رواية حب رغم الصعاب للكاتبة دعاء سالم الفصل الأول
صحيت سلمى على صوت مامتها زينب
ام سلمى: قومى يا سلمى قومى يا بنتى هتتاخرى على الكليه من اول يوم كده اصحى الساعه:7:30
سلمى وصوتها غالب عليه النوم: حاضر يا امى هقوم اهو بس خمس دقايق بس
زينب: لا خمس دقايق ولا عشره قومى يا بت يالا
قامت سلمى واتصلت على ليلى صحبتها
سلمى: الو يا ليلى ازيك عامله ايه
ليلى: تمام الحمدالله لبستى ولا لسه
سلمى: بالبس اهو يبقا رنى على ايلين عشان اكيد لسه نايمه ده بقره نوم
ليلى وهى بتضحك: معاكى حق والله فاكره لما نامت فى امتحان العربي فى الثانويه وكان هيروح عليها بس الحمدالله ربنا ستر وصحناها وحلت وعدت
سلمى: اه والله ربنا ستر طب رنى عليها وانا هجاهز وارن عليكى
ليلى:اوكشنز
سلمى: متقوليش الكلمه ده عشان بتعصبنى
ليلى: مانا عارفه عشان كده بقولهالك
سلمى: طب ماشي يا رخمه رنى عليها بقا عشان منتاخرش ليلى: تمام
قفلت سلمى مع ليلى وطلعت لمامتها عشان تساعدها فى تحضير الفطار
سلمى: صباح الخير يا ماما
زينب: صباح النور يا حبيبتى
سلمى: اساعدك
زينب: ياريت يا حبيبتى خد الاطباق ده وحطيها على السفره سلمى: حاضر يا ماما
واخدت الاطباق وحطتها على السفره
نمشي بقا لمكان تانى خالص فى اوضه مفهاش اى نور يرن التلفون رد الشخص الى النايم ادهم والنوم غالب على صوته: الو ...
ادم: انت لسه نايم يا ادهم قوم يالا بسرعه هتتاخر على الجامعه
ادهم واتعدل فى قعدته وابتسم: انت ازاى عارف انى لسه نايم انت بتشم على ضهر ايدك يالا ولا ايه
ادم:لا عشان عارفك وحافظك وعارف انك لسه نايم عشان ده اول يوم
ادهم: طب ماشي يا سيدى اتصلت بجاسر ولا لسه
ادم: لا اتصلت وهو هيسبقنا على الجامعه
ادهم: طب تمام سلام بقا عشان اقوم اجهز
ادم: تمام سلام
قام ادهم لواقعه الاليم برغم انو عد 3 سنين على موتها بس هو لغايه دلوقتى مش مصدق انها ماتت نزلت دمعه من عينه غصب عنه فسمحها بسرعه ولبس وش البرود الى لو كان ليه جايزه اكيد كان هياخدها ادهم من غير منازع جهز ونزل ركب عربيته ومشي على الجامعه
فطرت سلمى ونزلت تستنى ليلى وايلين يجولها بعد شويه
و سلموا على بعض وركبو العربيه ومشيوا للجامعه وصلوا الشباب الاول كل واحد بعربيته بس وصل ادم وجاسر الاول ووقفوا يستنوا ادهم
جاسر: هو هيجى امتى ده دنا بقيت زى المخلل
ادم: اخرس يالا دلوقتى تلاقي جاي
قطع كلامهم ادهم: هو مين الى جاي
ادم: لا عادى كنا مستنينك
ادهم: تمام يالا ندخل بقا قبل مالدكتور يدخل وهما ماشيين سمعوا صوت خناقه جامده جدااا وصوت عالى فمشيوا يشوفوا فى ايه؟
ياترى من الى بيتخانق وايه قصه ادهم ومين دي الى مش مصدق موتها كل ده هنعرفه البارت الجاى استنونا وياريت تقولوا رائيكوا فى البارت بصراحه رائيكووا يهمني
وقفنا البارت الى فات على خناقه فى الجامعه يالا نكمل
جاسر: ايه ده هو فى ايه هناك وكان بيشاور على مكان الخناقه
ادم: معرفش والله يالا بينا نشوف فى ايه
مشيوا الشباب لمكان الخناقه لقوا تلات بنات واقفين وباين على واحده فيهم العصبيه ومعاهم ولد
الولد بعصبيه: خلطانه وكمان بتقوحى
ايلين وهى بتحاول تفلت من صحبها: ليه بقا انشاء الله انت الى الغلطانه وغير كده احنا اعتذرا ليك بس البعيد حمار مبيفهمش
الولد: انا حمار ... والنعمه لوريكى
ادهم ادخل لما لقا بيشتم البنت: ايه يا عم الوحش ماتهدى شويه دول مهما كان بنات
الولد: وانت مالك انت تكونش حبيبتك وانا معرفش
ادهم وشه حمر من كتر العصبيه وكور ايده ومقدرش يستحمل انه ذكر حبيبته فلكمه لكمه خلته وقع على الارض
ادم وهو بيحاول يحوش صاحبه على الولد: اهدى يا ادهم ايه فى ايه
الولد ورحمه امى لدفعك تمن الضربه ده غالى اوووى ومشى الولد مع صحابه
ادهم مشي على طول عشان لو قعد مش عارف نفسه ممكن يعمل ايه اما ادم بص للبنات
ادم: حضرتكم كويسين
سلمى: اه الحمدالله بس مكنش ليه لازم صحبك يضربه احنا الى غلطانين بس هى ايلين مجنونه شويه وشاورت على صحبتها
ايلين: انا مجنونه ماشى ماشى لينا كفاتريه تلمنا
استاذن ادم وجاسر عشان يرحوا المحاضره والبنات برضه مشيوا المحاضره
على شاطى البحر بالاسكندريه قاعد ادهم وبيتذكر لما كان هو وحبيبته مع بعض فلاااااااش باااااك
سلمى: ااااااااااااااااادهم
ادهم وهو بيحت ايده على قلبه: حرام عليكى يا سلمى فى يوم هتموتينى ناقص عمر بتصرفاتك ده
سلمى وهى بتضحك: بعد الشر عليك يا حبيبى
ادهم: ماشي يا ستى جايه ليه بقا
سلمى واتغيرت تعابير وشها لتوتر
ادهم: سلمى فى ايه مالك
سلمى وحاولت تبان هاديه: لا عادى يا حبيبى كنت جايه اقولك انى هغيب كام اسبوع كده
ادهم وهو مستغرب: تغيبى ؟ تغيبى فين
سلمى وهى بتتكلم بهدوء: لا اصل ماما ماشيه لخالتو فى مطروح وعيزانى اروح معاها
ادهم وبيزفر بعصبيه: يعنى لازم تمشى يا سلمى
سلمى: والله غصب عنى يا ادهم خالتى ليا فاتره كبيره مزرتهاش
ادهم: طب ماشى بس مش هتقعدى كتير
سلمى: لا ابدااا ده كلها 3 او 4 اسابيع بالكتير خااااالص
ادهم وهو متعصب: ايه 4 اسابيع انتى اتجننتى
سلمى وهى بتحاول تهديه: معلش بقا يا ادهم كلها 4 اسابيع وهيعدوا بسرعه
ادهم: انتى ليه مش مقتنعه انى مقدرش ابعد عنك ثانيه
سلمى وعينيها بالدموع: ربنا يخليك ليا يا احلى حاجه فى حياتى
ادهم حضنها وهمس تحت ودنها: ويخليكى ليا يا حبيبتى
سلمى وهى بتكلم نفسها: سامحنى يا ادهم سامحنى والله انا مقدرش ابعد عنك بس غصب عنى والله عشان حياتك وحياتى يبقو فى امان
ارجوك سامحنى ونزلت دمعه من عنيها بس مسحتها بسرعه قبل ما ادهم ياخد باله ويشوفها
فاق ادهم من ذكرياته وبص فى الساعه لقها 5 المغرب: ياااااا كله ده عدى وانا مش حاسس وركب عربيته وراح بيته
عند ليلى كانت نايمه بس بتحلم بكابوس بتحلم انها فى اوضه بيضه ومامتها قاعده بعيد عنها حاولت تقوم بس مقدرتش قعددت تبكى وتنادى
على مامتها بصوتها كله بس مامتها مش بترد عليها وفجاه لقت مامتها بتبعد وتبعد لحد ما اختفت من قدامها ولقت راجل داخل ليها هى عارفه الشكل ده كويس اوووووى اه عارفه قعدت تصرخ بكل صوتها
قرب الشخص ده منها وهى بتصرخ لحد ما وصل ليها ومال على ودنها وهمس فيها
الشخص: انتى ليا انا وبس سو بمزاجك او غصب عنك حاولت تتكلم او تترك بس مفيش فايده
صحيت من الكابوس وهى بتصرخ: لا لا مش ممكن اكون ليك اما مبحبكش انا بكرهك سامعنى بكرررررهك
دخلت ليها مامتها وقعدت تهدى فيها لحد ما هديت خالص
امينه مامت ليلى: سامحينى يا بنتى انا الى دخلته حياتك انا الى سمحت ليه يدمرك سامحينى
ياترى ايه حكايه سلمى ده وليه سابت ادهم؟ وليلى ايه حكايتها وازاى مامتها هى السبب ؟
كل ده هنعرفه البارت الجاى استنونا
وياريت كل واحد يقول رايه فى بارت النهارده بصراحه