رواية حب ودموع للكاتبة رهف سيد الفصل السادس
في صباح اليوم الثاني استيقظت اسيل على صراخ والدتها كالعادة جمعت حاسوبها المتنقل ولوازمة وذهبت هي وكريم نحو الجامعة
اسيل، خليكم هنا انا هروح للعميد واجي
طرقت اسيل الباب فسمعت صوت من الداخل ياذن لها بالدخول
على، عملتي إيه يا بنتي
اسيل، خلصت كل الشغل يا دكتور وادي نسخة من الشغل
علي، لا مش انتي معاكي جهازك خدي مفتاح وروحي المسرح وظبطي كل حاجة بحيث ان بكرة ندخل على التشغيل وخلي المفتاح معاكي.
اسيل، ماشي يا دكتور
خرجت اسيل من المكتب وتوجهت اليهم
اسيل، ممكن تجيبو بيتزا وتحصلوني على المسرح
احمد، خلاص روحو انتو على المسرح وانا هاخد كريم اوك
كريم، اوك.
فتحت اسيل المسرح ودخل الجميع واغلقت الباب خلفهم جلست خلف المسرح ووقف الباقي امام المسرح كي ينظرو إلى العرض التي اعدته اسيل اوصلت اسيل جهازه الخاص بجهاز العرض(البروجيكتر) عندما فتح الجهاز كانت صورة اسيل وهي صغيرة وهي كبيرة ايضا وكانت بنفس التسريحة ولكن التغير بالشكل والحجم نظر امير إلى الصورة باعجاب بدات اسيل في فتح العرض لقد كان مبهرا جدا وجميلا خرجت اسيل من الخلف
اسيل، ها عامل إيه.
جميلة، حلو زي كل سنة مبروك
اسيل، الله يبارك فيكي
امير، لا بجد الشغل روعة انتي اللي عملتية
اسيل، ايوة بس بابا ساعدني في شوية حاجات كده
هدير. لا بجد انتي فنانة
ريتاج، إيه ده ده فار
اسيل. عااااااا فين فين
اصبحت تقفز في مكانها خرج الجميع ماعدا هي وامير ركضت على امير
اسيل، فين الفار انت شايف فار اهو عااااا يا مامي ده بشنب.
وركضت إلى الخارج وهي تصرخ بينما ظل امير ينظر لها حتى خرجت وكيف كانت خائفة جدا ووجها الذي اصبح احمر من الخوف وكرزتيها التي كانت ترتجف من الخوف انتبه إلى نفسة وخرج هو الاخر وجد اسيل تجلس على الارض و الجميع ينظر لها
اسيل، اه يا ماما ده كان بشنب
جميلة، قومي يا اسيل من على الارض بلاش فضايح
اسيل، لا انا بتاعت فضايح اللي مش عاجبو احسن هه
ريتاج، خديني جمبك يا اوختشي.
جلست ريتاج بجانب اسيل واخرجت اسيل لسانها لجميلة اغتاظت جميلة منها جدا
احمد، انتو بتعملو إيه هنا واية اللي مطلعكم برة ولية اصلا قاعدين كده
اسيل، عقبال عندك في فار جوا
كريم، وعملتي إيه يا اوختشي
اسيل. ودية فيها كلام طلعت جريت
امير، على فكرة الفار كمان خرج
اسيل، يا راجل طب يلا ندخل جوا
دخل الجميع واغلقو الباب خلفهم
احمد، بصو ديه بيتزا باللحمة ودية بالفراخ ودية خضار ودية ببروني.
خطفت اسيل البيتزا بالببروني لانها نكهتها المفضلة
احمد، بطلي غلاسة وهتيها
اسيل، لا انا بحبها وبتاعتي
امير، طب انا بحب النوع ده
اسيل، لا ده بتاعي
وجلست على الارض وفتحت العلبة
اسيل، يمي يمي شكلها لسة طازة اممممم طعمها حلو
((انا جعانة وعايزة بيتزا))
اقترب امير منها وهي تاكل وخطف الكرتون وركض وهو يضحك
اسيل، عاااااا يا غلس يا تبت يا بارد يا متخلف يا حمار يا حيوان يا حقير يا خاين يا عميل
كريم، إيه يا امي.
اسيل. سوري اندمجت شوية هات البيتزا يا زفت
امير، لا هناكل سوا انا بحب النوع ده
اسيل، مقولتش ليه انا مليش فية عايزة البيتزا بتاعتي
امير، ناكل سوا
زمت اسيل شفتيها بغضب، ماشي ممكن اطفح بقى
جميلة، إيه الالفاظ ديه يا سيلة
اسيل، والنبي انتو عاملين كلاس وياختي يا بنتي الكلام ده فارغ
وسحبت العلبة من امير وتربعت على الارض وبدات تاكل جلس امير امامها وكانت عينه على كيفية اكلها وحركة شفتيها جلس الجميع وبداو في الاكل.
كريم، هههههه لا وفي مرة لما سافرنا شرم ده اسيل فضحتنا هناك
جميلة، اسيل مبهدلانا في كل مكان
امير. ليه عملت إيه
اسيل، ابدا كنت بتكلم مع الاجانب واضحك معاهم واعاكسهم والمصيبة اني عكست واحدة طلعت بتفهم عربي وقعدت تضحك عملت حاجة مش عارفة انتو مكبرين الموضوع كده ليه
ريتاج، ده انتي مصيبة
وقفت اسيل ونفضت ملابسها واخرجت هاتفها وفتحت فيديو
اسيل، يلا كلو يقول تشييييز
الجميع، جبنة
اسيل، مصاحبة مجانين.
وظلت تلتقط الكثير من الصور
انتهى الجميع من الغداء ومر عليهم اسبوعا اخر وكان هذا اليوم تجمع جميع العائلات عند منزل اسيل دق جرس الباب ذهبت اسيل لتفتح وجدت امير ومعة والديه ضحكو كثيرا على شكلها فكان وجهها لونة اسود بسبل الفحم وتمسك في يدها احد الاسياخ وفي الاخرة ريشة للتهوية على الفحم
اسيل، بتضحكو على إيه
شريف. ههههه إيه اللي انتي عاملاه في نفسك ده هههه
امير، واية الفحم اللي على وشك ده.
اسيل، طب اتفضلو انا اصلا اصلا يعني غلطانة اني بشوي كنا جيبنا من برا احسن
كريم، ههههه ازيك يا امير
اسيل وهي تضربة، ليه يا حيوان مقولتش ان في فحم على وشي
كريم، معلش بس شكلك حلو
وضعت اسيل السيخ امام وجهه، تصدق انا عايزة ادخل السيخ ده في بطنك يا حيوان
عمر، في إيه رافعة ده كده ليه
اسيل، ابدا يا بابتي اصل كريم بيقولي هاتي عنك انا هشوي
كريم، نعم ياختي
عمر، هههه طب اتفضلو اتفضلو.
جلس الجميع يتعرفون على بعض كانت اسيل تشوي في الجزء الثاني في الفلة
امير، هي اسيل فين واحنا بنعمل إيه هنا
كريم، اصل اسيل لما بتحب تعمل حاجة تحب تركز فيها ومش بتحب حد يفضل واقف معاها بتتوتر
امير، امممممم طب الحمام فين
كريم، ادخل من الباب ده هتلاقي الحمام على ايدك اليمين.
دخل امير إلى الحمام وعندما خرج سمع بعض الاصوات قادمة من الحديقة الخلفية اتبع مصدر الصوت حتى وصل إلى الحديقة وجد فتاتة تحرك جسدها بخفة وترقص وتدندن
اسيل، يا انا يا مفيش اصل معنديش في الحب هزار يا انا يا بلاش ومتحسبهاش مفيهاش اعذاار انا اللي اقول فين وامتى وانا اللي اختار
وجد امير نفسة يخرج هاتفة ويصور فتاته وهي ترقص وتضحك ثم اقترب منها
امير، لو حد نداك اعمل مش سامع برضاك.
اسيل، انا قولت كلامي ودة نظامي ومش باقي كلام ههههههه انت بتعمل إيه هنا
اخذ منها الهواية وبدا يهوي مكانها، مفيش كنت رايح الحمام وسمعت صوتك قولت اجي اغلس عليكي شوية
اسيل، لا انا كده كده كنت هنده على حد يساعدني عقبال ما اطلع دول خليك هنا ثانية
ركضت واحضرت الاطباق وضعتها على الطاولة
اسيل، هات الفراخ من عندك
وضع امامها الدجاج على الطاولة مدت يدها
اسيل، اه سخنة
امير، على مهلك.
اسيل، اصتبر انت بس ومتتكلمش علشان بتوتر
وبدات في اخراج الدجاج إلى ان انتهت
اسيل، كده خلصنا الدفعة التانية باقي دفعة كمان ونتغدا
امير، عايز اقعد معاكي
اسيل، لا
امير، مش هعمل صوت
اسيل. فكرة ان حد يفضل متابع معايا ويفضل بيبص عليا ويشوف انا بعمل إيه حتى لو ماما انا كاسيل بتوتر
امير، علشان خاطري بليييز.