رواية حرب الحب للكاتبة سلسبيل كوبك الفصل السادس والثلاثون
جنون لقت عربية جاية بسرعة عليها غمضت عينيها جامد و فضلت واقفة مكانها مش قادرة تتحرك.
العربية وقفت بسرعة و جنون وقعت في الارض. كنان جري عليها.
كنان(بخضة): انتي كويسة؟!
جنون(بابتسامة): ما انا زي القردة اهو.
فارس: يا شيخة قلقتينا عليكي.
سندس: وشك مخطوف اوي و اصفر.
جنون: طبيعي واحدة كانت هتموت.
كنان بص لصاحب العربية بغضب و كان هيقوم يضربه بس جنون مسكت ايده.
جنون: خلاص بقي يلا ندخل علشان محدش يأخد باله...
صاحب العربية ركب عربيته و مشي...
كنان ساعد جنون انها تقوم و مشيوا.
كنان: متأكدة انك كويسة؟!
جنون: اه.
جنون دخلت علطول و قعدت علي الكرسي.
فارس: اقدملكم سندس حبيبتي و ان شاء الله نتجوز قريب.
فريد: هو موسم تزاوج و انا معرفش، و لما الكل يتجوز مين هيشتغل.
فارس: يعني هو كنان و تامر و اياد يتجوزوا و انا لا ليه، دايما ظالمني.
فريد: بس يا أوفر.
جهاد: ايه الذوق البيئة في اختيارك للفساتين يا جنون.
جنون: معلش يا طنط...
ادهم: اتأخرنا عليكوا...
فريد: حبيبة ابوكي.
ندي جريت علي فريد حضنته و عيطت.
فريد: خلاص يا حبيبتي متعيطيش خالص انا جمبك.
جهاد: عاملة ايه؟!
ندي: كويسة يا ماما.
اوبي: حبيبتي.
ندي: تسلم.
كنان: خلاص بقي بطلو عياط اقعدوا.
جهاد: انت مين؟!
ادهم: انا الدكتور ادهم.
جهاد: ايوه ابن مين و لا ايه انت يعني.
ادهم: اعتقد شئ يخصني.
تامر: تعالي نرقص و بعدها نخلع.
نور: يا ربي هقتلك ياض في يوم من الايام...
تامر: يلا.
تامر و نور قاموا و بدأوا يرقصوا slow.
علي: يلا يا بطة علي الساحة.
عطر: يا ربي انا دعيت اتجوز شخص مجنون مش اهبل و الله...
علي: انتي لسة شوفتي حاجة.
علي شد عطر و راحوا رقصوا جمب نور و تامر.
علي: اخويا حبيبي العريس.
تامر: بس يا اهبل مش ناقصك.
سجي: تيجي نرقص؟!
شهاب: لا.
سجي: تمام براحتك.
فارس: تسمحيلي.
سندس(بهمس): مش بعرف.
فارس: اثقي فيا و بس يلا تعالي.
شجن: مش هتعزم عليا ارقص.
اوبي: انا مش قادر اتحرك من الكرسي بس.
شجن: عيل رزل هقوم ارقص مع اي حد غيرك.
اوبي: تعالي هنا يا اخره صبري.
اوبي خد شجن و راحوا رقصوا جمب الباقي.
ادهم(بهمس): ملكيش في ال.
ندي: انت عبيط ياض.
ادهم: ليكي يوم اصبري.
عند اياد و شذي...
اياد: يا بت انجزي بقالنا ساعتين بتقولي عايزة اقولك حاجة مهمة و مش بتقولي.
شذي: مش عارفة اقولها ازاي يا اياد.
اياد: هي ايه يا قلب اياد؟!
شذي: بص عارف لما الست لما بتتجوز بتبقي ايه بتبقي زوجة بعدها بقي بتبقي ايه.
اياد: ايه!
شذي: طيب انت حلمك ايه؟!
اياد: تفضلي معايا علطول.
شذي: لا برضو، طيب الاطفال بيجوا ازاي؟!
اياد: محتاجة شرح مطول.
شذي: مش كدة. يا اياد بص.
اياد: و ادي قاعدة.
اياد قعد علي الارض و سند رأسه علي الشجرة.
شذي قعدت جمبه و مسكت ايده حطتها علي بطنها.
اياد: حاسة بوجع؟
شذي: يا ربي علي الغباء.
اياد: ما تقولي حاجة صريحة الله.
شذي(بسرعة): انا حامل.
اياد: انتي ايه؟!
شذي(بسرعة): انا حامل.
اياد: يا بت مش بسمع غير كلمة انا.
شذي: انا حامل يا جحش يا حمار يا غبي.
اياد قعد يضحك كتير.
اياد: يا هبلة.
شذي: مش مصدقني.
اياد: هو انتي بتتكلمي بجد؟!
شذي: ايوه...
اياد بصلها بصدمة و بص ل بطنها و فضل مصدوم لغاية ما شالها و لف بيها كتير...
شذي(بضحك): خلاص يا مجنون.
شذي: افتكرتك زعلان اني حامل...
اياد: ابدا انا اتصدمت بس.
اياد: من هنا و رايح راحة تامة مفهوم.
شذي: حاضر.
اياد: انتي زعلانة انك مش هتعرفي تشتغلي علي الاقل الفترة دي.
شذي(بحب): لا يا روحي طالما معاك و انت جمبي مفيش اي حاجة تانية تفرق معايا...
اياد: بحبك.
اياد مسك ايد شذي و باسها و خدها في حضنه...
اياد: تعالي نروح نقولهم.
اياد خد شذي و راحوا ناحية الباقي.
فارس: يااااه افتكرتك مت.
اياد: لا يا اخويا لسة عايش. عقبالك.
جنون: اوف افتكرتك يا اياد كبرت و عقلت...
اياد: اسمعوني كلكم عندي خبر حلو اوي.
شهاب: ايه المصيبة يا تري؟!
اياد: بعد الشر يا عم.
اياد: انا هبقي اب.
شذي اتكسفت و استخبت في ضهر اياد.
عطر: مكسوفة.
فريد: مبروك يا اياد.
اياد: الله يبارك في حضرتك.
كنان قام و حضن اياد.
كنان: مبروك يا معلم.
اياد: الله يبارك فيك...
الكل قعد يبارك لاياد.
علي: العريس بيهرب العريس بيهرب.
الكل ضحك لما شاف تامر شايل نور و بيطلع يجري.
جهاد: يلا يا فريد...
فريد: طيب فرصة سعيدة يا مدام داليا.
داليا: انا اسعد.
جنون: يلا العربية جاهزة يلا.
جنون: باي يا كنان...
كنان: استني عايزك.
كنان: وصلوهم يلا.
فارس: يلا يا سندس...
سندس: تمام...
علي: انا هبات فين؟!
شهاب: تعالي عندي يلا.
علي: طيب...
و الكل بدأ يجهز علشان يمشي...
داليا: يلا علشان نروح يا جنون.
كنان: عايزها في موضوع مهم حضرتك لما تخلص هروحها...
داليا: متتأخروش.
جنون: الكل مشي.
كنان: ابوكي دخل غيبوبة و لو لحقناه في اسرع وقت هيفوق...
جنون: ازاي مش فاهمة.
كنان: حد يتكلم معاه يديله سبب علشان يعيش.
جنون: انا مالي بالموضوع اصلا...
كنان(بحدة): فوقي يا جنون سامحي بقي...
جنون: اسامح ايه رد اسامح ايه اسامحه علي ايه و لا ايه و لا ايه، ده شخص حلال فيه الموت.
كنان: و في الاول و الاخر اسمه ابوكي.
كنان شد جنون معاه و ركبها العربية و مشي...
جنون(بعصبية): كنان روحني البيت.
كنان(ببرود): ده ابوكي و حقه عليكي.
جنون(بعصبية): كنان متخلنيش اكرهك متخلهوش سبب في انه يبعدك عني...
كنان: و مين قالك اني هسمح بأنك تبعدي عني.
جنون: مش عايزة اشوفه و متضغطتش عليا.
كنان: تعالي علي نفسك.
كنان وصل للمستشفي و نزل فتح الباب ل جنون اللي منزلتش و فضلت قاعدة.
كنان: بطلي عناد و انزلي.
جنون: رجلي وجعاني مش قادرة انزل.
كنان: بطلي استعباط و عناد و انزلي يا جنون هي ربع ساعة و هنمشي.
كنان مسك جنون من دراعها و شدها وراه.
جنون: مش ماسك بهيمة انت.
كنان: البهيمة مش عنيدة زيك...
كنان: يلا خشي.
جنون: مش عايزة ادخل.
كنان: هستناكي في العربية.
كنان ساب جنون و مشي جنون كانت هتروح وراه بس لقت نفسها بتمشي ناحية اوضة سيف...
جنون لقت كرسي قعدت عليه.
جنون: مكنش لازم تظهر و تعمل نفسك بطل. انت ضريت نفسك.
جنون: معرفش اذا كنت اتغيرت و لا لا، بس لو اتغيرت يعني هتكون اتغيرت لنفسك علشان انت متفرقش معايا.
جنون: لو اتغيرت علي ما اعتقد بتهتم بجمعيات خيرية في ناس محتجاك فيها.
كانت نبرة جنون شبه باردة.
جنون: علشان كدة قاوم علشان تكفر عن ذنوبك متموتش عاصي.
جنون: انت مش مستعد تموت كافر. و بعد كدة متعملش بطل و انت بالشكل ده مش هيأثر فيا...
جنون: ممكن مقولتهاش ليك كتير.
جنون: بس انا.
جنون: بكرهك.
جنون قامت و كانت هتخرج بس سمعت صوت الجهاز بيعلن ان القلب توقف.
جنون اتصدمت و خرجت بسرعة جابت دكتور.
ممرضة: اتفضلي بره.
جنون قعدت علي الكرسي و شافت كنان جاي راحت حضنته.
كنان: في ايه؟!
الدكتور: حضرتك قولتيله ايه؟!
كنان و الدكتور بصوا ل جنون اللي خبت وشها في رقبة كنان.
كنان: خلاص اهدي. هو حالته ايه يا دكتور؟!
الدكتور: شبه مستقرة.
كنان: تمام. يلا بينا.
كنان(بخضة): جنون جنون.
جنون وقعت بين ايدين كنان علي الارض.
الدكتور: نبضها ضعيف، تعالي ورايا.
-كنان شال جنون و راح ورا الدكتور دخلوا اوضة مرضي كنان حط جنون علي السرير و بدأوا يكشفوا علي جنون و علقوا ليها محاليل.
الدكتور: بص حضرتك هي شكلها في ضغوط و مشاكل كتير في حياتها و مأثرة علي مخها بالشكل ده و كل فترة بتكون عايزة تهرب من العالم مخها تلقائيا بيدي اشارة فبيغمي عليها او بمعني اصح بتروح في غيبوبة بسيطة جدا.
كنان: طب و الحل؟!
الدكتور: ابعدوها عن المشاكل ابعدوها عن اي حاجة تضايقها او تأثر عليها هي محتاجة راحة تامة.
كنان: تمام شكرا ل حضرتك يا دكتور.
الدكتور: تمام تقدر تأخدها بعد ما تفوق.
كنان: شكرا...
كنان قرب من سرير جنون و قعد يملس علي شعرها و باس ايديها و رأسها.
-في مكان تاني...
عند تامر و نور.
نور: انت مجنون مكنش لازم تعمل ده كله.
تامر: كنا هنقعد شوية كمان هنعمل ايه يعني.
نور: هخش اغير...
تامر: طيب تحبي اساعدك؟!
نور: لا شكرا.
نور دخلت اوضتها غيرت هدومها...
نور لبست بنطلون بيتي باللون الابيض و فوقه تي شيرت احمر ب ¾ كم قصير...
تامر: قدامك كتير؟!
نور: ها يعني شوية.
عدت ربع ساعة من الوقت و نور لسة مخرجتش.
تامر: طب انتي تعبانة فيكي حاجة؟ هدخل طيب؟!
تامر فتح الباب لقي نور قاعدة و حاطة البطانية فوق رأسها.
تامر: ايه ده؟!
نور: اقفل النور عايزة انام.
تامر(باستغراب): انتي هبلة يا بت و لا عبيطة.
نور: احترم نفسك لو سمحت.
تامر: انتي عجيبة يا بت.
تامر شد البطانية من فوق رأس نور.
تامر: في ايه يا نور؟! هو مش انتي شجاعة و الكلام ده.
نور(بشجاعة مزيفة): طبعا يا ابني انا مش بخاف.
تامر(بسخرية): واضح.
تامر قرب من نور و قعد جمبها علي السرير و نور بصتله بطرف عينيها.
تامر: مش شايف سبب للقلق علفكرة عادي يعني.
نور: انا محتاجة انام اليوم كان متعب.
تامر: نور.
نور بصتله و فضلت ساكتة تامر قرب منها و...
-في مكان تاني...
عند جنون...
جنون بدأت تتقلب رأسها يمين و شمال و فتحت عينيها.
كنان: صباح الخير.
جنون: هو احنا الصبح؟!
كنان: ايوه.
جنون ركزت شوية لقت نفسها في مستشفي.
جنون: هو ايه اللي حصل؟!
كنان: اغمي عليكي امبارح.
جنون: طيب...
جنون(بصدمة): اوعي تقول انك لغاية دلوقتي منمتش.
كنان: للاسف لغاية دلوقتي منمتش...
جنون: طب ليه حرام عليك؟!
كنان: ازاي انام و حبيبتي تعبانة...
جنون: انا مش تعبانة شوية ارهاق يعني و شغل.
جنون(بلامبالاة): عمل ايه؟!
كنان(بخبث): هو مين؟!
جنون: مبحبش اللف و الدوران...
كنان(برفعة حاجب): انا لفيت انتي اللي بتلفي و بتدوري...
جنون: اوف عمل ايه سيف الدين.
كنان: اااااااه ابوكي.
جنون: متقولش كدة.
كنان: تقدري تنكري؟! عموما هو حالته شبه مستقرة يعني.
جنون: يا رب نموت بقي و نخلص منه.
كنان(بحدة): هعتبر نفسي مسمعتش حاجة و متقوليش كدة تاني فاهمة.
جنون: هو من بقية عائلتك.
كنان: يلا قومي علشان نروح...
جنون قامت و عدلت هدومها و مشيت هي و كنان.
جنون: رايح علي فين؟!
كنان لا رد.
جنون: مبحبش اروح اي حتة معرفهاش.
كنان لا رد.
جنون: اوف.
جنون فتحت الشباك و بدأت تشوف الناس و هي راحة و جاية لغاية ما غصب عنها نامت.
كنان: جنون جنون.
جنون: اممممم.
كنان: انزلي.
كنان نزل و جنون نزلت وراه. جنون باصة ل كنان باستغراب و باصة للمكان اللي هي فيه مش عارفة تحدده.
جنون: ممكن تفهمنا احنا فين؟!
كنان لا رد.
جنون: اوف علفكرة ابتديت ازهق و اتعصب.
جنون لقت كنان حط ايده علي عينيها و مشي وراها و مشاها قدامه.
جنون: رايحين ل فين؟!
كنان شال ايده و جنون لقت نفسها قدام بوابة كبيرة. و لقت البوابة اتفتحت و بصت ل كنان شاور ليها بمعني ادخلي...
جنون دخلت لقت ناس انحنوا ليها و بصوا ليها باحترام و كملت مشي لغاية ما لقت حد مسك تاج و حطه علي رأسها ابتسمت و بعدها لقت كنان بيشيلها بين ايديه و دخل القصر اللي كانوا فيه.
جنون: ايه ده؟!
كنان: انتي شايفة ايه؟!
جنون بصتله بابتسامة و كان باين عليها انها فرحانة.
كنان(بابتسامة): اخيرا غمازاتك ظهرت.
جنون باسته من خده و بصت علي القصر. كنان طلع علي السلالم اللي موجودة.
جنون: هنروح فين تاني؟!
كنان: الصبر يا جنوني.
جنون لقت بنت بتوديها بوكيه ورد احمر جنون مسكته بأيديها و بصت ل كنان و هي مبسوطة جدا.
كنان: مبسوطة؟!
جنون هزت رأسها كتير بمعني اه و في ابتسامة عريضة علي وشها.
جنون لقت كنان راح ل مكان جاي منه هواء شديد.
كنان: نفطر بقي.
كنان نزل جنون علي الارض و شدلها كرسي جنون قعدت عليه و هو قعد علي كرسي قدامها.
جنون: انت عملت ده كله امتي و لا ليه و ازاي انا مبهورة يا كنان.
كنان: دي حاجة بسيطة علشانك علشان اشوف ابتسامتك بس.
جنون: لا كدة كتير، كل يلا.
كنان و جنون بدأوا يأكلوا و بيتكلموا و مبسوطين.
كنان: يلا بينا ورانا حاجات كتير.
جنون: لحظة لحظة رايحين فين؟!
كنان(بغمزة): بكرة فرحنا يا مزتي.
جنون: انت قلبت علي ادهم كدة ليه طول عمره لازم يقول كلمة مزتي.
كنان: الصبر امشي يا بت قدامي.
كنان مسك ايد جنون و نزلوا ركبوا عربية كنان.
جنون: بس مكنش ليه لزوم كل اللي انت عملته ده.
كنان بصلها بضيق و بعدها كمل سواقة...
-في مكان تاني...
في فيلا فريد.
سيدة: هو حضرتك يا هانم هتسيبوهم يتجوزوا.
جهاد: لا طبعا خليهم يتهنوا اول كام يوم بس هتتمني لو كانت تبعد عن ابني. و هخلي داليا كانت تتمني تموت و لا تشوف بنتها في البهدلة اللي هتشوفوها.
سيدة: و اختها؟!
جهاد: لا دي ضعيفة هخلص منها بسهولة، اما الحرباية الكبيرة طالعة لامها و عرفت تاخده.
سيدة: هتقدري يا هانم؟!
جهاد(بعصبية): قصدك ايه يا ست انتي اكيد هقدر هخليهم يتمنوا الموت و مش هيلاقوه.
سيدة: و انا معاكي يا هانم.
ندي: صباح الخير.
جهاد: صباح النور.
ندي: عايزة اكل بعد اذنك يا سيدة.
سيدة: حاضر يا هانم...
ندي كانت هتمشي بس رجعت تاني.
ندي: ابعدي عنهم معملوش ليكي حاجة.
ندي سابت جهاد و هي مصدومة من تصرف ندي الجرئ و الجديد بالنسبة ليها.
فريد: حبيبة ابوها هتعمل ايه؟!
ندي: ممكن اجي معاك الشغل يا بابا؟!
فريد: صعب بس عيوني.
فريد: تعالي يا حبيبتي.
فريد خد ندي و ركبوا عربية فريد بالسواق و راحوا للمبني.
في المبني.
شهاب: سمعتوا اللي حصل؟!
علي: خير؟!
شهاب: ساهر اتهجم علي جنون في بيتها و قبضوا عليه...
اياد: و اكيد كنان يعرف.
شهاب: لا للاسف جنون مقالتش ليه.
الباب خبط.
اياد: ادخل.
شخص: فرقة اسد المخابرات ملف القضية الجديدة.
اياد: البسوا.
شهاب: مش لازم كنان بقي يعرف نحاول نحلها احنا ده فرحه بكرة.
اياد: هساعدكوا انا كمان، اصل تامر و نور اجازة و كنان كمان و شهد في المستشفي. يعني انتوا في الضياع.
شهاب: ايه الاحراج ده بس علشان اعرف...
سجي: ممكن ادخل؟!
اياد: انتي دخلتي اساسا.
سجي: يا رب علي الرزالة.
سجي: اياد في قضية جديد جت ممكن تيجي تبص عليها.
اياد: اوكي يا قمر، بقولك هو فين شذي؟!
سجي: قاعدة بتأكل مانجا قوم يا اخي قوم.
اياد: تأكل براحتها يا اختي...
علي: طبعا و مين قدك.
اياد: يلا تعالي وريني ملف قضيتنا الزفت دي هي شغلانة زفت.
اياد: متعرفيش فين فارس؟!
سجي: لا معرفش بس هتلاقيه مع سندس.
اياد: اه معرفتش اركز مع سندس خالص بس يلا تتعوض و ارزل علي الواد فارس.
سجي: يا رخم.
علي: هو في حاجة بينك و بين سجي؟!
شهاب: لا ليه بتسأل؟!
علي: في يا شهاب و انت مش عايز تتكلم احكي احكي انا زي اخوك...
شهاب: مش بتحبني يا علي.
علي: هي قالتلك كدة؟
شهاب: لما سألتها سكتت و مردتش.
علي: غبي علشان السكوت علامة الرضا و الموافقة.
شهاب: لا لا معتقدش.
علي: ياض اسمع مني هي بتموت فيك اساسا دي بتغير عليك من النسمة...
شهاب: لا لا مش مصدق.
علي: طب بقولك.
شهاب: ايه؟!
-في مكان تاني.
في المستشفي عند شهد...
شهد(بعصبية): يعني ايه ساهر اتقبض عليه...
حسام: اللي حصل يعني جنون بقت من نصيبي انا، انا و بس.
شهد: ها موت يا حمار، فرحهم بكرة...
حسام: سيبيهم يفرحوا بس الترابيزة هتتقلب عليهم.
شهد: كنان مش هيبقي مع البت الزبالة اللي اسمها جنون دي و لا للحظة.
حسام: اهدي شوية علي نفسك.
حسام: اسااسا هما شاكين انك بتمثلي.
شهد(بغيظ): ده حتى مجاش اطمن عليا.
حسام: لانك مش بتهميه.
شهد: و انت مش بتهم جنون واحد واحد متساوين.
حسام: هتبقي ليا غصب عن الكل، و فعلا كلام ساهر صح دي حرب.
حسام: و اه مش انتي بس اللي بتحبي كنان في جنون و في غيرك كتير و يتمنوا بس لحظة منه.
شهد: هيكون ليا و غصب عن اي حد موجود و مفيش اي حد هيمنعني.
حسام: طيب همشي انا دلوقتي.
شهد: استني بابي اخباره ايه؟!
حسام: تعبان فوقي بقي من الغيبوبة علشان يطمن.
حسام ساب شهد و مشي. و شهد متعصبة.
شهد: اما وريتك يا جنون...
في مستشفي سيف.
داليا راحت ل سيف و دخلت لاوضته...
داليا: فرح جنون اللي كنا بنحلم بيه بكرة.
داليا: مش ناوي تقوم برضو. كان حلم حياتك تسلمها لعريسها بايدك.
داليا: جهاد هي السبب في دمار بيتنا و مش هتسكت.
داليا: جيت عليا كتير يا سيف بس سامحتك و مسمحاك دلوقتي.
داليا: قوم امسك ايد بنتك و وديها ل عريسها هي عنيدة و مش هترضي بس غصب عنها هتوافق و هتمسك ايدك و ايدها هتمسك في ايد كنان هتكون بفستانها الابيض، كان حلم حياتك تشوفها كدة.
داليا: قوم بس في ناس كتير محتجالك...
داليا: و انا مش هقدر احمي بناتي من غيرك.
داليا: قوم يا سيف.
داليا قامت و مشيت و كانت لسة هتخرج من المستشفي.
ممرضة(و هي بتنهج): استني حضرتك.
داليا: انا؟!
ممرضة: سيف بيه فاق.
داليا مشيت بسرعة و راحت لاوضته.
الدكتور: للحمد لله صحتك احسن يا سيف بيه.
سيف: يعني اقدر امشي.
الدكتور: لا يومين كدة.
سيف: عايز امشي النهاردة.
داليا: هو طيب حضرتك مينفعش يخرج يوم بس و يرجع اصل فرح بنته بكرة.
الدكتور: صدقيني مينفعش.
سيف: طيب غور دلوقتي.
داليا: حمد لله بالسلامة.
سيف: الله يسلمك.
سيف: قربي.
داليا قربت من سيف و مالت عليه. سيف باس رأس داليا.
داليا: ايه ده؟!
سيف: انا اسف حقك عليا.
داليا: جنون احق بالكلمتين دول يا سيف مش وقته الكلام ده...
سيف: طيب كدة كدة هخرج بليل، ابعتيلي بس العنوان.
داليا: الدكتور رافض.
سيف: ملكيش دعوة دلوقتي، يلا روحي و خلي بالك من نفسك.
داليا: طيب.
داليا مشيت ركبت تاكسي و روحت.
سيف(بتنهيدة): نفسي اوي ابقي معاكي يا جنون بس انتي هترضي.
-في مكان تاني...
عند جنون و كنان.
جنون: اسمع كلامي بقي.
كنان: حد يروح يشتغل قبل فرحه بيوم.
جنون: ايوه و كمان عايزة اغير الفستان ده عليا من امبارح، و كمان نأخد فكرة عن القضية الجديدة و كدة يلا بقي يلا.
كنان: طيب يا جنون.
كنان و جنون راحوا للمبني و كنان كان مكشر...
جنون: بس بقي يا كنان الله.
كنان: انتي تخرسي خالص.
جنون: اوف طيب يلا باي...
جنون راحت اوضة تبديل الملابس و غيرت هدومها.
جنون لبست بنطلون اسود و قميص كحلي و كوتشي ابيض و سيبت شعرها علي ضهرها.
جنون راحت علي مكتبها...
جنون: بخ.
فارس: ايه اللي جابك يا بت؟!
جنون(بجدية): يلا كله علي شغله ورق القضية يكون قدامي.
اياد: نعم يا اختي هو جنابك ناوية تشتغلي.
جنون: افندم؟! يلا كله علي شغله.
جنون راحت ل عطر مسكت منها الملف.
جنون: هو ده الملف؟!
عطر: اه يا مجنونة.
جنون(بحدة): بره يلا. احنا في شغل هنا.
جنون لفت وراها لقت شذي بتأكل و حواليها مانحا كتير و منظرها فظيع.
جنون: لا لحظة بس كدة استوعب.
جنون: بتعملي ايه يا سكر؟!
شذي: بتكلميني انا؟!
جنون: لا امي، ردي يا اختي.
شذي: بأكل.
جنون: اياد لاما البت دي تأخد اجازة لغاية ما تولد لاما متجيش ليا بالمنظر ده...
سجي: عندك حق و ربنا.
شذي: الله يسامحكوا.
اياد: جيبالي الكلام يا مصيبة انتي.
شذي: متشكرة.
جنون(بحدة): يلااااااا كله علي مكتبه.
عند كنان.
كنان: ها ايه الاخبار يا شباب؟!
شهاب: تطور جميل.
كنان: ايه؟!
شهاب: ملف القضية وصل من شوية و قبضنا علي مشتبه و انت هتأخد اقواله بطريقتك.
كنان: جميل خلوه مشرف عندنا لغاية ما اتجوز بقي.
علي: الصراحة مستغربك ده انت هتتجوز بكرة.
كنان: الستات يا اخويا الستات.
عدي النهار عادي علي كل الاطراف.
-بليل في بيت جنون...
جنون: انا مش بحب اكون دبش بس دي طبيعتي.
جنون: يعني انا ليه مش زي البنات الرقيقين البسكوتات دول...
جنون: اوف الواد بيضايق من الدبش بتاعي اتصرف ازاي...
جنون: اوف حتى لما بقول كلمة حلوة لازم انهيها بكلمة وحشة اوف يا كنان صعبان عليا اوي.
جنون: يا عيني مستحملني ازاي نفسي اعرف.
جنون: ربنا يعينك عليا.
جنون: اوف بس برضو لازم اتغير علي الاقل بكرة.
جنون: مش عايزة ازعله بكره اوف.
جنون: هو بيعمل كل اللي انا عايزاه الصراحة و اللي بحبه و اللي بيفرحني.
تليفون جنون رن. الخط اتفتح...
جنون: الو. حد يتصل دلوقتي يا ابني؟!
كنان: اسف سيادتك بطمن عليكي.
جنون: تمام، جنابك قولت سيبي كل حاجة عليا اديني سيباها و متاكدة انه مفيش حاجة هتبقي كويسة.
كنان: طيب شكرا. عن اذنك.
جنون: استني استني.
كنان: ايه؟!
جنون شالت التليفون بعيد عن ودنها.
جنون: يلا يا جنون هتقولي بحبك. يلا.
جنون: احم كنت عايزة اقولك حاجة.
كنان: قولي.
جنون: تصبح علي خير.
كنان: و انتي من اهله يا تافهة.
جنون: اوف انا عيلة رزلة و ضعيفة بس كدة.
جنون رجعت جسمها لورا ونامت علي السرير.
-في الصباح الباكر.
جنون(بنوم): اوف يا امي اقفلي الستارة.
داليا: الساعة 12 يا هانم.
جنون(بخضة): الفرح.
داليا(بخبث): ايه كنتي بتحلمي ب كنان؟!
جنون(باحراج): لا علفكرة عادي خالص.
داليا: اه عارفة عارفة.
جنون: امشي يا دودو بقي.
داليا: كنان اتصل و بيقولك الفستان و الميكب ارتست جايين في الطريق.
جنون: طيب هخش اخد دوش سريع.
جنون دخلت خدت دوش كان الفستان جه.
بنت: ممكن حضرتك تيجي علشان الميكب و بعدها نلبسك الفستان.
جنون: طيب بس فين البنات؟
داليا: كنان قال محدش يشوفك غيره هو الاول و.
جنون: و؟!
داليا: يلا البسي بسرعة يلا...
الميكب ارتست عملت المكياچ ل جنون و بعدها لبسوها الفستان.
بنت: ايه الجمال ده بسم الله ما شاء الله...
جنون: تسلمي...
جنون: اوف يا امي بتعيطي ليه الله؟!
داليا(بدموع): هتسيبيني خلاص.
جنون: لا يا روحي هاجي هنا علطول ليكي.
الباب اتفتح جنون بصت اتصدمت.
جنون: بيعمل ايه الراجل ده هنا؟!
داليا: جنون عيب ده ابوكي.
جنون: هو ده اسمه اب ده اساساا خسارة فيه.
داليا: معلش يا حبيبتي دي رغبة كنان معلش.
جنون: لا يعني لا.
جنون(بعصبية): اخرج بره.
سيف: يا بنتي.
جنون: انا مش بنتك فاهم.
داليا: خدي كلمي كنان خدي يا حبيبتي.
جنون: يا كنان.
كنان: حبيبتي اسمعي الكلام عشان خاطري ده فرحنا بلاش نزعل من بعض فيه يلا مستنيكي.
جنون: اوف.
داليا: ها يا حبيبتي؟!
جنون: طيب يا امي.
سيف قرب من جنون و باس رأسها.
سيف: طول عمري كنت بحلم باللحظة دي.
بره.
كنان: اوف يا جنون اوف. اخرجي يلا.
-كنان كان واقف لوحده بره اوضة جنون و موديهم ضهره، و الكل بره البيت.
داليا: كنان.
كنان لف و بص ل جنون.
جنون كانت ماسكة في ايد سيف و موطية رأسها في الارض. كان الفستان طويل و ضيق من الجزء اللي فوق لغاية الخصر و نازل بوسع بعد كدة و كان ب ¾ كم زي فستان الاميرات كانت الاكتاف مايلة علي الكتف. و رفعت شعرها لفوق و لبست طرحة الفستان و كان في تاج مزينها. و لبست جذمة بكعب بسيط شيك. و حطت روچ احمر غامق و كحل حدد عينيها...
كنان بص ل جنون رمي بوكيه الورد...
كنان: يا نهار ابيض...
كنان شال جنون و لف بيها كتير.
جنون: خلاص يا مجنون.
كنان نزل جنون و باس رأسها و حضنها.
سيف: حافظ عليها يا كنان.
جنون كانت هتتكلم بس كنان بصلها بتحذير.
داليا: طيب مش يلا.
كنان: اه يلا.
كنان و جنون خرجوا الكل صقف جامد و الشباب صفرت.
كنان: يلا بينا.
كلهم ركبوا العربيات و جنون مكنتش عارفة هما رايحين فين.
و بعد فترة وصلوا ل قاعة بسيطة و شيك جدا.
كنان: قولتلك بحبك صح...
جنون: مُصر تحرجني.
كنان: بحبك يا قلبي.
جهاد: اوف ايه الملل ده...
ندي: المكان حلو يا بابا.
فريد: فعلا يا حبيبتي.
و الكل قعد يتكلم كتير و يضحك و فرحان.
و بعدها في فيديو اشتغل كان بيجمع كل صور جنون لوحدها في كل صوره من و هي صغيرة لغاية ما كبرت و في كل الحالات...
جنون(بدموع): بحبك اوي.
جنون حضنت كنان جامد و كنان باس رأسها.
كنان: تسمحيلي؟!
جنون حطت ايديها في ايد كنان بس اول ما وقف لقته بيشلها و مشي بيها بره القاعة...
جنون(بصدمة): انت بتعمل ايه يا مجنون؟!
كنان: ليه نضيع وقت نبقي نرقص في شقتنا براحتنا.
الكل اتصدم من حركة كنان. و ركبوا عربياتعهم و مشيوا وراه بيزفوه.
جهاد(بعصبية): ايه لازمة المصاريف بقي...
فريد: مراته يا جهاد مراته سيبيهم يفرحوا اوف...
و بعد فترة وصلوا للعمارة.
جهاد(بصدمة): هو شاري ليها شقة في المنطقة دي!
فريد(بملل): شاري شقة ل بيته اللي هيبنيه بايده من هنا و رايح. هو اللي تعب في الشقة دي من سنتين.
كنان: طيب متشكرين يا رجالة و الله مش عايز اعرفكوا تاني. و محدش يتصل بيا الا للطوارئ. ماشي يا سيادة اللواء...
كنان شد جنون معاه و ركبوا الاسانسير جنون لقت الاسانسير فيه ورود و متزين.
داليا: يلا يا جماعة.
و الكل بدأ يركب عربياته علشان يروح...
عند جنون و كنان.
كنان فتح باب الشقة و جنون دخلت برجلها اليمين.
جنون: الشقة حلوة يا كنان اوي.
كنان: حلوة بيكي يا قلب كنان.
كنان حضن جنون جامد و ل فترة طويلة...
كنان: تعرفي اول مرة احس بالامان كانت في حضنك انتي. و عايز بيتنا يتملئ حب و احترام و تقدير و ضحك مش عايز الزعل يدخل ما بينا يوم يا جنون. مش عايز يوم واحد يعدي و انتي زعلانة مني.
كنان: انتي حياتي الجاية انتي الاساس يا جنون، هنبني عائلتنا واحدة واحدة.
جنون(بحب): اكيد.
جنون: هطلع اغير انا.
كنان: طيب و انا هغير في الاوضة دي.
جنون: طيب.
جنون طلعت اوضتها هي و كنان الجديدة. و بدأت تبدل هدومها و هي مبسوطة من كلام كنان.
جنون لبست بنطلون بيتي باللون الكشميري و تي شيرت بنص باللون الابيض و رفعت شعرها علي شكل كحكة.
الباب خبط.
جنون: ادخل.
كنان: لو خلصتي البسي الاسدال و يلا علشان نصلي.
جنون: طيب هدخل اتوضئ.
جنون دخلت الحمام و اتوضت و خرجت لبست الاسدال و بدأت هي و كنان يصلوا.
بعد ما خلصوا قعدوا ساكتين ل فترة، كنان فك شعرها و نزله علي كتفها.
كنان: تعرفي اني كتير حلمت بيكي.
جنون: بجد؟!
كنان: ايوه بجد، كنتي حتى بتظهري في احلامي يا
جنون.
جنون: هي الساعة كام؟!
كنان: اشمعنا؟!
جنون: اصل في مسرحية جاية نتفرج عليها بقي يلا قوم.
كنان: دلوقتي يا جنون؟!
جنون: يلا بس قوم. يلا.
-جنون قومت كنان و نزلوا ل تحت و شغلوا التلفزيون و قعدوا جمب بعض. جنون كانت ساندة بضهرها علي كنان...
كنان: انا مستغربك الصراحة.
جنون: البيت حلو اوي عاجبني جدا جدا.
كنان: انتي احلي يا روحي.
جنون: بس برضو ملحقناش نقعد نص ساعة يا كنان و الله عيب.
كنان: عايز اقضي معاكي انتي باقي اليوم و مش عايز اشوف اغيرك فيها ايه دي بقي...
كنان: جنون بصي ليا.
جنون لفت ل كنان و قعدت قصاده.
كنان: بتحبيني؟!
جنون(لنفسها): بطلي دبش بطلي دبش.
جنون(و هي مغمضة عينيها): اه.
كنان قرب من جنون و هي مغمضة عينيها و (لخيالكوا)...
التليفون رن.
كنان(بصدمة): افندم؟!
جنون: احم انا مالي الله.
كنان: هو حد يتصل ب حد دلوقتي.
جنون: ايه الأوفر ده الساعة لسة 10 يا ابني.
كنان: اخرسي. مش هرد بس يولعوا بجاز.
جنون: ممكن يكون في حاجة مهمة.
كنان: مفيش اهم منك و سيبك بقي من التليفون.
كنان كان لسة هيقرب من جنون تاني بس التليفون رن...
جنون فهمت من نظرة كنان انه ممكن يكسر التليفون خدته بسرعة و فتحته و كنان بصلها بمزيج بين الصدمة و الغضب.
كنان(بضيق): الو.
علي: احم عارف انه مش وقته بس لازم تعرف او علي الاقل تقولنا نعمل ايه.
كنان(بضيق): مش وقته يا علي انتوا بتستعبطوا علفكرة اوي اوي.
علي: لقينا النهاردة الراجل اللي قبضنا عليه ميت.