قصص و روايات - قصص رومانسية :

رواية حب رغم الصعاب للكاتبة دعاء سالم الفصل السادس

رواية حب رغم الصعاب للكاتبة دعاء سالم كاملة

رواية حب رغم الصعاب للكاتبة دعاء سالم الفصل السادس

فريال: ساره

ساره: ايه يا ماما موحشتكيش

فريال: لا طبعا وحشتنى واختها فى حضنها

فريال: بس ده لسه قاعد اسبوع علشان ترجعى ايه الى رجعك بدرى

ساره: عادى خلصت شغلى بسرعه وجيت بدرى علشان وحشتونى

فريال: انت اكتر يا حبيبتى احط اكل تاكلى

ساره: لا انا جعانه نوم ودخلت اوضتها علشان تستريح

عند رافت كان قاعد وبيفتكر الى الى حصل معاه من 3 سنين

فلاااااااش باك

سلمى: لا مش ممكن انا مقدرش ابعد عن ادهم

رافت: انتى هتبعدى فتره لحد ما الصفقه تتم وغير كده علشان ميبقاش فى خطر على حياتك وحياه ادهم

سلمى بعد تفكير: ماشى انا موافقه بس هقول لادهم ايه

رافت: قوليله اى حاجه قوليله خالتك عايزه تشوفك وانك هتقعدى معاها

تلات او اربع اسابيع كده

سلمى: ماشي ياعمى ربنا يستر بقا

كلمت سلمى ادهم وقالتله انها هتسافر لخالتها وبالفعل سافرت

رافت اتصل بالشرقاوى وقاله: مش رافت الصياد الى يتهدد يا شرقاوى

لو على سلمى فهى مش موجوده ومش هتعرف ليها طريق وادهم انا هعرف احميه منك فاهمنى

الشرقاوى: تصدق انت غبى اووووى يا رافت انت عارف مين الى قاعد قدامى دلوقتى

رافت وهو بيبلع ريقه من الخوف

الشرقاوى: مدام سلمى الصياد وانت غلط لما وقعت الصفقه ده

والتمن هيكون رقبه سلمى سلام يا صياد وقفل الشرقاوى مع رافت

قعد رافت يلعن نفسه ازاى مفكرش انه ممكن يكون بيرقبها

ازاى مامنهاش سلمى لو حصلها ادهم مش هيسمحنى ابداااااا

عند ادهم كان قاعد مع الشباب

جاسر: ياااااا اخيرا خلصنا من الثانويه العامه

ادم: اه والله كانت سنه رغمه

ادهم: ربنا يستر بقا فى النتيجه

جاسر: ما انت مطمن ياخى اكيد قفلت الامتحانات كلها

ادهم وهو بيضحك: اه عينك ده هى الى جيبانى وراه خمسه فى عينك ياخى خمسه

ادم: يالا ربنا معانا

ادهم: بصوا انا عايزكوا فى موضوع

جاسر: ايه قررت تتجوز ولا ايه

ادهم: برغم انى عارف انك عمرك ما قولت حاجه صح بس المره ده جات معاك

انا قررت اتجوز وهعرض على سلمى الجواز بعد ما ترجع من عند خالتها

ادم: الف الف مبروك يا صحبى

جاسر: والله ووقعت يابنى الصياد الف مبروك يا خويا

ادهم: الله يبارك فيكوا

جاسر: طب انت جبت الخات... مكملش كلامه لا تلفون ادهم رن

ادهم: الو

الشخص: على طريق الصحراوى فى بيت هتلاقى جوه هديه منى ليك

ادهم: مين معايا

الشخص: اعتبرنى فاعل خير وعلى فكره باباك عارف

بالهديه ده ويبقا سلملى على خطيبتك وضحك بصوته كله

جاسر: مين يا ادهم

ادهم: معرفش واحد قالى انى اطلع على الطريق الصحراوى هلاقى هديه هناك وبابا عارف بالهديه ده

ادم: طب يالا بينا تشوف فى ايه

ادهم: يالا ومشيوا الشباب على الطريق وبالفعل لقى ادهم بيت صغير

وقف قدامه وعينه مركزه عليه ميعرفش ليه حاسس انى فى حاجه وحشه

وانى الهديه ده مش هتعجبه ابدااا نزلوا الشباب ودخلوا البيت الصغير

دخل ادهم البيت لقى الارض عليها دم قلبه اتقبض اووووى ومشى ورى الدم

لحد ما وصلوا الاوضه اتردد ادهم انه يفتحها ادم: مش هتفتح ولا ايه

ادهم: لا هفتح اهو

فتح ادهم الباب واتصدم من الى شافه لقى سلمى مرميه على الارض ورقبتها مقطوعه

وقف ومش قادر يصدق انها هى لالالا مستحيييل سلمى عند خالتها

بص ليها لقاها هى هى سلمى جرى عليها ورفعها على رجله

ادهم: سلمى قومى سلمى ابوس ايدكى قومى مردتش عليه

ادهم: سلمى ردى على ارجوكى سلمى انتى وعدينى انك هتفضلى جمبى على طول

سلمى قوم احنا خلاص هنتجوز ونعيش مع بعض وطلع من ايده خاتم

واهو جبت ليك خاتم قومى بقا يا سلمى وهنجيب عيال انتى ليه مش بتردى عليا

بص ادهم لادم وجاسر الى كانوا مش قادرين يستوعبوا المنظر

ادهم وهو بيردد كلامه زى المجنون: ادم هى هتقوم مش كده هى هتبقا كويسه

جاسر هى وعدتنى انها تفضل جمبى انتو وقفين كده ليه هى مماتتش

ادم: قوم يا اجهم سلمى خلاص راحت

ادهم وهو بيصرخ فى وشه زى المجنون: لا لا لا مامتتش هى نايمه اه هى نايمه

قعد جمبها وقعد يصحى فيها بس ربنا كان خلاص اخد امانته

ادهم: سلمى قومى بقا حرام عليكى دنا من غيرك ولا حاجه ارجوكى قومى

سلللللللللللللللللللللللللللللللللللللمى

وصل رافت المكان بعد ما الشرقاوى اتصل بيه وقاله رو شوف ابنك

وصل رافت لقى ادم وجاسر واقفين زى الصنم مش بيتحركوا والدموع نازله من عنيهم بس

وادهم قاعد جمب سلمى الى رقباتها مقطوعه ومتغرق بدمها وقاعد يصحى فيها

قرب رافت منه وهو بيحط يده على ضهره

رافت: قوم يا ادهم مينفعش كده يابنى

قاطعه ادهم: متقوليش ابنى انت السبب انت كنت عارف ان ده هيصل

ليه ليه يا بابا عملت كده وانت عارف ان سلمى اغلى حاجه فى حياتى كلها

رافت: والله مكنتش اعرف ان الامور هتوصل لكده

ادهم: ايه حصلت وسلمى خلاص ماتت وانت السبب

فاق رافت من ذكرياته ومسح دموعه وبعد الحادثه ده ادهم ساب البيت

وعاش لوحده ومقدرش يسامح ابوه واهو ليه 3 سنين مشافهوش ابدااا

 

دخلت فريال على رافت الاوضه

 

فريال: رافت رافت مش هتصدق مين جه

رافت وهو بيحاول يبقى طبيعى: مين يا فريال

فريال: ساره

رافت: ساره! مش مفرود تيجى بعد اسبوع

فريال: مانا سالتها قالتى انها خلصت شغلها ورجعت بدرى عشان وحشناها

رافت: طب هى فين دلوقتى

فريال: دخلت تنام عشان تعبانه

رافت: خلاص لما تصحى يبقا اشوفها

فريال: تمام

تانى يوم الصبح صحى ادهم وقرر انه يرو الرحله ده ليه بقا هو ميعرفش

او عارف بس مش راضى يعترف بده لبس ادهم ونزل علشان يروح الجامعه

سلمى برده مستانيه البنات بعد ما اقنعت مامتها بالعافيه وطبعا مع مساعده حازم

حازم: مستنى مين يا جميل

سلمى: ليلى وايلين يا خفه

حازم: والله الرحله ده جات نجده من عند ربنا مكنتش عارف لو اكلت

الاكل الى كنت هتعمليه كنت هبقا عايش لسه ولا فى اعداد الموتى

سلمى بخنقه: طب امشى من وشى دلوقتى يا حازم بدل ما ارتكب جنايه

حازم وهو بيضحك: وليه الطيب احسن ومشى حازم وساب سلمى

جم البنات بعد شويه وركبت معاهم ومشيوا على الجامعه

وادم اخد يارا ومشى بردو ونفس الكلام جاسر اخد ريم واتحركوا على الجامعه

وصلوا البنات الاول سلمى: بت يا ايلين ايه الى جاب اخوكى معاكى

ايلين: هو مرضاش يمشينى الى وهو معايا

ليلى: طب مش هو ظابط ازاى جيه بقا

ايلين: طول عمرى بقول عليكى اذكى اخواتك هيكون ازاى يعنى اخد اجازه من الشغل

سلمى: طب خلاص يا بنات انا هقوم اجيب حاجه نشربها قبل مانتحرك

ايلين: اساعدك

سلمى: لا خليكى انتى انا هروح وهرجع على طول

مشيت سلمى وقعدوا ايلين وليلى لوحدهم

وصلوا الشباب بس ادم وصل الاول مع يارا

نزل ادم مع يارا وقعد يدور عليها بعنيه لحد مالقاها قاعده مع ايلين

فضل باصيص عليها كتير اخدت بالها يارا انا اخوها باصيص على حاجه

بصت هى كمان على المكان الى باصيص فى ادم لقت بنتين قاعدين

يارا: اى واحده فيهم

ادم فاق من سرحانه: ها بتقولى ايه يا يارا

يارا: بقول اى واحده فيهم الى اسرت قلب اخوى العزيز

ادم وهو بيبص ناحيه ليلى: اهيه يا ستى الى لبسه بلوزه زرقه وشاور على ليلى

بس ايلين كانت لبسه بلوزه زرقه زى ليلى بالصدفه فيارا فهمت انها ايلين

يارا: بسم الله ماشاء الله زى القمر ربنا يسعدكم مع بعض

ادم: يا رب يا يارا يا رب

عند ليلى بقا اخدت بالها انا ادم وصل بس معاه واحده

ليلى فى نفسها: اكيد ده حبيبته بس الصراحه زى القمر وهو انا مالى مايحب ولا يتزفت مليش دعوه

فاقت على صوت ايلين: ولا اتى ايه رائيك

ليلى: ها كنت بتقولى حاجه يا ايلين

ايلين: بقول حاجه دنا ليا سنه قاعده اتكلم جمبك

ليلى: معلش مكنتش مركزه كنت بتقولى ايه بقا

ايلين: كنت بقول ان اول مره اياد يطلع معايا رحله وانا الصراحه مش مطمئنه

ليلى: الصراحه وانا كمان كنت حاسه بكده بس مرضيتش اتكلم عشان متقلقيش

ايلين: يالا ربنا يستر بقا

جاءت سلمى ومعاها الحاجه وقعدوا يتكلموا مع بعض

وصل جاسر الجامعه جاسر: بصى بقا متتحركيش من قدام عينى تمام

ريم وهى بتتأفئف: تمام تمام سبنى بقا اخد راحتى ده هو اسبوع وهرجع للمرار تانى

جاسر: بطلى لماده يا بت انتى واسمعى الكلام

ريم: ماشى ماشى حقم القوى بقا

قعد جاسر يضحك مع ايلين ويهزر بس كانت فى عين بتراقبه من اول ما وصل وعايزه تقوم تخنقه

ايلين شافت جاسر واول ما شفته فرحت اوووووى متعرفش ليه بس بسرعه الفرحه ده اتحولت لحزن

لما لقته نازل مع واحده ثانيه ثانيه ده نفس البت الى فى الصوره اكيد ده حبيبته

يالا ربنا يسعده بس هى ليه زعلانه هى متعرفهوش كويس اصلا علشان تزعل

مرشد الرحله(طارق): يالا بقا يا شباب على الاتوبيس مشى الطلاب عشان يركبوا

بس سلمى كانت قاعده تدور على ادهم بس ملقتهوش

ادم: انت قولت لادهم على الرحله يا جاسر

جاسر: اه قولتله بس هو مرضيش

ادم: ربنا يهديه ويرجه ادهم بتاع زمان

جاسر: يارب يا ادم يارب

ركبوا كلهم الاتوبيس وليلى قعدت جمب سلمى وايلين قعدت جمب اياد

فى الكرسى الى وراه ليلى وسلمى وعلى قصدهم قعد جاسر وريم

وعلى قصاد ليلى وسلمى قعد ادم ويارا

ادم كان قاعد يبص على ليلى وليلى لاحظت ده بس مركزتش اووووى

واخيرااا وصلوا الشباب والبنات لشرم الشيخ ونزلوا كلهم

يارا:اخيرااا وصلنا

جاسر: اه والله انا رجلى نملت من كتر القاعده

ريم: وانا كمان والله

ادم: طب يالا بينا نطلع على الاوض

مشيوا الشباب والبنات مع طارق وعطى كل واحد فيهم مفتاح اوضه

الاوضه كان فيها 3 سراير يعنى 3 بنات بيبققوا مع بعض فى نفس الاوضه

وفيه الى يقدر ياخد اوضه لوحده بس بيبقا على حسابه الخاصه

سلمى وليلى قعدوا مع بعض فى نفس الاوضه ومعاهم واحده اسمها بسمه

اما ايلين فقعدت مع يارا وريم فى نفس الاوضه

وحاولت ايلين انها تبدل مع بسمه الاوض بس هى مرضيتش

اما اياد فحب ياخد اوضه لوحد على حسابه الخاص

وبردوا جاسر وادم حبوا ياخدوا اوضه لوحدهم على حسابهم الخاص

نزلوا الشباب بعد ما كل واحد استقر فى اوضه وتفاجوا ان ادهم كان تحت

ادم: ادهم انت ايه الى جابك

ادهم: عادى انا كنت هاجى بس العربيه اتعطلت فى الطريق فاتاخرت عليكوا

جاسر: ادم اقرصنى لا بجد اقرصنى قرصه ادم

جاسر: ااااااه انت ايدك ده ايه مرزبه وبعدين يعنى انا مش بحلم

ادهم بيه بنفسه فى الرحله لالالا مش مصدق والله

ادهم: اقسم بالله مش طالبه معايا اضرب حد بس باين انك هتخلينى اغير راى

جاسر وهى بيجرى: لا يا كبير احنا اسفين

ادم: راحت الرجاله

ادهم: انا هطلع احجز اوضه وهاجى اوك

ادم: تمام يا صاحبى

فى مكان مهجور قاعد شخصين

الشخص(1): يعنى هو دلوقتى مع اخته فى الرحله

الشخص(2): ايوه يا باشا

الشخص(1): بس احنا لازم نقرص ودنه

الشخص(2): الى تامرنى بيه يا باشا

الشخص(1) وهو بيبتسم بخبث: اخته

الشخص(2) مفهمش قصده ايه بس بعد شويه فهم وبص ليه: الى تامرنى بيه يا باشا اعتبره حصل

الفصل التالي
جميع الفصول
روايات الكاتب
روايات مشابهة