قصص و روايات - قصص رومانسية :

رواية حبيبي عبر الزمن للكاتبة أماني فهمي الفصل الرابع

رواية حبيبي عبر الزمن للكاتبة أماني فهمي الفصل الرابع

رواية حبيبي عبر الزمن للكاتبة أماني فهمي الفصل الرابع

استيقظت ميرال مبكرا وأخذت دش وصعدت الى الأعلى حتى تيقظ كينان وجهزت له ملابسه لانها وجدته فى الحمام ورتبت السرير وفتحت الستائر ونزلت
وتوجهت الى المطبخ وجهزت الفطار ونزل كينان الى الاسفل ووضع جاكت البدلة على احدى الكراسي وتوجه الى المطبخ.

كينان: صباح الخير ميمو
ميرال: صباح النور مستر كينان
كينان: جاهزة للامتحان
ميرال: الحمد لله معايا أستاذ شاطر فأكيد لازم أجهز
كينان بابتسامة: طيب يالا نفطر
جلسو ياكلو وبعد انتهائهم غادر كينان المطبخ وتوجهت ميرال الى غرفتها ولبست الهدوم الى أمرها كينان ان تلبسها وخرجت وتوجهت الى الخارج وجدته يجلس على احدى الكراسي.

نظر لها كينان حتى يقيمها فاعجبته ولكن كانت طفله فى جميع ملابسها فتنهت ولبس نظارتة ومسك ايديها وخرجو وتوجهو الى الجامعة ونطلق كينان الى الشركة.

في الشركة
وصل كينان الى الشركة وأمر السكرتيرة بالاتصال على أدهم ومالك وجعلهم ياتو إليه ودخل الى مكتبه.

وبعد شوية جاء الشباب ودخلو
أدهم: مجتش ليه امبارح
مالك: انت لسه تعبان
كينان: لا انا كويس بس ميرال عندها امتحان اقتصاد النهاردة ومكنتش فاهمة حاجة وانا قعد اشرح ليها المادة
أدهم: لا والله
كينان: اعمل حسابك يا أدهم هتروح معايا النهاردة علشان تشرحلها محاسبة
أدهم: امرك يا كبير بس هتاكلني
مالك: وهى فى سنة كام
كينان: لسه سنة أولي
أدهم: ديه فعلا صغيره يمكن متكنش تمت 18 سنة.

كينان: هى فعلا عندها 18 سنة وانت يا بيه عوزك تشرح ليها القانون وبلاش غباء علشان هى زعلانه منك من اخر مره
مالك: حاضر
كينان: يالا كل واحد على شغله.

في الجامعة
بعد انتهاء الامتحان خرجت ميرال من القاعة ولكن اوقفها شاب ونظر لها نظرات خبث
الشاب: اذيك يا حلوة
ميرال بخوف: ممكن تبعد عني
الشاب: ليه يا قمر انا ممكن اساعدك فى اي حاجه
ميرال: لا شكرا بعد اذنك
وفي لحظة امسك الشاب ايديها وشدها لحضنه ولكن كانت هناك يد قوية تسحب منه يد ميرال بشده الى حضنه فنظرت ميرال وجدته كينان فذهبت ووقفت خلف ظهره.

كينان: فى حاجة يا كابتن
الشاب: مين انت سبها
كينان: لا معلش اصلها هتمشي معايا ليك شوق فى حاجة
الشاب: ليه انت مين
كينان: قربها ليك فيه
صوت من وراه: بتهيقلي لو باقي على حياتك تمشي من قدامنا حالا
الشاب: وانتي مالك أنجي
انجي: توتوتوتوتو محدش يقول كده للامبراطورة غور من ادامى يا روح امك بسرعة
خاف الشاب من انجي لأنه يعلم جيدا من تكون انجي الكاشف وسمعتها فى الكلية كلها
كينان بضحكة: المشاكسه بتعمل ايه هنا.

انجي: كينو اخبارك ايه يا راجل
كينان: يا بت بلاش كينو ديه
انجي: هى مين الموزه الى وراك ديه
كينان وهو يسحب ميرال من خلفه: ديه ميرال
انجي بضحكة: ميرال عزمي اذيك
ميرال بأدب: اهلا حضرتك
انجي بضحكة رنانة: قربتك ديه يا كينو مؤدبة اوي وطفله اوى
كينان: ايوه طفله
انجي بغمزة: متسبها معايا شهر وانا اسلمهالك نسخة جديدة بتطبيق حديث تقفيل السنة
كينان: لا معلش هى كده عجبانى ملكيش دعوة بيها.

انجي بلا مبالاه: انت حر كنت هفيدك
كينان: امشي يا بت من هنا سلام
انجي: سلام كينو باي ميمو
ميرال: باي يا
انجي: نوشا قوليلي نوشا
ميرال بابتسامة: باي نوشا
غادر كينان و ميرال الى الفيلا وسط مراجعة كينان معها الاسئله وفرح جدا لانها بالفعل حلت جميع الاسئلة بتفوق ولم تضيع تعبه هدر.

كينان: اول منوصل تروحى تنامي شويه ولما ارجع من الشركة هجيب أدهم معايا علشان يراجع معاكى محاسبة وياريت تلبسي اي ترنج بلاش بجامه مفهوم
ميرال بوجه احمر من الكسوف: حاضر ونزلت من السيارة ودخلت الفيلا
عاد كينان الى الشركة ودخل مكتبه وتنهد
كينان لنفسه: انتى عملتى فيا ايه وليه خايف عليكى اوى كده انجي صح انتى لازم تعرفي تدافعي عن نفسك وتقوي شوية وبلاش الضعف ده.

اكمل باقي شغله وفرح جدا بوصول الاكل من الفيلا وعرف بأنها تهتم بيه بس هل تهتم بيه لانها تشتغل عنده ام لانها تكمن له بعض المشاعر
بعد مرور وقت طويل واصبحت الساعة السابعة مساءا اتصل كينان على أدهم حتى يأتي له حتى يذهبن إلى الفيلا لمساعده ميرال.

في الفيلا
كانت ميرال تنام بعمق شديد ولا تدري باي شي حولها ولم تفيق الا على صوت خبط الباب عليها فقامت بسرعة وفتحت.

كينان: اصحي بقي كفاية نوم وجهزى وتعالى على المكتب
ميرال بنوم: حاضر ووضعت دماغها على الباب ونامت
كينان وهو يكتم ضحكته بصعوبة وبصوت عالي: ميرال انتى نمتي
ميرال بفزع: لا خلاص صحيت حالا هحصلك
كينان: بسرعة وغادر
صعد كينان الى الاعلى وبدل ملابسه ووجد أدهم يخرج من غرفته وهو متعجب
كينان: مالك يا بني فيك ايه
أدهم: ريحة الأوضة جميل جدا
كينان: اصل ميرال بتحب تشغل بخور فى الاوض كلها.

أدهم: بس بصراحة نظيفة جدا مرتبة الأوضة وفرشاها وحتى الهدوم نظيفة
كينان: يالا ننزل
نزل الشباب الى غرفة المكتب ووجدو ميرال تجلس وأمامها الكتب والمذكرات وكانت ترتدي ترنج كما أمرها كينان.

ادهم بصوت عالي: لاااااااااااااا كده ظلم و ستبداد
كينان: فى ايه يا بني
ادهم بدموع مزيفة: جعان انت قولتلي انك هتاكلني
ميرال: هو حضرتك جعان
ادهم بشحتفه: ايوه جعان ونبي جعان
كينان بارف: خلاص بطل زن وكلام كتير
ميرال بادب: انا هجز الاكل بس 10 دقائق ويكون جاهز
بعد فترة كان كينان و ادهم و ميرال يجلسون على السفرة يتناولون الاكل بعد ان جهزته ميرال وساعدها الشباب فى حط الاكل.

وبعد انتهاء الاكل توجهو الثلاثة الى غرفة المكتب
شرح أدهم لها ما وقف أمامها بسهوله ويسر وكانت ميرال سريعة الفهم ولم يتعب معها أدهم نهائيا.

مرت ايام الامتحانات على خير وجاءت مادة القانون وفى الصباح الباكر من يوم الجمعة وصل مالك الى الفيلا وعندما فتحت له ميرال خافت منه ودخل مالك وذهب للداخل وخلفة دخل أدهم.

أدهم: صباح العسل ميمو
ميرال بأدب: صباح النور مستر أدهم
أدهم: مالك ميمو
ميرال بخوف: هو مستر مالك جاي ليه
أدهم: مش انتى عندك امتحان يوم الأحد مادة القانون التجاري هو جاي يشرحها ليكي
ميرال برعب: مش عاوزاه يشرحلي حتى لو سقط
مالك من خلفها: وتسقطي ليه
صرخت ميرال ومسكت الباب بشده ودموعها غادرت تلك العيون الجميلة جاء بسرعة كينان على صوت الصراخ وشاف ميرال تبكي وأمامها مالك وادهم ينظر بعتاب.

كينان: في ايه هنا
أدهم: خلاص ميمو كفاية عياط
ذهبت ميرال بسرعة الى المطبخ وأخذت تبكي بشده فذهب خلفها الشباب بعد ان حكي أدهم لكينان كل شئ.

كينان بهدوء: ممكن تبطلي عياط كفاية عينك هتورم
ميرال بدموع: ونبي متخليه يراجع معايا انا بخاف منه
كينان: ليه بس والله مالك طيب ومش هيزعلك وبتخافي منه ليه
ميرال بدموع غزيرة: علشان هو شبه الراجل الى كنت بشتغل عنده قبلك وكان يزعقلي ويضربني على اقل حاجة
مالك بحزن على تلك الطفلة: خلاص ميمو انا اسف
أدهم بهزار: انا عارف هى بتعمل كده ليه علشان متاكليش بس بردو هاكل.

مالك: بصي يا ميمو انتى من النهاردة اختي الصغيرة وهحبك ذي نورا و شهد
ميرال: مين نورا و شهد
مالك: شهد اختى الصغيرة وهبلة ذيك و نورا حبيبتي
كينان بسخرية: مش لما تقولها الأول يا فاشل
مالك: اكيد هقولها فى يوم
أدهم: لما تلقيها اتخطبت بقي
ميرال: لو بتحبها روح قولها وهى لو بتحبك هتوافق مفيش واحده تلاقي واحد بيحبها وهترفض حبه
كينان: طيب يا استاذ أفلاطون ممكن نفطر وبعد كده تراجعي
ميرال: حاضر.

مر يومين ولم يحدث أي جديد وجاء يوم وذهبت كالعادة ميرال مع كينان وبعد انتهاء الامتحان خرجت الى الحارس ولكن توجه الحارس بها إلى طريق آخر وعلمت بأن كينان أمره بأن يأتي بها إلى الشركة.

بعد مرور حوالى ساعة وصلت ميرال الى الشركة وصعدت الى الأعلى حيثو مكتب كينان
ميرال: صباح الخير مسيو كينان جوا
السكرتيرة بعد ان قيمتها بعيونها: وانتى مين بقي
ميرال: انا ميرال هو موجود
السكرتيرة بتكبر: مش فاضي اقعدي استنيه ومش عوزة اسمع صوت
ميرال: حاضر
السكرتيرة: ناقصة انا لعب عيال
جلست ميرال على الكرسي وبعد مرور وقت صعد الحارس المكلف بمجئ ميرال من الجامعة الي الشركة وجدها تجلس على الكرسي ولا تفعل شئ.

الحارس: انتى قاعدة هنا ليه
ميرال: مهي قالتلي قعد هنا ومكلمش لان مسيو كينان مش فاضي
الحارس بغضب: انتى اتجننتي يا مها اذاي مدخلهاش لكينان بيه اول موصلت
مها: هو احنا نقصين لعب عيال
الحارس: لعب عيال ماشي بس لما كينان بيه يعاقبك مترجعيش تعيطي
خرج كينان على الصوت العالى
كينان بغضب وصوت عالى: في ايه بيحصل هنا ومن أمتي الصوت العالي ده
مها برعب منه: محمد الحارس هو الى طلع يزعق من غير سبب.

كينان: وانت يا بيه ليه بتعلى صوتك وفين ميرال
محمد الحارس: يا فندم انا طلعت اشوف ميرال ولقتها مقعدها برا المكتب بقالها ساعة ونص ومها رفضت تدخلها وقالت ليها انها عيله
كينان بنظرة شر: انتى عملتى كده
مها بكدب: لا هى قالتلي انها هتفضل برا علشان مش عوزة تدخل ليك
سمع الكل صوت شهقة عنيفة وعندما نظرو الى مصدر الشهقة كانت ميرال ودموعها على وشها بغزارة.

ذهب كينان لها بسرعة
كينان بلهفة: انتي كويسه
ميرال: ايوه كويسة بس طنط بتكدب
كينان: ليه ايه الى حصل
ميرال بدموع: هى قالتلي اطلع قعد برا وقالت عنى عيلة
كينان: طيب انتى بتعيطي ليه دلوقتي
ميرال: علشان انا مش عيلة انا كبيرة وكمان انت زعقت جامد وانا خوفت منك
كينان بضحكة مكتومة: تمام ادخلى المكتب وانا شوية وجي
ميرال: حاضر
بعد فترة دخل كينان وجلس أمامها وراجع معاها الامتحان.

وخلها تجلس وتوجه هو الى المكتب يباشر عمله وبعد فترة دخل أدهم ومالك ورا بعض يضحكو ولكن لم يتحرك كينان من مكانه فتوجهت الى ميرال وجلسو أمامها واخذو يضحكو.

قام كينان بطرد الكل الى الخارج فاخذها مالك الى مكتبة ومعهم ادهم وعرفها على نورا.

مالك: بصي بقي ديه نورا وديه ميرال نورا
ميرال: الله هى ديه نورا الى انت بتحبها وخايف تقولها
اصبح وش نورا يكسوه الحمرا والكسوف والخجل ونظرت الى الارض
مالك بعصبية: ممكن تسكتي وتخرسي خالص
ميرال بعند: على فكرة شكلها بتحبك اوي هى كمان.

نظر ليها مالك نظرة مرعبة فلفت ميرال ورجعت بهدوء الى مكتب كينان وعندما دخلت حكت لكينان كل شي فأخذ يضحك على جنان تلك الطفلة الصغيرة اللزيزة التى بمجرد لحظات أعلنت عن حب مالك لنورا وكتشاف حب نورا للى مالك.

ميرال: بس انا خايفة من أبيه مالك
كينان: متخفيش مش هيعمل حاجة
بعد فترة دخل مالك إلى مكتب كينان ونظر الى ميرال التى توجهت بسرعة الى مكان كينان ووقفت بجوارة.

مالك بفرحة وهو يحضنها: شكرا شكرا يا احسن اخت طلعت نورا بتحبني ذي مبحبها وبكرا بالليل هروح اتقدم ليها
ميرال: مبروك أبيه مالك
كينان: مبروك يا صاحبي
مالك: عقبالك يا صحبي
كينان: يالا برا المكتب وانتي تعالى نروح علشان انا تعبان اعمل حسابك جهز ورق السفر يوم الاخميس
مالك: ماشي يا كينو وطلع يجري
تنهد كينان وخرج الى الخارج للتوجه الى الفيلا حتى يستريح
كينان: ميمو
ميرال: نعم.

كينان: انا جعان اوي بس عاوز اكل جديد زهقت من اكل كل يوم
ميرال: تحب تأكل ايه وانا اعملك
كينان: معرفش فكري وانا هاكل على طول
توجهت ميرال الى المطبخ و مسكت التليفون وفضلت تدور على وكل جديد الى أن وقع عيونها على طريقة اكل فاحضرت المكونات وعملت الاكل وصنعت بعض السلطات مثل الثوميه و الكاتشب و المايونيز واحضرت البيبسي واخرجت الاكل من الفرن وخرجت بيه ووضعته على السفرة مع نزول كينان.

كينان: ايه ده بيتزا
ميرال: حلوة صح يالا بالف هنا
كينان: يالا ناكل قبل متبرد
استمتع كينان بالاكل بشده وبعد انتهاءه جلس يعمل وتوجهت ميرال الى غرفتها و نامت.

الفصل التالي
جميع الفصول
روايات الكاتب
روايات مشابهة