رواية حرب الحب للكاتبة سلسبيل كوبك الفصل الخامس والأربعون والأخير
جنون كانت مصدومة و مذهولة و مش عارفة تعمل ايه و شذي مكنتش قادرة تستحمل الوجع و بتصرخ.
جنون جريت و فتح الباب.
جنون(بصوت عالي): اسعاف بسرعة...
فتحي: خير يا هانم.
جنون: اسعاف بسرعة بسرعة...
جنون جريت علي شذي و كان شذي اغمي عليها.
جنون(بدموع): ارجوك فتحي عينك.
جنون(بدموع): كنان فينك؟!
و بعد فترة الاسعاف جت و نقلوا شذي المستشفي و دخلوها الاسعاف.
الدكتورة: ايه الحالة؟!
ممرضة: حامل في الشهر السابع و شبه هتولد.
الدكتورة: جهزوا اوضة العمليات.
الدكتورة لاحظت جنون و لاحظت انها تعبانة.
الدكتورة: حضرتك معاها؟!
جنون: اه هي كويسة؟!
الدكتورة: اه بس ولادة مبكرة شوية.
جنون: طيب.
الدكتورة: حضرتك حامل في الشهر الكام؟!
جنون: السادس.
الدكتورة: طيب بس انتي لازم راحة اتفضلي معايا.
جنون: مش عايزة ارتاح عايزة اطمن علي شذي.
الدكتورة: علي ضمانتي هي بخير. اتفضلي معايا.
الدكتورة خدت جنون و قعدتها في مكتبها.
الدكتورة: متقلقيش. هو ساعة و هتكون الام و الطفل بخير.
جنون: تمام.
دخلوا شذي اوضة العمليات. و جنون كانت قاعدة علي اعصابها.
و بعد فترة خرجت ممرضة ب طفل جنون شالته.
جنون(بابتسامة): بسم الله الرحمن الرحيم، بسم الله ما شاء الله قمر...
جنون: هي شذي هتخرج امتي؟!
ممرضة: عشر دقايق بالظبط.
جنون: تمام شكرا.
خرجوا شذي من العمليات و نقلوها اوضة عادية و جنون دخلت معاها و هي شايلة البيبي.
شذي(بتعب): اياد.
جنون(بابتسامة): اخيرا عرفنا نوع الجنين ولد شبه اياد بالظبط.
شذي(بتعب و دموع): كان نفسي يبقي موجود معايا.
جنون: يا روحي غصب عنه لو يعرف كان عمل المستحيل و قعد معاكي و انتي عارفة قد ايه هو بيحبك...
شذي: هاتي.
جنون ودت شذي الطفل و شذي اتأملت ملامحه و باسته.
شذي: كنا متفقين علي الاسامي من الاول.
جنون: هتسمي ايه؟!
شذي: جاسر.
جنون: جاسر اياد حلو الاسم. حمد لله بالسلامة يا روحي.
شذي: مكنتش اعرف من غيرك كنت هعمل ايه؟!
جنون: يا روحي انتي اختي.
جنون: هتصل بالبنات بقي كنت مشغولة بيكي يا شيخة حتى و انتي بتولدي مشيلاني همك.
شذي(بضحك): انا قدرك.
جنون: قدري الاسود.
شذي بدأت تلعب مع ابنها و هو نايم و تبوسه كل شوية.
جنون اتصلت بالبنات و هما جم المستشفي.
نور: اه يعني انا ممكن اكون لوحدي في الشقة و اولد يا نهار اسود.
جنون: يا غبية انتي حامل في الشهر الثالث لسة.
نور: اه سوري.
عطر: هاتي النونو اشيله شوية.
شذي: خدي بس براحة.
عطر: يا اختي كميلة يا اختي انتي قمر.
شذي: طبعا مش ابني.
سجي: يا واد يا جامد.
شذي: مبحبش اتكلم عن نفسي كتير.
نور: مالك يا جنون؟!
جنون: قلقانة لان كنان اتولد في الشهر السابع خايفة انا كمان اولد ابني في الشهر السابع و كنان مش هيبقي موجود و انا قولت لماما متجيش ليا و هقعد لوحدي...
سجي: ان شاء الله لا متخافيش.
نور: ممكن اطلب طلب؟!
جنون: قولي.
نور: عايزة اكل شيبسي بالخل و الملح مش بالطماطم.
عطر: انا شايلة النونو.
سجي: و انا قاعدة مع شذي.
نور: كلاب.
جنون: تعالي معايا اشتري ليكي و ليا.
نور: يلا يا بنتي عيال كلاب اساسا.
جنون و نور خرجوا من المستشفي و بدأوا يدوروا علي سوبر ماركت.
نور: اهو في واحد.
جنون: طيب يلا تعالي.
جنون: اه قلبي لا.
نور: ايه؟!
جنون: نسيت اجيب فلوسي.
نور: غبية.
جنون: طيب اشتري اللي انتي عايزاه و اشتري لينا كلنا حاجات نأكلها و هطلع اجيب الفلوس.
نور: طيب.
جنون مشيت و حست بتعب قعدت علي كرسي و بدأت تأخد نفسها بصعوبة.
شخص: انتي كويسة يا مدام؟!
جنون: اه شكرا ل حضرتك.
جنون قامت بسرعة و وقفت علي جمب بدأت ترجع و الشخص ده وقف جمبها و قعد يملس علي ضهرها.
شخص: انادي الدكتور؟!
جنون: لا شكرا ل حضرتك انا بخير.
جنون مشيت و دخلت حمام المستشفي و غسلت وشها و طلعت جابت الفلوس و نزلت ل نور.
جنون: ايه جنابك ده كله؟!
نور: جعانة الله.
جنون: الصبر يا رب.
دفعوا الحساب و خدوا الشنط و طلعوا بدأوا يأكلوا. جاسر نايم...
-في مكان تاني...
عند الشباب.
شهاب: اوف اخيرا وصلنا.
كنان: المفاتيح يا علي؟!
علي: خد كلنا في اوضة واحدة
كنان: هنحب في بعض يعني. قدامي منك ليه.
تامر: وحشتني نور اوي.
كنان: كله يطلع علي اوضته و يكلم حبيبته بالتليفون التاني مش بتاع العملية.
اياد: يلا.
-الكل طلع جناح كان ل كل الشباب.
كنان اول ما فتح تليفونه لقي فيديو جاله من رقم غريب فتحه باستغراب و بعدها حاول يهدي نفسه.
كان الفيديو جنون واقفة و شخص بيحط ايده علي ضهرها و هي متكلمتش.
اياد: انت كويس يا ابني؟!
كنان: اه اه.
كنان اتصل ب جنون. الخط اتفتح.
شذي: ماشية معاك يا عم.
جنون: اخرسي يا بت.
جنون سابتهم و خرجت من الاوضة و قعدت تكلم كنان.
جنون: هتفضل ساكت كتير؟!
كنان: عاملة ايه؟!
جنون: كويسة و انت؟!
كنان: كويس.
جنون: مالك بتتنفس بصعوبة ليه!
كنان: عادي لسة راجعين من المطار.
جنون: طيب خلاص ارتاح و بليل او بكرة نتكلم.
كنان: لا مش هنتكلم تاني الا بعد العملية لما اجي.
جنون: ليه؟!
كنان: حركاتنا متراقبة. علشان كدة مع السلامة و خلي بالك من نفسك.
جنون: استني.
كنان: ايه؟!
جنون: بحبك.
كنان: و انا كمان. باي.
كنان قفل التليفون و اترمي علي سريره و هو مخنوق.
اياد: لو مش هضايقك تحكيلي مالك.
كنان فتح تليفونه و ودي ل اياد الفيديو.
اياد: حاسس بيك بس ليه متحسبهاش اللي عمل كدة قاصد فعلا يخليك كدة...
كنان: انا واثق في جنون بس خايف عليها هي مش زي زمان هي حاليا حامل و مش هتقدر تتصرف في اي موقف ممكن تتعرض ليه...
كنان: كل ما اسمع صوتها هتهيج مشاعري و مش هعرف اركز في العملية و انا متعودتش علي كدة.
اياد(بغمزة): يعني الحب ولع في الدرة.
كنان ضرب اياد بالمخدة و زقه برجله.
كنان: غور غورة تأخدك.
اياد: بمزاجي.
كنان قام نط علي اياد و نزل في ضرب...
شهاب: خناقة يا عيال.
شهاب جري علي اياد و كنان و قعد يضرب معاهم.
علي: مين في صف مين؟!
فارس: مش مهم هجوم.
الشباب كلها بدأت تضرب بعض بهزار و يضحكوا و كل واحد اترمي علي سريره.
اياد طلع تليفونه و اتصل ب شذي.
الخط اتفتح.
اياد(بحب): وحشتيني.
جنون(بضحك): ده انا يا اياد.
اياد: احم انتي يا بت حشرية فين مراتي.
جنون: نايمة عندك مانع؟!
اياد: تنام براحتها خلاص طمنيني عليها كل شوية.
جنون: روح نام يا اياد.
اياد: طيب.
علي: ايه الاخبار؟!
اياد: روح كلمها و اسألها انا عايز انام.
علي: اتخمد.
علي طلع تليفونه و اتصل ب عطر. الخط اتفتح.
علي: مساء الفل.
عطر: مساء النور يا حبيبي عامل ايه؟!
علي: بقيت بخير بعد ما سمعت صوتك.
شهاب(بتريقة): يا قلبي.
علي ضربه بالمخدة و كمل كلام مع عطر.
علي: اهم حاجة عندي خدي بالك من نفسك.
عطر: حاضر و انت كمان.
علي: طيب يا حبيبتي هنام دلوقتي.
عطر: تصبح علي خير.
علي: يا ابن ال.
تامر: علي ممنوع الشتايم.
علي: ماشي يا شهاب اما ربيتك.
كنان: اخرسوا بقي الواحد عايز ينام.
شهاب: انا رايح اكلم مراتي يا عم.
فارس: راعوا طيب شعور الواد اللي جمبنا ده.
تامر: منور يا حازم.
حازم(بضحك): لسة واخدين بالكوا.
شهاب بعد عنهم شوية و اتصل ب سجي.
شهاب(بحب): حبيبتي.
سجي: ازيك.
شهاب: بخير بيكي يا روحي.
علي(بتريقة): يا قلبي.
شهاب ضربه برجله و كمل كلام مع سجي.
شهاب: ها يا حبيبتي طمنيني عنك.
سجي: بخير الحمد لله.
شهاب: الحمد لله يا روحي. عايزة حاجة؟!
سجي: لا عايزة سلامتك.
شهاب: بحبك خلي بالك من نفسك...
سجي: ماشي و انت كمان.
علي: ايه واحدة بواحدة.
شهاب: اصبر عليا انام و افوقلك يا علي.
تامر: بس بقي.
تامر اتصل علي نور كتير لقي الخط مقفول.
تامر: الصبر يا رب. مبتناميش الا و موبايلك مقفول.
تامر: اقلقيني اكتر اقلقيني.
فارس اتصل ب سندس، الخط اتفتح.
سندس: اوف اخيرا سمعت صوتك.
فارس: هما سبع ساعات لحقنا.
سندس: طيب يا عم عامل ايه؟!
فارس: بخير الحمد لله و انتي.
سندس: الحمد لله كويسة. انت لسة راجع من المطار؟!
فارس: اه يا حبيبتي.
سندس: طيب يا حبيبي نام دلوقتي. تصبح علي خير.
فارس: و انتي من اهله.
سندس: باي.
-عدي شهرين مش شهر واحد ببطء علي جميع الاطراف. و كانوا الشباب بيشتغلوا و بيحاولوا علي قد ما يقدروا يخلصوا و يرجعوا مصر...
و البنات بقوا كل فترة يجتمعوا في شقة جنون كل شوية و بعد إلحاح شديد من جنون ندي جت عاشت معاها، ادهم و ورد تمموا جوازهم و شجن بتشتغل في شركة و كل شوية تزور قبر أوبي. فريد بيشتغل في المبني مع فرق تانية...
و الشباب مكلمتش البنات خالص تاني...
سجي: اوف هما جايين امتي بقي عدي شهرين كاملين.
عطر: حتى متكلمناش غير مرة.
نور: اللواء فريد بيقول ان العملية صعبة و هما غصب عنهم اتأخروا حرام...
جنون: انتوا معندكوش دم سايبني انا في المطبخ و انتوا قاعدين باشاوات بتأكلوا فشار.
شذي: انا بأكل جاسر.
جنون: ده اللي انتي فالحة فيه.
ندي: طب تعالي اقعدي شوية و انا هقوم.
جنون: لا لا محدش يقوم خدوني بس جمبكوا. المغص الفترة دي زاد اوي و حاسة اني هولد و ده اللي انا خايفة منه.
عطر: ان شاء الله تولدي بعد ما كنان ما يجي. و كمان انتي في اخر السابع ان شاء الله الاسبوع ده يعدي تكوني خلصتي السابع و مش هيبقي في احتمال انك تولدي دلوقتي.
جنون: يا رب، طلع عندك مخ نضيف من امتي يا بيضة.
جنون: معلش يا سجي قومي افتحي الدرج ده هتلاقي برشام هاتيها...
سجي: الدرج ده؟!
جنون: ايوه.
جنون: شكرا يا سجي.
جنون خدت البرشامة و شربت ماية و رجعت رأسها ل ورا...
ندي: انتي كويسة؟!
جنون: اه اه.
تليفون جنون رن، الخط اتفتح.
جنون: الو.
فريد: ازيك يا جنون.
جنون: الحمد لله يا فندم. راجعين؟!
فريد: جنون في حاجة انا خبيتها عنك انتي و باقي البنات الفترة اللي فاتت.
جنون بدأت تتنفس بصعوبة و اعصابها سابت.
سجي: في ايه؟!
سجي مسكت التليفون و شغلت الاسبيكر.
فريد: معايا يا جنون؟!
جنون(بتعب): اه.
فريد: انا كلمتك لانك انتي العاقلة اللي فيهم و مش هتأخدي الموضوع بعاطفية اكبر.
جنون: انا جاية لحضرتك.
جنون قفلت التليفون و طلعت تلبس بسرعة.
ندي: هنقعد كدة؟!
سجي: لا طبعا...
شذي: يلا بينا.
جنون نزلت و هي بتلبس الجاكت بتاعها.
جنون: مين هيجي معايا؟!
شذي: كلنا.
الكل نزل و ركبوا عربيات جنون و نور و وصلوا للمبني.
في المبني.
رأفت: اهدي يا فريد.
فريد: ازاي هقولهم يا رأفت؟!
فريد: ازاي بس؟!
رأفت: لازم يقدروا الموقف بس.
فريد: جنون مش هتسكت و بالذات خايف عليها هي و نور.
رأفت: انت هتقولهم الحقيقة و جنون ممكن تساعدنا و هي هنا.
فريد: هقولهم كنت بكدب عليكوا بقالي شهر كامل.
الباب اتفتح و البنات كلهم دخلوا.
جنون: احم حضرتك كنت عايز تقولي حاجة.
رأفت: يقولك مش يقولكوا.
جنون: احنا كنا كلنا في مشوار عادي يعني.
فريد: طب اقعدوا.
فريد: هكون صريح كنان و باقي الفرقة اتقبض عليهم في المهمة بس قدروا يبعتوا لينا المعلومات اللي كنا عايزينها و المشكلة ان السجن صعب اختراقه...
فريد: في معلومات عندنا انه هيتم اعدامهم في حالة لو ما معترفوش علينا و علي اخبارنا.
جنون(بصريخ): آآآآآآآآآه...
فريد(بقلق): جنون انتي كويسة؟!
ندي(بدموع): جنون جنون.
جنون(بصريخ): اسعاف بسرعة مش قادرة.
شذي: خدي شهق و زفير خدي شهيق و زفير يا جنون اهدي.
جنون(بصوت عالي): مش قادرة. كناااااان.
الاسعاف جت و نقلوا جنون اللي كانت بتصرخ طول الطريق.
الدكتور: ميعاد ولادة. جهزوا اوضة العمليات.
جنون(بعياط): كنان ارجوكوا.
و دخلوا جنون اوضة العمليات و داليا و ادهم و شجن و ورد جم.
داليا: استر يا رب استر.
ورد: ان شاء الله ولادة سليمة.
شجن: هو ايه اللي حصل؟!
سجي: لقيناها بتصرخ و طلبنا الاسعاف.
عطر(بدموع): هي ليه بتصرخ جوا؟!
ورد: ولادة طبيعية مش قيصري.
عطر(بدموع): طب و النبي خرجوني من هنا.
عطر(و هي بتأخد نفسها): مش قادرة.
عطر وقعت علي الارض اغمي عليها شالوها و علقوا ليها محاليل.
و بعد فترة الدكتور خرج و شايل في ايده الطفل.
الدكتور: مين فريد؟!
فريد: انا.
الدكتور: وصت ان حضرتك اللي تمسكها الاول.
فريد: بسم الله ما شاء الله.
فريد: قمر زي جنون.
داليا: ربنا يخليها ليهم.
الكل: يا رب.
نقلوا جنون اوضة عادية و بدأت تفوق تدريجيا.
جنون(بصوت واطي): كنان.
سجي: جنون سامعانا؟!
جنون(بصوت واطي): اه.
سجي: حاسة بايه؟!
جنون: مش حاسة بحاجة.
داليا: هي الولادة الطبيعية مبتأخدش وقت يوم اتنين و تبقي بخير مش زي شذي قعدت شهر علشان الجرح اللي في بطنها.
جنون: فين بنتي؟!
فريد: خدي يا حبيبتي.
جنون مسكت الطفلة بين ايديها و قعدت تملس علي وشها و شعرها و باست رأسها.
ورد: شوفتوها و هي بتتاوب عندها غمازات...
جنون(بابتسامة): شكلها حلو اوي.
داليا: تتربي في عزك انتي و كنان.
جنون: لو سمحت اخرجوا عايزة اتكلم مع سيادة اللواء فريد و سيادة اللواء رأفت.
الكل خرج تحت استغرابهم الشديد.
فريد: جنون.
جنون: سمعت ماما حضرتك يوم يومين و هبقي كويسة محدش هيبقي مسئول عن ترجيع كنان و فرقته غيري.
رأفت: متخليش مشاعرك هي اللي تقودك.
جنون: بالعكس انا اللي كان باعدني عن شغلي الحمل و اهو خلفت الحمد لله.
جنون: انا اللي هكون مسئولة عن ترجيع فرقتي و فرقة كنان و انا اللي هختار بنفسي مين اللي هيشتغل معايا و مين اللي هيسافر...
فريد: يا بنتي بنتك محتجاكي.
جنون بصت علي بنتها اللي بين ايديها.
جنون: ملك هترضع مع جاسر انا مش هأخد شذي و لا نور. و قبل ما نسافر هنعمل فحص ل سجي و عطر.
فريد: ناويتي تسميها ملك؟!
جنون: اه.
فريد: تمام يا جنون بس فكري ارتاحي و فكري.
جنون: خدت قراري و محدش هيرجعني عنه...
الكل اتجمع تاني و عجبه اسم ملك و فضلوا يتكلموا و البنات دماغها مشغولة...
جنون: هي بتعيط ليه؟!
شذي: حاولي يا بنتي رضعيها.
جنون: رافضة اعمل ايه.
داليا: نادي طيب الدكتور.
الدكتور جه و كان هيفحص جنون بس جنون رفضت.
جنون: انا عايزة دكتورة بس غير كدة لا.
ورد: من حقك طبعا.
و جت الدكتورة و كشفت علي جنون.
الدكتورة: للاسف لبن حضرتك مسموم ممنوع البنت تأخده.
شذي: مش مشكلة هرضعها انا يا جنون مع انها قمر و كنت عايزاها لابني.
الكل ابتسم علي جملة شذي. و جنون رجعت بيتها مع ملاك و شذي و جاسر معاها و داليا و ندي.
داليا: يلا بقي يا جنون.
جنون: يا امي مش قادرة اكل.
داليا: لازم تتغذي انتي و شذي.
جنون: لا و فكرت في فكرة احلي. هرضعها لبن صناعي.
شذي: ليه؟!
جنون: هو كدة هي كل شوية هتكون عايزة ترضع و انتي تتعبي معايا ليه لا.
جنون: عن اذنكوا...
جنون شالت ملك براحة اوي و طلعت علي اوضتها.
جنون(بدموع): تعرفي ابوكي وحشني اوي وعدني انه هيرجع بعد شهر و هو حاليا ممكن يرجع و ممكن لا، خايفة عليه اوي.
جنون: عيونك شبهه اوي فكرتيني بيه.
جنون حضنت ملك و باست رأسها و نامت.
عند نور.
نور دخلت شقتها و قعدت علي اقرب كرسي قابلها و قعدت تعيط و بتفتكر كل مواقفها مع تامر.
نور(بعياط): مطلعتش قد وعدك يا تامر.
نور(بعياط): وحشتني.
الباب خبط.
نور مسحت دموعها و قامت فتحت الباب لقت عطر...
عطر: انتي كويسة؟!
نور(بعياط): لا انا مش كويسة.
عطر: طب اهدي طب.
نور(بعياط): حاسة بتعب اوي يا عطر.
عطر: خشي خشي جوا.
عطر سندت نور و دخلوا قعدوا.
عطر: معلش يا روحي اهدي.
نور: معرفش انا حاسة بخوف شديد.
عطر: خلاص بقي معلش ان شاء الله هيرجعوا بالسلامة...
نور: يا رب.
عند سجي.
مامت شهاب: مفيش اخبار يا سجي؟!
سجي(بتوتر): احم لا يا طنط هو لسة وراهم شغل.
مامت شهاب: ربنا معاهم يا رب...
سجي: يا رب يا طنط...
سجي: خدي بقي حضرتك الدواء.
مامت شهاب: مش قادرة...
سجي: لا طبعا يا طنط.
سجي جابت دواء مامت شهاب و ودته ليها.
سجي: يلا يا طنط تطلعي بقي ترتاحي.
مامت شهاب: ربنا يبارك ليكي يا روحي.
سجي: تصبحي علي خير يا طنط.
مامت شهاب: و انتي من اهله.
عند ادهم.
ادهم(بغمزة): وحشتيني.
شجن: احم احم.
ادهم(بتريقة): احم احم طالما انتي هنا ما تمشي خلي عندك دم و امشي.
ورد(باحراج): ادهم عيب.
شجن: انا اقعد براحتي ملكش فيه.
ورد: اقعدي براحتك يا روحي عادي.
شجن: قلبي...
ادهم: عيال رزلة اوي.
شجن و ورد: ملكش فيه.
ادهم: انا رايح انام ستات نكدية...
ورد و شجن: رجالة خنيقة.
-في الصباح الباكر.
عند جنون.
جنون صحيت من النوم لقت ملك نايمة باست رأسها و قامت دخلت الحمام خدت دوش بس خرجت بسرعة لانها سمعت صوت عياط ملك...
جنون: خلاص يا حبيبة قلبي معلش يا روحي.
جنون: اسفة يا روحي.
جنون قعدت تهز ملك لغاية ما نامت تاني. و بدأت تغير هدومها...
جنون لبست بنطلون اسود و فوقه تي شيرت زيتي ب كم و طويل لغاية الركبة و لبست كوتشي ابيض عالي نوعا ما و رفعت شعرها علي شكل ديل حصان.
جنون شالت ملك و نزلت بيها ل تحت.
داليا: صباح النور يا روحي.
جنون: صباح الفل.
شذي: اخبار ملوكة ايه؟!
جنون: الحمد لله كويسة...
جنون رضعت ملك صناعي و الكل بدأ يأكل...
جنون: خدي يا امي هروح مشوار و جاية.
ندي: جنون.
جنون حضنت ندي و باست رأسها.
جنون(بهمس): متخافيش هيرجع.
داليا: بذمتك مش حاسة بوجع؟!
جنون(بكدب): ابدا.
جنون سابتهم و مشيت و كانت حاسة بوجع شديد بس كملت طريقها و ركبت عربيتها و راحت للمبني.
حسام: نورتي.
جنون: شكرا.
جنون: جيبلي احسن رجالة عندك يا حسام هختار فرقة منهم.
حسام: حاضر في اقل من ساعة.
تليفون جنون رن. الخط اتفتح.
جنون: الو مين معايا؟!
: حضرتك مدام جنون؟!
جنون: ايوه مين معايا؟!
: انا دكتور محسن من مستشفي() المريض عادل فاق من الغيبوبة و طالب يشوف حضرتك.
جنون: طيب شكرا.
جنون خدت شنطتها و ركبت عربيتها و راحت علي المستشفي و قابلت الدكتور.
محسن: اساسا احنا كنا هنشيل الاجهزة عنه بس لقينا ان في استجابة و استنينا اسبوع لغاية ما فاق و اول ما فاق طلب يشوفك.
جنون: تمام ممكن ادخله؟!
محسن: اكيد اتفضلي.
جنون: مساء الخير.
عادل: مساء النور يا جنون.
جنون: خير طلبتني.
عادل: ممكن تقعدي؟!
جنون: انجز مش عندي وقت...
عادل: عايز اعتذرلك و اتمني تسامحيني انتي و كنان و الباقي.
جنون: هحاول اشوف الموضوع ده.
عادل: لو احتاجتيني في اي وقت هبقي موجود.
جنون: عن اذنك. شكرا.
جنون كانت هتمشي بس رجعت تاني و قعدت.
جنون: مستعد تساعدني؟!
عادل: اه.
جنون: اول ما تخرج من المستشفي تعالي علي المبني الجديد.
عادل: بس.
جنون: في حمايتي مستنياك قدامك يوم بس.
جنون سابت عادل و مشيت و رجعت المبني تاني.
سجي: هما بيعملوا فينا ايه الله؟!
عطر: معرفش و حياتك. بيعذبونا مثلا.
جنون: بيعملوا فحوصات ليكوا.
جنون: و هتعملوا اختبار حمل حالا.
عطر: بس؟!
جنون: يلا.
سجي: انا مش حامل انا عارفة.
جنون: حالا.
سجي و عطر اجروا اختبار الحمل و النتيجة سلبية.
حسام: اللي انتي طلبتيه جاهز.
جنون: تمام.
جنون راحت اوضة فيها مجموعة من الرجالة.
جنون: طبعا انتوا عارفين ان شغلتنا صعبة و كل مهمة بنقابلها بتبقي صعبة.
جنون: المهمة اللي احنا هنروحها دي متوقف عليها حياة اشخاص ضحوا كتير علشان خاطر شغلهم و عملوا مهمات كتير و قدموا كتير علشان خاطر البلد...
جنون: و هما محتاجين مساعدة مننا حاليا و محتاجين انهم يرجعوا بلدهم ل اهلهم ل اصحابهم ل شغلهم.
جنون: بعد ما نجمع كل المعلومات اللي هنحتاجها في المهمة دي هنسافر بعدها علطول.
جنون: علشان كدة كلنا لازم نعمل بجد علشان خاطر ننقذهم من اللي هما فيهم و نرجعهم لاهلهم...
جنون: خلصت كلامي اي حد عنده حاجة يقولها؟!
الكل: لا يا فندم.
جنون: تمام.
جنون كانت هتمشي بس سمعت حد.
شخص(بهمس): هي محروقة اوي علشان جوزها معاهم علشان كدة هتقرص علينا علشان نرجعه ليها مش علشان تنقذهم زي ما هي بتقول.
جنون: القاعدة رقم واحد في شغلنا ابعد مشاعرك و اتصرف بعقلك.
جنون: و المشاعر من ضمنها الحقد و الغيرة لذلك نبطل حقد شوية و غيرة علشان نعرف نرجع سلميين احنا كمان.
جنون سابتهم و مشيت راحت قعدت علي مكتبها و بتحاول علي قد ما تقدر تتغاضي عن الوجع اللي هي حساه اثر الولادة...
-في مكان تاني...
في أمريكا، عند الشباب.
علي: و بعدين هنفضل كدة؟!
كنان: نموت شريفين احسن طالما كدة كدة ميتين.
شهاب: لا يا كنان بس برضو لازم نهرب.
كنان(بسخرية): نهرب! الهروب كلمة مش موجودة في قاموس السجن ده.
تامر: قصدك ايه يا كنان؟!
كنان: مسجونين هنا بقالنا شهر و مش عارفين انتوا في اي؟!
كنان: احنا في سجن تحت الماية مصنوع تحت ايد افضل مهندسين في العالم كله.
كنان: ممنوع اختراقه في اجهزة الكترونية جوا السجن صعب اي حد يخترق نظامه، اخر شخص حاول يهرب كان من 6 سنين و النتيجة كانت موته ف ماية مغليه و تقطيعة و رميه للكلاب و بالمثل مع عائلته و اعتقد انكم مش عايزين مراتتكوا يحصل فيها كدة. اللي يقبل بكدة يتفضل يهرب.
كنان: غير ان الاشخاص المسئولة عن الحراسة متدربة علي احسن مستوي.
كنان: بالاضافة كمان ان اللي بيخرج بره الباب اللي احنا فيه ده بيتكهرب و بيتصعق و بيغمي عليه لمدة تزيد عن يومين.
كنان: بالاضافة إلى انه لما يفوق بيتعذب و بيلعبوا في اعصابه و بيؤدوا لاتلافها...
كنان: و بالاضافة كمان ان محدش بيدخل السجن ده الا اشخاص معاهم تصريح و بصمة مِلك ليهم بس...
كنان: و بالاضافة كمان ان لو حسوا بحركة غدر بيأخدوا اكتر شخص ممكن ينتفعوا به و بيفجروا السجن بأكمله.
كنان: لسة في حد عايز يهرب؟!
الكل بصوا ليه بصدمة و كانوا مش قادرين يستوعبوا.
حازم: عرفت ده كله منين؟!
كنان: شخص عمل تحري عن السجن ده و كانت نهايته الموت...
فارس: يعني مفيش امل نرجع للي بنحبهم يا كنان.
كنان: افتكروا الذكريات و بس ممكن تهون عليكوا لغاية ما نموت...
اياد: كنان انا خلفت بوعدي مع شذي.
كنان: مش انت لوحدك يا اياد...
اياد: زمانها في اوخر حملها الاخير.
كنان: و جنون برضو. هتجيب اميرتنا.
تامر: و زمان نور مدوخهاهم بالوحم بتاعها...
كنان: يا رب.
الباب اتفتح و دخلوا اتنين و مسكوا كنان و شدوه معاهم.
شهاب: هما واخدينه علي فين؟!
حمزة: معرفش.
الشخصين دول خدوا كنان و راحوا ل مكان تاني و قفلوا الباب و زقوه علي الارض.
شخص(بالانجليزي): لسة مُصر علي رأيك؟!
كنان(بالانجليزي): اه.
شخص(بالانجليزي): هل تريد الاعدام؟!
كنان(الانجليزي): ما بيهمني اي شئ في حياتي. و لست خائف منك.
شخص(بالانجليزي): هنمنحكم 24 ساعة اخري.
شخص(بالانجليزي): هذه اخر فرصة لكم.
خدوا كنان و رجعوه مكان ما كان موجود و كان طول الطريق حاطين حاجة سوداء علي عيونه.
تامر: ايه؟!
كنان: حياتنا فاضل فيها 24 ساعة.
الكل قعد علي الارض و هو سرحان و بيفكر و مضايق.
في مكان تاني.
جنون رجعت البيت بعد ما اتدربت كتير و اول ما دخلت قعدت علي اول كرسي و غمضت عيونها بتعب.
شذي: اغغغغغغا. اغغغغغغغغا.
ندي: انتي كويسة يا جنون؟!
جنون(بتعب): اه اه.
جنون: ملك كويسة؟!
شذي: ايوه...
جنون: هأخد دوش و عايزاكي يا شذي. و اه البنات جايين عندي بليل كلهم و هيباتوا يومين.
شذي: طيب.
جنون طلعت و خدت دوش طويل و نسيت نفسها فاقت علي صوت صدي كنان و هو بينادي عليها.
جنون(بشهقة): كنان.
جنون قامت و غيرت هدومها.
جنون لبست بنطلون ابيض بيتي و تي شيرت اسود بحمالة رفيعة علي الكتف و رفعت شعرها ل فوق.
شذي: اياد نايم و ملك اهو بترضع مع طنط.
جنون باست رأس ملك و رأس مامتها.
جنون: هما لسة مجوش؟!
شذي: لا.
جنون: خدي اقرأي.
شذي: ايه ده؟!
جنون: اقرأي هتعرفي.
شذي قرأت اللي مكتوب في الملف و اتصدمت.
شذي(بصدمة): انتي مجنونة! انتي ناوية تخشي السجن ده؟!
جنون: ايوه.
شذي: و انتي ايه اللي عرفك انهم موجودين فيه؟!
جنون: تلت سجون اللي ممكن نلاقيهم فيه.
شذي: طب ما ممكن ميكونش ده.
جنون: فكرت في كدة. بس ده اكتر سجن مستحيل يقدروا يخرجوا منه.
شذي: اذا كان هما مش هيعرفوا يخرجوا منه. انتي هتدخلي.
جنون(ببرود): انا هدخل مش هخرج.
شذي: ياااااه علي البرود و الاستفزاز.
شذي: طيب دخلتي هتخرجي ازاي؟!
جنون(بعصبية خفيفة): شذي متقفلهاش في وشي. معرفش هيقتلوهم امتي و معرفش قدامنا قد ايه من الوقت علشان ننقذهم.
جنون: بس كل اللي اعرفه انهم لازم يرجعوا في اقل من 24 ساعة من دلوقتي.
الباب خبط ندي راحت تفتح.
عطر: مساء الخير.
ندي: مساء النور.
سندس: نفسي اعرف جبتوني ليه؟!
جنون: خشي يا سندس مشوفتيش ملك خشي شوفيها.
سندس: اه تصدقي صح.
جنون: تعالوا يا بنات.
نور: ايه يا جنون؟!
جنون قفلت البلكونة عليهم و بدأت تتكلم.
جنون: طيب مبدأيا كد وقتنا بدأ من ساعة قدامنا 23 ساعة بس سفر و تجهيزات و هجوم.
سجي(بصدمة): انتي بتقولي ايه!
جنون: ده اللي المفروض يحصل. منعرفش ايه ممكن يحصل بكرة او بعد 25 ساعة حتى مش 24 ساعة.
جنون: مننساش انهم في السجن ده بقالهم في حدود شهر يعني لو كانوا عايزين يخلصوا منهم كانوا خلصوا و لو كانوا عايزين يفرجوا عنهم كانوا افرجوا لكن انا مش هستني ساعة واحدة كمان...
نور: انا.
جنون(بحدة): اياكي يا نور و لا انتي و لا شذي جايين معايا.
شذي: طب اشمعنا انا!
جنون: كدة اياد محتاج رعايتك.
سجي: بس برضو ملك محتاجة ليكي.
جنون: مش هقدر اوديها اللي هي عايزاه من غير كنان يا سجي. طول ما هو بعيد عني مش هقدر امنحها الحب اللي تستحقه.
جنون: بس نور هيبقي عليكي وظيفة.
نور: ايه؟!
جنون: تقدري تكوني علي تواصل معانا من هنا.
نور: لازم ابقي في المبني علشان اعمل كدة و محتاجة نوع اجهزة معين.
جنون: كله هيتوفر ليكي.
نور: تمام اقدر. بس وظيفتي هتبقي ايه الظبط؟!
جنون: اختراق نظام السجن.
نور: بس زي ما انتي عارفة ده سجن تحت الماية و صعب جدا الوصول للحاجة الاساسية اللي هحتاجها و انا بخترق الجاهز.
جنون: سيبيها عليا.
نور: طيب.
البنات قعدت تخطط و تتكلم و عدي خمس ساعات.
عطر: صعب الموضوع شوية.
جنون: معلش. قدامكوا ساعة واحدة ترتاحوها و بعدها هنتحرك اتبقي 19 ساعة.
الكل قام من البلكونة و جنون راحت ناحية مامتها لقتها نايمة و هي شايلة ملك، جنون شالت ملك و باست رأسها.
داليا: جنون.
جنون: متقلقيش يا امي خشي ارتاحي انتي.
داليا: طيب يا حبيبتي.
جنون حضنت ملك جامد و قعدت تبوسها كتير.
جنون: بوعدك هنرجع انا و بابا مع بعض.
-جنون طلعت اوضتها خدت دوش و خرجت تصلي ركعتين لله و فضلت صاحية لغاية ما الساعة خلصت...
جنون نزلت لقت الكل جاهز و صاحي.
جنون: شذي ملك في حمايتك.
شذي: حاضر.
جنون حضنت شذي و باست رأسها، و الكل حضن بعضه.
جنون: خلي بالك من نفسك يا نور يلا باي.
البنات نزلت و ركبت عربية جنون و راحوا للمبني.
نور(بدموع): هيوحشوني...
شذي: جايين علطول ان شاء الله.
نور: ما تعمليلي ساندوتش يا شذي.
شذي: الصبر يا رب. حاضر بس ابوس ايدك ركزي علشان هروحي المبني بعدهم.
نور: طيب.
في المبني.
جنون: حسام كل المعدات جاهز؟!
حسام: اه كل اللي ممكن نحتاجه هيكون موجود و الغواصات جاهزة.
جنون: و الطيارات؟!
حسام: كله جاهز، حتى الرجالة بتدرب.
جنون: خليهم يكون عندهم طاقة. هروح اجهز و اجي.
فريد: جنون.
جنون: نعم يا سياد اللواء.
فريد حضن جنون و جنون حضنته.
فريد(بدموع): ارجعوا كلكم كويسين.
جنون: إن شاء الله حاضر. عن اذنك.
جنون و البنات كانوا وراها و راحوا غيروا هدومهم.
البنات لبست بنطلون اسود و تي شيرت باللون الاسود بحمالة عريضة علي الكتف و رفعت شعرها علي شكل ديل حصان و لبسوا كوتشهات بيضة.
جنون: كله يتفقد اي حاجة ناقصاه.
جنون: حسام تعالي.
حسام: حاضر.
عطر: اهم حاجة الايمان بالله و الثقة بالنفس.
عطر: لازم تكونوا اقوياء و تثبتوا ده للكل.
عطر: تمام.
الرجالة: تمام يا فندم.
سجي: نور الزفتة مجتش ليه؟!
نور: جيت اهو اخرسي.
سجي: تعالي معايا.
نور: انا خوفت.
سجي: انا خايفة اكتر منك.
جنون: اللي خايف مش طالع المهمة دي. و لا هيكون ليه دور...
سجي: مين قال كدة انا مش خايفة خالص.
نور: احم ايه يا جنون انا خايفين بس علي اجوازنا.
جنون: ان شاء الله راجعين كلنا...
جنون: يلا يا نور ابدأي شغلك.
حسام: بدل الغوص جاهزة، واقي الرصاص جاهز. القنابل جاهزة. الرصاص جاهز. الطيارت جاهزة. الغواصات جاهزة. كل حاجة ضد الماية جاهز.
حسام: و كل الرجالة اتدربت بشكل كافي و كلهم تحت كلمتك.
جنون: سماعات البلوتوث!
حسام: جاهزة دي كمان.
جنون: عدد الرجالة يترواح بين كام؟!
حسام: 10: 15.
جنون: تمام. الكل يستعد.
الباب خبط.
جنون: ادخل.
سجي(بصدمة): عادل!
جنون: مش وقته، عادل جاهز؟!
عادل: اه.
جنون: اللي مستعد يطلع يركب الطيارات.
جنون: باقي من الوقت 16 ساعة.
نور: استر يا رب.
جنون: يلا.
الكل طلع و بدأ يركب الطيارات و عطر كانت بتطلع وشافت عادل صرخت.
جنون(بحدة): عطر.
عطر: هو مش كان مات.
سجي: عطر اهدي.
و بعد اربع ساعات وصلوا لامريكا و كان باقي من ال 24 ساعة 12 ساعة.
جنون: عادل مهمتك بدأت.
جنون: اتنين يروحوا مع عادل.
عادل ركب عربية كانت في انتظارهم و راح لمكان زي قصر كبير.
عادل: شايفين الصورة دي مطلوب حاجة بسيطة اوي منه.
1: ايه؟!
عادل: لاما بصمته بعد تخديره. لاما صباعه و برضو مع تخديره.
2: تمام.
عادل طلع و نط من السور و وراه واحد من الاتنين و بدأوا يتسحبوا بعيد عن الحراس لغاية ما دخلوا القصر.
جنون: عادل سامعني؟!
عادل: ايوه سامعك انا حاليا في القصر.
جنون: طيب يلا الوقت مش في ايدينا يا عادل.
عادل بدأ يتسحب في القصر و الشخص التاني وراه.
خادمة(بالانجليزي): من انتم؟!
عادل طلع مسدسه و ضربها طلقة شلت حركتها و التاني ضربها علي رأسها اغمي عليها.
عادل: شيلها معايا.
عادل و الشخص التاني خبوا الست دي بعيد عن الانظار. و طلعوا اوضة نوم و دخلوها.
عادل(بهمس): عليك التخدير يلا.
2: طيب.
الشخص التاني قرب من الشخص اللي قدامه اللي نايم علي السرير ووداه حقنه مخدر بسرعة.
-عادل قرب من الشخص اللي علي السرير و طلع من شنطته حاجة زي دهان كدة و حطها علي صباع الشخص اللي قدامه و استني لما نشف و خدها حطها في كيس بلاستيك و مشي هو و اللي كان معاه.
و بصعوبة عرفوا يخرجوا من القصر و رجعوا ل مكان جنون.
جنون: 11 ساعة و 20 دقيقة انجز يا عادل انجز.
جنون: مبيردش ليه الزفت ده عليا.
عادل: جيت.
جنون: اوف اخيرا.
حسام: مكان البحر علي بُعد بعيد من هنا.
جنون: عارفة هيستغرق ساعتين و غير ان اختراق النظام هيأخد وقت.
و الكل ركب العربيات و وصلوا بعد ساعتين لمكان البحر.
جنون: هات البدلة.
و الكل لبس واقي الرصاص و بدلة الغوص و ركبوا غواصات.
جنون: اقفوا علي بُعد مناسب مش عايزين نثير شكوكهم دلوقتي.
جنون خرجت من الغواصة و بدأت تعوم لغاية ما وصلت زي بيت تحت الارض و بدأت تحوم حولة.
نور: سمعاني يا جنون؟!
جنون: ايوه. بس مش عارفة فين ام الزرار الرئيسي ده.
نور: معرفش بس هتلاقيه لونه احمر...
جنون: طيب لحظة.
جنون: اه يا نور ادوس؟!
نوز: لحظة لحظة...
نور بدأت تعمل كذا حاجة في اللاب.
نور: دوسي.
جنون داست علي زرار و نور بدأت تظهر ليها نظام السجن و الكاميرات.
نور: شفرت الكاميرات.
جنون: هتستمر قد ايه؟!
نور: ساعة واحدة بس.
جنون: طيب.
جنون: سجي جهزي نفسك و تعالي.
سجي: طيب.
سجي خرجت من الغواصة و راحت ناحية جنون.
جنون: حطي...
سجي قربت من السجن ده و زرعت فيه قنبلة.
جنون: كله يطلع و يبعد بمسافة كافية عن السجن.
سجي: جنون انا جاهزة.
جنون: ابعدي.
جنون و سجي بعدوا و سجي داست علي زرار في ايديها و يعتبر المعظم طار.
جنون: الكل كويس؟!
الكل: اه.
في السجن.
كنان(باستغراب): ايه اللي حصل ده؟!
شهاب: زي زلزال.
اياد: لا دي قنبلة.
تامر: ايا كانت ايه ده؟!
حازم: هي دي طريقتهم علشان يموتونا مثلا.
فارس: معتقدش.
علي: يوم ما هموت هموت بقنبلة.
كنان: هنصبر و نشوف.
شهاب: ياااااه مثلا لو جم انقذونا.
كنان: قولتلكوا صعب اختراق النظام. و كمان مين هيجي جنون اللي حامل و لا سجي اللي مبتحبش تسمع صوت ضرب النار اوي.
تامر: يا عم سيبنا نحلم.
علي: كلها ساعات و نموت.
كنان: دقايق.
حازم: اشهد ان لا اله الله و اشهد ان محمدا رسول الله...
فارس: الحمد لله علي كل شي.
بره.
1(بالانجليزي): ماذا يحدث هنا؟!
2(بالانجليزي): لا اعرف سيدي. و لكن كاميرات المراقبة عادية و ليس بها شئ.
عند الفرقة.
جنون: عادل يلا.
عادل: لحظة.
عادل بدأ يعوم و وصل ل زي باب كدة و طلع البصمة و حطها علي صباعة و داس علي مكان البصمة باب بسيط اتفتح.
عادل: تم.
جنون: اجهزوا استعدوا، يلا.
جنون و سجي و عطر و عادل و حسام و مجموعة من الباقي دخل...
الكل قلع بدل السباحة و فتحوا شنطتهم و كل واحد مسك رشاش و حط ورا ضهره مسدس و اسلحة بيضة.
جنون: بهدوء.
كل شخص اتجه ناحية اتجاه مختلف.
جنون: غريبة ان مفيش حراس.
1(بالانجليزي): انتي.
جنون لفت وشها لقت حد بيضربها برجله في وشها وقعت علي الارض.
1(بالانجليزي): ماذا تريدين؟!
جنون(بالانجليزي): موتك.
جنون مسكت السكينة و حدفتها علي الشخص اللي قدامها جت في رقبته مات...
سجي: ها يا عطر؟!
عطر: ها ايه! انا مش عارفة انا بعمل ايه اصلا.
سجي: السجن كبير اوي بس غريبة فيه الوان زاهية و مش باين انه سجن...
عطر: هتتعرفي عليه يا نهار اسود.
2(بالانجليزي): اتريدوين الموت؟!
سجي و عطر بصوا ل بعض. عطر مت ايديها ل سجي و سجي مسكها ايديه و رفعت نفسها ضربت الشخص اللي قدامها برجله.
عطر مسكت سلاحها ضربته طلقة في رأسه.
عادل: جنون سمعاني؟!
جنون: اه.
عادل: ملقتيش حاجة؟!
جنون: لا.
عادل: ازاي بس؟!
جنون: لما اعرف هقولك.
جنون كملت مشيها و لقت باب اسود كبير قربت منه لقت حارس بيروح و بيجي.
جنون مسكت مسدسها و ضربته طلقه و راحت ناحية الباب الاسود وحاولت تفتحه ماتفتحش. وطت و فتشت اللي هي قتلته لغاية ما لقت مفتاح. و فتحت الباب.
جنون: انتبهوا علي ما اعتقد انا يعتبر قدام الهدف اللي محتاجينه...
عطر: جاين ليكي.
عند الشباب.
الباب اتفتح و شدوا الشباب معاهم و قعدوهم علي الارض.
سجي: جنون المكان بيكهرب.
جنون: عارفة خلوا بالكوا مستنياكوا.
جنون طلعت رشاش من جيبها و رشت في الهواء و دخلت مشيت بسرعة.
نور: جنون فاضل 25 دقيقة.
جنون: طيب.
و الفرقة اتجمعت و بدأوا يمشوا في ضهر بعض.
حسام: شكلنا وصلنا ل هدفنا.
الكل بص ل حسام و بص مكان ما بيبص.
كان ازاز باين فيه اللي جوا كان الشباب قاعدين في الارض و موجهين مسدس ناحية كنان.
عادل: مش هتقدري تعدي.
سجي: ليه؟!
عادل: بمجرد بتعدي الخط ده يبقي انتي بتموتي نفسك.
سجي: هنتصرف ازاي؟!
جنون: وسع يا حسام.
جنون وقفت قدام الازاز و مسكت الرشاش و بدأت تضرب نار علي الازاز و الكل اتصدم.
شخص(بالانجليزي): مين دي؟!
جنون نطت من المكان اللي كسرته و ضربت نار علي الشخص اللي كان موجه مسدسه ناحية كنان.
سجي: العدد بيزيد.
عادل: جنون حاسبي.
جنون: حسام وديهم المعدات.
حسام رمي ل كل واحد مسدس و هما لسة مكانهم مصدومين و الباقي بيضرب اللي قدامهم.
جنون قربت من كنان و نزلت لمستواه و حاوطت وش بايديها.
جنون: كنان استعيد وعيك مش وقت صدمة.
كنان(بصدمة): انتي! بنتنا! حصل ايه ازاي؟!
جنون(بعصبية): مش وقته الوقت ضيق جدا فوق. كنان.
الكل قام و بدأ يتعامل و يضربوا نار لغاية ما يعتبر خلصوا.
عادل: اخيرا.
شهاب(بحب): سجي.
سجي جريت علي شهاب و حضنته و هو قعد يبوس شعرها و وشها و كان حاضنها حامد.
شهاب: وحشتيني اوي.
سجي: و انت كمان.
علي: حبيبتي.
عطر(بدموع): حشتني اوي.
علي: و انتي اكتر يا روحي.
علي حضن عطر جامد و باس رأسها.
كنان و جنون كانوا بيبصوا ل بعض و بس. جنون جريت علي كنان و حضنته جامد و كنان حضنها و رفعها شوية من علي الارض و دفن وشه في رقبة جنون و كان بيشم رائحتها و بيتنفس بعمق و باس رأسها و رقبتها.
كنان: وحشتيني اوي يا جنون.
جنون: و انت اكتر يا حبيبي.
حسام: احم احم. نلحق نمشي.
كنان: بنتنا فين؟!
جنون: لما نروح، يلا يا جماعة.
و الكل بدأ يخرج.
عطر(بصوت عالي): حمزة.
حد ضرب حمزة علي رجله و حمزة وقع علي الارض.
و الكل رفع مسدسه و شهاب و علي سندوا حمزة.
جنون: حسام انت و علي و شهاب و حمزة و عطر و سجي امشوا.
حسام: متأكدة؟!
جنون: ايوه.
فارس بكوعه ضرب الشخص اللي عمل كدة في حمزة...
و بدأ يظهر عدد من الحراس وبدأ الكل يتعامل.
شخص: يا فندم...
جنون: ايه؟!
شخص: اللي انتي قولتيه حصل...
جنون: اجهزوا طيب.
جنون: الكل ينسحب زي ما اتفقنا.
كنان: في ايه يا جنون؟!
جنون: مفيش.
الكل بدأ يخرج و اتبقوا جنون و كنان و فارس.
جنون: نفذ.
جنون: يلا يا فارس امشي فورا.
فارس: طيب.
كنان: أقفى هنا احكي حصل ايه؟!
جنون: يخرب بيت الجنون يا كنان لما نروح الوقت ضيق.
كنان: طب علي الاقل فين بنتنا؟!
جنون: مع جدتها يلا بقي.
كنان: بس.
جنون شدت كنان معاها جامد و نطت من السجن ده و بعدها دقايق و السجن ده عمل انفجار كبير جدا و جنون بعدت عن كنان.
جنون: راح فين؟!
جون بدأت تعوم لغاية ما لقت كنان حضنته و خرجوا بره الماية.
فارس: حقيقي برافوا ليكوا.
اياد: شذي اخبارها ايه؟!
سجي: الحمد لله بخير...
اياد: و ابني و لا بنتي؟!
جنون: هنروح و نشوف كل اللي بنحبهم.
كنان(بعصبية): مين اللي جاب الزفت ده؟!
عطر: عمل دور مهم، يلا نروح بس.
و الكل ركب العربيات و كنان كان حاضن جنون اوي ل درجة انها فعلا حست بالوجع.
جنون: براحة يا كنان.
كنان: وحشتيني اوي...
جنون: و انت يا حبيبي.
عطر: كنت بدعي عليك بس اول ما عرفت اللي حصل قعدت ادعي ليك كنت خايفة اوي عليك...
علي: بحبك اوي.
شهاب: بس بقي وحشتيني اوي.
و بعد اربع ساعات وصلوا ل مصر و الكل نزل و كان التعب علي وشهم ظاهر.
نور(بصريخ): تامر.
نور راحت ل تامر و حضنته جامد.
تامر(بدموع): وحشتيني اوي يا حبيبتي.
اياد(بحب): اخيرا يا حبيبتي.
اياد(بحزن): انتي ولدتي!
شذي: اه غصب عني. لحظة.
شذي راحت شالت جاسر و قربت من اياد.
اياد(بدموع): بسم الله ما شاء الله ربنا يحميه و يحفظه.
شذي: يا رب. يا حبيبي سلم علي جاسر.
اياد: احلي حاجة فرحتني يا روحي. بحبك.
اياد قرب من شذي و حضنها و باس رأسها.
عند فارس.
سندس جريت عليه نطت عليه و فضلت حضناه و هو حضنها و باس رأسها.
فارس: وحشتيني اوي يا روحي.
سندس: و انت كمان يا حبيبي.
كنان: عايز اشوفها يا جنون.
جنون: لحظة يا حبيبي.
جنون راحت جابت ملك و شالتها و ودتها ل كنان.
كنان(بدموع): شبهك اوي و قمر زيك.
جنون: حبيبي متعيطش.
و الكل بدأ يروح بيته ناموا، كنان خد دوش و باس ملك و راح قعد علي السرير.
كنان: تعالي هنا.
جنون: ايه!
كنان شد جنون و قعدها جمبه و حضنها جامد.
كنان: اخيرا مش هبعد عن حضنك و مفيش حاجة هتبعدني عنك.
جنون: هطمن علي ملك بس يا كنان.
جنون راحت اطمنت علي ملك و هي في سريرها الهزاز و باستها و نامت جمب كنان.
كنان: كنت كل يوم بحس انك جمبي.
جنون: علشان فعلا انا و انت واحد يا حبيبي.
جنون: اكيد انت تعبان تصبح علي خير.
كنان: و انتي من اهله.
عدي علي الحادثة دي سنة كاملة.
كنان خد اسبوع اجازة و بدأ ينزل الشغل و جنون بتودي ملاك لاما عند مامتها لاما ساعات بتشتغل من البيت، شذي بقي قررت تستقيل و تتفرغ لاياد و جاسر و بقت ست بيت، فارس و سندس اتجوزوا بعد 9 شهور، نور خلفت بنت اسمها زينب و عندها ست شهور نور بقي كل شغلها في البيت باللاب بتاعها، ادهم و رود ربنا مزرقهمش باولاد. علي و عطر مأجلين موضوع الخلفة نوعا ما، شهاب و سجي راحوا للدكتور قال مسألة وقت، ندي ودت ل حازم فرصة و بقوا مخطوبين، جهاد اتحكم عليها بالاعدام. عادل اتحكم عليه حكم مخفف جدا، و كان كل يوم لازم خناقة بين الكل.
جنون(بحب): حبيبة ماما انتي تعالي ليا يلا.
ملك قامت و مشيت براحة لغاية جنون بس وقعت.
جنون: خلاص متعيطيش يا روح قلبي انتي.
جنون راحت ل ملك و حضنتها و باست رأسها.
كنان: اومال ايه بقي ملكيش في الرومانسية. ده انا يا شيخة متجوزك بقالي سنتين و عمرك ما قولتي حبيب قلبي و الكلام ده هو كله ل ست ملك.
جنون: دي طفلة يا كنان الله هتغير يعني.
جنون قامت ل كنان و بصتله بخبث و قربت منه و حاوطت رقبته بأيديها.
جنون: بقولك ايه؟!
كنان(بحب): ايه؟!
جنون(بحدة): قسما بربي يا كنان لو بس شميت ها شميت خبر انك ايدك لمست ايديها هقتلك.
كنان(بتوتر): هي مين اصلا؟!
جنون: اللي رايح تقابلها علشان المهمة يا روحي. تلزم ادبك و حدودك فاهم.
كنان: قلبي اللي بيغير عليا.
جنون: العب مع ملك عقبال ما احضر الغداء...
كنان: طيب.
كنان: حبيبة قلب بابا تعالي.
ملاك: با با با.
كنان: حبيبة قلب بابا يا روح قلبه من جوا، بس انا زعلان منك مبعرفش اقعد مع امك خمس دقايق حتى بسببك خفي شوية.
كنان: هقولك سر.
كنان(بهمس): انا عايز اخليها تخلف تاني علشان تستقيل زي شذي و تبقي حامل.
كنان لقي ملك بتضحك اوي.
كنان: قاهمة انا بقول ايه؟!
جنون: يا تري بتقول ايه؟!
كنان: مفيش، ملك بتقول عايزة اخ يا بابا.
جنون: اه قولها انسي يا روحي...
كنان: و الله...
جنون: الاكل جهز يلا تعالي.
كنان: هي كلت؟!
جنون: اه.
عند اياد.
شذي: يا زفت بطل تسحف و تكسر كل حاجة كدة.
جاسر ضحك و جري علي اياد.
اياد: في ايه مزعلة الواد ليه؟!
شذي: انا إلى مزعلاه حرام عليك.
اياد: طيب معلش انتوا الاتنين.
شذي: مبقتش تحبني زي زمان...
اياد: معلش.
شذي: يا واطي.
اياد: بتقولي حاجات غريبة يا شذي، بعشقك مش بحبك بس.
شذي: و انا كمان.
اياد: يلا بقي روحي اعملي اكل.
شذي: حاضر يا فلذة كبدي انت.
اياد: يلا يا مجنونة.
شذي: ماشي يا روحي.
عند شهاب.
مامت شهاب: انتوا كويسين؟!
سجي: اه اه اوي.
شهاب: عايزين نقولك علي حاجة.
مامت شهاب: قول قلقتني.
شهاب(بفرحة): سجي حامل.
مامت شهاب(بفرحة): بجد الف مليون مبروك يا روحي.
سجي(باحراج): الله يبارك فيكي يا طنط.
شهاب: قلبي اللي مكسوف.
سجي: شايفة يا طنط.
مامت شهاب: شهاب اياك تضايقها.
شهاب: طيب يا ست الستات.
سجي: ربنا يخليكي ليا يا رب.
شهاب: طب و انا؟!
سجي: غور في داهية.
شهاب: ماشي خليكي فاكرة.
سجي: طيب.
شهاب: بحبك يا قمري انتي...
سجي: و انا كمان.
مامت شهاب: ربنا يخليكوا لبعض.
الكل: امين.
عند تامر و نور...
نور: عاااا لا يا تامر و النبي.
تامر: يعني لو حدفت بنتك ل فوق هيجرالها حاجة.
نور: اه اه. هاتها.
نور(بدموع): بليز.
تامر: يا قلبي انا مقدرش أذيها دي جزء لا يتجزأ من حياتي.
نور: بحبك دي اللي هتفضل من ريحتك.
تامر: علي اساس هموت يعني يا حيوانة انتي...
نور: اه.
تامر: يا رزلة.
نور: متشكرة اهو انت...
تامر: طيب غوري بقي.
نور: بيتي يا بابا.
تامر: مش دايمة.
تامر و نور قعدوا يضحكوا علي تصرفاتهم...
عند علي و عطر.
علي: حاضر هجبلك الفستان اللي انتي عايزاه.
عطر: حبيبي بحبك.
علي: بعشقك.
علي حاوط عطر و قربها منه و حضنها و باس رأسها.
علي: ربنا يخليكي ليا. بحبك.
عطر: بموت فيك يا روحي.
علي: تعالي نروح نرزل علي تامر و نور...
عطر: فكرة يلا بينا.
عند فارس و سندس.
فارس: تعالي هنا.
سندس(بضحك): لا.
فارس: انا ترشي عليا ماية يا حيوانة.
سندس: تستاهل انت اللي خضتني. واحدة بواحدة.
فارس: يبقي احنا متعادلين تعالي.
سندس: امممم طيب مع أني مش واثقة فيك.
فارس: قربي بس.
سندس قربت من فارس و فارس شدها و غرقها مية...
سندس: يا حيوان.
فارس: بحبك.
سندس: بحبك يا حمار.
فارس: طب نطلب اكل و لا هناكل اكل محروق زي كل مرة...
سندس: اكيد اكيد اطلب امال.
فارس: رزالة يلا موافق.
سندس: بحبك.
فارس: بعشقك.
عند ادهم و ورد...
شجن: وسع يا ادهم.
ادهم: طيب...
داليا: وسعي يا شجن...
شجن: اوف يا رزلة.
ادهم(بحدة): شجن عيب.
شجن: هزار يا ابني ما تصدقش...
داليا: طيب يلا نتكلم يا ابني.
شجن: ما تتكلمي يا ورد...
ورد: اقول ايه؟!
شجن: بلقظ ب جنيه.
ورد: رزلة و قمر...
ادهم: ده انت اللي قمر انت يا قمر.
ادهم: هاخد مراتي و اروح بيتي.
ادهم شال ورد و طلع بيها للدور التاني بدأوا يتكلموا...
ادهم: يا مسخرة اخرسي. كل مرة بشوفك فيها بضحك تاني.
داليا: ربنا يهدي سرهم كلهم يا يارب.
شجن: امين.
عند ندي و حازم.
حازم: ها اخر كلام؟!
ندي: اه.
حازم: فرحي بعد شهر يا جدعان اخيرا بعد الذل ده كله
ندي: متزعلش.
حازم: بحبك مش زعلان...
ندي: ربنا يخليك ليا بحبك.
حازم: بموت فيكي.
عند كنان و جنون.
جنون: دي يا كنان بليز. نركبها ارجوك.
كنان: صعبة.
جنون: بليز.
كنان: طيب.
جنون و هي ماشي خبطت في شخص.
جنون: اسفة اسفة.
جنون وطت رأسها تجيب االي هي وقعته و رفعت رأسها اتصدمت.
جنون: بابا! انت ازاي هنا ايه اللي حصل؟!
سيف: مفيش حاجة مفرحاني غير كلمة بابا، يلا عن اذنك.
جنون: استني.
كنان: اوف شوفي امك يا ملك هتوه مني.
كنان: جنون، عمي سيف.
جنون: اه يا كنان.
سيف: خد مراتك و امشي. انا عجبتني الحياة دي اوي. ظلمت ناس و جه وقتي اكفر عن ذنوبي.
سيف: باي.
سيف لف ضهره و كان هيمشي بس جنون نادت عليه.
جنون: بابا.
كنان بصلها بابتسامة حب و هي جريت علي سيف حضنته.
جنون: مسمحاك بس بشرط.
سيف(بفرحة): قولي يا حبيبتي.
جنون: تيجي تعيش معانا و متسبناش
سيف: بس.
جنون: يلا بس اهو هوريك ملك.
سيف راح لكنان و حضن ملك و باسها.
كنان: يلا نروح.
سيف: بس.
جنون: خلاص بقي يلا.
كنان شد جنون ناحيته و باس رأسها...
كان: بحبك.
جنون: بموت فيك.
عاشوا بسعادة مش مستمرة لان هي دي الحياة مش دايما فرح و مش دايما حزن.
النهاية.
- مبدأيا كدة الحب حاجة حلوة اوي و اعتقد ان الكل جربها و انا هنا مش بقصد الحب بمعني حب معين اللي هو حب الحبيب لا، لا في حب اخوي في حب ابوي في اخت بتحب اختها في حب الصديق,الاخت,و الاخ,الاب,الام...
كل شخص جوانا بيبقي جواه زي صراع الصراع ده ممكن نشبهه بالحرب.
الصراع بيبقي بين القلب و العقل. بس يوما نحب عقلك هيكون متفق مع قلبك علي حب هذا الشخص.
التضحية مش ضعف بالعكس دي حب و قليل اوي لما تلاقي شخص بيضحي عنك.
الصراع و الحرب بيبقوا زي المعركة و بيبقي في شخص كسب و في شخص خسر. اللي هو القلب و العقل.
لما يكون في ثقة متبادلة بين الاشخاص بيبقي شئ لذيذ اوي و بلاش الشك و التحكم بالعقل و منتسرعش. و متمسكش في حد مش متمسك بيك هيستغفلك و انت اللي هخسر كتير...
اللي بيحارب علشان خاطر اللي بيحبه ده الشخص اللي يستحق انك تفضلي جمبه و معاه.
التمسك بالحبيب ايا كان نوع العلاقة متسمحش لاي علاقة انها تتفكك في ثواني لازم نمسك في ايد بعض و نشجع بعض علشان نوصل.
التسامح شئ جميل مش اي حد يقدر يسامح عدد قليل اوي علشان كدة حاولوا تسامحوا التسامح حو اوي...
الايمان بالمعجزات لازم نكون علي ثقة تامة انه مهما حصل بيكون من تدبير ربنا سبحانه و تعالي. و يمكن المعجزات تتحقق بس انت خلي عندك ايمان قوي و لو عايز توصل لحاجة هوصل.
الايمان????..
امسك في ايد اللي ساب الدنيا كلها علشانك مش اللي جالك وقت فراغه هو. حارب من اجل الاول مش التاني.
الحرب متعبة و لكنها جميلة عندما تكون للاحبة.