رواية حب بلا قيود للكاتبة أسماء صلاح الفصل الخمسون

رواية حب بلا قيود للكاتبة أسماء صلاح الفصل الخمسون

نادر:ملك!
ملك:مين دي
نادر:دي!
مليكة: ملك... قام نادر بوضع ايده علي فمها... وقال دي بنت صاحب ادهم وهو كان يجي يزروه
ملك:وهو فين
نادر: خدي مليكة بسرعه وامشي عشان ملك
ندي:تعالي برا انا قدام المستشفى.
خرج نادر ومعه مليكة يدور علي ندي ف الخارج.

كانت ندي مازالت واقفه مع مراد
مراد:اختك ولا
ندي:اختي.
مراد:ندي... ملك اختك من نفس الاب والام ولا
ندي:ليه؟
مراد:أنجزي

تصرم نادر مكانه عندما وجد ندي تقف مع مراد
نادر: نهار اسود ومهبب هو اي اللي بيحصل
مليكة:نادر هو ف اي
نادر:مش عارف حاجه والله
مليكة:مامي هناك اهي
نادر:استني هتصل بيها.

ندي:ملك مش اختي ولا من الاب ولا من الام
مراد بصدمه:اهااااا ازاي.
ندي:طب ممكن اخد مليكة من نادر وبعدين هقولك
مراد:مليكة مين
ندي:بنتك.
شاورت ندي لنادر... كان نادر يمشي بخطوات بطئيه ويخشي مواجهه مراد
مراد:اهلا يا نادر بيه
نادر:احم احم مراد
مراد:اطلع انت لملك دلوقتي وبعدين هنتكلم وانا هاخد ندي ومليكة
نادر:حاضر خد مفتاح الشقة بتاعي
مراد:ماشي

ركب مراد وندي السيارة... وقال كملي
ندي:انا مش عارفه انت عاوز تعرف ليه
مراد:لان ف مصيبه
ندى:ملك بنت بابا بس
مراد:معلش مش فاهم ازاي يعني
ندي: لما كنت عندي ست سنين بابا جاب ملك البيت وهي كانت صغيره اووووي.

كانت تجلس تلك الطفلة ف السادس من عمرها تجلس بجانب والدتها وتستعد لامتحان الغد
دلال:كدا خلصنا يا نودي دخلي كتابك الأوضة وتعالي عشان تتعشي وتنامي
ندي:حاضر يا ماما..
فتح محمد باب الشقة ودخل، تركت ندي الكتب من يدها وركضت اليه بابا بابا... ولكن تفجات عندما وجدته يحمل طفله صغيره
ندي:مين دي يا بابي
محمد:اختك يا نودي
ندي:اختي!
محمد:ادخلي اوضتك يا حبيبتي
دلال:مين دي يا محمد
محمد:ممكن تتدخليها اوضه ندي وانا هقولك
دلال:ماشي
اخدت دلال منه الفتاه وذهبت الي الغرفه ووضعتها علي الفراش... وقالت متجيش جنبها يا ندي ماشي وخليكي هنا
ندي:حاضر يا ماما

خرجت دلال لمحمد وقالت فاهمني
محمد: بنتي
دلال:بنتك ازاي مش فاهمه
محمد:دلال انتي ديما كنتي بتقولي انا نفسي اردلك الجميل ودا وقته، انا عاوزك تربي البت دي زي بنتك
دلال:بس
محمد:عارف اني طلبي ليكي بايخ بس انا مضحكتش عليكي ف حاجه ولما قابلتك وكنتي محتاجه المساعد وقفت جنبك وانا دلوقتي مبقتش عارف اسافر البلد عشان ابويا... وماصدقت خدت البت من هناك وارجوكي بلاش تعرفي اي تفاصيل انا مش طالبه منك غير حاجه واحده انك تربي البنت دي ونبقي عيله
دلال: يعني انت خونتي يا محمد صح
محمد: والله غصبن عني يا دلال انا مخونتكيش ولا حاجه
دلال:انا هعمل بااصلي واردلك الجميل زي ما كتبت بنتي علي اسمك ورحمتني من اهلي هربيك بنتك وعمري ما هجيب سيره لحد... ومش عاوز اي حاجه.

مراد:يعني انتي.
ندي:ايوه اليوم دا عرفت اني مش بنت الراجل دا ولا البنت دي اختي بس متكلمتش وفضلت طول حياتي بقوله يا بابا بصراحه مشوفتش منه غير كل حاجه كويسه... وحتي محاولتش اسأل او اعرف اي السبب اللي خليها يتجوز ماما او ليه كتبني علي اسمي او مين ابويا الحقيقي.
مراد:ملك بنت زينب!
ندي:ايه.
مراد:يا ريت يطلع غلط... اطلعي الشقة وياريت متتحركيش غير لما اعرف ماشي
ندي:حاضر... انت هتيجي ولا
مراد:مش عارف بس انا لازم اروح لملك
ندي:ماشي.
مراد:خلي بالك من نفسك ومن مليكة.

ندي:حاضر... مليكة نامت اصلا.
مراد:هو أدهم يعرف الكلام دا ولا
ندي:ادهم عارف ان انا وملك مش اخوات عشان كدا نقل ملكيه الحاجه ليا لان مفيش خطر عليا ولا حد ف العيلة يعرفني، ويعرف ان زينب هي اللي ورا قتل بابا ودا اتضح لما خطفت ملك وبنت عمتها وقتلت جدها
مراد:اومال عمل فيها مصدوم ليه لما عرف انها اختك
ندى:عشان مكنش عاوز انت تظهر... وعشان هو معرفش على طول و لان هو عارف انك كنت بتعالج ملك وممكن تأثر عليها بكلامك او تتعب
مراد:بس كدا زينب تعرف أدهم لأنها اكيد ساعه المستشفى دي شوفته.

ندي:اهااا طبعا واكيد هي اللي ورا الحادثة اللي حصلت لادهم .
مراد:والله أدهم دا غريب دبس نفسه مشاكل كتير اوووي
ندي:بفضل أدهم انا وبنتك عايشين وبفضل أدهم انا بقيت واحده لها مكانتها ومحاميه كبيره.
مراد:امممممم والله طب يلا اتفضلي
ندي:وهو بيحب ملك تقربيا من ساعه من شافها فعشان كدا كان جنبها ف كل حاجه
مراد:اهااا ملك تتحب الصراحه
ندي:لا عادي مش هغير.
ابتسم مراد وقال:طب يلا اطلعي بقا.

كان نادر يبحث عن ملك ولكن لم يجدها.
نادر:هي راحت فين يا دي المصيبة وحاول الاتصال ولكن كان تليفونها مقفول.
اتصل نادر بمراد ويوسف وأخبرهم بأن ملك مش موجوده وتليفونها مقفول.
نادر:يارب استر يا رب ياترى انتي فين يا ملك

وصل يوسف الي المستشفى.
يوسف:اي اللي حصل يا نادر
نادر:انا سيبتها هنا عقبال ما طلعت مكنتش موجوده.
يوسف:نهار اسود يعني راحت فين هي دلوقتي.
نادر:مش عارف انا خايف يكون حصلها حاجه
يوسف:عمر مكنش موجود
نادر:ممكن يكون هو يعني
يوسف:تقربيا مفيش غيره.
نادر:يارب سترك هنعمل اي ف المصيبة دي بس..

وذهب مراد الي قسم الشرطة لكي يقدم بلاغ.

بدأت ملك تفيق... وجدت نفسها ف السيارة
ملك:انا فين...؟
عمر:معايا يا روحي
بدأت تتضح الرؤية اكثر... عمر.
عمر:بصي يا شاطره اسكتي احسن لان احنا علي الطريق ومحدش هيسمعك اصلا.
ملك:انت عاوزه مني اي، وبعدين احنا رايحين فين
عمر:عاوزك انتي يا ملك ... احنا ف طريق البلد... متخافيش يا حبيبتي
ملك:انت مجنون
عمر: مجنون عشان بحبك، انا بس رابط ايدك عشان متعمليش اي حاجه
ملك:انت مريض يا عمر مريض، أدهم مش هيسيبك لو عرف
عمر:وأنا بحبك يا ملك

مراد:انا بلغت بس لسه لما يعدي 24
نادر: عمر الزفت دا قافل تليفونه
يوسف:ابن ********** هو اللي وراها.
نادر:انا مش مرتاح... عدي 4 ساعات واحنا منعرفش حاجه
مراد:طب هنعمل اي
نادر:مش عارف ... المهم خلي ندي ومليكة ف الشقة وبلاش ينزلوا منها
مراد:يارب أدهم يقوم
يوسف:انا كلمت مني وقالت إن عمر مارحش البلد
مراد:زينب وسعيد فين
يوسف:مش عارف
مراد:نادر خليك انت هنا لأحسن بيكونوا بيعملوا كدا عشان يعملوا حاجه لادهم وانا ويوسف هنروح نشوف زينب وسعيد
يوسف:ماشي يلا .

دخل نادر الغرفه لادهم.
نادر:سامحني يا صاحبي معرفتش احافظ علي الأمانة، بس مكنش بمزاجي والله انا معرفش دا حصل ازاي.
فتح أدهم عينها بصعوبه.
نادر:ادهم... أدهم
أدهم:فين ملك
نادر:ملك.
بدا أدهم يفيق.
كان نادر غير مصدق ان أدهم استيقظ شعور بين الفرحة والخيبة بسبب ما حدث لملك
نادر:الحمد الله انك فوقت
أدهم:فين ملك يا نادر، أنا كنت حاسس انها موجوده من شويه
ابتلع نادر ريقه وقال:كانت هنا بس اختفيت
أدهم:ايييييييه!

نادر:ارتاح انت بس، واحنا بندور عليها متخافش
أدهم:ارتاح أزاي وانا مش عارف مكان ملك... هاتلى لبسي
نادر:يا أدهم مش هينفع انت لسه فايق هتمشي ازاي بس، حتي استني الدكتور
أدهم:بلا دكتور يلا زفت هات لبسي بسرعه .
نادر بحيره:حاضر.
أدهم: بقالها قد اي
نادر:حوالي5 ساعات بس تقربيا اللي وراها عمر لأنه هددنا وملك لطشته بالقلم ومراد ويوسف راحوا يشوفوا زينب وسعيد.
أدهم:تمام عاوزك تكلم الرجالة وتخليهم يجهزوا ويحضروا السلاح وجهز الطياره الخاصة
نادر:احنا بلغنا البوليس
أدهم:وأنا من امتي بستني البوليس يا نادر نفذ اللي قولتلك عليه.

مني:ماما ماما ملك اتخطفت
سقطت الطبق من يد سعاد وقالت يا حزني... مين اللي خطفها.
مني:يوسف كلميني وقالي
سعاد:يا دي المصيبة السودة يا رب... استني هكلم ابوكي وعمك.

قامت سعاد بالاتصال بعاصم
سعاد:الحق يا عاصم ملك مش لاقينها.
عاصم:كيف يعني راحت فين
سعاد:معرفش انا خايفه يحصلها حاجه
عاصم:اقفلي... وخلي بالك من نفسك ومن ومني وانا وعبد الرحمن هننزل القاهرة دلوق.
سعاد: طيب ابقي طميني ونبي

مني:قالك اي يا ماما
سعاد: هينزل القاهرة
مني:انا عاوزه اروح معها لازم اشوف ملك فين يا ماما انا خايفه عليها اوووي
سعاد: ابوكي مش هيرضي
مني:انا هروحله علي المصنع قبل ما يمشي وانتي روحي عند عمتي أمان من هنا.
سعاد:يا بنتي انتي هتروحي فين بس
مني: سلام يا ماما... روحي انتي عند عمتي بس.

اتصل عاصم بيوسف.
عاصم:انا هحجز واجي دلوق
يوسف:لا خليك يابابا بلاش تتعب نفسك... أدهم فاق
عاصم:يا ابني عشان ابقي معاكم
يوسف:لو احتاجت حاجه هكلمك بس المهم خلي بالك من اللي عندك ولو عمر ظهر كلميني علي طول
عاصم:هو ابن عمك ماله
يوسف:عادي... بس خلي بالك من مني وولاد عمتي..
عاصم:طيب يا ابني... بس بلغني بالأخبار
يوسف:حاضر يا بابا.

عبد الرحمن:اي يا عاصم قالك اي
عاصم:قالي خليكم انتم ولو ف حاجه عيكلمنا
عبدالرحمن:خير يارب.
عاصم بحيره:هو عمر كلمك
عبد الرحمن:لا

وصل عمر امام المنزل ونزل ملك من السيارة ودخلوا.
ملك:انت واخديني علي فين
عمر:امشي وانتي ساكته
دخل عمر وهو يسحب ملك خلفه... وكانت زينب تنظره بالداخل.
عمر:اهي.
زينب: امممم اخيرا جيبتها
عمر بقلق:ماما مش عاوزك تأذيها
زينب:متخافش يا روح تنفذ المطلوب وهسيبها... خدها ارمها ف الاوضه اللي جواه واكيد علي الرجالة مش عاوزين حد يحس بينا
عمر:البيت بقاله سنين مجهور ومحدش بيدخله.
زينب:الاحتياط واجب... ولما دخلت لقيت حرامي خليت الرجالة ربطوه ورميو جواه
عمر:ماشي.
أمسك ملك من معصمها ودخلها الغرفه وفك ايدها وقفل الباب خلفه .