد: زين اللي انتي روحتي هزقتي مراته زين اللي مجرد ما حس اني خايف على ابني راح باعت ليه عربيه فيها حرس عشان يحموه و هو في المدرسه و مراته ياريتها غلطت كل اللي عملته انها اما لقيتك اتاخرتي في شغلك اخدته و مشيت و راحت بيه بيتها و كانت قاعده معاه هو و ابنها
نهله: انا كل لومي عليها انها مش بلغتني و اتسببت اني خوفت عليه و دا ابني يعني.
زياد: و هو حققلك اللي قولتيه و طلب من مراته انها مش تقرب من ابنك تاني و اقسم بالله يا نهله لو عملتي حاجه مع ريماس وصلتني اني اخسر صاحب عمري ما هيحصل كويس فاااااهمه و سابها و مشي
نهله: يوووه بقي انت رايح فين
زياد: رايح في داهيه و خرج و قفل الباب وراه بقوه و نهله نفخت بضيق و دخلت الاوضه لابنها كان قاعد و المربيه معاه ف شالته قعدته على رجليها و حضنته و هو بصلها و كشر، انت حملتي كدا ليه.
نهله: انا عملت ايه
سامر: انا كنت عايز العب من يثن (يزن)واكل ايث كليم طنط ريماث كبتلي كتيل و كانت جيبالي كاندي انا احبها
نهله: ماتزعلش هجبلك غيرهم
سامر: ماسي حاتي يالا و الوح ليثن
زياد رجع شغله و اتصل بزين و انتظر رده
زين: ايوه يا زياد
زياد حك راسه، انا مش عارف اقولك ايه بصراحه
زين ساب الورق من ايده: مش محتاج تقول حاجه مراتك قالت كل حاجه
زياد باحراج: زين انا اسف بجد نهله مش قصدها اللي حصل.
زين: ولا قصدها يا زياد هي معاها حق مراتي اللي غلطانه
زياد: زين مراتك مش غلطانه و انفعال نهله عليها من خوفها وقتها و
زين: اقسم بالله يا زياد لو مكانتش مراتك كان بقي ليا تصرف تاني معاها و انت عارف كويس حاجه ذي كدا الا ريماس عندي.
زياد: بس هي يا زين خافت على سامر تخيل انت وضعها انها راحت المدرسه اللي في المدرسه تقولها في واحده اخدته و مشيت و ملهاش اثر و هي خارجه في كاميرات مراقبه و انت عارف ظروف شغلي احنا كنا هنموت من رعب على ولد و احنا مش عارفين حاجة عنه او ممكن يكون حصل ايه في
زين: حصل خير يا زياد و الحمدلله ابنكم بخير و محصلش حاجه ليه
زياد: شكرا على حرس اللي عينتهم لسامر
زين ابتسم: سامر ابني ذي يزن بالظبط ربنا يباركلك فيه.
و بعد وقت زين طلع الاوضه كانت ريماس نايمه ف بص ليه باستغراب و راح ليها و قعد جنبها، ريري ريماس
ريماس بنعاس. : اي
زين: انتي نايمه
ريماس: اممممم
زين: اول مره تنامي في الوقت دا انتي تعبانه
ريماس: لا عادي سيبني اناام شويه بس
زين باستغراب: طيب قومي عشان تتغدي و بعدين كملي نومك
ريماس: لا مش جعانه سيبني انام بس
زين: قومي يا ريماس عشان تكلي بقولك بطلي دلع.
ريماس: يا زين سيبني بس بص انا صحيت خلاص ادخل انت خد شاور هكون صحيت روح بقي يالا و سيبني انام الشويه دول
زين قام وقف و بص ليها بتعجب ريماس في العاده بتصحي و مش بتعرف تنام تاني غريب نومها دا
و افتكر اما قالتله انها اتاخرت على يزن عشان كانت نايمه باردو ف بصلها بقلق و دخل الحمام
ريماس نايمه و سمعت صوت موبايله بيرن ف مدت ايديها بضيق اخدته و اما شافت رقم لين اتعدلت و ردت، الو
لين بزهول: انتي كنتي نايمه.
ريماس: اه
لين: ليه
ريماس: هو في ايه مالكم اي المشكله هو نوم في مشكله انتي عامله ذي زين كل شويه انتي نايمه ليه
لين ضحكت: نامي براحتك يا ستي
ريماس: ااسكتي يا لين كان يوم انهارده
لين: ايه اللي حصل في ايه
ريماس حكت ليها اللي حصل نهله
لين: الوليه الحيزابونه دي بدل ما تشكرك جايه تتخانق معاكي و انتي عملتي ايه معاها و هي عماله تزعقلك كدا
ريماس: هعمل ايه يعني انا مقدره موقفها.
لين: اهااااااااا قولتيلي مقدره موقفها البت دي المفروض كنتي جبتيها من شعرها كدا و قوليلها يا عديمه دم انا بجبلك ابنك. مش تقفي ساكته كنتي كلمتيني انا و جيت عرفتها مقامها
ريماس ضحكت: ماتنسيش انها مرات زياد
لين حكت شعرها: اه دا ظابط صح هنروح كدا سكه اللي يروح مايرجعش
ريماس: مش كدا بس انتي عارفه انه صاحب زين ف خلاص بقي المهم احكيلي انتي عملتي ايه مع حاتم ايه اللي حصل.
لين اتنهدت و حكت ليها اللي حصل معاها هي و حاتم و ريماس بتسمعها ببتسامه عريضه، شوفتي بقي ان كلامي كان صح حاتم بيحبك جدا و مش هيتسغني عنك بسهوله
لين: اعمل اي كله من العقربه اخته عارفه اللي يسبني عليها اديها حته عالقه محترمه
ريماس ضحكت: اهدي يا مجنونه دي الوحيده اللي مينفعش تضربيها.
لين: مهو اللي مسكتني انه ماينفعش عارفه لو كان ينفع بس بجد شكرا جدااا ليكي لولا نصيحتك ليا اني اتكلم مع حاتم انا مش عارفه كان ممكن يحصل ايه
ريماس: عيب عليكي انا في الخدمه و على فكره انا حجزت ليكي مع الدكتور و معاده بعد تلات ايام ساعه 7
لين بحزر: هو كويس يعني
ريماس: اه اطمني خير ماتقلقيش المهم انا بس عيزاكي هاديه و مش تخلي حد يعصبك انتي عرفتي نيه جوزك و دا المهم.
لين: عندك حق انا هقفل بقي عشان عندي شغل و اما اروح هكلمك تاني
ريماس: ماشي
ريماس قفلت كان زين واقف باصص ليها و بيضحك
ريماس: بتضحك على ايه
زين راح ليها و مسك خدودها، بقيتي من امتي بتعملي خطت يا ريماس كبرتي امتي كدا
ريماس كشرت: اي كبرت دي انت شايفني عيله قصادك اي يا زين دا
زين ضحك: انا مش عارف اشوفك والله غير عيله حاولت كتير بس مش عارف المهم بس خطت ايه اللي عملتيها مع لين يا جوز مصايب.
ريماس ضحكت: كانت خير والله
زين: بجد عليا انا باردو لين مش بتيجي في خير خالص ياترا مين ضحيتها المره دي
ريماس حكت ليه اللي حصل كله مع لين و زين يسمعها بتعاطف، كان قرار كويس منك انها تتكلم مع جوزها لانه هو اللي هيوقف المهزله دي
لين كانت واقف قصاد لوحه بترسم تصميم و سمعت خبط على باب، ادخل
الباب اتفتح و انتبهت لصوت كعب ف اتلفتت اتفجئت بجايدا، انتي.
جايدا بصت بتفحص على مكتبها بغيره حاولت تداريها و ابتسمت ليها، هاي
لين بصت ليها بضيق و بصت للتصميم، اهلا
جايدا: عايزه اتكلم معاكي في موضوع
لين: مش فاضيه ذي مانتي شايفه
جايدا. : مش هاخرك اطمني انا بس جايه اقولك كلمتين و همشي
لين و هي على نفس وضعها، خير عايزه تقولي ايه
جايدا: انتي كرهاني من غير سبب و دا مش من دلوقتي دا من ايام الجامعه مش عارفه ليه.
لين لفت الكرسي و بصت ليها و ابتسمت، بالعكس انتي ولا في دماغي ماتديش لنفسك حجم كبير كدا
جايدا بصت ليها بغيظ و ابتسمت، على عموم خلينا في المهم اللي انا جيالك عشانه
لين حطت رجل على رجل، و اللي هو
جايدا: شهيره اكيد كلمتك في موضوع جوازي انا و حاتم عشان انتي مش بتخلفي.
لين بصت ليها و اتحكمت في نفسها عشان مش تبين انها مضايقه و جايدا كملت كلامها و هي بتتعمد تجرح لين، هو احساس صعب انا قلبي معاكي انك مش تقدري تخلفي بس انتي باردو لازم مش تكوني انانيه و تفكري فيه باردو و انه من حقه يكون ليه ابن يشيل اسمه حتى لو مش منك وانا بوعدك اني عمري ما هخليه يطلق و كمان هسمح ليكي تقعدي معانا في الفيلا و في شركه كمان.
لين ابتسمت ليها و قامت من على كرسي و وقفت قصادها، اي دا هو انتي ماتعرفيش الجديد
جايدا. : جديد ايه مش فاهمه
لين ابتسمت: مش حاتم قال انه مش عايز يتجوز و انه مكتفي بمراته حبيبته اللي هي انا يعني ومش هيسمح لاي مخلوق يدخل هي شهيره مش قالتلك ولا ايه معقول.
جايدا: و انتي مصدقه كلامه دا اي راجل في دنيا بيتمني انه يكون عنده طفل هو بس بيقول كلام دا قصادك عشان انتي صعبانه عليه مش اكتر يا حرام و بيتعامل معاكي بشفقه صعبتي عليا يا لين بس انتي المفروض تكوني اعقل من كدا و تفهمي ان في حاجات كتير مهمه و طبيعي اي شخص يكون عنده اولويات و حتى لو هو رافض فكره جواز اوعدك اني اخليه يغير رأيه و دا وعد مني.
لين بصت ليها و على وشها ابتسامه خبيثه، من 7سنين كان لازم يكون واقفه حلوه بس اتاخرت شويه و جت وقتها عشان نتعامل مع بعض بوضوح
و على نور و كل واحد يعرف مقامه
جايدا بصت ليها باستغراب، قصدك ايه يعني مش فاهمه
لين ابتسمت و قلعت البليزر اللي كانت لبساه و جايدا متابعها باستغراب و اتفجئت ب لين بتشدها من شعرها، بقي انتي يا عره جايه تعملي على انا واحده و عايزه تاخدي جوزي مني دا نجوم السما دي اقربلك.
جايدا بالم: اااااه شعري ااااوعي صدق اللي قال تربيه حواري صحيح
لين: و انا هوريكي تربيه حواري على حق و وقعتها على ارض و بقت تضرب فيها و تشتمها و جايدا بتصرخ و بتطلب النجده من اي حد
شهيره فتحت الباب و اتفجئت من المنظر، اااانتي بتعملي ايه يا مجنونه
لين بانفعال: اقسم بالله لو مش بعدتي عني لهضربك معااااها اخرجي بااااره ياااالا
شهيره بصت ليها بقلق و خرجت تجري.
جايدا: شههههيره انتي راحه فين و سيباني مع المتوحشه دي لوحدي.