رواية حب مرفوض للكاتب عبد الرحمن أحمد الفصل الثالث
امجد: يوووه يا جدع متفولش وبعدين البوليس هيعرف منين
حازم: ماشى مع اني مش مطمن للحكاية دي
امجد: ربنا يستر
حازم: لا مؤمن ياض، عايز تستلم 2 طن مخدرات وبتقول ربنا يستر، سبحان الله يا اخي
امجد: يا سيدي يعني خلاص هنبقى كفار
حازم: هههههههههه لا بس ربنا لو فعلا هيستر هيسترها مع الحكومة ونتظبط
امجد : الله يخربيت ندبك دا.
في شركة احمد
سلمى توصل علشان تبدأ اول يوم شغلها
احمد: ازيك يا سلمى
سلمى: الحمد لله
احمد: امال مي سبيتيها لوحدها!
سلمى: لا معاها دارين وبعد ما اخلص شغل هروحلها
احمد: امممممم، طب فكرتي في اللي قولتهولك
سلمى بعصبية: هو دا وقته، عايز تعرف رأيي ايه! رافضة، استريحت ولو عايزني امشي من الشركة معنديش مشكلة
احمد: طب اهدي اهدي انا اسف، انا اللي غلطان
احمد يمسك اديها وسلمى تضربه بالقلم وتمشي.
احمد: اه يا بنت الايه وربنا منا سايبك على القلم دا...
خالد في البيت زعلان جامد
خالد لنفسه انا طماع، انا مستاهلش حاجة، انا السبب في اللي حصل ل مي، ليه بس كدا، ياااااارب.
تاني يوم في الجامعة
سلمى: بس وضربته بالقلم ومشيت
دارين: يالهوي عليكي، دا اكيد مش هيسكتلك على القلم دا
سلمى: ميقدرش يعمل حاجة
دارين: يالهوي على دماغك دي اللي تودي في ستين داهية
سلمى: اه هو كدا.
احمد: بنت الايه دي تضربني انا بالقلم طب ان ما وريتها مبقاش احمد الجمال
خالد: هتعمل ايه يعنى؟
احمد: هفرومها شغل النهاردة في الشركة وحسابات وهخليها تلف حوالين نفسها
خالد: حرام عليك يبني
احمد: وانت مش حرام عليك اللي عملتو في مي!
خالد يحط وشو في الارض ويقول: متفكرنيش، انا زعلان اوي
احمد: امممم ماشي ابقى روح اطمن عليها بعد الجامعة
خالد: ازاي ودارين وسلمى هيكونو عندها بعد ما يخلصو وهيلاحظوا
احمد: وفيها ايه.
خالد: انت نسيت اني عايز اكلم دارين ولو شافتني جاي اطمن على مي هتشك اني بحبها
احمد: والله انت معندكش دم يلا بقا نحضر المحاضرة
خالد: يلا.
دارين: يلا يا سلمى علشان نروح ل مي
سلمى: ثواني هجيب شهد معانا علشان عايزة تطمن عليها
دارين: ماشي.
في المستشفى
سلمى: هي دلوقتي عاملة ايه يا دكتور
الدكتور: هي فاقت دلوقتي وهتبقى كويسة على بكرا وتقدر تخرج بكرا
سلمى: الحمد لله، شكرا يا دكتور
الدكتور: العفو
في اوضة مي
دارين: حمد لله على سلامتك يا جميل
مي بحزن: الله يسلمك
سلمى: مالك كدا انتي المفروض تكوني فرحانة انك بقيتي كويسة
مى: يارتني كنت مت وخلصت
شهد: ايه اللي بتقوليه دا انتي عايزة تموتي كافرة، انتي عبيطة.
دارين: شهد عندها حق يا مي وبعدين ايه اللي حصل لدا كلو
مي تعيط وتحضن سلمى
سلمى: اهدى يا مي علشان خاطري واحكي مالك
مي بعياط: انا هحكيلكو كل حاجة
مي تبدأ تحكي والكل مصدوم وبالاخص دارين.
حازم: الو يا احمد
احمد: ايوة يا حازم
حازم: عايز اقابلك النهاردة
احمد: لية حصل اية
حازم: هتعرف لما تيجي
احمد: خلاص عد عليا فى الشركة ونروح كافيه نتكلم
حازم: خلاص ماشي.
دارين بصدمة: خالد عمل كل دا
مي بعياط: ايوة ولما قولتلو طردني وشتمني
سلمى: اه الكلب دا لازم تاخدي حقك منه
شهد: دا اكيد حيوان ازاي يعمل فيكي كدا ويسيب ابنه
مي بعياط: علشان خاطري محدش يعرفوا اني قولتلكو دا ممكن يموتني
دارين: ايه يموتك ايه واحنا روحنا فين
سلمى: متقلقيش يا مي كل حاجة هتبقى مظبوطة بس اهدي بس علشان نفكر هنعمل ايه وانا هروح دلوقتىي الشركة يلا سلام
الكل: سلام.
في شركة احمد
احمد: بصي بقا عايز جرد لكل الواردات بتاعة الاسبوع اللي فات والاسبوع دا وكل الحسابات بتاعتهم وعايزهم يخلصو النهاردة
سلمى: بس دا كتير عايزلو يومين على الاقل
احمد: لا لازم تخلص النهاردة
سلمى بعصبية: حاضر، وتروح تعمل اللي احمد قال عليه
احمد: ادي دقني ان مخليتك تندمي على القلم دا
حازم يوصل الشركة ويسلم على احمد وينزل هو واحمد
على الكافية
حازم: هو دا كل اللى حصل وهيستلم البضاعة بكرا.
احمد: طب واحنا مالنا
حازم: اية اللى مالنا، دا هيستلم 2 طن عارف يعنى اية 2 طن؟
دا يكفي انه يدمر الشباب ويخليهم يدمنوا
احمد: طب احنا هنعمل ايه
حازم: لازم نبلغ عن العملية دي والا ناس كتير هتتأذى
احمد: سبلي الحكاية دي انا هعمل اتصالاتي وهشوف الدنيا
حازم: ماشي تمام
سلمى في الشركة
سلمى: اه يااانا مش قادرة هموووت ولسى فاضل شغل كتير، اووووف دا اكيد بينتقم علشان القلم اللي ادتهولو.
بس اللى بيعملو دا وحياتى لردهولوا سي احمد دا.
محمد: ايوة يا احمد، ايه خلاص ماشي نبقى نتكلم فى الجامعة علشان انا فى مشوار دلوقتي
محمد زميل احمد وخالد وحازم فى الجامعة و والده لواء كبير اوى في الشرطة وفى نفس سن احمد وخالد وحازم.
تانى يوم في الجامعة
دارين: مالك يا سلمى
سلمى: اه يانا، مش قادرة اقف وضهري واجعني اوي
دارين: هههههه ليه
سلمى: منه لله اللي ميتسماش احمد موتني شغل امبارح
دارين: ههههههههه مش قولتلك مش هيسيبك علشان القلم اللى ادتهولو، استحملي بقا
سلمى: بالله عليكي بلاش انا على اخري ولو هتكتري هقوم واسيبك
دارين: ههههههه اهو سكت
سلمى: اه صحيح خالد كان عايزك اول ما جينا ليه.
دارين: قال ايه بيحبنى، انا مسكت نفسي عنه علشان مي قالتلي مقولش
سلمى: وقولتيلو ايه بقا دا
دارين: قولتلوا انى مش عايزة اعرفوا واتعصبت عليه وسبتوا ومشيت
سلمى: احسن، حرام والله مي صعبانة عليا اوي
دارين: وانا والله.
خالد: مالك فرحان كدا ليه يا احمد
احمد: ههههه خدت حقي من اللي متتسماش سلمى
خالد: والله انتو الاتنين مسخرة ههههههههه
احمد: اهو محمد جيه
خالد: اه صحيح هو انت كنت عايزو ليه
احمد: هيقعد وهتعرف دلوقتي
محمد يقعد
محمد: ها كنت عايزني ليه يابو حميد
احمد: عارف امجد
محمد: ايوة ليه!
احمد: هيستلم بكرا شحنة مخدرات، 2 طن
محمد: امجد!
احمد: ايوة
محمد: ازاي دا وعرفت منين
احمد: حازم هناك اهو هجبهولك
محمد: ماشي.
حازم: اللي قالهولك احمد صح وعايزين نمنع الشحنة دي بأي طريقة
محمد: طب ادوني يومين اكلم بابا واقولوا
حازم: مفيش وقت الشحنة هتتسلم بكرا في العنوان د ،
محمد: خلاص ماشي انا هروح النهاردة اكلم بابا يشوف الحكاية دي في اسرع وقت
احمد: ياريت يا محمد
خالد: اللي اسموا امجد دا كنت حاسس انو وراه حاجة
حازم: اديه اتكشف وان شاء الله يتمسك بكرا
احمد: ان شاء الله
خالد: طب استأذنكوا انا مش هحضر اخر محاضرة هروح مشوار مهم اوي.
احمد: خلاص هبقى اجبلك المحاضرة
خالد: ماشي.
في المستشفى خالد يخش اوضة مي ويبص عليها وهى نايمة ويخش يقعد ويحسس على شعرها وتصحى
مى: انت ايه اللى جابك هنا
خالد: جيت اطمن عليكى
مى: انا الحمد لله، ممكن تمشي بقا
خالد: مي انا مش عايزك تزعل مني، انا اسف على كل اللي قولتهولك
مى: اسفك مبقاش ينفع خلاص ممكن تتفضل تمشي من هنا بقا
خالد: حاضر همشي بس قبل ما امشى هقولك تاني انا اسف
ويمشي خالد ومي تقعد تعيط.
سلمى: بقولك يا دارين
دارين: ايوة
سلمى: معندكيش خطة؟
دارين: خطة ايه دي!
سلمى: خطة انتقم بيها من احمد
دارين: يالهوي انتي يابنتي مش بتحرمي، انتو عاملين زي القط والفار
سلمى: امم مهو لازم انتقم
دارين: اممممم عايزة خطة رحيمة ولا خطة شريرة كاسحة
سلمى: كاسحة
دارين: ياااا ساتر، ماشي، بصي انتي تعملي الحسابات غلط وتحطي ارقام اكبر علشان لما يحسب يدفع اكتر ويخسر مبلغ كويس كدا يأدبوا.
سلمى: امممممم تسلملي دماغك السم دي
دارين: متغلتش عليكي خططي يا قلبي، بس عندي خطة اكسح
سلمى: هااا قولي
دارين: حطي ديناميت فى الشركة وفجريها واخلصي
سلمى: هههههههه لا لا حرام
دارين: يا سلام على حنية قلبك ياختي
سلمى: ههههههههه.
احمد: الو ايوة يا خالد انت فين
خالد: كنت في المستشفى بطمن على مي وروحت على البيت
احمد: طب كويس انك روحتلها
خالد: ما هي طردتني يا احمد
احمد: دي اقل حاجة تعملها معاك بعد اللي عملتوا
خالد: اه اه عندك حق
احمد: معلش روق كدا دا انت اللي كنت بتضحكني يا جدع
خالد: حاضر، بقولك
احمد: ايوة
خالد: ابقى عدي عليا نقعد مع بعض شوية
احمد: حاضر، يلا سلام
خالد: سلام.
في شركة احمد
احمد: هاتي حسابات الاسبوع دا
سلمى بمكر: الحسابات اهي
احمد: اممممم، الحسابات دي فيها حاجة غلط
سلمى بتوتر: لا طبعا انا عاملاها بنفسى
احمد: على اساس اني مبفهمش فى الحسابات يعني
سلمى: ممكن اكون غلطت فى حاجة
احمد: اها غلطتي، فعلا!
سلمى: قصدك اني انا اللى قاصدة اعملهم غلط
احمد: لا مقصديش بس مش عوايدك يعني تطلعي الحسابات غلط
سلمى: علشان تعبانة ممكن اتلخبطت.
احمد بعصبية: لو تعبانة متجيش، هنا فيه شغل وبس، فااااااهمة
سلمى بعياط: عن اذنك، وتمشي
احمد لنفسوا: ايه دا انا زودتها كدا ليه، اوووف.
في بيت سلمى
هناء: ايه اللي رجعك بدري كدا من الشغل يا سلمى
سلمى: لقيت نفسى تعبانة شوية فاستأذنت وجيت
هناء: طب كويس يلا علشان تتعشي معايا
سلمى: لا يا ماما معلش مليش نفس اتعشي انتي انا هخش اذاكر شوية وانام
هناء: ماشي يا بنتي ربنا ينجحك
سلمى: يارب يا ماما
سلمى تخش الاوضة وتقعد وتبدأ تذاكر وفجأة تيجي مسج من احمد وتفتح الرسالة وتالقي، متزعليش مني بقا
وبعدين ازاي تسيبي الشغل وتمشي انا مينفعنيش الشغل دا.
سلمى تسيب الموبيل وتضحك وتكمل مذاكرة.
محمد: والشحنة دي هتتسلم بكرا في المكان اللي قولت لحضرتك عليه يا بابا
طارق: طب انا رايح دلوقتى الوزارة وبعدها هروح المدرية واجهز للقبض على الشحنة دي
محمد: ياريت يا بابا ومتتأخرش علشان هتتسلم بكرا الساعة 11 بليل
طارق: حاضر.
سلمى تتصل بدارين
دارين: ايوة يا سلمى
سلمى: مش خطتك طلعت مهببة واتكشفت يا جزمة
دارين: ههههههههه لا والله
سلمى: ايوة، ادي اخرة اللي يمشي على خططك
دارين: هههههههه هو انا اعرف يعني انه هيعرف
سلمى: اهو عرف
دارين: طب سيبك متنسيش بكرا اجازة نروح ل مي انا وانتي وشهد المستشفى ونروحها البيت
سلمى: خلاص ماشي، سلام
دارين: سلام.
احمد: انا نفسي اعرف بقا انت هتسيب مي كدا
خالد: والله ما عارف، بس انا حاسس انها بتحبني
احمد: حاسس دا انت المفروض تتأكد، يابني دى انتحرت علشانك افهم بقا
خالد: بس دارين النهاردة كلمتنى بعصبية مش عارف ليه، تكونش مي قالتلها؟
احمد: معرفش بس مظنش
موبيل احمد يرن ويبص يالقي امجد
احمد: ايه دا
خالد: ايه
احمد: امجد بيتصل بيا!