قصص و روايات - قصص رومانسية :

رواية حطمتي حصوني الجزء الثاني للكاتبة بسنت شريف الفصل الثالث عشر

رواية حطمتي حصوني الجزء الثاني للكاتبة بسنت شريف الفصل الثالث عشر

رواية حطمتي حصوني الجزء الثاني للكاتبة بسنت شريف الفصل الثالث عشر

ريماس خرجت و كانت بتحاول انها تتحكم في دموعها
ايلين: هو في ايه يا ريما
ريما بقلق: مش عارفه يا ايلين بس في حاجه غريبه صح مامي و بابي شكلهم متغير و كمان اسر و يزن مش جم و اسر بيكلمني في الموبايل حاسه ان في حاجه مش طبيعيه
ايلين: هو كان بيخلي اسر يكلمك
ريما: هو مين
ايلين: اخوكي البيه كلمني و قالي اديكي الموبايل و اقولك انها واحده صاحبتها ف دا بياكد ان في حاجه فعلا
ريما: طيب و بعدين هفضل قلقانه كدا كتير.

ايلين: بوصي هو ممكن نستعين ب لي لي و هي اللي اكيد هتعرف لان طنط ريماس بتحكي ليها كل حاجه استني و اتصلت با امها و استنت ترد عليها
ايلين: الو يا مامي
ريما بهمس، افتحي الاسبيكر
ايلين فتحت الاسبيكر و كلمتها، انتي فين يا مامي
لين: انا داخله على مستشفي انا مش قولتلك تيجي معايا سبتيني و مشيتي ليه يا هانم
ايلين: كنتي نايمه مش حبيت اقلقك المهم بس قوليلي هي طنط ريماس كلمتك في حاجه
لين: حاجه اي.

ايلين: اي حاجه يا مامي هي كلمتك اصلا امبارح طيب او انهارده
لين: كلمتها امبارح اطمن على ريما اما عرفت باللي حصلها
ايلين: بس
لين: اه هو في ايه انتي عايزه توصلي لايه
ايلين: ولا حاجه يا مامي طيب هرجع اكلمك تاني باي باي و قفلت بسرعه
ايلين: لسه مش حكت اي الحل بقي
ريما: روحي البيت يمكن تعرفي توصلي لحاجه
ايلين: و افرض بقي ابو قردان دا كان هناك
ريما: مين ابو قردان دا
ايلين: اخوكي هيكون مين يعني.

ريما: يا ايلين هو دا وقته يعني انا محتاجكي
دلوقتي تساعديني انا هموت من القلق
ايلين: ماشي يا ستي هروح و ربنا يستر بقي و مش اقابل اخوكي دا
زين: تمام يا عوض شوفلي ماذون بسرعه و انا دقايق و هكون وصلت البيت و قفل اتلفت كانت ريماس واقفه بتبصله ف بص ناحيه تانيه.

ريماس برجاء، عشان خاطري يا زين بلاش تكون قاسي عليه كدا ارجوك انا مش هقدر اتحمل بعد ابني عني عشان خاطري يا زين ارجوك انا مش عايزه ولادي يتفرقو احنا عشنا نربيهم سوا و نحببهم في بعض ماتجيش انت في الاخر و تعمل كدا بص عاقبه براحتك يوم اتنين بس في الاخر خليه يرجع يعيش معايا تاني و حياتي عندك يا زين
زين نفخ بضيق: ربنا يسهل و سابها و مشي
لين قابلت زين في طرقه، زين اذيك.

زين هز راسه و مشي و سابها و لين تابعته باستغراب
ومشيت شافت ريماس واقفه على جنب و بتحاول تتحكم في دموعها
لين بقلق: في ايه يا حبيبتي مالك انتي كويسه ريما كويسه
ريماس حضنت لين و عيطت و هي بتطبطب عليها، في ايه اي اللي حصل اهدي
ريماس: زين عايز يمشي اسر من البيت يا لين عايز يمشيه
لين بعدم فهم: يمشيه اذاي يعني انا مش فاهمه اهدي بس كدا و فهميني تعالي نقعد و احكيلي اللي حصل بالظبط.

ريماس قعدت و حكت ليها اللي حصل و قرار زين
لين: الزباله دي اكيد بتتبلي عليه و زين اذاي ياخد قرار ذي دا و يحقق للزفته دي هدفها كدا بالسهوله دي
ريماس: انا كل دا مش هممني يا لين انا كل اللي يهمني ابني و بس
لين: و يتجوز ليه واحده ذي دي اصلا و بالطريقه دي ليه تضحك عليه اذاي زين يوافق اصلا على تهريج دا اصلا
بعد مده من الوقت زين وصل البيت ومعاه الماذون.

و نده لواحده من اللي بتشتغل ف البيت تبعت لاسر و لمروه و دقايق وكانو وصلو
ايلين وصلت البيت و دخلت و اتفجئت ب زين قاعد و جنبه اسر و بنت من اللي بيشتغلو و الماذون في نص فضلت تبصلهم للحظات تستوعب اللي بيحصل
الماذون، مين وكيلك يا عروسه
زين، هما الاتنين وكلاء نفسهم وشهود اهم اتنين من اللي شاغلين هنا هيشهدو على عقد الجواز بتاعهم طلعو بطايقم.

اسر بيبص لزين وبيترجاه انه يصدقه بس زين بص ناحيه تانيه و اتكلم مع الماذون، يالا ياشيخنا شوف شغلك
يزن، استني يا شيخ
زين، في اي يا يزن
يزن، هتعرف كل حاجه دلوقتي ثواني بس بعد اذن حضرتك ياشيخ اتفضل امشي مفيش كتب كتاب
اسر بصله و ابتسم بسعاده
زين، يزن في اي فهمني اي التهريج اللي بتعمله دا سيب الراجل يشوف شغله
يزن، هفهم حضرتك كل حاجه لحظه واحده بس
الماذون لم ورقه و قام وقف، عن اذنكم.

زين انتظر الماذون يمشي، ممكن افهم بقي اي اللي انت هببته دا
يزن، اسمع كدا و هتعرف انا عملت كدا ليه و شغل تسجيل لمروه و هي بتتكلم في الموبايل
مها، ها يا حلوه فكرتي
مروه، اه و موافقه هو المفروض هيجي بعد يومين هنعمل اي بقي
مها، بوصي ياستي هو مبدئيا كدا ريما دي في حاجه بتشربها باستمرار
مروه، اه بتشرب لبن بالشكولاته على طول ف التلاجه اللي ف اوضتها بيبقي موجود باستمرار.

مها، حلو اويي انتي بقي شيلي العلب كلها وهبعتلك علبه تحطيها ف التلاجه
مروه، انتي هتحطي اي فيها اوعي تموتيها لاحسن هروح ف مصيبه
مها، لا مش هتموت اطمني دي الطعم ياهبله اللي هتلمي بيه
مروه، انا مش فاهمه قصدك اي.

مها، هفهمك بوصي العلبه دي فيها دوا هيوجعلها بطنها وينقلوها على مستشفي والبيه طبعا هيتقهر عشان تؤامه ف انتي تدخلي بقي بشويه كلام بقي وتحطيلو مخدر ومجرد ما ينام نامي جنبه على سرير وسيبي الباقي على زين بيه هو مجرد ما يشوف المنظر دا هيخليه يكتب عليكي وتبقي طولتي المراد بس كدت
مروه، بجد بس انا افرض يعني حصل حاجه ولا زين بيه رفض يساعدني. هعمل اي بقي ساعتها.

مها، بيتهيقلك مش زين الحديدي اللي يرفض يساعد حد وبالذات كمان انك هتترجيه يساعدك و هو هيشوف فيكي بنته و انتي مع حبه مسكنه و مش عارف اي الموضوع هيخلص و هتتجوزيه و تبقي داخلتي عيله الحديدي و اتفتحت ليكي طاقه القدر يا بت و بكرا تدعيلي كمان
يزن واقف يبصلها وقفل التسجيل، اي رايك
مروه واقفه مصدومه مش مصدقه اللي بتسمعه اذاي قدر يوصل للتسجيل دا
زين مشي ببطء لحد ما وصل قدامها و وقف.

ايلين متابعه اللي بيحصل بزهول و همست في سرها، بيطلع منك حاجات كويسه يا ابو قردان و طلعت مش سهل بس انا نشوف هتعمل ايه مع العقربه
مروه برعب، انا انا ماليش ذنب انا هي اللي اقنعتني والله هي اللي عملت كل حاجه
زين: بقي واحده ذيك انتي تخدعني انا
مروه، انا انا انا
زين، لمي هدومك و غوري من هنا يالللللا
ايلين: اي دا هي هتمشي كدا
زين بصلها بتفجئ انها موجوده.

ايلين راحت ليهم، بعد اللي عملته دا يا اونكل تقولها تمشي كدا و لمي هدومك البت دي لازم تتربي من اول و جديد و انا اللي هربيها
وبدون مقدمات ايلين مسكت مروه من شعرها وضربتها
ايلين، بقي حتت حشره ذيك تعمل كل دا بقي انتي كنتي عايزه تقتلي البت و تولعي نار في البيت و كمان يا بجحه عامله فيها ضحيه
يزن، ابعدي عنها يخربيتك هتموتيها
ايلين، ابعد عني انت و خليك على جنب
زين، ايلين ابعدي عنها بقي خلاص.

ايلن، بعد اذنك بس كدا يا عمو البت دي اهلها نسيو ربوها وجاتلي انا بقي عشان اربيها و اخلي عقلها يتفرمط. عشان تمشي ورا صاحبتها تاني بعد كدا
يزن شدها جامد، قومي بقي في اي محدش قادر عليكي يعني
ايلين، اوعي سيبني عليها
يزن، اهدي طيب خلاص بقي في اي
يزن بيه
يزن، اهلا يا فندم
زين بصلهم باستغراب و يزن رد، الرائد على يا بابا
علي، اقبضو عليها
زين بص ليزن يفهم منه اي اللي بيحصل.

علي، اهلا زين بيه يزن بيه سلم التسجيلات لينا و الاستاذه بتحريض على قتل الانسه ريما
مروه بخوف: انا معملتش حاجه والله انا مظلومه انا معملتش حاجه هي سبب
علي: تعالي معانا و هنعرف اذا كنتي مظلومه ولا لأ خدوها
ايلين: يالا يا انثي السلعوه و هتلاقي الفرده تانيه بتاعتك مستنياكي
زين وقف قدام اسر، اسر انا مش عارف اقولك ايه عشان ظلمتك و مش صدقت كلامك
اسر، حضرتك ماينفعش تعتذر
زين، بس انا غلطت ف حقك و زعلتك يا اسر.

و مش وثقت فيك بس انت لازم تفهم انه كان غصب عني يابني انا اب وشوفت ابني ضيع تربيتي فيه وعمل حاجه غلط ف طبيعي ابقي مضايق منك يا اسر
يزن، خلاص حصل خير خلاص
زين، عندك. حق يا يزن و شد اسر و حضنه و طبطب عليه
زين، بس انت يا يزن عرفت اذاي اي اللي حصل.

يزن، البت دي انا حسيت ان وراها حاجه وانها مش مظبوطه قالتلي اما سالتها ان اسر دخل ليها المطبخ ف انا سالت مدام وصيفه و قالتلي انه فعلا مانزلش ف هنا شكوكي زادت فيها و انا اعرف واحد صاحبي شغال ف شركه اتصالات وجابلي تسجيلات مكالمتها عشان اكيد هيبقي في حوار بياكد دا ودا فعلا اللي حصل و سلمت التسجيلات دي للظابط و هو نفذ الباقي.

اسر، انا متشكر ليك بجد يا يزن على وقفتك معايا بجد انت فعلا كنت سند ليا مش عارف من غيرك كنت هعمل ايه
يزن، دا حقك عليا يا اسر احنا اخوات والمفروض نقف مع بعض ف كل حاجه مش محتاجه شكر انا معملتش حاجه
ايلين: نفدت منها كنت هتلبس لابسه يا اسور عنب
اسر ابتسم: الحمدلله
ايلين بهمس: مع اني كان نفسي حد غيرك اللي يلبس بس حظه بقي
لين وصلت البيت مع ريماس و فضلت واقفه
لين: اي هتفضلي واقفه كدا ادخلي انتي محتاجه ترتاحي.

ريماس: مش قادره يا لين مش قادره ادخل اشوف ابني بيروح مني مش هقدر اشوفه يارتني ما سمعت كلامك و جيت
لين: انتي تعبانه و كان لازم ترتاحي انتي ضغطك واطي مستنيه اي يغمي عليكي تعالي عشان ترتاحي و جوزك اتكلمي معاه و هيقتنع زين مش قاسي اطمني تعالي بس
لين اخدتها و دخلت و ريماس ماشيه بخطوات بطيئة و ساندها و داخله بيها و ريماس كل ما بتمشي خطوه تحس انها بتتخنق و بتدوخ اكتر.

و دخلو سوا البيت و ريماس بتتخيل اللي ممكن يكون حصل و حاله اسر هتكون اذاي هل هي هتقدر تشوفه و هو ماشي هتقدر تتحمل ان دي اخر مره تقابله فيها و يا عالم هيتقابلو تاني ولا لاء
و اما دخلو سوا شافت زين واقف بعيد بيكلم في الموبايل و ملامحه متغيره فضلت باصه ليه بلوم بسبب قراره كان صارم و مش ادي حتى لنفسه فرصه انه يفكر و ابنها هو اللي هيدفع التمن
ايلين وقفت بعيد تكلم ريما.

ريما: ايه يا بنتي سبتيني كدا مش تقوليلي اي اللي حصل
ايلين: اسكتي يا ريري دا حصل حاجات كتير كتير كتير اوووووي و حقيقي فاتك اكتر يا ريري
ريما: في ايه يا بنتي ما تنطقي بقي على طول
ايلين ضحكت: عارفه اخوكي مش جيه ليه.
ريما: ليه
ايلين: كان بيتجوز
ريما بزهول: ايه انتي بتقولي ايه بيتجوز اذاي يعني
ايلين: في مأذون و كان هيكتب كتابهم هو و عروسه الغفلة.

ريما: استني بس واحده واحده عليا انا مش فاهمه حاجه و مين اللي كان هيتجوز اصلا اسر و لا يزن
ايلين: اسر يزن دا هيعيش وحيد ذي وحيد القرن بالظبط
ريما: طيب اذاي يتجوز و مين دي و امتي
ايلين: لا دي حكايه طويله اوي
ريما: ماتحكي بقي يا بارده انتي هتنقطيني بالكلام
ايلين ضحكت: كان هيتجوز مروه
ريما بغيظ: يابنتي قولي كلامك مره واحده
ايلين ضحكت: هقولك خلاص اهدي و حكت ليها اللي حصل كله.

ريما بزهول: معقول بابي كان هيعمل كدا في اسر لولا تدخل يزن
ايلين. : اول مره اخوكي يعمل حاجه عدله في حياته بس بصراحه حركه جامده منه في وقت كمان اجمد انه لحق المأذون قبل ما يكتب الكتاب
ريما ابتسمت. : يزن دايما كدا بيجي في الوقت المناسب يحل اي مشكله
ايلين بضيق. : مش اوي كدا هي جت معاه by luck
ريما ضحكت: لا مش حظ خليكي حقنيه و قولي انه لولاه كان اسر راح في داهيه.

ايلين: لا مش هقول يا ستي و بعدين دا واجب عليه هو معملش حاجه ماتعملتش يعني مكبره انتي الموضوع يا ريما يالا بقي سلام عشان انا همشي سلام
و قفلت بتتلفت كان يزن واقف ف بصتله بحزر مش عارفه هو سمعها ولا لا بس بصتله بعد كدا بلا مبالاة و جت تمشي يزن وقف قصادها، و انا مش مستني واحده ذيك تمدح فيا عشان ذي ما قولتي واجب عليا و ياريت تخفي كلام عليا شويه و سابها و مشي و ايلين بصتله بضيق.

الفصل التالي
بعد 18 ساعة و 26 دقيقة.
جميع الفصول
روايات الكاتب
روايات مشابهة