قصص و روايات - قصص رومانسية :

رواية حب بلا قيود للكاتبة أسماء صلاح الفصل السادس

رواية حب بلا قيود للكاتبة أسماء صلاح جميع الفصول

رواية حب بلا قيود للكاتبة أسماء صلاح الفصل السادس

ذهبت ملك الي العيادة وقامت بتنظيف وترتيب بعض الأغراض...
وصل معتز الي العيادة وكان بها بعض المرضى ودخلت ملك خلفه... 
جلس معتز على المكتب...
ملك:ادخل اول كشف يا دكتور...
معتز:ايوه يا ملك اتفضلي...
نادت ملك على أول كشف وبعدين جلست على المكتب تباشر باقي عملها.

اتت مريضه...وقالت:لوسمحتي عاوز احجز...
ملك بدون أن ترفع نظرها لها وقالت: مينفعش الحجز ف نفس اليوم يا مدام...
ردت عليها وقالت:ادخلي قولي لدكتور معتز وخلاص...
رفعت ملك راسها لكي تراها ولكن اتصدمت...
بوسي:قوليله بوسي...
ابتلعت ملك ريقها وقالت:تمام اتفضلي...

نظرت لها بوسي وقالت:انا حاسة اني شوفتك قبل كدا، انتي أسمك اي.. 
ملك:لا ممكن تكوني شوفتني ف عياده تأنيه، ثواني ادخل اقول لدكتور...
دخلت ملك الي معتز...
ملك:ف واحده اسمها بوسي عاوزه تتدخل لحضرتك...
معتز:دخليها...
ملك:حاضر... نادت ملك عليها...

دخلت بوسي...
قام معتز ورحب بها وصافحها وقال:اتفضلي يا بوسي...
بوسي:ميرسي يا دكتور...
كانت ملك واقفه تخشي ان يناديها باسمها...واتجهت لتخرج...
معتز: ملك، هاتي عصير لمدام بوسي...
ملك وقد حدث ما كانت تخشاه وقالت :حاضر...
بوسي:هي اسمها ملك...
معتز:اهااا ف حاجه ولا اي...

اتأكدت بوسي انها ملك وعندما رأيتها كانت عند سمر وأنه مش مجرد شبه ولا حاجه  ... وقالت:لا مفيش حاجه...
معتز:اي الموضوع...
بوسي:انا عملت التحاليل وطلعت حامل...
معتز: يبقى اكيد عاوزه تعملي إجهاض...
بوسي:ايوه، وعارفه انك ملكش ف العمليات دي... بس انا مش هثق ف حد غيرك...
طرقت ملك الباب ودخلت ومعها العصير ووضعته على الطاولة ...
كان معتز يكمل حديثه وقال:أدهم عارف...
بوسي:ايوه وهيبقي يجي... شويه كدا...
ملك:يا ليله زي الزفت... اكيد أدهم دا اللي خدني ساعه التليفون. وقالي مش عاوز اشوفك تأني يا ربي ...وبوسي دي شكلها عرفتني... ونادر... ياربي...
معتز:مالك يا ملك...

ملك:هاااا
معتز: انتي سرحانه ف ايه...
ملك:ولا حاجه... تؤمر بحاجه تأني..
معتز:ف كام حاله  برا... 
ملك:خمسه دا غير أن ف ناس حاجزه لسه مجتش...
معتز: اممم بصي قوليلهم اني عندي عميله مهمه واجلي كشفهم لبكرا...
ملك:حاضر... طب همشي انا...
معتز:لا هتخليكي معايا... مدام بوسي هتعمل عمليه ولازم يكون معايا مساعد...
ملك ببلاهة:انا المساعد...

معتز:عمليه سهله...
ملك:العملية هتبقى ف العيادة... هنا...
معتز:ايوووه... متنسيش اعتذري لناس...
ملك:حاضر...  خرجت ملك وفعلت ما طلبه معتز منها وبعدين دخلت... تأني
ملك:خلصت يا دكتور...
معتز:ملك خدي مدام بوسي على الاوضه التانيه واديها البنج...
ملك:حاضر... اتفضلي. ...
خرجت ملك  واتجهت الي الغرفة وتابعتها بوسي...
دخلت بوسي الغرفة... وقالت:انا عرفت شوفتك فين...
اجابتها ملك وقالت :عند سمر...
بوسي:ومش خايفه...
ملك:هخاف ليه...

بوسي:على فكره نادر بيدور عليكي و مش هيسيبك...
ملك ببرود:ايوه عارفه... ومش نادر بس كمان أدهم...
بوسي بضيق:وادهم هيدور عليكي ليه...
ملك:ابقى اسألي هو بقا ...
بوسي:طب بصي يا شاطره خلصي شغلك وامشي احسن ما حد يشوفك...
لم ترد عليها ملك مما زاد ف استفزاز بوسي اكثر...
ملك: ممكن تنامي و تفردي دراعك... عشان تخدي الحقنه...
صعدت بوسي على السرير... واعطتها الحقنه...
خرجت ملك... وذهبت عند معتز...
معتز:البنج اشتغل...
ملك:ايوه يا دكتور ...

معتز:طيب تعالي ورايا...
ملك:لوسمحت يا دكتور العمليات دي حرام... والاشتراك ف الذنب كفاعله...
معتز:ومش خايفه اتعصب عليكي... وتخسري شغلك بعد الكلام دا...
ملك:محدش بيقطع رزق حد يا دكتور... ربنا هو اللي بيقسم الأرزاق...
معتز:بصي انا عارف انها حرام ومش بعملها...
ملك:بس...
معتز:هما قصدوني ف خدمه... انا معرفتش أرفض...
ملك:...

معتز:بصي يا ملك... وعد مني ليكي  ان انا مش هعمل حاجه زي تاني...بس الحالة دي ضرورية...
ملك:ماشي...
معتز:... يلا...
ملك:اتفضل حضرتك وانا برا لو احتاجت حاجه نادي عليا...
معتز:هو انتي بتخافي ولا اي...
ملك:لا عادي بس مش بحب اشوف الدم...
معتز:طيب يا ستي انا هدخل وانتي خليكي برا... بس لو احتاجت حاجه هقولك... وخدي تليفوني ولو حد رن ردي عليه...
ملك:تمام يا دكتور...

جلست ملك على مكتبها واخرجت المصحف... وقرات فيه...
رن هاتف معتز...
ملك:صدق الله العظيم واغلقت المصحف ...
ملك:نهار اسود  أدهم اللي بيتصل... نهار ابيض...
فتحت ملك الخط...
أدهم:الو...
ملك بتوتر :... الو...
أدهم:دكتور معتز فين...
ملك:عنده شغل...
أدهم:انتي المساعدة بتاعته ...

ملك:ايوه يا افندم...
أدهم:هو خلص ولا لسه...
ملك:قرب يخلص...
أدهم: تمام.. شكرا...
ملك:الحمد الله...
خرج معتز... ف حد اتصل...
ملك:ايوه واحد اتكلم و رديت عليه اسمه أدهم...
اخذ معتز الهاتف... واتصل باادهم...
معتز:انت فين...
أدهم:بركن العربية وطالع... بوسي كويسه ولا...
معتز:ايوه... بس لسه مفقتش...
أدهم:ماشي انا طالع...
معتز:ملك افتحي الباب عشان أدهم طالع...
سعالت ملك بشده ... معتز:مالك...
ملك:مفيش...

معتز:انا داخل...
ملك:ماشي...
فتحت ملك الشقة... وقفت قدام الباب... ملك: ياترى هيطلع ف الاسانسير ولا على السلم. يارب ميشوفنيش...  يا ربي بقا انا سامعه حد طالع... كدا مفيش غير حل واحد صعدت ملك الدور اللي بعدهم...
صعد أدهم وجد باب الشقة مفتوح... ودخل ولم يجد احد...
أدهم:معتز...
خرج معتز على صوت أدهم وقال:هي فين...
أدهم:مين...
معتز:ملك... كانت هنا...
أدهم:باب الشقة كان مفتوح ومفيش حد...

معتز:ممكن راحت تجيب حاجه... تعالي ندخل لبوسي ممكن تكون فاقت...
كانت ملك تجلس على السلم وتضع يدها على خدهاااا
انا هنزل واللي يحصل يحصل... هاخد الشنطة وامشي،...
نزلت ملك ودخلت الشقة بخطوات بطيئة... وخدت شنطتها ولسه هتخرج...
معتز:ملك كنتي فين...
ملك:كنت... هنا...
معتز:ممكن تعملي شاي...
ملك:شاي... معتز:اهااا، وهاتي على جواه...
ملك: يارب بقا اي الورطة دي...

كان حازم يجلس مع والدته ويحكي لها ما حدث...
ناديه:بس برضو ممكن يحصل حاجه مش متوقعه...
حازم:ماانا خوفت من كدا وبعدين هي كدا هتكون مع أدهم...
ناديه:امممم وانت غيران ولا اي ...
حازم:لا والله انا واثق ان أدهم قد كلمته بس انا خايف من ابوه...

ناديه:طول عمري مبحبش الراجل والله...ومكنتش عاوزك تشتغل عنده... معرفش ايمان عايشه معها ازاي...
حازم:المشكلة ان  احنا مش ضامنين ان أهلها دول هيخسروا... ممكن بقا النوري يهددهم وملك هي اللي هتروح...
ناديه:وطب أدهم هيعرف يتصرف ولا...
حازم بحيره:معرفش والله يا ماما وبعدين انا مش حابب انها تقعد ف شقه أدهم...
ناديه:يا ابني هو أدهم  يعني هيسيب شغله وحياته وهيقعد مع  ملك... وبعدين مستحيل أدهم صاحبك هيفكر فيها هي صغيره عنه... وملك بنت محترمه و ميتخافش عليها...
حازم:ممكن... بس انا وادهم ف سن واحد يا ماما...
ناديه:بس وانت وادهم طبعكم مش واحد ولا أهلكم زي بعض...
حازم: خلاص هتوكل على الله وابقى اقنع ملك...

انتهت ملك من تحضير الشاي...
ملك:بصي انتي هتحطي الشاي وتخرجي ولا يهمك ماشي تمام ...
قامت ملك بوضع حجابها على وجهها لم يظهر سوي عينها...
ودخلت...وضعت صنيه الشاي على المكتب...
معتز باستغراب:انتي عامله كدا ليه يا ملك...
ملك:عندي حساسيه من الشاي...
نظر أدهم لها بتعجب:حساسيه من الشاي...
معتز:طب ادخلي شوفي بوسي...
ملك:حاضر...

احس أدهم انه يعرف تلك الفتاه مش معقول الصدفة هتكون نفس الاسم ولون العين والصوت...
أدهم:انا هروح الحمام...
معتز:اتفضل...
وضعت ملك يدها على المقبض لتفتح الباب و لكن تفاجأت عندما وجدت احد يده على يدها ليوقفها..
سحبت ملك يدها سريعا  و ذهبت من أمامه
أدهم:فاقت...
تسمرت ملك مكانها وقالت بتوتر وهي تعطي له ظهرها  :لا لسه
أدهم:وانتي عرفتي ازاي وانتي مدخلتش اصلا...
ملك:  كمان بقى شكلي وحش وكدابه...
أدهم:بتقولي حاجه...
لفت ملك له وقد نزعت الحجاب عن  وجهها...
ملك:انا معرفش انك هتكون هنا اعمل اي بقا... وكنت عاوزه امشي ودكتور معتز قالي على الشاي...

أدهم:بس هو ف حد عنده حساسيه من الشاي...
ملك:لا انا كدابه... بس مكنتش عاوزه حضرتك تشوفني...
أدهم:ماشي يا كدابه... ادخلي شوفها فاقت ولا...
ملك بتوتر:ماشي...
دخلت ملك وكانت بوسي بتبتدي تفوق...
ملك:انتي كويسه...
بوسي:ايوووه...،فين أدهم...
ملك:برا...  هطلع اقولهم انك فوفتي... خرجت ملك وقالت لي  معتز وادهم ان بوسي فاقت وسمح لها معتز ان تغادر... واعتذر لها على التأخير...

ف شقه بوسي...
اسندها أدهم... الي الغرفة...وجلست بوسي على الفراش...
أدهم:انتي كويسه ولا تعبانة...
بوسي:كويسه...
أدهم:طيب نامي...،عشان ترتاحي...
بوسي:شوفت ملك...
أدهم وهو يتصنع عدم الفهم:ملك مين...
بوسي:صاحبه سمر... شاغله ف عياده معتز...
أدهم:اهااا... واحنا مالنا...
بوسي:عادي بقولك...
أدهم:سيبك يا حبيبتي من الموضوع المهم انتي...
ابتسمت بوسي:ربنا يخليك ليا يا حبيبي...

ف منزل عبد الحميد...
دخلت  زينب  غرفه عمر وجدته بيحضر شنطته
زينب:انت بتعمل اي يا عمر هتسافر برضو
جلست زينب  على الفراش  وبكت...يعني انت كنت بتتضحك عليا يا عمر...
مسك عمر يدها وقال:لا يا ماما بس انتي عارفه ان انا شاغل ف القاهرة وبجيلك كل اسبوع...
زينب:واومال قولت هتقعد ليه...
عمر:انا قعدت اسبوعين عشان اخلص شغلي هنا...وعشان اخلي تصاميم معايا لأني خايف حد يخدها مني...
زينب:ربنا يوفقك يا ابني...هتسافر امتى...

عمر:بكرا...
زينب:طيب يا ابني...
نزلت زينب ... وجدت سعاد جالسه تشاهد التلفاز...
سعاد:تعالي اجعدي يا ام عمر...
زينب:جعدت...
سعاد:مالك...
زينب:عمر هيسافر... وانا قلقانه عليه من موضوع الشغل دا...
سعاد: هو عمر صغير...يا زينب... عمر بشمهندس  قد الدنيا وفاهم هو بيعمل اي...
زينب:جلبي مش مرتاح...
سعاد:خليها على الله... وكمان يوسف رايح معها متخافيش...

ف منزل سليمان النوري ...
طرق سليمان الباب...
أدهم:ادخل...
سليمان:قولت الحقك قبل ماتنزل
ادهم: خير يا بابا...
سليمان:عملت اي...
أدهم:لسه بس متقلقش هوصلها...
سليمان:عاوزك تخلص اسرع... يا أدهم... الوقت بيعدي...
أدهم:تمام... بس لو اهلها  مخافوش...
سليمان:ساعتها هيكون ف تصرف تاني... والبت هتكون معانا...
أدهم:هتعمل اي فيها...
سليمان:هيبقوا فتحوا على نفسهم نار جنهم وهبعتلهم جثه...
 

ف منزل عبد الحميد...
عبد الحميد:اجعدوا...
عاصم:خير يا ابوي...
عبد الحميد:انا مش عاوز المناقصة...
عمر:اي السبب...
عبد الحميد:انا خايف عليكم...، وبعدين المناقصة مش مهمه...
عمر:يا جدي انا بقولك انها مهم اوووي...،ما ترد يا يوسف...
يوسف:فعلا المناقصة دي هتعلي أسهم الشركة خصوصا اننا بنمر بازمه واسهم الشركة ف النازل...
عبد الحميد: بس يا ابني سليمان النوري قدامنا...
عبد الرحمن:واحنا هنخاف منه ليه هو محتاج لينا... وبأخذ الأسمنت من مصنعنا اللي هنا...
عبد الحميد:وهو اللي بيدخل اي شحنه جايه من برا...
عمر:انا مش هسيب المشروع دا يا جدي وادخل واشوف بقا هكسب ولا هخسر...بعد اذنكم...
قام عبد الحميد وسابهم...
عاصم:هو ابوك ماله يا عبد الرحمن...
عبد الرحمن:اكيد ف حاجه...

ف شقه سمر...
فتحت سمر لنادر الباب...
نادر:ازيك يا سموره...
سمر:ههههههه وحشتني...
نادر:وانتي يقلبي...
دخل نادر وجلس وأخرج من جيبه بعض  شرطين من الحبوب...
اخدتهم منه سمر وقالت:النوع دا جامد اوووي...
نادر:عشان كدا جيبته ليكي..  بس عاوز منك حاجه...
سمر:اي هي...
نادر:عنوان ملك...

كانت ملك جالسه وبتزاكر وتركت القلم من يدها ...
ملك: انا زهقت... يارب انجح بقا...
رن جرس الباب...
ملك باستغراب:يا ترى مين هيجي دلوقتي...
قامت ملك وفتحت الباب...

الفصل التالي
جميع الفصول
روايات الكاتب
روايات مشابهة