رواية حطمتي حصوني الجزء الأول للكاتبة بسنت شريف الفصل الأول
بعد مده وصل زين الجامعه بهيبته اللي بتخطف الانظار وسط اعجاب البنات بيه وهم بيتمنو منه نظره واحده بس والشباب اللي بيتمنو انهم يوصلو لنجاحو واول ما وصل عميد الكليه جري عليه عشان يرحب بيه
العميد: اهلا اهلا بحضرتك يازين بيه نورت الكليه اهلا اهلا
زين: متشكر
العميد: اتفضل ندخل القاعه الطلبه في انتظار حضرتك
زين: تمام وقبل مايدخل جيه عوض يديلو موبايل
عوض بهمس: في تليفون مهم.
زين اخد الموبايل وبص للعميد: دقايق وهحصلك وبعد خطويتن عشان يرد على موبايل
ريماس راحت تشتري عصير ومايه وماشيه بتكلم لين في الموبايل
ريماس: جبتلك العصير وجايه اهو المهم هو دخل ولالسه
لين: لا وياسلام لو يجي كل يوم عشان تجبيلي عصير حلو كدا.
ريماس ضحكت واول ماقربت من القاعه ضحكتها تلاشت وتحولت لنظرات تعجب وزهول من كم الحراس اللي واقفين قدام المدرج. وشكلهم يرعب اي حد وكانت بتدور عليه من بين الرجاله اللي واقفه حلمها اتحقق اخيرا والشخص اللي بتتمني تشوفه بقي قدمها واول ماشفته فضلت متنحه ليه مش مصدقه انها شيفاه قدمها.
زين خلص المكالمه وراح لعوض اداله الموبايل: اقفل الموبيل ماتوصلش ليا اي مكالمات تاني و كلامه اتقطع اما شافها وظهرت اودامه مره واحد حس كانها حوريه وطلعت من البحر تسحره
زين فضل واقف متنح لشكلها و شعرها الطويل السايب و الهوا بيطيره حواليها ومش عارف يتحرك او يتكلم متنح بس ولفت انتبهو نظره ف عنيها هو مش فاهمها بس عمره ماشاف نظره ذيها ف عين اي بنت.
كانه حلم ليها بعيد و اخيرا اتحقق هو متعود على نظرات الاعجاب من اللي حواليه لكن اول مره يشوف الانبهار في عيون حد
عميد الكليه: خلصت يازين بيه؟
زين بنتباه بص للعميد: ا اه خلصت
ورجع يبص تاني على ريماس بس كانت اختفت فضل يدور عليها بعينه بس مش كان ليها اي اثر حواليه كانها اتبخرت و للحظات اعتقد انها كانت خيال مش حقيقه
ريماس دخلت القاعه و دورت على لين بعنيها و لين شاورت ليها ف راحت قعدت جنبها.
ريماس كانت متنحه و متوتر
لين بتشرب العصير باستمتاع، اممممم العصير جميل و متلج اووي
ريماس بصت ليها، انا شوفته يا لين باره
لين: مين
ريماس: زين زين الحديدي شوفته واقف باره مع العميد مش عارفه حاسه ان ارتبكت اول ما شوفته
لين: يعيني يا يعيني على رومانسيه يا ولا و سايبه شعرك كمان مفرود
ريماس: انتي بتهزري انتي كمان و لمت شعرها بطريقه عشوائيه.
دخل زين المدرج وقعد يدور عليها بعينه و كان بيقنع نفسه انها حقيقه مش مجرد خيال هو متاكد انه شافها
لحد ملقها قاعده ونفس النظره في عنيها نظرتها لفتت انتباهو.
طول الندوه مش قادر يشيل عينه من عليها وريماس كانت فرحانه ان الشخص اللي بالنسبه ليها مثلها الاعلي وبتحب دايما تعرف اخباره وتابعه بقي اودمها وشيفاه كانت بتابع كل كلمه بيقولها بتركيز شديد وبعد مده الندوه خلصت وريماس خرجت في وسط الزحمه وزين الناس اتجمعت حواليه وهو بيدور عليها بس اختفت وملهاش اي اثر.
زين خرج من جامعه وراح كمل شغله ومواعيده وبعد كدا رجع على بيته وطلع الجناح بتاعه وقعد على كرسي وسرح فيها ونظراتها ليه ولون عنيها اللي مش عارف يحدده و شعرها الجميل الطويل هي كلها على بعضها حاله هو مش فاهمها في ثواني شقلبت حاله كدا اذاي وقام وقف قصاد المرايه وبيبص لنفسه بتعجب انا اول مره حد يخطف نظري كدا اذاي عملت فيا كدا مين دي وايه حكايتها.
زين دخل ياخد دوش و خرج و نام على سرير و طول الوقت شكل ريماس مش بيفارق خياله ملامحها مرسومه قدامه ذي ما تكون اتحفرت في عقله
ريماس نايمه على سرير و باصه للسقف مش مصدقه انها اتقابلت مع زين و اكتشفت ان مش بس رجل اعمال ناجح هو كمان شخص مثقف جدا و اسلوبه في الكلام مميز كل حاجه فيه خلتها تكون مبهوره منه
صباح يوم جديد
ف شركه الحديدي
زين: رانيا ابعتيلي حسام مديرhr
رانيا: حاضر يافندم
بعد دقايق وصل حسام.
حسام: افندم يازين بيه
زين: عايزك تبعت لعميد كليه الهندسه يبعتلي
اكفءطلبه ف الفرقه 3/4/5.
حسام استغرب لان دي اول مره يطلب حد من الفرق دي كلها ف عدل نضراته الطبيه و اتكلم بتعجب و استفهام، تمام يا فندم بس بعد اذنك يعني في سؤال مش غريبه يازين بيه الشركه دايما بدرب الفرقه 5بس عشان بينزلو سوق العمل على طول غريبه ان حضرتك طلبت الفرقه 3 و 4 دول اصلا مش هيكونو لسه متمرسين طبيعه شغلهم و هيكون ناقصهم معلومات كتير لسه.
زين بتبرير: الجيل الجديد لي افكار كتير وانا عايز استفيد منها وياريت تبعت الايميل لعميد الجامعه بسرعه عشان مببحش التاخير
حسام: انا مع حضرتك طبعا بس في حاجات مهمه هتكون ناقصه هما مش هيكونو داركين معناها و
زين بامر: انا اللي قولته يتنفذ و بس اتفضل روح شوف شغلك
حسام قام وقف و لم اوراقه، تحت امرك وسابه وخرج
زين بعد خروج حسام من عنده شرد في موقف حصل
فلاش باااك.
زين اول مانزل من بيته كان عوض واقف قصاد العربيه منتظره
زين: عايزك تعرف الطلبه اللي كانت حاضره الندوه امبارح فرقه كام
عوض بصله بتعجب: نعم
زين بصله و اتكلم بحده، من امتي و انت بتسال انت تنفذ اللي بقوله و بسسسسس
عوض باحراج: اسف طبعااا بس اانا مستغرب مش اكتر الندوه امبارح كان فيها عدد كبير جدااا هعرف اذاي حضرتك عارف هندسه كام قسم.
زين بصله قبل ما يركب العربيه و اتكلم بضيق، توصل كليه و تعرف انهي فرق اللي كانت متواجده في اليوم دا فهمت
عوض بصله بفضول و استغراب، ماشي بس انت اي همك في طالبه دي اوي كدا و كمل كلامه باستفهام، هو قي حاجه حصلت امبارح في الجامعه فهمني عشان اعرف اجبلك المعلومه صح
زين بحده: انت تنفذ وبس اكتر من كدا مش بخصم وعايز معلومه في خلال ساعه تكون عرفت مفهوم.
عوض بعدم فهم وجه نظر زين بس مش هيقدر يكسر اوامره، حاضر يا باشا
و زين اتحرك بالعربيه و طلع على شركه بتاعته و طول طريق بيفكر هيقدر يوصل للبنت دي ولا هتكون دي اول و اخر مره يقابلها فيها
وبعد مده كان عوض داخل عليه مكتبه...
زين بلهفه: ها وصلت لايه
عوض استغرب لهفه زين و اصراره دا و اللي مخليه مستغرب اكتر ان زين شكله مش مضايق يعني محدش عمل حاجه معاه هو متأكد امال ايه اللي حصل.
زين خبط على مكتب: انت يااااابني ماتنطق انت جاي تسمعني سكوتك
عوض: احممممم اغلب الطلبه كانو من فرق 3/4/5 و الفرق دي قسم معماري
باااااك
زين بشرود: ياريت تكوني منهم يا من سرقتي قلبي من اول نظره.
في احدي البيوت في المناطق الشعبيه تكون ريماس نايمه في اوضتها وهي حاضنه مخدتها وفجاه نور الاوضه ينور
ريماس بكسل: ياماما اطفي النور عايزه انام
ساميه: كفايه كسل وقومي مش عندك محاضرات قووومي بقي يالا
ريماس بتحط المخده على راسها عشان تحجب النور: ايوه بس مش دلوقتي سبيني انام شويه
ساميه شدت المخده، لادلوقتي قومي انتي محضرتك ساعه 11 ودلوقتي 10 قومي يالا.
ريماس قعدت على سرير بصدمه، ااااايه ااذاي بس الموبايل مش رن ليه
ساميه: لا رن و انا فصلته
ريماس: ايه دا بجد امتي هو فين
ساميه: ايوه قومي يالا عقبال مااجهزلك الفطار مش تضيعي وقت
ريماس قامت بسرعه و كانت بتطلع لبسها بسرعه و راحت تشوف موبايلها تكلم لين تحضر هي المحاضره الاولي و اول ما مسكت الموبايل تنحت وخرجت وفضلت واقفه باصه لامها بغيظ
ساميه: يالا الاكل جهز
ريماس: الساعه 8
ساميه ضحكت: اه منا عارفه.
ريماس تنحت: عارفه ومصحياني بادري ليه انا عايزه انام
ساميه اخدتها و قعدتها على كرسي جنبها، عشان تاكلي ونرغي مع بعض شويه انا نمت امبارح وسيبتك
ريماس بضيق: نرغي في اي يا ماما بس انا عايزه انام و عندي انهارده محاضرات كتير اصحي وما صدقت يوم المحاضرات تكون متاخره تصحيني انتي في بادري
ساميه اكلتها في بوقها، احكيلي دخلتي تصحيني ليه اما رجعتي من كليه
ريماس عنيها لمعت بسعاده: عارفه شوفت مين امبارح.
ساميه بحماس: مين
ريماس: زين الحديدي
ساميه: مش دا رجل الاعمال اللي مش هتججني بيه
ريماس ضحكت بسعاده: ايوه هو
ساميه: وشوفتيه فين امبارح.
ريماس: جيه الجامعه كان جاي في ندوه وقامت وقفت وابتدت تقلد كل حركاته وطريقته في كلام، واي بقي ياماما عاقل اووي وبيكلم بهدوء وثقه بالنفس رهيبه وعنده كاريزما كدا مش طبيعيه وبنات جامعه كلهم كانو هيتتجننو بيه ولا كم الحرس اللي وراه ولااكنه رئيس الوزراء وعربيات ايه بقي تحسي كانه خارج من فيلم اجنبي
ساميه: دا انتي اتجننتي اكتر.
ريماس ضحكت: أنالحد دلوقتي مش مصدقه اني شوفته وفضلت تكمل كلامها عنه وعن فرحتها بمقابلته
وبعد كدا نزلت عشان تروح الجامعه كانت لين مستنيها واول ماشفتها
لين بصوت عالي: ريبونزززززل
ريماس بتعجب من صوتها العالي، في ايه خضتيني في اي
لين حضانتها: هههههه تعيشي و تاخدي غيرها المهم عندي ليكي خبر هيخليكي تطيري من الفرحه
ريماس: خيييير
لين: اتحيلي عليا شويه
ريماس: خلاص مش عايزه اعرف.
لين: خلاص ماتبقيش قفوشه كدا، وطلعت موبايلها، غمضي عنيكي
ريماس: يوووه بقي انجزي في ايه
لين: ياباي عليكي فتحت الموبايل وورته ليها، اسم مين دا
ريماس بقلق: دا اسمي في ايه انا معملتش حاجه ايه اللي حصل.
لين: هقرائلك ياقلبي تتشرف كليه هندسه جامعه عين شمس بالتعاقد مع رجل الاعمال زين الحديد على تدريب طلبه كليه الهندسه بشرط ان تكون الطلبه من اوئل الدفعات وهؤلاء طلبه عليهم تجهيز cv الخاص بهم والتوجه اللي مقر شركه الحديدي للمقاولات ومن اسماء الطلاب الطلاب المهندسه ريماس والمهندسه لين يعني هتدربي في شركته ياقطه وهتشوفيه كل يوم
ريماس بصتلها وتنحت: انتي بتتكلمي بجد.
لين: لا انا فبركت الصوره عشان عارفه انك مبهوره بيه بس
ريماس ضحكت: انتي بتتكلمي جد هو بجد طلب تدريب الطلبه بس هو في عادته بيدرب الفرق ال5 بس
لين غمزت ليها: قلب العاشق دليله هو اكيد حس ان ريماس هانم بنحبه ف قال انا لازم اجيبها تدرب عندي في شركتي.
ريماس ابتسمت و كان قلبها بيدق جامد جدا مش مصدقه ان اخيرا هتقابله و تتكلم معاه و انا كل الحوارات اللي عملتها في خيالها بينها و بينه مممكن تكون حقيقه و ان حلمها البعيد انها تقابله بقي قريب و بقي واقع مش مجرد حلم.