رواية حطمتي حصوني الجزء الأول للكاتبة بسنت شريف الفصل الرابع
صباح يوم جديد
ريماس في مكتبها فاتحه لاب وماسكه الكشكول في ايديه وبتكتب حاجات وواضح عليها القلق والضيقه
زين متابع انفعالتها ومستغرب هي بتعمل اي وخصوصا ان دا وقت الراحه ف راح ليها وخبط عليها
ريماس بشرود في الورق: ادخل
زين دخل وفضل باصص ليها، ريماس انتي بتعملي اي لي مش روحتي تاكلي دا وقت البريك
ريماس انتبهت لصوت زين واستغربت انه قدامها: ها
زين: بتعملي اي هنا المفروض تكوني بتاكلي.
ريماس بتوتر: بعدين بعدين هبقي اكل
زين: هو اي اللي بعدين انتي لازم تاكلي.
ريماس: منا مش فاضيه خالص بصراحه ورايا حاجات كتير اوي
زين باستغراب: حاجات ايه
ريماس: حاجات كتير اوي فوق دماغي و انا تايهه ومش هينفع اكل و حاجه مش فاهمها ومش عارفه واانا مش بعرف اكل وانا كدا بس
زين بصلها بتعجب وبيحاول يجمع كلامها عشان يفهمهو، اهدي بس انا مش فاهم انتي بتقولي اي.
ريماس بغضب ونسيت انها بتكلم مديرها اصلا و بصت على ورق اللي في ايديها و اتكلمت بصوت باكي، الدكتور البجعه اللي ف جامعه دا كتب اما لقي طلابه بتتكلم راح كاتب مسائل خارقه والله وشكلو كلب البحر دا اصلا مش هيعرف يحلها اصلا وجاي يتفلسف علينا وشبه رجل كرسي كدا وقال اللي مش هيحلهم هيشيلو الماده وانا مش فاهمه حاجه ولا عارفه اجيب المسئله من اولها من اخرها و حاجه نيله عليه وعلى مدته دكتور معاق زهنيا والله الله يهده ويتحروس نفس الحوسه دي مهو لو كان ليه شخصيه المهزق كانت طلبه احترمته.
زين ضحك. على كلامها وتعبيرات وشها
ريماس وقفت كلام و بصتله باستغراب، هو اي دا حضرتك بتضحك لي
زين بيحاول يكلم بس مش قادر من كتير الضحك، بعد كل اللي قولتيه دا ومش عارفه بضحك لي المهم كلي الاول وانا هحل ليكي المسئله متخافيش
ريماس: مش هينفع
زين باستغراب: ليه و ابتسم، متخافيش هحلهالك صح
ريماس: المشكله ان الدكتور دا قال ان اللي هيحلها هيخليه يقوم يشرحها ف حاجه زفت بجد.
زين: اه طيب تاكلي الاول باردو وبعدها نشوف انا طلبت ليا اكل وانتي هتاكلي معايا
ريماس: لا شكرا يافندم انا هطلب اكل
زين: مفيش شكرا الاكل ثواني وهيكون موجود ولا انتي مش عايزه تنجحي ف الماده دي مهو لو مش اكلتي معايا مش هحل ليكي المسائل
ريماس ضحكت: اكيد لاطبعا
زين: طيب تعالي الميتنج روم و هاتي معاكي ورقك
ريماس: حاضر
زين خرج وهومبتسم وريماس خرجت بعده
زين: اقعدي ياريماس
ريماس قعدت.
زين: عايزك تبعتي ايميل للشركه الالمانيه تاكدي على معاد وتبعتي لشركه التامين تشوفي الورق خلص ولالسه تمام
ريماس: حاضر
وبعد دقايق وصل الاكل اللي زين طالبه ورانيا استلمته واستغربت انه لفردين اعتقدت انه ليه هو زياد دخلت مكتب زين كان مش موجود فدخلت الميتنج روم بصت لريماس باستغراب
زين: حطي الاكل يارانيا
رانيا حطت الاكل و بصت ليهم باستغراب
زين: اي يا رانيا هتفضلي واقفه كدا كتير
رانيا خرجت و هي بتبص عليهم.
رانيا حطت الاكل وخرجت
زين: يالا يا ريماس
ريماس بصتله باحراج و زين بصلها، يالا عشان تاكلي مش هتفضلي متنحه كدا كتير يعني
وابتدو ياكلو وريماس محرجه جدااااوهي بتاكل وزين متابعها ومبتسم
ريماس: الحمدلله انا كدا شبعت
زين بصلها بتعجب: شبعتي اي انتي ماكلتيش غير قطعه واحده من البيتزا كملي اكلك الاول
ريماس: انا اكلت خلاص متشكره لحضرتك و شكرا بجد
زين بصلها واخد قطعه من البيتزا، كلي
ريماس: انت ليه مش مصدق.
زين: عشان مفيش حد بيشبع من قطعه كلي بايدك عشان مش اكلك انا غصب عنك
ريماس بصتله باستغراب: ايه
زين قرب القطعه من فهمها، كلي بقي انتي عيله صغيره هفضل اتحايل عليكي
ريماس: ادا انا مش عايزه اكل انا
زين: بطلي دلع بقي كلي يالا
ريماس بصاله بعدم فهم و مش فاهمه اي سر اهتمامه بيها دا بس هي حاسه بشعور غريب عمرها ما حست بيه غير في قربها منه.
ومره واحد دخل زياد، زين بقولك اي كنا عايزك تمضي على واتصدم من اللي شافه ان زين قاعد بياكل ريماس، اااانت بتعمل ايه
زين بانفعال: انت اذاي تدخل كدا مش في زفت تخبط عليه اتفضل على شغلك
زياد واقف متنح مش عارف يجمع اللي بيحصل ان زين مهتم بحد وبياكله ب ايده و اول مره يتكلم معاه بالطريقه دي
زياد: انا اسف يا زين بس كنت عايز امضتك على ورق انا معرفش ان هيكون حد معاك و بص على ريماس باستفهام.
ريماس كانت هتموت من الكسفه ف خرجت تجري من الاوضه و بتشتم زين في سرها عشان حطها في الموقف دا
زين بص عليها و هي خرجه محرجه و بص لزياد بغضب، اترزع في ايه الدنيا خربت
زياد: هو المفروض اعرف انت بتعمل ايه جوا مكتبك دي انا هعملها اذاي بقي ان شاء الله
زين: لا تعملها ولا تتزفت انا كل تفكيري فيها اتكسفت اما انت دخلت
زياد رفع حاجبه باستغراب، الموضع شكله جد بقي
زين: موضوع ايه مش فاهم.
زياد ضحك: انت طبيت ولا اي يا صاحبي انا كنت شاكك من فتره بس انت اكدت ليا دا انهارده
زين ابتسم: من اول مره شوفتها فيها وانا مبقتش عارف اي اللي حصلي كانه حوريه طلعت من البحر عشان تسحرني ومن بعدها بقيت مسلوب الاراده قدامها حتى تصرفاتي بقت خارجه عن ارادتي
زياد: اووووو عشت وشوفت زين الحديدي واقع في الحب لاشابو ليكي ياريماس والله عملتي اللي مفيش واحده قدرت تعمله و قدرت تحطم كل الحصون اللي انت عاملها.
زين ابتسم: من غير اي مجهود حطمت كل حاجه وقدرت تستولي على قلبي
زياد: ياه يا جدع انا لو كان حد قالي من كام شهر ان دا هيحصل
زين اتنهد: و اهو حصل
زياد سند على مكتب و حط ايده على خده، تصدق انك صعبت عليا انت حالتك صعبه اوي ماتجوزها وتخلص يا عم مستني ايه
زين بصله بقلق، تفتكر هتوافق بيا.
زياد بصله بصدمه: نعم! انت بتسال دا انت حلم اي بنت انت مش شايف نفسك ولا اي ولااعارف انت مين تحب اجيبلك كشف باسامي البنات اللي هتتجنن عليك.
زين: ريماس مش ذيهم ريماس غير الكل و بعدين يا زياد دي غيلع 19سنه وانا عندي 32سنه يعني اكبر منها 13سنه هي من جيل وانا من جيل تاني خالص يا زياد يمكن و سكت لثواني، حتى فكره انها تبقي لغيري او تتمني حد غيري مش قادر اتخيلها انا تعبان اوي يا صاحبي انا كل يوم بمر بحرب بين قلبي وعقلي قلبي مش شايف غيرها ومش عايز غيرها وعقلي بيحزرني منها وانا بقاوح ومش عارف اعمل اي حاسس ان انا متكتف و كل واحد فيهم بيشد فيا.
زياد صعب عليه زين: انا راي انك تتكلم معاها بصراحه و تعترف ليها بمشاعرك قبلتها و مفيش حد في حياتها خلاص لكن لو غير كدا تبقي صفحه و اتقفلت
زين بصله و مش بيرد
زياد: انا قولتلك راي لازم تاخد خطوه لان بصراحه هي جميله و جميله جدا كمان و
زين بغيره: ما خلصنا خلاص منا عارف انها زفت عمال تكررها ليه
زياد ضحك: اهدا بس انا مش قصدي انت فهمت غلط انا بس قصدي ان ممكن حد يسبق و ينبهر بجمالها و.
زين بانفعال: انت تاني ولا اطلع باره
زياد ضحك: خلاص نكلم في شغل طيب
ريماس و هي خارجه قابلت لين و قعدو سوا في الكافتريا
لين غمزت لها، حنين اوي زين بيه
ريماس بخجل: اوي اوي يا لين
لين حطت ايديها على خدها و سندت ايديها على ترابيزه، و اي كمان
ريماس كانت موطيه راسها، بس الموقف كان بايخ اوي يقول عليا اي صاحبه و بتبص شافت لين بتضحك
ريماس: بتضحكي على ايه.
لين: فاكره يا رورو من حوالي شهر كدا اما قولتلك ان زين بيه حبك فاكره ولا مش فاكره و انتي قولتيلي ايه لالالا مستحيل
ريماس بصت ليها بقلق، و انت تفتكري بيحبني انا خايفه يا لين اعيش في وهم و انا اكون مش في دماغه اصلا خايفه اصدق احساسي و اتجرح.
لين بغيظ مكتوم، اصوت و يقولو البت اتجننت كل اللي راجل بيعمله دا و بتشكي تقدري تقوليلي اللي عمله مع لميا بجعه دا اسمه ايه سيبك من لميا انا خرجنا من مكتبه اول يوم و فضل واقف جنبك انا حس انك تعبانه سيبك من دي كمان قوليلي سبب انه اختارك انتي بالذات ليه علشان تبقي سكرتيره بتاعته قوليلي اي اسباب ل دا كله ايه.
ريماس بلغبطه: مش عارفه يا لين مش عارفه انا خايفه و تايها و بصت في ساعتها، قومي البريك خلص و هما ماشين لين بتتكلم معاها و بتهديها و
لين: نسيت شنطتي استني
لين جريت تجيب شنطتها و ريماس واقفه مستنياها
و قابلت لميا كانت بتبصلها بغضب
لميا. : خلي بالك انا مش هسيبك و مش هعدي ليكي اللي انتي عملتيه و هدفعك تمنه غالي اوووي و بكرا هتشوفي عشان ماتبقاش واحده ذيك تسبب ليا في الاهانه من زين بيه
و مشيت و سابتها.
لين: في ايه البجعه دي كانت واقفه معاكي ليه.
ريماس بخوف حكت ليها اللي حصل
لين برقت: اااااه يارتني كنت واقفه كنت مسكتها من شعرها الاصفر دا بس ماشي بوصي بقي انتي ذي الشاطرة كدا روحي و قولي لزين بيه
ريماس: انا خايفه تعملي مشكله
لين: م احنا هنقول لزين بيه اهو ماتقلقيش هو هيتصرف و الحلوه دي بقي حسابها معايا بعدين
زياد خرج بعد وقت و زين اتنهد واتصل على ريماس عشان تيجي ليه
زين: هاتي يا ريماس حاجتك و تعالي.
ريماس باحراج: لاشكرا انا خلاص هحلها لوحدي
زين: ريماس انا مستنيكي وقفل
ريماس قفلت وهي متوتره محروجه من الموقف اللي حصل و قلقانه كمان من موقف لميا بس زين نبه انه مش بيحب يعيد كلامه ف راحت ليه و كانت متوتره
زين كان ماسك ورق في ايده و قاعد على كنبه واول ما دخلت سابه، تعالي يا ريماس
ريماس حطت الورق وقعدت جنبه و كان شكلها متوتر
زين: مالك في ايه
ريماس بصتله بتردد، ها انا
زين: في ايه يا ريماس.
ريماس بقلق حكت ليه اللي حصل من لميا
زين بغضب مكتوم، هي قالتلك كدا
ريماس: اه والله و انا خايفه انا مش بحب المشاكل والله انا مكنتش اعرف ان حضرتك هتعمل كدا والله
زين: اهدي طول منا جنبك ماتخفيش و صدقيني اي حد هيقرب منك هيكون هو الجاني على نفسه
ريماس بصتله بتوهان نفسها تساله انت ليه بتعمل كدا.
زين نظرتها ليها كانت بتفقده عقله و قلبه بيدق جامد جدا ف هرب من نظراتها و مسك الورق بتاعها، وابتدي يحل المسئله الاول وبعد كدا شرحها لريماس.
ريماس فضلت بصاله حاسه انها في حلم ومش مستوعبه اللي حصل بقي معقول الشخص اللي كانت بتتمني تقابله تبقي قدامه وتقضي معاه اغلب يومها دا اكتر من اللي كانت بتحلم بيه وشردت بعد كدا في ملامحه الرجوليه عنيه السودا جدا بشرته البرونزيه ثقته في نفسه وهو بيكلم كل حاجه فيه بتبهرها.
زين: تمام فهمتي كدا، ورفع عينه من الورق لاحظ شرودها فيه وفهم. نظراتها وفرح بيها اووي فخبط على تربيزه اللي قدامه وريماس انتبهت ليه واتحرجت لانه كان بيبصلها وهو مبتسم ليها و رفع حاجبه باستفهام، سرحانه في ايه
ريماس بتوتر و احراج، ها ولا حاجه
زين عاد اللي شرحه تاني كانه بيراجع عشان مايحرجهاش، ها فهمتي كدا ياريماس في اي حاجه مش فاهمها
ريماس: بالعكس انا فهمتها جدا حضرتك بتشرح حلو جدا احسن من دكتور بكتير.
زين ابتسم: تمام يا ريماس و اي حاجه تحتاجيها
انا جنبك
ريماس: انا متشكره اوي لحضرتك
زين: مفيش شكر ولا حاجه و بصلها و اتكلم بتردد، ريماس انا عايز اسالك سؤال بس تجاوبي عليا بصراحه ماشي
ريماس بقلق: اتفضل
زين: انتي في حد في حياتك
ريماس: حد مين
زين: اي حد يا ريماس انتي مرتبطه او بتحبي حد
ريماس. بصتله و اتكلمت في سرها، بحبك انت
و اتكلمت بتوتر، لا
زين ابتسم، تمام معاد مرواحك جيه تقدري تروحي دلوقتي.
ريماس روحت بيتها وهي حاسه انها متلغبطه جواها احاسيس كتير متلغبطه
ساميه: اي ياست البنات جيتي من بره داخلتي على اوضتك على طول كدا
ريماس: ابدا يا مامتي انا بس راجعه تعبانه من شغل وكليه وبكرا عندي يوم طويل باردو
ساميه: بقولك اي ياريماس سيبي الشغل دا بقي بيتعبك اووي و كتير عليكي مع دراسه والمزاكره
ريماس: ليه بس ي ماما انا ورايا اي يعني واهو بسلي نفسي و بعدين شغلي في مجال دراستي و انا هستفاد منه.
ساميه بضيق: انا مبقتش عارفه اقعد معاكي يابنتي بقيت اشوفك صدفه وبصراحه انا مضايقه من كدا اووي
ريماس ضحكت: اها قولي بقي كدا الجميل غيران و عيزاني اقعد معاكي صح يامامتي
ساميه: بصراحه انا بقيت طول اليوم وشي في وش الحيطه و انتي بترجعي بليل تقعدي تذاكري يا اما تنامي
ريماس ابتسمت: بس دا مستقبلي ي ست الكل وسبيني انام بقي عشان ورايا بكرا يومممم طويل جدااااا.
ساميه: تنامي ايه انا عامله ليكي مكرونه بشاميل قومي كلي الاول
ريماس خرجت معاها عشان مش تزعلها و قعدت قصاد الاكل و افتكرت اما زين كان عايز ياكلها ف ابتسمت
ساميه باستغراب، انتي بتبتسمي ليه
ريماس: ها ولا حاجه عشان انتي عارفه اني بحب المكرونه البشاميل بس.