رواية حب بعد إنتقام للكاتبة رحمة سيد الفصل السادس عشر
الظابط: معايا امر بالقبض عليك بتهمة قتل السيدة هايدى الزهرى
تنصدم ملك وتحس بدوخة و...
اياد بصدمة: نعممم، انا ماقتلتش حد ومستحيل اقتلها
الظابط: تقدر تقول إلى انت عايزه ف النيابة، اتفضل معانا
ويحطوا الكلابشات في اياد وملك بتعيط وهي مابتقولش غير كلمة لا مستحيل
ويمشوا واياد معاهم وقبل ما اياد يمشي معاهم لف وبص لملك و...
اياد بدموع: ملك والله صدقيني، انا ولا خنتك ولا قتلت حد والله.
ويمشوا وملك تنهاار على الارض وتبكى وبعدين تفكر وتقوم بسرعة تروح على الموبايل وتدور على رقم عمها وتدوس اتصال وتستني الرد ويرد عليها مدحت السويفي و..
مدحت: الوو ازيك يا ملك عاملة إيه؟
ملك وهي بتحاول تهدى نفسها: انا بخير يا عمي بس اياد آآ
مدحت بخوف: ماله اياد يا ملك؟
ملك بحذر: ماتقلقش يا عمي هو بخير بس آآآ البوليس جه وقبض عليه
مدحت بغضب: اييية، هما مايعرفوش هو ابن مين ولا إيه، وقبضوا عليه لية اصلاً؟!
ملك وهي تكاد تنهار مرة اخرى: بيقولوا انه آآ انه قتل هايدى الزهرى
ينصدم مدحت وهو بيفتكر الاسم دا لانه مش غريب عليه ويفتكر ع طول الاسم ويرد على ملك: انا هاجي حالاً ومعايا المحامى وانتى اجهزى هنروح ع النيابة فوراً
ملك: حاضر حاضر.
وتروح ملك تلبس وهي مش عارفة تتمالك اعصابها وتنزل وهي مستنية عمها يجي وتتصل بوالدها ووالدتها وتقولهم على إلى حصل وهما في حالة ذهوول تاامة ويجهزوا عشان يروحوا على المديرية مع ملك ومدحت.
ايمن مع سارة ف بيتهم وقاعدين بيتفرجوا على التلفزيون وفجأة يسمع المذيعة ف الاخبار وهي بتقول ( عاجل، تم القبض على ابن رجل الاعمال الشهير اياد مدحت السويفي وذلك بتهمة قتل عشيقته هايدى الزهرى )
يرن الاسم في ودن ايمن إلى اتصدم جداا و..
ايمن بصدمة: لا لا مستحيل اياد يعملها
سارة بأستغراب: مش فاهمة، مين هايدى دى اصلاً ولية مستحيل
ايمن: بعدين بعدين.
ويقوم ايمن بسرعة يلبس هدومه ويتصل بوالد اياد ويعرف عنوان القسم ويروح بسرعة ع القسم وهو قلقان جداً.
منال بصدمة وهي بتبكي: يعني إيه، انا ابني يقتل لا لا لا مستحييييل ابني مش مجرم
مدحت وهو يحاول انه يهديها ويخبط على كتفها و..
مدحت: اهدى يا منال مش وقته، احنا لازم نتصل بمحامي العيلة ونروح لاياد وهعمل كل إلى اقدر عليه عشان يطلع في اسرع وقت ممكن، بس قومى دلوقتي نلبس ونروح ناخد ملك ونروحله.
في مديرية القاهرة
امام مكتب المقدم / عصام عبدالله
ملك ومدحت ومنال ومحمد ونهلة وايمن والمحامي واقفين و..
مدحت للعسكرى: قول للمقدم عصام ان مدحت السويفي عاوز يشوفه بخصوص قضية اياد السويفي
ويدخل العسكرى للمقدم ويبلغه و..
عصام: دخله
ويخرج العسكرى يقولهم ويدخلوا للمقدم ومعاهم المحامى و..
عصام: اهلا اهلا يا مدحت بيه اتفضلوا اقعدوا، تشربوا إيه.
مدحت بغضب مكبوت: احنا مش جايين نشرب احنا عايزين نشوف اياد ومعايا المحامى بتاعه
ويقدم نفسه المحامى والكارت: صفوت المحامى، المسئول عن اياد السويفي
عصام: تمام
ويرن الجرس ويجي العسكرى
عصام بجدية: هاتلي اياد السويفي يابنى
العكسرى: تمام يا فندم
ويروح العسكرى ويجي مع اياد ويدخلوا واول ماتشوفه منال تجرى عليه تحضنه وتبكي و...
منال ببكاء: انا متأكدة انك ماعملتش حاجة يا اياد واوعدك هتخرج من هنا في اقرب وقت.
عصام: ممكن تتفضلوا عشان نفتح المحضر
وتروح منال على كرسيها تقعد واياد يقعد وهو ساكت تماماً
عصام: استاذ اياد، حضرتك على معرفة سابقة بهايدى الزهرى صح كلامى؟
اياد: ايوة بس دا مش معناه انى قتلتها.
عصام: احنا لاقينا في موبايل المجنى عليها ان رقمك اخر رقم متكلمة معاه والمكالمة دى كانت الساعة 3 الفجر بالظبط والطب الشرعي بيقول ان الجريمة حصلت يوم الخميس 3 ونص الفجر تقريبا دا غير ان احد الجيران لما حققنا معاه قال انه سمع صوت خناق من شقة المجنى عليها وبعدها شافك نازل من عندها وانت غضبان تماما.
وتنصدم ملك من كلام الظابط وتفكر لية اياد ممكن يقتل عشيقته إلى لسة من ايام بسيطة كان بيخوني معاها.
اياد بعد سكوت: انا هقول كل إلى حصل، بعد ما هايدى في يوم جاتلي البيت وقالتلي انها بعتت الفيديو إلى انا وهي كنا مع بعض فيه لملك عشان مارضتش اديها فلوس ووطلعت لاقيت ملك فعلاً شافت الفيديو وطالبة الطلاق وقررت انى مش هسكتلها وانى هنتقم منها لاني فعلا مظلوم والفيديو دا قديم جدا، حتى من قبل ما اعرف ملك وقعدت افكر ممكن اعمل إيه وقررت انى اروح لهايدى وفعلا يوم الخميس روحتلها بس مش فاكر الساعة كام بالظبط وطلعت ولاقيت باب الشقة مفتوح واستغربت اوى وفتحت الباب براحه ودخلت.
فلااش بااااك ليوم الحادثة.
اياد زق الباب براحه ودخل وهو بينادى على هايدى ووصل لحد باب الاوضة ولاقي دم وانصدم اياد ودخل بخطوات بطيئة جوا الاوضة ولاقي جثة هايدى مرمية على الارض وهي مضروبة بالنار ومدبوحة بالسكينة وكان منظرها بشع واتخض اياد من شكلها وهو مش مصدق وبقا يرجع بخطوات بطيئة لحد ما كان هيقع وسند على الكومدينو ومسح عرقه وهو لسة على حالته وبعدها طلع يجررى بسرعة وهو مش عارف يعمل إيه وهو نازل من كتر ارتباكه خبط في واحد ومشي بسرعة من غير ما يقوله حاجة.
وخرج اياد من باب العمارة وركب عربيته ومشي بسرعة
الراجل فضل مستغرب من طريقة اياد وطلع يشوف في إيه فوق وخبط على الباب بس محدش فتح ودخل ولاقي هايدى مقتولة واتصل فوراً بالبوليس وجت الشرطة.
باااااااك
اياد: والله هو دا كل إلى اعرفه حكيته
عصام بعد تفكير: تمام، بس يا اياد باشا لازم دليل على كلامك وإلا للأسف هنفضل متحفظين بيك لان كل الادلة ضدك.
هند في كليتها وبتفكر في ملك وهل ممكن فعلا اياد يخونها تاني ولا لا ويقاطع تفكيرها شادى
شادى بمرح: الجميل سرحان ف ميين!؟
هند بأبتسامة: لا ولا حد دا انا كنت بفكر ف ملك
شادى: اوكى، هند انا كنت عاوز اقولك حاجة مهمة
هند: اتفضل
شادى بتركيز: بصي يا هند ومن غير لف ودوران انا بحبك وعايز اقابل الوالد
هند بأرتباك: آآ طب انا لازم امشي
شادى: طب موافقة ولا لا عشان اكلم الحاج.
هند وهي بتلم حاجتها وتاخد شنطتها من على الترابيزة: موافقة موافقة
شادى بسعادة: ايووة بقا واخيييراً
وتمشي هند وتركب تاكسي وهي ميسوطة وبتفكر في شادى.
في المديرية
يطلب عصام العكسرى و..
عصام: رجعه الحجز يا عسكرى
ويمشي اياد مع العسكرى وهو بيبص على ملك وملك بتحاول ماتبص ف عنيه ومنال منهارة
عصام: اكتب عندك يابني، يتم التحفظ على المتهم اياد مدحت السويفي لمدة اربعة ايام على ذمة التحقيق وذلك لعدم تواجد دليل كافي لبرائته
مدحت: متشكرين يا عصام باشا، عن اذنك
ويخرجوا كلهم من عنده و...
المحامى: احنا كدة موقفنا صعب ومانقدرش نتكلم لان مافيش اي دليل معانا على برائته
مدحت: ماشي، اكييد الدليل هيتلاقي
وملك سرحانة تماما وبتفكر ويمشوا كلهم للبيت.
في ڤيلا مدحت السويفي
مدحت لملك: طبعا انتي مش هينفع تقعدى في الڤيلا لوحدك وهتقعدى معانا هنا لحد ما يخرج اياد وانا هروح اقفل الڤيلا وادى اجازة للشغالين دا لو انت موافق طبعا يا محمد
محمد: ماعنديش مانع يا مدحت
ملك: اوك يا اونكل بس هروح اجيب هدومى من هناك
مدحت: تمام
منال وهي على نفس حالتها: طب انا هطلع استريح، عن اذنكوا
وتطلع منال وهي لسة بتبكى وتطلع وراها ملك عشان تهديها.
في اوضة منال
قاعدة على السرير ولسة بتبكي وملك بتحاول تهديها وتطبطب عليها براحه وهي بتقولها..
ملك: اهدى يا طنط، انا متأكدة ان اياد برئ واكيد البوليس هيلاقي الدليل وهيخرج ان شاء الله
منال: ياارب يا ملك يااارب
ملك بتفكير: بس إلى انا مش فهماه لية اياد يقتل واحدة لسة عارفها من مدة مش طويلة وكان آآ احم معاها ف بيتها يعني و..
تقاطعها منال وهي مستغربة من كلام ملك.
منال: اياد يعرف هايدى من بدرى جداً، من اول ما دخل الكلية
ملك بصدمة: اييية، يعني دى مش مجرد واحدة كان بيقضي كام يوم معاها كعادته
منال: لا، هو اياد ماحكالكيش؟!
ملك: لا ماقاليش حاجة عنها
منال: هايدى كانت حبيبة اياد القديمة ويعتبر اول حب ف حياته وهي سبب عقدته
ملك بصدمة: اييييية يعني اياد مكنش بيخونى!
وتفتكر اياد وهو بيقولها: ملك صدقيني والله الفيديو دا قديم
وتنزل دموعها بصمت.