رواية حب خارج إرادتي للكاتبة ماهي أحمد الفصل الخامس عشر
غرام: الووو
الرائد مروه: غراااام
غرام: ايوه غرام عرفتي ان انا ازاي
الرائد مروه: احنا عارفين عنك كل حاجه ومسجله رقمك عندي اتأخرتي اوي على ما اتصلتي بيا ياغرام انا قولت انك اول حاجه تعمليها تتصلي بيا بعد اللي عملوه فيكي واللي لسه هيعملوه
غرام: ( بصوت واطي ) مكنتش عارفه اكلمك
الرائد مروه: مش مهم المهم انك اتصلتي اسمعيني كويس ياغرام
عز خطير ممكن اوي يراقب تليفونك ويعرف انك بتكلميني وبتتواصلي معاايا.
غرام: طيب واي العمل
مروه: لازم تجيبي خط جديد تكلميني من عليه وانا كمان هأمنهولك
غرام: ايوه بس انا مابخرجش لوحدي مش بيطلعوني من البيت لوحدي
الرائد مروه: اسمعيني كويس عز بيحب كل يوم يقرا الجرايد دي عاده عنده وفي واحد كل يوم بيجيبله الجرايد مخصوص انا هحطلك الخط في الجرايد بس انتي اللي لازم تستلمي الجرايد منه بكره ياغرام فهماني
غرام: ايوه. ايوه فهماكي.
غرام حست ان في حد جاي عليها راحت قفلت بسرعه ومسحت الرقم وهي بتترعش ومن كتر رعشه ايديها التليفون وقع منها على دخله عز
عز بيبص لقي الفون في الارض وغرام بتنهج ونفسها طالع نازل من كتر الخوف
غرام اتلغبطت ووطت عشان تجيب الفون راح عز بسرعه وطي هو كمان وطراطيف صوابعهم اتلاقت ولمسوا بعض عز بقي يبص لغرام وهو موطي بيجيب الفون وغرام كمان
راحت غرام بسرعه ودت وشها الناحيه التانيه وعز اخد الفون
عز: كنتي بتكلمي مين.
غرام: اي. انا. انا مكنتش بكلم حد. مافيش
عز: الباسورد اي
غرام: ايه. ليه
عز: ( بكل هدوء ) مزاجي كده. قولي الباسورد ياغرام
غرام: عيد ميلادي
2002 2 20 m
عز فتح الفون بتاع غرام وشاف اخر المكالمات مالقاش مكالمات غرام مسحتهم كلهم
عز بص كده وسكت
عز جاي يمشي
غرام: هات التليفون بتاعي
عز: ليه
غرام وقفت قدام عز وقالتله
غرام: تليفوني وعايزاه
عز: بس انا ماشوفتش تليفونك ده قبل كده معاكي.
غرام: انت اصلا مكنتش بتشوفني قبل كده هتشوف تليفوني
عز: ممممم عندك حق
عز فتح الباب وجه يطلع راح بصلها تاني وهو ماسك فونها وقلها
عز: مين ال m ده ياغرام
غرام: والله دي حاجه تخصني ماتخصكش ابدا
عز قرب من غرام والغضب بان على وشه
غرام رجعت ورا وهي خايفه وبقت تقوله
غرام: ( بخوف ) اي في ايه اتحولت كده ليه ياعز
عز: مافيش حاجه اسمها تخصك انتي كلك على بعضك تخصيني ياغرام طول ما انتي شايله اسمي تبقي تخصيني انتي فاهمه.
غرام: فاهمه. فاهمه
عز رزع الباب وراه واخد الفون بتاع غرام معاه وركب عربيته ورمي الفون جنبه وبقي يسوق عربيته وهو مضايق جدا وراح الشركه
اي حد بقي في الشركه يقابله بقي يقوله
حمدالله على السلامه ياعز بيه
بس عز مكانش بيرد على حد فيهم
ودخل مكتبه ورزع الباب بتاع المكتب
السكرتير: استر يااااارب
السكرتير دخل بسرعه لعز
السكرتير: عز بيه الملفات اللي هنا فيها كل
( ولسه هيكمل كلامه ).
راح عز رمي الملفات في وش السكرتير وقاله
عز: ( بزعيق ) مش عايز ملفات مش عايز اشوف وشك دلوقتي
السكرتير بسرعه لم الملفات من على الارض وقاله
السكرتير: حاضر. حاضر ياعز بيه
السكرتير اخد الملفات وطلع بره على طول
عز: ( بيكلم نفسه ) ياترى مين حرف ال m ده ياغرام
- -
( في نفس الوقت )
غرام وهي متوتره في الاوضه ورايحه جايه
غرام: ياررب. يارب ما مروه تتصل يارب مروه لو اتصلت وعز رد عليها هاروح في داهيه
يارب خليك معايا.
عم حسين دخل
عم حسين: بتكلمي نفسك يابنتي ولا اي
غرام: لا. لا. ابدا ياعم حسين انا بس كنت
عم حسين: كنتي اي يابنتي انا عارف انتي عايزه تقولي اي
غرام: عارف. عارف اي ياعم حسين
عم حسين: عارف انك مش قادره تنسي اللي حصلك يابنتي
غرام: واللي حصلي ده يتنسي ياعم حسين
حط بنتك مكاني. هتنسي اللي حصلها.
عم حسين: اكيد لاء يابنتي. بس هحاول اعالج الموضوع انتي اه اللي حصلك مافيش حاجه ممكن تغفرها بس عايزك تبصي على اللي معاكي دلوقتي انتي معاكي عز
غرام: عز عمره ما كان معايا ياعم حسين ولا هيكون
عم حسين: ليه يابنتي بتقولي كده
غرام بصت على البلكونه وبصت على الجنينه لاقيت شريف بيتكلم في الفون وقالت
غرام: شايف ده ياعم حسين
عم حسين: شريف
غرام: ايوه شريف هيفضل بينا طول العمر ومافيش حاجه تغير الحقيقه دي ابدا.
عم حسين: ربنا يهدي النفوس يابنتي
غرام: مافيش حاجه ممكن تهدي النار اللي جوايا غير لما اشوف شريف واللي معاه في السجن وده اللي عمر ما هيسمح بي عز ابدا
شوفت بقي الحكايه صعبه ازاي ياعم حسين مش سهله زي ما انت فاكر خالص
- -
( في نفس الوقت )
مراد: ايه ياعم شغال تكسر الشركه وتزعق في الموظفين ليه مالك هي الشركه حملك ولا اي
عز: مرااد بلاش اطلع غلي فيك
مراد: واي اللي مخليك مغلول كده فيك اي.
عز: مراد انا مش عايز اتكلم في حاجه
مراد: اللاه. في اي ياعز ما تتكلم مالك
عز في نفسه: ( اقوله اي ده. اقوله كل ده عشان عرفت ان غرام كاتبه الباسورد بتاعها بحرف ال m )
مراد: عز روحت فين
عز: اي. لا ما روحتش
مراد: طيب اي مش هتقولي مالك
عز: لا لا ابدا مافيش
مراد: طيب هنعمل اي في الصفقه احنا كده اتاخرنا على الصفقه اوي وممكن اي حد ياخدها غيرنا
عز: هو السفر امتي
مراد: لو اتفقنا ممكن كمان يومين بالكتير.
عز: تمام جهز نفسك وجهز كل اوراق غرام
عز اخد الجاكيت بتاعه من على الكرسي وفتح الباب وجه يمشي راح بص وراه لمراد وقاله
عز: جهز باسبور شريف معانا مش هقدر اسيبه هنا لوحده اليومين دوول بعد اللي حصل
مراد: اكيد انا كمان كنت هقترح عليك كده
عز مشي وبقي يلبس الجاكيت بتاعه وهو نازل ودخل على العربيه بتاعته ومسك الفون بتاع غرام وبقي يقلب فيه ويقلب في الصور
صور غرام كانت حلوه اوي.
وبعدها فتح فيديو وشاف الفيديو وصحبتها بتحضر الفشار
وهما بيتفرجوا على فيلم وبتقول فيه
صاحبه غرام: غرام للمره المليون هتخلينا نتفرج على فيلم walk to remember اللي بنسمعه للمره المليون ارحمينا بقي ياغرام
عز بيشوف الفيديو وبيبتسم
غرام: انا بحب الفيلم ده اووووي ومهما اتفرج عليه مش بزهق منه ابدا.
غرام نزلت الجنينه تتمشي شويه ومعاهه hot chocolate وماشيه في الجنينه بتبص على ال mug اللي معاهه وشريف خلص الفون اللي كان معاه وكان مستعجل جدا ويبلف من غير ما يقصد خبط في غرام
ال hot chocolate وقعت في الارض وجت على هدوم غرام
شريف: ( بخضه وجه يلمس غرام وقلها ) غرام انتي كويسه
غرام: ( بعصبيه ) ماتلمسنيش
شريف: غرام انا مقصدش المسك انا بس مش عايزك تتحرقي
غرام: ومن امتي وانت بتخاف عليا اوي كده.
شريف: غرام اطلعي غيري هدومك بسرعه
غرام: ( بعصبيه ) انت مالك
شريف: غرام احنا لازم نتكلم سوا بس للاسف دلوقتي مافيش وقت ومش معنى اني مافيش وقت اني بقلل منك ولا من ان احنا لازم نتكلم بس انا لازم امشي دلوقتي
شريف مشي وساب غرام في الجنينه وغرام كل ما تشوف شريف تفتكر كل اللي حصلها راحت طلعت الفيلا عشان تاخد شاور من الhot chocolate اللي اتكب عليها.
عز بعد ما شاف الصور حط الفون بتاع غرام جنبه بابتسامه وجاي لسه هيطلع بالعربيه راح مراد اتصل بي
عز: الووووو
مراد: عز: يعني اي يامراد مش لازم النهارده
مراد: عز: انا عارف انه كله لمصلحه الشغل يامراد انجز يعني هما هيسافروا بكره
مراد: عز: تمام عايزك تحضرلهم سهره من اللي قلبك يحبها
مراد: عز: بلاش نسوان خليها عاديه
مراد: عز: ياعم اعمل اللي تعمله بس انا out تمام كده.
مراد: عز: تمام هاروح اغير هدومي عشان ال party دي واحصلك على هناك
عز قفل مع مراد وداس بنزين ولف الدريكسيون بتاعه ومشي اصله عليه لفه دركسيون تحفه بصراحه.
وراح الفيلا طلع اوضته وقلع قميصه ولبس البنطلون الاسود القماش بتاعه وفتح الدولاب بتاعه اخد القميص الاسود ولبسه بس مكانش قفل ولا زرار وحط الكرافته مفتوحه على الجانبين وشم ريحته حس ان ريحته مش حلوه دخل الحمام اللي جنب اوضته بالظبط وفتح الباب ولسه هيدخل راحت غرام مصوته حط ايده على عينه بسرعه وقلها
عز: انتي بتعملي اي
غرام بسرعه شدت الستاره بتاعت البانيو وبقت تكلمه من ورا الستاره وقالتله.
غرام: ( بزعيق ) انا برضوا اللي بعمل اي انت اي اللي دخلك علياا وانا بستحمي
عز: انتي اللي مش قافله عليكي الباب من جوه انتي ازاي ماتقفليش عليكي الباب وانتي بتستحمي
غرام: ( وهي بتتكلم من ورا ستاره البانيو ) انا نسيت وبعدين ده مش ميعادك اصلا
عز: ايوه بس في ناس تاني معاكي في الفيلا حتى لو انا مش موجود
وبعد كده ان شالله تكوني لوحدك في الفيلا تقفلي عليكي الباب من جوه انتي فاهمه
غرام: خلاص فاهمه.
اطلع بقي خليني استحمي
عز: ماشي انا طالع والحكايه دي ما تتكررش تاني
عز طلع من هنا وغرام طلعت من البانيو وقفلت عليها الباب بسرعه من جوه
وبعدها نزلت الصابون من على جسمها وبقت تلبس البورنس وتلف الفوطه على شعرها
في نفس الوقت عز لبس قميصه وشمر كمامه ومسك الجاكيت بتاعه ونزل
غرام طلعت ودخلت الاوضه بتاعتها هي وعز
عز وهو نازل على السلم
عز: اوبس نسيا الملف وطلع يجيبه.
غرام: فين المشط وبقت تدور عليه افتكرت انه في الحمام فتحت الباب عشان تجيبه وهي بتفتح الباب كان عز كمان بيفتحه من بره والاتنين فتحوا الباب في نفس اللحظه ومن كتر ما كانوا قريبين من بعض راحوا خبطوا في بعض
غرام بقت قريبه جدا من عز ومن كتر توترها رجعت خطوه لورا كانت هتتكعبل راح عز بسرعه لحقها ومسكها من وسطها ساعتها الفوطه اللي على شعرها وقعت وشعرها اتفرد.
عز وغرام بقوا يبصوا لبعض وغرام ابتسمت لاول مره في وش عز
عز اول ما شاف غرام بتبتسم لقي ضحكتها حلوه بجد راح عدلها وغرام نزلت ايد عز من عليها وبعدت عنه خطوه راح عز حط ايده من ورا شعره كده وراح قال لغرام
عز: ( وهو متوتر ) انا. انا هتأخر النهارده ياغرام
غرام استغربت يعني اول مره عز يقولها انه هيتأخر اصلا
راح عز اخد باله من استغراب غرام راح رد بسرعه وقلها
عز: يعني علشان لو حابه تاكلي قبل الساعه سته كلي.
غرام: ( بضحكه مكتومه ) طيب واحنا امتي بناكل مع بعض اصلا ياعز
عز: اه. اه. تصدقي صح. انتي صح. احنا ما بناكلش مع بعض
عز ساب غرام ونزل جري على السلم وبقي يقول في نفسه
عز: ياغبي. انا اي اللي خلاني اقولها انا هاجي امتي لا تفتكر اني مهتم بيها
غرام من فرحتها ان عز قلها هييجي امتي طلعت على السرير وبقت تتنطط من الفرحه
- -
( بعد الساعه 11 بالليل )
شريف راح ال night club لأسر
شريف: اي يا اسر اخبارك اي.
اسر: حريم. اخباري مليانه حريم حرفيا يا اسر حرييييييم
شريف: بقولك اي سيبك. عايز اقولك حاجه مهمه
اسر: قول ياصحبي
انا حاولت اعرف اجيب العيال اللي كانوا معايا اليوم المشؤوم ده العيال زي ما يكونوا فص ملح وداب انا عايز اعرف مين فيهم اللي صورني وبعت الفيديو لابو غرام
اسر كان بيبص على الحريم اللي ماشيه قدامه
شريف: ياعم خليك مع امي
اسر: وهو بيشد نفس من سيجارته وبيدوس على سنانه وهو بيبص على البنت.
اسر: معاك والله معااااك. بس قلبي. قلبي هو اللي معاهم
شريف: يوووووه انا ماشي ياعم
اسر: طيب خلاص. خلاص اهوه اقعد بقي ما تبقاش عصبي
شريف ( اتنهد وقال): هتخليك مع امي ولا لاء
اسر: والله معاك ياعم.
شريف: العيال دي انا صاحبتها شهر من ام ال night خرا ده مكانوش بيسيبوني حرفيا فجاه كده ومره واحده العيال دي صورتني ومن بعدها ماشوفتش خلقتهم انا لازم اجيبهم انا جالي تليفون مهم النهارده عشان كنت هعرف عنهم اي حاجه بس للاسف ماعرفتش اوصل لاي حاجه عنهم برضوا
اسر: تفتكر العيال دي حد زقهم عليك
شريف: او ممكن خايفين عشان كده مش ظاهرين
اسر: طيب ليه صوروك من الاول.
شريف اخد الكاس اللي قدامه وشربه على بوق ورزعه على البار وقاله
شريف: ما ده اللي هيجنني. هتجن حرفيا احنا اخدنا غرام من الشارع ده اللي خليتهم يمشوا من الشارع ده
اسر: اهدى ولو معاك رقم فونهم انا هعرفلك هما فين
شريف: انت عبيط يلا ما تليفونهم مقفول على طول حاولت اشوف مكان الرقم بس الرقم لازم يكون مفتوح
اسر: ياعم دي شغلتي انا مقفول بقي مفتوح مالكش فيه
اسر: خلينا بقي نشوف النسوان القمر دي.
شريف: لا لا انا ماليش مزاج انا مروح
اسر: عليا الطلاق ما يحصل على الاقل اشرب معايا كاسين وبعد كده روح
شريف بقي يشرب مع اسر لحد ما سكر
- -
غرام كانت واقفه في البلكونه كل شويه تبص على باب الفيلا عشان تشوف عز جه ولا لاء
غرام: ياترى اتأخر ليه
بتبص لاقيت شريف جاي وصاحبه معاه بيوصله ومعاهم بنات بيوصلووه وراح شريف نزل واول ما نزل راحت بنت من البنات نزلت معاه راح شريف شدها من شعرها وضمها لحضنه وباسها حته بوسه.
اسر والبنات بقوا يصفروا لشريف
غرام شافت كده دموعها نزلت ودمها غلي وهي شايفه شريف عايش حياته ولا حتى ندمان على اي حاجه عملها معاهه
غرام: ( بغيظ وكره ) يابن الكلب والله لا اخد حقي منك بأيدي ياشريف الكلب
شريف دخل الفيلا ودخل اوضته وقلع الجاكيت الاسود بتاعه ورماه على السرير ورجع شعره القمر اللي انا شخصيا بحبه لورا ورمى مفاتيحه وبقي بالتي الشيرت الابيض النص كوم وراح رامي نفسه على السرير وغمض عنيه ونام.
غرام راحت نزلت في الدور اللي تحت بشويش اوي من غير ما حد يشوفها كان الدور اللي تحت الانوار مطفيه دخلت المطبخ وجابت السكينه وفتحت باب اوضه شريف بالرااااااحه اوي لاقيته نايم على سريره وفارد دراعه الاتنين على السرير طلعت على السرير بالراحه اوي ولسه بترفع السكينه عشان تضربه بيها راح شريف مسك ايدها بسرعه اللي ماسكه بيها السكينه ولف غرام وبقت غرام اللي على السرير وشريف فوقيها.
شريف وهو فارد ايد غرام الاتنين وماسك ايديها والسكينه في ايدين غرام
راح بص للسكينه وقلها
شريف: ( بيتكلم وهو بينهج وبيقولها ) عايزه تقتليني ياغرام
غرام: نارى مش هتبرد الا لما اقتلك ياشريف
شريف وهو باصص لغرام ووشه في وشها وهي نايمه على السرير وهو فوقيها
شريف: احنا لازم نتكلم مع بعض لازم تسمعيني
غرام: هو اللي زيك عايز يقول اي.
شريف بيبص لقي نفسه في اوضته هو وغرام وكمان فوقيها لو حد شافهم هيفهمهم غلط مسك السكينه من ايد غرام ورماها بعيد وراح ماسك غرام من ايديها وقومها من على السرير
شريف: تعالي نتكلم بره
غرام: وهي متغاظه منه وبتتكلم بغل قالتله
غرام: واي الفرق هنا او بره
شريف: لااااا ده انتي عبيطه وطيبه وعلى نياتك تعالي
شريف مسك غرام من ايدها تاني وشدها وراه وطلعوا يتكلموا في الجنينه بره.
راحت غرام اول ما طلعوا الجنينه راحت شدت ايدها من ايده وقالتله
غرام: عايز تقول اي ياشريف
غرام بعياط: عايز تقول اي
شريف: انا مكنتش في وعيي ياغرام مكنتش في وعيي
. مكنتش حاسس انا بعمل اي
غرام: ماكنتش حاسس ماكنتش حاسس اي
انت. انت اغتصبتني. انت اخدت اغلي شىء عندي
حرمتني من الفرحه اللي اي بنت بتتمني تفرحها ليله الدخله
انت عارف انت عملت فيا ايه
انت خلتني عار على ابويا واخواتي.
انا مش عارفه انا عملت اي عشان يحصل فيا ده كله
انا انتهيت ياشريف
انت ضيعتني خلاص
انا عايزه اقولك اني طول ما انا شيفاك قدامي مش هعمل حاجه غير اني اتفنن ازاي اقتلك عشان النار اللي جوايا تهدي ياشريف
غرام ما قدرتش تمسك نفسها اكتر من كده وقربت من شريف وبقت تضربه على وشه بالاقلام وتضربه بأيديها على صدره وكتفه وهي بتضربه كانت بتقوله
غرام: انا بكرهك
بكرهك ياشريف عارف يعني اي بكرهك
شريف وقتها ماتكلمش ولا كلمه بس.
حس بوجع غرام راح ماسكها من ايديها وضمها لحضنه وهي بتضربه وبقت في حضنه لحد ما بطلت ضرب في شريف
ومره واحده وغرام في حضن شريف بيبص لقي اللي جاي عليهم.