رواية حبيبتي و أخي للكاتبة لولو الصياد الفصل الثالث عشر
صلاح بغضب: يعنى ايه ماليش كلام معاكى وهتسيبى الاوضه والكلام الفارغ اللى انا سمعته ده...
نوران: بعصبيه: اظن كلامى واضح وبتكلم عربى مش ألمانى ومش هرجع فيه...
صلاح: محاولا الهدوء: بصى يا نوران اى راجل ومراته بيحصل بينهم خلافات ومش كل ما تحصل مشكله هتعملى فيلم وهروح اوضتى وحورات...
نوران: انا بعمل حوارات يا صلاح: حبيبتى واخى وبعدين انت عارف اننا مش زى اى زوجين...
صلاح: ازاى بئه حضرتك هما بيتجوزا عند ماذون وانا اتجوزتك عند نجار مثلا...
نوران: بدون سخريه لو سمحت انت عارف الغرض الاساسى من جوازنا...
صلاح: اظن بعد اللى حصل انهاردة وانا نايم ان جوزانا اتغير ولا ايه...
نوران: بحده وغضب: وأظن كمان انى لازم افهمك حاجه مهمه انا لما قربت منك قربت لانى اتخيلتك مروان وبس مش علشانك انت يا صلاح لان انتى ولا حاجه ليا...
صلاح بحزن وغضب: خلاص يا نوران انتهينا ومفيش داعى لكلام زياده انا بس مش عاوزك تسيبى الاوضه علشان جدى ميزعلش واوعدك مش هزعلك ولا ليا اى كلام معاكى غير بحدود وزى الاول...
انتهى النقاش بينهم بعد ذلك...
نوران بداخلها اردت ان اجرحك واؤلمك لانك اغضبتنى فقلت ذلك الكلام ولكنى نادمه اشد الندم على ذلك أقسم اننى لم اشتاق ولم افكر فى مروان بحب منذ زواجى بك فانت وحدك فى تفكيرى...
صلاح: ياااه يا نوران للدرجه دى مش شيفانى اتجوزتينى وشيفانى اخويا حرام عليك يا جدى انت سبب عذابى كنت مبسوط اوى لانها اول مره تقرب منى بحب انهارده بس مطلعش علشان بتحبنى: حبيبتى واخى: انا جوزها صلاح لا كانت شيفانى اخويا دمرتى اخر امل كان جوايا من نحيتك يا نوران قتلتينى بكل دم بارد بكلام اللى زى السم اااااااااه من هذا...
مرت عده ايام وصلاح يتجنب رؤيه نوران ياتى بعد نومها ويذهب بعد استيقاظها كانت نوران تعلم انه مازال غاضب منها لكن ماذا تفعل...
حاولت حنان ان تتصل بسعد كثيرا لتحديد ميعاد للقائه ولكن كان دائم التهرب منها رغم وعده لها بالمقابله...
حنان: سعد انا لازم اشوفك...
سعد: مشغول يا حنان اعمل ايه...
حنان بغضب: مفيش حاجه اهم من اللى انا فيه...
سعد: طيب طيب...
حنان: امتى...
سعد: انهارده فى الفيلا...
حنان: طيب يا سعد بس صدقنى لو عملت زى المره اللى فاتت ومشيت قبل ما اجى والله العظيم هحكى لابيه فاروق كل حاجه...
سعد: لالا خلاص هكون مستنى يا حبيبتي...
يونس يدخل مكتب صلاح بحزن وغضب...
يونس: شفت المصيبه...
صلاح: خير ايه اللى حصل فهمنى...
يونس: خسرنا المناقصه...
صلاح: ايه ومين اخدها ده احنا حاطين اسعار مفيش زيها...
يونس: شركه الرفاعى وحاطه تقريبا نفس الاسعار مع اختلاف بسيط واضح ان فى خاين مين كان يعرف غيرنا بالاسعار...
صلاح: انا وانت وزينه السكرتيره...
يونس بغضب: يبقى هى بنت...
صلاح يجق الجرس وتدخل بعده السكرتيره...
زينه: افندم صلاح بيه...
يونس بغضب وهو يلوى ذراعها خلف ظهرها...
انا هوديكى فى داهيه يا زباله بئه احنا يتعمل معانا كده حتت عيله زيك تخسرنا انا هحبسك...
زينه: اسفه والله يا يونس بيه بس امى تعبانه وكنت محتاجه فلوس...
صلاح: يعنى فعلا انتى اللى بعتينا...
زينه برجاء: وبكاء: اسفه والله بس غصب عنى امى كانت تعبانه واضطريت اعمل كده
صلاح: وانا من امتى كنت بحوش عنك حاجه مطلبتيش منى ليه...
صمتت ولم ترد...
يونس: اطلبلها البوليس حالا...
زينه: برجاء: بلاش والنبي يا ابيه انا عند اخواتى وامى أرجوك...
صلاح: انا هسيبك تمشى من هنا بدون فضايح بس مش عاوز اشوف وشك تانى...
زينه: شكرا شكرا يا بيه: وخرجت مسرعه...
يونس بغضب: طيبتك دى مضيعاك اصلا...
صلاح: خلصنا خلاص بقولك نزل إعلان عن سكرتيره وااعمل مقابلة واخترها...
يونس: ههههههه ياااه يا ريت كل المهمات كده...
فى نفس الوقت رن هاتف صلاح وكان المتصل امه...
صلاح: ايوه يا ماما فى حاجه...
قمر: الحقنى يا صلاح...